हस्तरेखा विज्ञान में अंगूठे का महत्व !

hastarekha vigyan men anguthe ka mahatva !  

Views : 2342 | April 2017

jurvan santanon evan ek hi samay khand men utpann bachchon ki ek saman janmakundliyan hi bananegi, ve bachche vishva ke kisi desh men utpann huye hon, parantu kya sabhi bachchon ka jivan evan bhagya, ek saman hi hoga, uttar milega kadapi nahin. parantu dusri or kabhi-bhi do vyaktiyon, chahe ve ek hi man ki santan kyon n hon, unke hath ki rekhayen, yahan tak ki anguthe ki rekhayen kabhi bhi apas men nahin miltin. yahi vishay, is lekh ka hai. hastarekha vigyan ke anusar vishva men kinhin do vyaktiyon ke prints kisi bhi prakar se ek saman nahin ho sakte aur n hi vishva men koi do mastishk ek hi samay men ek hi prakar ke vichar-samuh ko sangrahit karne men saksham ho sakte hain. pratyek prani ki pravrittiyan, uski cheshtayen, uski vichar shakti evan uski hastarekhayen bhinna-bhinn hoti hain. nyuyark ke vidvan jaerja-viliyam benham apne ‘di lae aef saintifik haind riding’ namak granth men likhte hain-‘‘pratyek mastishk koshthak ek vidyutiya tarangon ko utpann karne ka sanyantra hai. us vidyut shakti ke dvara utpadit vaicharik tarangen hatheli ke madhya bhag par ya grafitikal sthiti men ankit ho jati hai.

vaigyanikon ne bhi yah siddh kar diya hai ki hastarekhayen, janm se lekar mrityu tak aprivartit rahti hain. manushya ka angutha ‘chaitanya-shakti’ ka pradhan kendra hai. iska sanbandh sidha mastishk se hota hai. angutha ichchashakti ka kendra mana jata hai aur vyaktitva ka pratinidhitva karta hai. hastarekha ke mahatva ke sath jyada mahatva anguthe ka mana jata hai. vaigyanikon ke anusar ‘‘anguthe ke niche sthit nari samuh se sharir men pran sanchar hota hai. ‘‘angushthamatro ravi tulya rup, sankalpahankar samanvitoyah. buddhergunenatmagunen chaiv, aragramatro hyapro'pi drishtah..’’ -shvetashvatropnishad - 5/8 prastut mantra men ‘angushthamatra’ shuddh jivatma ka vachak hai. ved mantron men shabdarth se bhavarth (gurhartha) ka mahatva jyada hai. rishi ne jivatma ko surya ke saman tatha sankalp aur ahankar se yukt kaha hai. surya pranashakti ka dyotak hai. samudrik shastra ne bhi anguthe ko tin bhagon men vibhakt kiya hai. pratham upar ka bhag-brahma, madhya vishnu tatha antim (shukra sthala) shiv se sanchalit mana hai jo ki kramshah satva, raj aur tam ke pratikatmak rup hain. ‘‘ishano bhutabhavyasya s evadya s ushvah’’ is sukshm tatva ki ekrupta akshunn hai.

bhut, bhavishya, vartaman par shasan karne vala vah param tatva jaisa aj hai vaisa kal bhi rahega. isi prakar manushya ke hath ki rekhayen ghatti-barhti evan banti-bigrti (tin mukhya ko chorkr) rahti hain. parantu anguthe par bani hui sukshma’ rekhaen aprivartanashil hain. tabhi to pratyek sarkari dastavejon, baink, adhar kard adi par ‘anguthe ki chap’ ko vishisht mahatva diya gaya hai. anguthe ka mahatva kyon? kisi vastu ki pakar anguthe ke bina sanbhav nahin, hastakshar evan likhne hetu jab kalam pakri jati hai to kalam tarjani v anguthe ke kanpan se chalti hai. tarjani anguli brihaspati ki anguli kahlati hai, jo ‘sarasvati’ ka pratinidhitva karti hui, vidya-pravah ko nirantrta pradan karti rahti hai. angutha kalam ko bagal se dabav dalakar uske sanchalan ka karya karta hai. mastishk ka sidha sanbandh anguthe ki koshikaon tak hone se mastishk ke bhavon ka spasht ankan anguthe dvara hi sanbhav hai. isi karan ‘hastakshar tatha lekhan (raiting)’ dvara manushya ki prakriti adi pata- ‘raiting visheshagya’ lagate hain. û elijabeth pi. hofmain ke anusar -rus ke medikal sansthan’ ke vaigyanik anguthe ki pariksha karke bata sakte hain ki amuk vyakti ko bhavishya men lakva hoga ya nahin? lakva hone ki sthiti men, anguthe ka aepreshan karke vahan ki shiraon ko thik kar dene se fir lakva hone ki ashanka nahin rahti.

