fyuchar samachar patrika ke pichle ank men apko chakra v vyakti tatha vastu men rangon ka mahatva kya hai isse avagat karaya gaya tha, har lekh men yunivarsal tharmo skainar ke bare men apko bataya gaya hai, is ank men apko yunivarsal tharmo skainar ka prayog ham kis prakar tatha kis-kis sthan par kar sakte hain uska vivaran prastut karenge, sath hi sath ham ek aur mashin ‘harmonaijr’ jisse manav sharir ki urja ko santulit kiya jata hai uskee vishay men bhi vistar se charcha karenge. yunivarsal tharmo skainar ka avishkar dae. manyam murti ne kiya.
ye nyukliyar etomik vaigyanik rahe hain. inhin ke athak prayason ke karan hi skainar jaisi ek vaigyanik paddhati se har chij ko sabit karne vala yantra hamare pas a saka hai. prachin kal se aj tak ham ‘vastu’ dishaon ke adhar par karte hain. ab hamen ek kadam age jana hai tatha vastu ko urja ke sath sanbaddh karte hue ham isko yunivarsal tharmo skainar ki sahayta se nap sakte hanai. manav sharir bhi urja se bani hai. urja prakash ke rup men hai, prakash indradhnushiya rangon se milakar banta hai. ye prakash hi hamare jivan ko poshit karte hain aur ye urja ke rup men hamen kitna prapt hoe raha hai aur ghar men rahne vale sadasyon par iska kitna prabhav ho raha hai, iski janch ham tharmo skainar ki sahayta se kar sakte hain. is urja rupi prakash mane asantulan hone se yah hamare sharirik, mansik, arthik v parasparik sanbandhon men samasya utpann kar sakta hai.
ham yunivarsal tharmo skainar ki sahayta se ghar men kis prakar ki urja ka pravah ho raha hai, vah nakaratmak hai ya sakaratmak isse avagat ho sakte hain. ham jis ghar men rahte hain uska urja kshetra kitna hai, kya us ghar men itni sakaratmak urja pravahit hoe rahi hai jo us ghar men rahne vale sadasyon ke svasthya, arthik v parasparik sanbandhon ko thik rakh sake. us ghar men kaun se rang ki kami hai, kis vastu se nakaratmak urja pravahit hoe rahi hai, yah sab ham skainar ki sahayta seee janch kar sakte hain. hamare ghar men kaun se panchatatvon ki kami hai yah bhi ham janch kar sakte hain jaise- dakshin-purva kon kanpanashakti ka agney kon kaha jata hai arthat yahan par agni tatva ki pradhanta hai. surya se girne vali kirnon men lal aur pilee rang ki urja milakar vahan par agni tatva ki urja ko paida karti hai.
yadi hamare ghar ka yah kona kata hai to ghar men us kone men vah rang pravahit n hone ke karan agni tatva ki kami rah jati hai. in sab urjaon ki janch ham skainar ki sahayta se kar sakte hain. vyakti ke sharir ki urja ki janch bhi ham yunivarsal tharmo skainar ki sahayta se kar sakte hain ki us vyakti ke kaun-kaun se chakra uske sharir koe sahi prakar se urja pradan nahin kar rahe hain tatha uski vajah se sharir ke kaun-kaun se angon men kitni urja kam ho rahi hai, kahan par sabse kam urja hai tatha kis ang men sharirik rup see bimari ane vali hai ya a chuki hai. yah ham skainar ki sahayta see us vyakti ke bina bole bata sakte hain. yadi kisi vyakti ki janmakundli nahin hai tatha use apne janm ka samay aur tarikh bhi pata nahin hai, ab bhi ham skainar ki sahayta see us vyakti ko kis grah ki kanpanashakti ki kami hai tatha usko kaun sa ratn dharan karna chahie, janch kar sakte hain.
iske sath hi sath us ratn men kitni sakaratmak urja hai tatha vah ratn us vyakti ko 100 pratishat sakaratmak urja pradan kar raha hai ya nahin janch kar sakte hain kyonki apne sahi ratn bhi pahna hai lekin usmen 100 pratishat sakaratmak urja nahin hai tatha vah apki antrik sanrchna ke anukul bhi nahin hai to vah apko koi bhi urja pradan karne men saksham nahin hoga. skainar ki sahayta se ham ratn ki sakaratmak urja tatha us vyakti ki antrik sanrchna ke anukul urja ki janch karke de sakte hain tatha sath hi sath yah bhi nap sakte hain ki us ratn ko dharan karne ke bad us vyakti ka urja kshetra kitna barha hai. iske atirikt skainar ki sahayta se ham apni urja ki dusre vyakti ki urja ke sath kitni anukulta hai yah bhi janch kar sakte hain.
