बनावट के अनुसार भौंहें तथा उनके फल

banavat ke anusar bhaunhen tatha unke fal  

Ank ke aur Lekh | Sambandhit Lekh | Views : 3008 |  
angreji ki kahavat hai - ‘‘ankhen atma ki khirki hain’’ arthat ankhen dil ki juban hoti hain. manvmrikhakriti vigyan men jitna mahatva ankhon ka hai utna hi mahatvapunr a sthan bhaunhon arthat bhrikuti ka bhi hai. yahan charcha ka vishay ‘‘bhauhen’ hain. bhaunhon par vichar karte samay tin baton par mukhya taur par dhyan dena chahie. jaise unki golai, lanbai aur motai. iske atirikt bhaunhon ki banavat tatha sir ke balon se tulna ka bhi vishesh dhyan rakhna mahatvapurn hai, sath hi bhaunhon ka praranbh aur ant bhi. samanya taur par ham sarl adhyayan hetu bhauhon ko nimna bhagon mane bantakar apna adhyayn kar sakte hain: 1. adarsh bhauhen: jo bhaunhen aranbh men golai lie ho, madhya bhag upr utha ho aur netron aur bhaunhon ke bich adhikatam fasla ho, ant men niche ki or tikha dhalan, ankhon se adhik lanbi, apas men mili hui na hon, bal ghane aur sir ke balon ki apeksha halka rang lie hue hon ven bhaunhe ‘adarsha’ mani jati hain. ‘adarsh bhaunhon’ vale jatak vidvan, kushal, sukhi aur saubhagyashali hote hain. 2. jharu ke saman bhaunhen: ye bhaunhen do prakar ki hoti hain. pratham ve jo aranbh men sunirmit aur ant men bikhar jati hain. dvitiya ve jo aranbh men bikhri aur ant men suvyavasthit ho jati hain. aise vyakti bina yojna banaye kam aranbh kar dete hain, tatha nuksan uthate hain. tis se chalis varshayu men arthik kasht uthate hain. 2. yadi bhaunhen atyant kali aur saghn hane to jatak krur aur akramk svabhav ka hota hai. apvad svarup kuch jatak svayan par niyantran kar lete hain. kuch vidvanon ka manna hai ki dvitiya prakar ki bhaunhon vale jatkon ki mukhakriti par yadi shubh lakshan hon to aise jatak rajnaitik ya sainik kshetra men safal ho jate hain. 3.aranbh aur ant achchi vali bhaunhen: aisi bhaunhon ke jatk kriyashil, duradarshi, paropkari aur mahatvakankshi hote hain. yadi ye bhaunhen asadharan rup se lanbi hon, upr ki or teji se tirchi jati hon to aise jatak jo kam hath men lete hain, use pura bhi karte hain. 4. asta-vyast bhaunhen: in bhaunhon ke bal idhr-udhar bikhre se rahte hain. ye bhaunhen kafi saghn hoti hain- aise jatak bhramit svabhav ke hote hain. inmen ekagrata ki kami tatha bhavavesh ki adhikta hoti hai. sharir shaktishali hote hain parantu koi labh nahin utha pate hain. chini acharyon ke matanusar inke 34 varsh ka ayu khand ashubh tatha nirashajanak hota hai. 5. trikonakar bhaunhen: ye bhauhen saghan aur trikonakar hoti hain. ye svarthi evan sahsi hote hain tatha musibton men ghabrate nahin, inki vichar shakti nirbal hoti hai. sahi salah par chalen to sukh pate hain. yadi bhaunhon ke donon chor nukile hon to jatak shighra nirnay lene men sakshama hota hai. 6. katari jaisi bhaunhen: aise jatk chalak aur krur hote hain. ye shighra nirnay lene vale hote hain. iran ke shasnadhyaksh ayatulla khomeni ki bhaunhen isi prakar ki hain. unke krur aur drirh svabhav se sabhi parichit hain. 7. chapakar bhaunhen: ye bhaunhane patli tatha golakar hoti hain. ye striyon men adhikatar hoti hain. aisi striyon men bhavna tatha kamukta ka veg itna adhik hota hai ki ye apne ap par niyantran nahin rakh pati hain. purush bhi kamasakt hote hain tatha inko histiriya evan mirgi ke daure parte hain. 8. pankh jaisi bhauhen: aise jatk chatur, yogya, chalak aur beiman hote hain. yadi bhavna pavan ho to paropkari, sahyogi bante hain. parantu malik banne ki yogyata inmen nahin hoti. yadi thuddi bhi golai lie ho to ye malik bhi ban sakte hain. 9. ankhon ke samip bhaunhen: aise log besabra, ashant aur asthir chitta vale hote hain. parantu patli bhaunhon valon ke vichar vyavasthit aur sthir hote hain. aisi hi bhauhen jarmani ke tanshah edolf hitalar ki thi. 10. unchi-nichi bhaunhen: inke jivan men ashubhta nahin ati, alabatta usmen bhavavesh hota hai. ye apni drirh ichcha shakti dvara bhavnaon par niyantran pa jate hain. 11. khare balon vali bhaunhen: yadi praranbh men hi bhaunhon ke bal sidhe khare uge hon to jatak ko apne bhai-bahnon ka sahyog nahin milta. bhanaihon ke bich men koi sthan khali bal rahit ho to bhai-bahnon ki or se nirasha hoti hai aur man ko ashanti milti hai. 12. juri hui bhaunhen: donon bhaunhen apas men mili hon to jatak shighra bura mante hain, jara-si bat par krodh, nirasha, kalpit rogon se pareshan, badle ki bhavna se grasit tatha nich prakriti ke hote hain. 35 varsha ki ayu ke bad bhagya chamkta hai. 13. choti bhaunhen: ye tunuk mijaj, asantoshi, shighra avesh men a jane vale hote hain. ye kisi ki sahayta nahin karte hain. 14. saghan bhaunhen: bhaunhon ka pratyek bal mota aur gahra kala hota hai. aise logon ka vyaktitva drirh hota hai. bhaunhen samkon hon to jatak abhimani, hathi, krodhi aur dusht hota hai. 15. patli bhaunhen: bhaunhen jitni patli hoti hain, jatak utna hi alpabhashi aur ekantapriya hota hai, vah salikedar bhi nahin hota hai. 16. nistej bhaunhen: jinke bhaunhon ka rang sir ke balon se halka hota hai ve nistej hote hain, unmen vichar shakti ka abhav hota hai. 17. challedar bhaunhen: aise jatk asthir chitt, bikhre vicharvale, rahn-sahan bhi avyavasthit evan snehhin hote hain. inke jivan ka 30 se 35ven varsh ka kal-khand ashubh faldayak hota hai. 18. niche jhuke balon vali bhaunhen ah jinke bhaunhon ke bal jhukkr ankhon par ate hain ve apripakva hote hain, sabse sanbandh kharab kar lete hain. yadi bhaunhen saghan kali hon to 35 varsha ki ayu ke bad bhagyoday hota hai. ye rajniti v sena ke kshetra men nam kamate hain. 19. jaren dikhai dene vali bhaunhen ah ye akramak pravritti ke hote hain. inmen har paristhiti ka samna karne ki kshamata hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe

