वास्तु शास्त्र में बनावट व् आकार

vastu shastra men banavat v akar  

Ank ke aur Lekh | Sambandhit Lekh | Views : 2737 |  
purva men apko manav svasthya par nakaratmak urjaon ka prabhav tatha ghar ya kisi bhi sthan par nakaratmak urja ke prabhav se kya samasyayen utpann hoti hain tatha nakaratmak urja kaun-kaun si hanai, ke bare men avagat karaya gaya hai. sath hi sath hamare vastu men feng-shui, piramid tatha yantra ka kya mahatva hai tatha mantra, tantra tatha yantra ke prayog ka vaigyanik mahatva kya hai? in vishyon par apko vaigyanik jankari purva men di gai hai. pichle ankon men apko yunivarsal tharmoskainar ke bare men bhi bataya gaya hai ki ham inka prayog kin-kin kshetron men kis prakar kar sakte hain. is lekh men usi vishay ko age badhate huye vastu ke bare men ap logon ko vistrit rup se batane ja rahe hain. vastu ka arth hai - kisi ghar ya sthan men kisi bhi vastu ka uske sahi sthan par chayan karna. vastu ka koi bhi tarika ham prayog men late hain to sabse pahle yahi dhyan rakha jata hai. is ank men apko vastu men akariya vastu kya hai, vastu purush kya hai tatha uska vastu men kya mahatva hai, se avagat karayenge. akariya vastu ham dekhte hain ki pratyek ghar, karkhana tatha avasiya sthan apne nirman men ek akar ya banavat dharan kiye hota hai. is ank men akariya vastu aur uske dishatmak kanpanashakti ki urja ki matra ke sanbandh men bataya jayega. prakriti bhi rekhagnit aur akar ka anusaran karti hai. do mahatvapurn baten jinhen yad rakhne ki avashyakta hai ve hain akar ya rekhagnit tatha disha men pratishthit urja jo ek-dusre ko prabhavit karti han. 1. ham prithvi par dekhte hain ki pratyek vastu ka ek akar hai aur uska rang bhi hota hai. prakriti men fal aur pattiyon ke vibhinn akar aur rang hote hain lekin kya ham kabhi svayan se yah prashn puchte hain ki ve kis prakar bane hain. yah prakriti ka ek chamatkar hai. sabhi chattanon v khanij lavnon men bhi akar hote hain aur kuch sfatik lain hoti hain. vaigyanik unhen kristralografi kahte hain. isilie sajiv ya nirjiv vastu kisi n kisi prakar ka akar lie rahte hain. ham kisi bhi vastu ka keval bahri akar hi dekh sakte hain lekin svabhavik rup se anvik akar se bhi sanbandhit rahte hain. manav sharir men bhi ek chupa hua akar hota hai jise ham di. en. e. kahte hain. hamare purvajon ne bhi isko 3.5 bar mude hue sanpon ke rup men pradarshit kiya hai. yahi chihn chikitsakiya pratik ke rup men prayog kiya jata hai. nirjiv vastu men bhi anu apne ek akar ko pradarshit karne ke lie andar hi andar jude rahte hain. in sabke sath inke bich ek shakti hoti hai jiske karan kisi bhi sadharan madhyam se vah apne antrik anvik shakti ya bandhan se alag nahin ho sakte. rahasya ki bat yah hai ki bahri akar ka antrik akar ke sath gahra sanbandh hota hai. 2. vibhinn prakar ki pattiyon ke akar se vibhinn prakar ke fal v ful bante hain. ek prayog karte samay hamne ful ki kuch pankhudieyan jab vah kali thi alag kar di, parinamasvarup kali ful ban kar to khili lekin vah ek svasth fal men nahin badal pai. isse yah nishkarsh nikala ja sakta hai ki urja ka asantulan akar men asamanvay evan asmanta ka karan banta hai. ghar ka rekhagnit bhi isi se sanbandhit hota hai. yadyapi yantra (jyamitiya akar) hindu v muslim paranpra men kuch santulit akar ka aisa sanbandh hai jinhen arogya ke lie prayog kiya jata hai. isse ham yah nishkarsh nikalte hain ki akar v banavat kuch shakti rakhte hain v yantra ghar ko svasth banane ki shakti rakhte hain tatha manav akar ke sath bhi unka ek sanbandh hota hai. yahan hamne sikha ki prakriti rekhagnit ka yah kirdar nibhati hai. surya ki urja iski sabhi avashyaktaon ki purti karti hai. nau trikon, nau golakar, ek chor upar ki or v ek aytakar tali men in sabka sahyog ek chamatkari yantra banata hai jo shri yantra kahlata hai. yah mahan chamatkar bhartiya rishiyon ke dvara kiya gaya hai. yantra vastu men brahmand se sanbandhit urja ko thik karne ke lie prayog men laya jata hai. vastu purush vastu shastra ke pratyek pravakta ne prayah is vastu purush ka jikra kiya