udaharan ke lie, yadi kisi larka aur larki ki shadi hone vali hai to ham skainar ki sahayta se yah bata sakte hain ki un donon ke bich kitni urjatmak anukulta hai. isi prakar yadi ap kisi ke sath koi vyapar shuru karna chahte hain ya koi bhi kam karna chahte hain to bhi ham us sathi ke sath apni urjatmak anukulta ki janch kar sakte hain ya ap apni koi tim banana chahte hain to ap apni urja ke anukul vyakti ki janch karke apne dal mane shamil kar sakte hain. ham apni kanpni ya kisi ka bhi nam rakhne se pahle us nam ki sakaratmak urja tatha uski apke nam ya apke aur apke sathi ke nam ke sath kitni urjatmak anukulta hai janch kar sakte hain.
isi prakar yadi ap koi vahan, makan ya plaet kharidna chahte hain to uske sath bhi apki urjatmak anukulta kitni hai, iska pata lagaya ja sakta hai. iska vishesh karan yah hai ki apki urjatmak anukulta apke sathi, vahan, makan adi ke sath puri 100 pratishat ati hai to apka talmel us vyakti ke sath ya us sthan ke sath bahut achcha hoga. ap donon ke bich urjatmak anukulta jitni kam hogi utni hi apko usse sanbandhit samasya ka samna karna par sakta hai. in sabke atirikt yadi koi vyakti kisi sharirik samasya se grasit hokar kisi davai ka sevan kar raha hai to vah davai apke upar kitna prabhav dal rahi hai iski janch bhi ham skainar ki sahayta se kar sakte hain.
yunivarsal tharmo skainar ka prayog egrikalchar ke kshetra men bhi bahut upyogi hai. iski sahayta se ham mitti ki sakaratmak urja kitni hai janch sakte hain tatha bij ham bone vale hain, unki sakaratmak urja ki janch kar sakte hain tatha 100 pratishat sakaratmak urja vale bij ki buai karne se fasal ki paidavar bahut achchi hogi. yadi paudhon men koi bimari and ke rup men ayi hai to unhen pahchan kar us bimari ko puri fasal men failne se rokne men saksham rahenge. yunivarsal tharmo skainar ka prayog ham kisi bhi kshetra men kar sakte hain tatha yah vaigyanik rup se pramanit bhi hai. yunivarsal tharmo skainar ke sath hi ham ek aur mashin ka prayog karte hain jo manushya ki urja ko santulit karne ka karya karti hai. iska avishkar dae manyam murti ne hi kiya hai.
isko harmonaijar kaha jata hai. is mashin ke prayog se ham vyakti ke andar jo bhi nakaratmak urja hai usko sharir se bahar nikalne ka karya karte hain tatha us vyakti ke chakra yadi purn rup se vyakti ke sharirik angon ko urja pradan nahin kar pa rahe hain, unki urja ko bhi ham harmonaijar ki sahayta se santulit karne ka karya karte hain, yadi kisi ang men koi samasya utpann ho jati hai to urjatmak rup se uska bhi upchar kiya jata hai. yadi koi bhi bimari vyakti men bij ke rup men hai jaise- kainsar, tapedik, asthama, daibitij adi to harmonaijar ki sahayta se ham usko age barhne se rok dete hain tatha usko urjatmak rup se khatm kar sakte hain.
jis prakar reki v pranik hiling ka prayog vyakti ki urja ko santulit karne men karte hain usi prakar ham harmonaijar dvara vyakti ki samast urjaon men santulan sthapit karte hain tatha nakaratmak urja ko sharir se nikalte hain tatha sakaratmak urja ko rangon ke dvara chakron aur angon ko urjit karte hain. yah ek aisa yantra hai jo har reki mastar aur pranik hiling karne vale ke pas honi chahie kyonki hiling karne vala apni samast urja ko sametakar bahut sare logon ko urja pradan kar sakta hai tatha uske svayan ki bhi suraksha ka dhyan use rakhna parta hai jisse vah nakaratmak urja ke prabhav se bacha rahe.
harmonaijar ki sahayta se ham svayan ko surakshit rakh vyakti ko puri tarah sakaratmak urja pradan kar sakte hain. t kramshah ...