हस्तरेखा से कैसे जानें कि जातक नौकरी करेगा या व्यवसाय?

hastarekha se kaise janen ki jatak naukri karega ya vyavsay?  

Views : 2818 | April 2017

rojgar ke liye shubh lakshan shani rekha se tanik fasle par samanantar rekha ay ke do sadhan batati hai. atyant nikat ki samanantar rekha ko kuthar rekha kahte hain. isse jatak ke sangharsh ke samay ka pata chalta hai. chandra parvat se shani rekha nikal kar shani parvat ko jaye to dhan prapti ka sadhan naitik hota hai kintu is rekha ka vastavik labh tab hota hai jab rekha shani ke kshetra men pravesh karti hai. ek se adhik shani rekhayane hone se ay ke anek sadhan hote hain. nirdosh aur golakar jivan rekha bhi ho tatha bhari hath ho to labh nishchit hota hai. shani rekha shuruat men moti bad men patli ho to patli hone ke samay saubhagya ka uday hota hai. moti shani rekha ke samapt hone ka samay durbhagya ka ant karta hai. yadi rekha arambh se patli ho to saubhagya barhta hai. yadi shani rekha n ho aur akeli surya rekha ho to yash v pariksha adi anya prayatnane se saflta milti hai. yadi jivan rekha arambh men do bhagon men bant jaye to aranbhik kal kashtamay bad men bhagyoday hota hai. jivan rekha ke tutne ka samay rojgar parivartan ya nivas parirvatan ka hota hai. hriday rekha ke upar ke trikon adhik labhdayak hain, niche arthat mastishk rekha ki or kam labhdayak hain. yadi shani rekha aur jivan rekha dushit ho to un trikonane ka labh sangharsh ke bad praurhavastha men milta hai.

mastishk rekha tuti ho to mansik pareshaniyane ke karan rojgar men badha ati hai. yadi shani rekha mastishk rekha se nikle to bauddhik karya se labh milta hai. gahri shani rekha hriday rekha par ruke to sajhedari hanikarak hoti hai. chandra parvat ki moti prabhav rekha moti shani rekha se mile to sajhedari ya vivah ka sanbandh kashtakari hota hai. jivan rekha adhuri ho to sajhe men kasht. sajhedari karte samay sajhedar ki kanishthika ungli yadi bahut lanbi ho ya terhi ho to jama punji ko khatra hai. choti aur moti ungliyan, chote hath tatha sakht tvacha vale vyakti shram ke karyon men saflta pate hain. mastishk rekha yadi donane hathon men ek jaisi hon to parivar men jo kam chal raha hota hai usi ko apnane se labh milta hai. budh rekha achchi ho v kanishthika achchi ho to vyapar men labh milta hai. shani parvat par trikon ho to gupt vidyaane men saflta jaise- jyotish, manovigyan, mantra, yog v adhyatm adi. budh parvat par chatushkon ya trikon ho to jatak achcha vakta hota hai, use rajniti men jana chahiye. tarjani lanbi ho, guru parvat par trikon ho to vyakti saf suthri rajniti karta hai, nam pate hain, dhan ki hani karte hain. chandra parvat par trikon ho to adhyatmik kshetra men vikas hota hai. sath men madhyama lambi ho aur shani rekha thik ho to vyakti ekantvas karta hai. yadi kanishthika lanbi ho to adhyatmik kshetra unke vyapar ka sadhan hota hai.

ungliyan gathili hon to anusandhan ke karya men ruchi hoti hai. ungliyan komal hon, ganth dikhai n de to kalaon aur kalpana ke karya men safal hote hain, sath men yadi surya rekha ho to labh aur yash milta hai. lanbi ungliyan, lanbi hatheli, lachili tvacha ke jatak yojna banane tatha mastishk pradhan karyon men safal hote hain. rakshatmak mangal se prabhav rekha nikal kar surya ko jaye to rajniti men saflta milti hain. guru parvat par trishul ho to dhan-sanpatti, vahan ka sukh milta hai. hast rekhaane ke adhar par vyavsay ka chunav-

1. budh grah par tin ya tin se adhik khari rekhayen hon, bhagya rekha pahle moti tatha bad men patli hon aur mastishk aur jivan rekhayen lanbi hon to jatak ayurved ki shiksha ya medikal ki shiksha le sakta hai.

