प्रचेताओं को भगवान का वरदान

prachetaon ko bhagvan ka vardan  

Ank ke aur Lekh | Sambandhit Lekh | Views : 752 |  
parmhans, atmagyani v bhagvan shrikrishn ke ananya bhakt pujya gurudev shri shukdev baba ke shri charnon men virajman tattvabhilashi maharaj parikshit ne pucha - bhagvan ! apne raja prachin-barhi ke jin putron ka varnana kiya tha, un prachetaon ne rudra git ke dvara shri hari ki aradhna karke kya siddhi prapt ki aur jagat men kya-kya karyon ka sanpadan kiya tatha kis prakar parmpd ka labh prapt hua? shri shukdev baba ne kaha- rajan . ek bar yahi prashn vidur ji ne shri maitrey ji se pucha tha, to jaisa unhonne varnan kiya hai, main shravan karata hun ekagrachitt hokar karnendriya puton se pan karo. pita ke agyakari prachetaon ne samudra ke andar khare rahakar rudragrit ke jap rupi yagya aur tapasya ke dvara samast shariron ke utpadak bhagvan shri hari ko prasann kar liya. tab sanpurn karnon ke bhi karan puran purush das hajar varsh se bhi adhik tapasvi jivan ko jine vale prachetaon ke samaksh shri narayan garureji ke kandhe par baithe hue, shri ang men manohar pitanbar aur kanth men kaustubh mani se sushobhit saumya vigrah se v apni divya prabha se sab dishaon ka andhkar dur karte hue prakat ho gae. adi purush shri narayan ne bhi tapasya janit klesh ko shant karte hue sharnagt prachetaon ki or dayadrishti se niharte hue megh ke saman ganbhir vani men kaha - ‘rajputron tumhara kalyan ho ! tum sabmen paraspar bara prem hai aur snehavash tum ek hi dharma ka palan kar rahe ho. tumhare is adarsh sauhard se main bahut prasann hun. mujhse var mango. jo purush sayankal ke samay pratidin tumhara smarana karega, uska apne bhaiyon men apne hi saman prem hoga tatha samast jivon ke prati mitrata ka bhav ho jayega. jo log pratahkal aur sayankal ekagrachitt se rudragit dvara meri stuti karenge, unko main abhisht var aur shuddh buddhi pradan karunga. tum logon ne bari prasannata se apne pita ki agya shirodharya ki hai, isse tumhari kamniya kirti samast lokon men fail jayegi. tumhare ek bara hi vikhyat putra hoga. vah gunon men kisi bhi prakar brahmaji se kam nahin hoga tatha apni santan se tinon lokon ko purn kar dega. rajkumaron kandu rishi ke taponash ke lie indra ki bheji hui pramlocha apsara se ek kamlnyni kanya utpann hui thi. use chorakar vah svargalok ko chali gayi. tab vrikshon ne us kanya ko lekar pala posa. jab kanya bhukh se vyakul hokar rone lagi tab aushdhiyon ke raja chandrama ne dayavash uske munh men apni amrivarshini tarjani anguli de di. tumhare pita ne tumhen santan utpann karne ki agya di hai. atah tum shighra hi us devopam sundri kanya se vivah kar lo. tum sabhi ek hi dharm men tatpar v ek hi svabhav vale ho; isliye tumhare hi saman dharm v svabhav vali vah sundri kanya tum sabhi ki patni hogi tatha tum sabhi men uska saman anurag hoga. tum log meri kripa se das lakh divya varshon tak purn balvan rahakar anekon prakar ke parthiv va divya bhog bhogoge. ant men meri avichal bhakti se hriday ka samasta vasnarup mal dagdh ho jane par tum is lok tatha parlok ke narktulya bhogon se uparat hokar mere parmdham ko jaoge. shrishukdev ji kahte hain - rajan ! bhagvan ke darshanon se prachetaon ka rajogun-tamogun mal nasht ho chuka tha. jab unse sakal purusharthon ke ashray aur sabke param suhriday, shri hari ne is prakar kaha, tab prachetaon ne hath jorakar gadgad vani se kaha - prabho. bhakton ke klesh dur karne vale apko hamara namaskar hai. apka veg man aur vani ke veg se barhakar hai tatha apka svarup sabhi indriyon ki gati se pare hai. vastav men jagat ki utpatti, sthiti aur lay ke lie ap maya ke gunon ko svikar karke hi brahma, vishnu aur mahadev rup dharan karte hain. ap hi samast bhagvton ke prabhu vasudevnandan bhagvan shrikrishn hain, apko namaskar hai. jagdishvar ! ap moksh ka marg dikhane vale aur svayan purusharth svarup hain. ap ham par prasann hain, isse barhkr hamen aur kya chahie. bas hamara abhisht var to apki prasannata hi hai. ham apse keval yahi mangte hain ki jab tak apki maya se mohit hokar ham apne karmanusar sansar men bhraman karte rahen tab tak janma-janm men hamen apke premi bhakton ka sang prapt hota rahe. bhagavan ! apke priya sakha bhagvan shankar ke kshanabhar ke