yadi kisi ashakt rogi ka angutha dhila hokar hatheli par gir pare to uski mrityu chaibis ghante ke andar nishchit hai. is prakar angutha pran-shakti ka dyotak hai. roman log kate hue angushth vale manushya ko darpok ki sangya dete hain tatha inglish v french bhasha men aise anguthe ke lie ‘namarda’ shabd ka prayog hua hai. iske viprit anguthe ka sudirgh v pusht hona sudrirh v paripusht tarka-gyan, vivekshilta v susanskrit vyakti ki garima ko darshata hai. bhut-pret badha se pirit logon ko thik karne ke lie prayah sabse pahle unki kanishthika anguli v anguthe ko dabaya jata hai. iska vaigyanik rahasya yah hai ki kanishthika vastav men budh ki anguli hoti hai tatha chandra parvat ko bhi adhikar men liye huye hoti hai. budh buddhi ka v chandra man tatha kalpana ka karak grah hai. in donon ke dabane se vah vyakti vishesh sachesht, satark hokar apne anubhav v vicharon ko vani ke dvara shighra prakat karne ke lie badhya ho jata hai arthat hosh men a jata hai. anguthe par bani dhariyon se manushya ki janmajat bimariyon tatha apradhik pravrittiyon ka pata lagaya ja sakta hai. bangal ke pulis kamishnar richard henri ne ‘kriminolaeji’ (apradh vigyan) kshetra men bahut dilachaspi li aur jun 1897 men unhonne kalakatta men vishva ka pahla ‘fingar print byuro’ sthapit kiya. itihas: saubhagya ki bat hai ki vishva bhar men prachlit anguliyon ki chap par adharit vaigyanik prakriya ke sutrapat ka shrey bharat ko hai. is kshetra men sar henri ke guru-sab insapektar shri ajijul hak ke yogdan ko nakara nahin ja sakta. shri hak ne anguliyon ke poron par rekhaon ki golaiyon ke adhar par aise siddhanton ka avishkar kiya, jisse anguliyon ke nishanon ka vargikaran atyant saral ho gaya.

isi ke liye unhen us jamane men panch hajar rupye ka puraskar dekar ‘khan sahb’ ki upadhi di gayi thi. san 1905 men shri henri ke prayason se shri ajijul hak ko ‘skaetlaind yarda’ ke visheshagya ke rup men pratishthit kiya gaya. aj skaetlaind yard men 25,00,000 se adhik anguliyon ke nishan hain. pulis apradh shakha dvara prastut anguliyon ki rekhaon ka vargikaran, tvacha-shaktiyon, hastarekha visheshagya, jyotishiyon ke vargikaran se sarvatha bhinn hota hai. is samay vishva ka anguliyon ke nishanon ki chap ka sabse bara sangrah amrika ke ef. bi. ai. (fedaral byuro aef investigeshn) ke karyalay men hai. yahan pratidin das hajar logon ki anguliyon ke nishan sangrah hetu aj bhi liye jate hain. angushth par chihna: bhartiya rishiyon ne hajaron varsh purva akriti ke anusar inhen tin shreniyon men vibhakt kiya hai. ye hain- shankh, chakra v shukti. yadi chakra ka chihn ho to usko apne pita v pitamah ka dhan prapt hota hai. iske viprit yadi anguthe par shankh ya anya akriti ka chihn ho to use apne bap-dada ke sanchit dhan ka labh nahin hota hai. anguthe par barah rashiyon ke chihn paye jate hain, jinke dvara ham us vyakti ki janmakundli bana sakte hain. mukhyatah anguthe se anshatmak lagn bhi nikala ja sakta hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  April 2017

fyuchar samachar ke hast rekha visheshank aprail 2017 men hast rekha vigyan sambandhit vistrit jankari, vibhinn shodhaparak lekh jinmen anguthe ka mahatva, hatheli men vibhinn rogon ke lakshan, jatak naukri karega athva vyavsay tatha hastarekha se anumanit ayu adi pramukh hain. satya katha men chainnai ki rajneta shashikla ke sitare tatha vichar goshthi men hastarekha evan kundali milan ke atirikt dae. rakesh kumar sinha ka pavan sthal namak sthayi stambh men shri harihar kshetra ka varnan atyant rochak hai. vastu paramarsh men flait ka vastu vishleshan namak vishay par charcha ki gai hai. sampadkiya men yah darshaya gaya hai ki kis prakar hast rekhaon ka gyan svasthya sambandhi jankari ke lie vishesh rup se upyog men laya ja sakta hai. anya sthayi stambhon men di gai jankari bhi niyamit pathkon ke lie upayogi siddh hogi.

Subscribe


.