2. mastishk rekha nirdosh hokar mangal grah par jati ho, budh grah v shani grah bali hon, hath bhari hon, aise vyakti ko kanun sanbandhi ya vigyan sanbandhi shiksha leni chahiye.

3. ungliyan lanbi hone par mastishk rekha vibhajit hokar ek shakha ke chandra grah par jane, surya v chandra grah ke uttam hone, bhagya rekha ke manibandh se uday hokar shanigrah tak pahunchne, jivan rekha ke gol hone aur adhuri hone ki sthiti men mastishk rekha ke unnat hone se, gana-bajana, pashupalan v bagvani adi karyon se labh milta hai.

4. guru grah pradhan hone par surya grah, uttam jivan rekha, gol bhagya rekha ke jivan rekha se duri par hone, mastishk rekha nirdosh ya dabal hone par jatak ai.e.es. ya pi.si.esadhikari banta hai.

5. mastishk rekha ya uski shakha mangal par ho, hath sakht ya mulayam kaisa bhi ho par bhari ho, ungliyon ke adhar barabar hon aur mangal, chandrama tatha budh unnat hon to aise log kanpyutar sambandhi shiksha lete hain aur yadi koi dosh n ho to avashya safal hote hain. lambi mastishk rekha yadi chandra par jaye, chandra grah unnat ho, hriday rekha ka ant guru parvat par ho, bhagya rekha moti se patli ho, budh ki ungli thori terhi aur surya ki ungli ke upar vale parva se bari ho to aisa vyakti patrakarita men bahut safal hota hai.

6. jivan rekha gol, bhagya rekha nirdosh aur moti se patli v mastishk rekha donon or se vibhajit ho to aise jatak vibhinn vishyon men shiksha prapt karne men safal hote hain. ve gaid ya anuvadak ke rup men safal hote hain.

7. hriday v mastishk rekha nirdosh ho, hriday rekha par trikon ka akar ho v hath uttam ho to vastukla v makan nirman se sanbandhit shiksha prapt karne men safal hote hain. anya rekhayen uttam hone par jatak dhan-sampatti svayan banata hai.

8. surya grah uttam, usapar ek se adhik rekhayen evan surya ungli sidhi, budh ki ungli terhi tatha chandra aur guru uttam hone par faishan dijaining, telring se sanbandhi vishyane men jatak safal hote hain.

9. tuti shani rekha ke jatak kam badlte rahte hain. patli shani rekha mastishk rekha par ruke to galat nirnay ke karan hani. shani parvat par chatushkon ho to dhan-sanbandhi sankat samapt honge aur dhan ki prapti hogi.

10. mastishk rekha dohri ho, angutha lanba ho v piche ki taraf murta ho, ungliyan patli v choti hon, guru grah v guru ki ungli surya se lanbi ho, jivan rekha saf ho to aise vyaktiyon ki shiksha par kafi pakar hoti hai. ye bhashan dene men mahir hote hain.

11. angutha lanba ho, guru ki ungli surya ki ungli se bari ho, hriday rekha saf-suthri ho, mastishk rekha shuru v ant men vibhajit ho, chandrama utha ho, anya grah bhi thik hon aur hath bhari ho to aise vyaktiyon ki vani sammohan ka karya karti hai. inhen shiksha v bolne ki kala ka achcha gyan hota hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hastarekha visheshank  April 2017

fyuchar samachar ke hast rekha visheshank aprail 2017 men hast rekha vigyan sambandhit vistrit jankari, vibhinn shodhaparak lekh jinmen anguthe ka mahatva, hatheli men vibhinn rogon ke lakshan, jatak naukri karega athva vyavsay tatha hastarekha se anumanit ayu adi pramukh hain. satya katha men chainnai ki rajneta shashikla ke sitare tatha vichar goshthi men hastarekha evan kundali milan ke atirikt dae. rakesh kumar sinha ka pavan sthal namak sthayi stambh men shri harihar kshetra ka varnan atyant rochak hai. vastu paramarsh men flait ka vastu vishleshan namak vishay par charcha ki gai hai. sampadkiya men yah darshaya gaya hai ki kis prakar hast rekhaon ka gyan svasthya sambandhi jankari ke lie vishesh rup se upyog men laya ja sakta hai. anya sthayi stambhon men di gai jankari bhi niyamit pathkon ke lie upayogi siddh hogi.

Subscribe


.