hai. bharat men isko bahut hi mahatva tatha ek vishesh sthan pradan kiya gaya hai v hammen se adhikatar log isko santusht karne ke lie dharmik kriya kalap bhi karte hain. vah khule akash ki taraf apni majbut kamar ko karke sota hai jo hamare ghar ki suraksha ke lie kafi avashyak hai. iska sir uttara-purva ki taraf tatha pair dakshin-pashchim ki taraf sthapit hote hain. iska sidha hath dakshin-purva tatha bayan hath uttara-pashchim ki taraf hota hai. iska sir uttara-purva ki taraf dhalan darshata hai v iska shroni pradesh adhikatam unchai vale sthan par sthapit hota hai. hammen se adhikatar logon ko janna chahie ki vastu purush kya darshata hai. surya ki roshni purva se pashchim ki taraf jati hai v prithvi ki chunbkiya tarangen uttar se dakshin ki taraf jati hai, ka yah pratikiya pratinidhitva karta hai. jab is tarah ki do majbut shaktiyan ek dusre ke sath takrati hain to parinamasvarup shakti ki ek hi disha hoti hai jo purva-uttar se hoti hui dakshin-pashchim jo ghar men sabse uncha sthan hai vahan tak jati hai. isi urja ke bhav ko vastu purush darshata hai. surya, saurmandal ka mukhiya hone ke karan nau grah uske charane taraf ghumte hain. thik isi prakar ek anu ke nabhik kandra ke charon taraf parmanu ghumte hain. saurmandal urja pradan karta hai jo vidyut chunbkiya tarangon ke rup men prakash de rahe hain. sabhi nau grah apni alg-alag kaksha men ghumte rahte hain. unki urja bhi prithvi ke dvara li jati hai v ham un tarangon ko akashiya urja kahte hain. nyutan ne yah siddh kiya hai ki surya ki tarangon ko sat rangon men vichched kiya ja sakta hai jinhen ham indradhnushiya rang kahte hain. parimanit urja v vastu purush prithvi ki chunbkiya tarangen svabhavik rup se uttara-dakshin disha ki taraf bahti hai. usi saur urja ki vidyut chunbkiya tarangen svabhavik rup se purva-pashchim disha ki or jati hai. donon vishal sakaratmak urjaon ka lagabhag 900 par ek dusre ka takrav hota hai jisse ek parimanit urja ek disha men jagah leti hai. yah sakaratmak urja uttara-purva se dakshin-pashchim disha ki taraf bahti hai. pratikatmak vastu purush ne svayan ko is uchch sakaratmak disha men rakha hai. jab surya uday ka samay vibhinn mausam men badlta hai to pramanit shakti ke bahav men bhi thoda sa badlav hota hai. thoda sa uttar ki taraf thoda sa dakshin ki or. vastu purush bhi thoda sa uttar se dakshin ki or sarkta hai. islie hamen uttari bhaugolik v chunbkiya sthiti men vibhinnata milti hai. ye dishaen vastu shastra padhne valon ke lie mahatvapurn hai. hamne padha ki vastu purush ka sir uttara-purva tatha pair dakshin-pashchim men sthit hai tatha uske donon hath uttara-pashchim tatha dakshin-purva ki taraf ishara karte hain. islie adhikatar vastu karne vale is disha men bhari vajan rakhne ki salah nahin dete hain balki dakshin-pashchim disha men bhari vajan rakhne ki salah dete hain. thik isi prakar brahm sthan, jahan vastu purush ki nabhi hai, koi bhi dhancha nahin banana chahie. vastu shastra men shauchalay ko vastu purush ke sir ki taraf banane se tatha is or adhik vajan rakhne se bachna chahie. yahi niyam viprit disha men bhi lagu hota hai. yunivarsal tharmo skainar se donon dishaon (uttari-purva v dakshin-pashchim) ko bhari karke jab janch kiya gaya to pata chala ki hamare pahle ke likhe shastron men koi dosh nahin hai. vastu karte samay yahi dhyan rakhna chahie ki uttara-purva disha sakaratmak urja ya kanpan shakti ko lane ke lie sabse achchi disha hai. isilie yah sthan hamesha khula rahna chahie. yah sthan sabse badi takat ishvar ka pratinidhitva karta hai. uttara-purva ke kate hone ka arth hai, vastu purush ke sir ka katna jisse ghar men kai tarah ki bhayankar pareshaniyon ka samna karna padta hai. thik usi prakar saiptik taink v shauchalay bhi is disha men unke lie bahut bure parinam de sakte hain jo is ghar men rahte hain. ane vale ankon men bhi ham vastu men vaigyanik tarike se kya-kya badlav kar sakte hain tatha inka vaigyanik mahatva kya hai, inki kramik jankari denge.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.