samagam se hi aj hamen apka sakshat darshan prapt hua hai. ap janm marnrup duahsadhya rog ke shreshthatam vaidya hain, atah ab hamne apka hi ashray liya hai. hamne annadi ko tyagakar dirghakal tak jal men khare rahakar tapasya ki hai, vah sab ap sarvavyapak purushottama ke santosh ka karan ho - yahi var mangte hain. ap sattvamurti bhagvan vasudev ko ham namaskar karte hain. rajan shri shukdev ji kahte hain prachetaon ke is prakar stuti karne par sharnagatavatsal shri bhagvan ne prasann hokar kaha- ‘‘tathastu’’. shrihri abhisht var dekar parmdham ko chale gaye. iske pashchat prachetaon ne samudra ke jal se bahar niklkr dekha ki sari prithvi ko unche-unche vrikshon ne dhank diya hai, yah dekhakar ve vrikshon par kupit hote hue apne mukh se prachand vayu aur agni prithvi ko vriksh, lata adi se rahit kar dene ke lie chorne lage. brahmaji ne jab yah dekha ki ve sare vrikshon ko bhasma kar rahe hain, tab ve vahan aye aur prachinabarhi ke putron ko yuktipurvak samjhakar shant kiya. fir jo kuch vriksh vahan bache the, unhonne darkr brahmaji ke kahne se vah kamlnyni kanya lakar prachetaon ko de di. prachetaon ne bhi us marisha nam ki kanya se vivah kar liya. isi ke garbh se brahmaji ke putra daksh ne, shrimhadev ki avagya ke karn apna purva sharir tyagakar janma liya. inhin daksh ne chakshush manvantara ane par, jab kalakram se purva sarga nasht ho gaya, bhagvan ki prerna se ichchanusar navin praja utpanna ki. inhen brahmaji ne prajaptiyon ke nayak ke pad par abhishikt kar srishti ki raksha ke lie niyukta kiya aur inhonne marichi adi dusre prajaptiyon ko apne-apne karya men niyukt kiya. ye karm karne men bare daksh (kushl) the, isi se inka nam ‘daksha’ hua. shrishukdev ji kahte hain- rajan . das lakh varsh bit jane par jab prachetaon ko vivek hua, tab unhen shrihri bhagvan ke vakyon ki yad ayi aur ve apni bharya marisha ko putra ke pas chorakar turant ghar se pashchim disha men samudra ke tat par jahan jajli muni ne siddhi prapta ki thi; vahin ja pahunche aur jisse ‘samast bhuton men ek hi atmatatva virajman hai’ aisa gyan hota hai, us atmavichar rup brahmasutra ka sankalp karke baith gae. unhonne pran, man, vani aur drishti ko vash men kiya tatha sharir ko nishchesht, sthir aur sidha rakhte hue asan ko jitakar chitt ko vishuddh kar brahm men lin kar diya. aisi sthiti men unhen devta aur asur donon ke hi vandniya shri nardji ne dekha aur prachetaon ke samaksh jaise hi pahunche, prachetagnon ne devarshi ko khare hokar vidhivat puja-pranamadi se santusht kar divya asan samarpit kiya. jab nardji sukhpurvak baith gae tab ve kahne lage. prachetaon ne devarshi nardji se kaha- bhagavan ! apka svagat hai, aj bare bhagya se hamen apka darshan hua. bhagvan shankar aur shrivishnubhgvan ne hamen jo updesh diya tha, use grihasthi men asakt rahne ke karn ham log bhul gaye hain. atah ap hamare hridyon men us parmarth tatva ka sakshatkar karane vale adhyatma gyan ko fir prakashit kar dijie, jisse ham sugmta se hi is dustara sansar-sagar se par ho jaen. sada-sarvada bhagvan shrikrishn ki lila-kathaon men hi raman karne vale bhagavanmay shri nardji ne kaha-rajaon ! is lok men manushya ka vahi janm, vahi karm, vahi ayu, vahi man aur vahi vani safal hai, jiske dvara sarvatm sarveshvar shrihri hi sanpurn praniyon ki priya atma hain. atah tum brahmadi samast lokpalon ke bhi adhishvar shri hari ko apne se abhinn mante hue bhajo, kyonki ve hi samast dehdhariyon ke ekmatra atma hain. bhagvan svarupanand se hi paripurna hain, unhen nirantar apni seva men rahne vali lakshmiji tatha unki ichcha karne vale narpti or devtaon ki bhi koi parvah nahin hai. itne par bhi ve apne bhakton ke to adhin hi rahte hain. aho ! aise karunasagr shri hari ko koi bhi kritagya purush thori der ke lie bhi kaise chor sakta hai. narad ji ne prachetaon ko is updesh ke sath-sath aur bhi bahut si bhagavatsanbandhi baten sunayin. iske pashchat prachetaon ko sanpurna gyan-vigyan se sanyukt kar devarshi brahmalok ko chale gae. prachetagn bhi unke mukh se sanpurn jagat ke paprupi mal ko dur karne vale bhagavat charitra sunakar bhagvan ke charan kamlon ka hi chintan karne lage aur ant men bhagavaddham ko prapta ho gae.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.