fes riding visheshank  March 2016

bhavishya kathan ki mahatvapurn paddhatiyan shrashti ke prarambh se hi is dhara ke vibhinn hisson men maujud rahi hain. pratyek sabhyata men kisi n kisi rup men bhavishyavakta athva antardrashta bhut evan bhavishya ke vishay men kisi n kisi prakar se logon ko avagat karate rahe hain. bharat men bhi in vidhaon ki samriddh virasat rahi hai jahan har kal men jyotish, hastarekha shastra, ank shastra, mukhakriti vigyan adi pushpit-pallavit hote rahe hain tatha inhonne logon ke bhavishya ko akar dene men mahti bhumika ada ki hai. fyuchar samachar ke is vartaman visheshank men mukhakriti vigyan par vishesh jor diya gaya hai. is vishay par anek mahatvapurn alekh samavisht kiye gaye hain jinmen se kuch ati mahatvapurn alekh hain: nain antahkaran ke jharokhe hain, banavat ke anusar bhauhen tatha unke fal, ankhe vyaktitva ka aina, nak ki akriti svabhav evan bhavishya adi. in vishisht alekhon ke atirikt purva ki bhanti sabhi sthayi stambh maujud hain jinmen vigya jyotirvidon ke alekhon ko sthan diya gaya hai.

Subscribe

Apne vichar vyakt karein

blog comments powered by Disqus
.