पर्वों का धार्मिक महत्व

parvon ka dharmik mahatva  

Ank ke aur Lekh | Sambandhit Lekh | Views : 18598 |  
manushya ek samajik prani hai, jo kuch samajik bandhnon aur rishton ki sunhri dor se bandha hua hai. koi bhi vyakti apna sanpurn jivan shiksha grahan karne men, vyavsay, ghar parivar evan bachchon ke paln-poshan ityadi men hi vyatit kar deta hai. in sabmen vah itna vyast hai ki use apne liye samay hi nahin milta. in sabse kuch rahat pane tatha kuch samay harshollas ke sath, bina kisi tanav ke vyatit karne ke liye hi mukhyatah parva evan tyohar manane ka prachalan hua. isiliye samy-samay par varsharanbh se varshant tak varshaparyant koi n koi tyohar manaye jate hain. janvri-farvri men vasant panchmi, march men holi, aprail men navratra, julai agast men shiv pujan, sitanbar men rishi panchmi, hartalika tij, aktubar men shardiya navratra, karvachaith, dashhra, navanbar men dipavli tatha disanbar men bada din tatha navavarsh bhi adhunik samay men ek parva ke rup men hi manaya jane laga hai. parvon ko manane ke kai karan hain jinmen se ek mukhya karan yah bhi hai ki in vibhinn parva evan tyoharon ke madhyam se hamari sanskritik evan dharmik paranpra ki aviral dhara nirbadh gati se sadaiv pravahit hoti rahe. hinduon ke mukhya parva- holi, dipavli, raksha bandhan, dashhra, karva chaith navratra ityadi sabhi kisi n kisi dharmik manyataon se jude hain. dharmik manyata hai ki navratron ke nau dinon men devi ki vidhivat upasna karne se sadhak asht siddhi, dhan-dhanya tatha manovanchit falon ko avashya hi prapt karta hai. isi prakar dashhra-maryada purushottam shri ram ke prati samarpit shraddha ka hi ek rup hai jise burai par achchai evan asatya par satya ka pratik parva mana jata hai. ‘karva chaith’ dharmik manyata ke anusar ek patni ka apne pati ke prati prem evan samarpan pradarshit karta hai. parvon men mahaparva ‘‘dipavli’’ ka to kahna hi kya? atyant prachin kal se dipavli ko ‘panchaparva’ ke rup men manane ki pratha rahi hai. aisi dharmik manyata hai ki bhagvan shri ram ne navratron men devi shakti svarupa bhagvti ki atut aradhna ki aur fir ravan se yuddh kiya jismen unhen vijay shri ki prapti hui, aur tabhi se dashmi tithi ko ‘dashhra’ ke rup men manaya jane laga aur fir jab bhagvan shri ram ayodhya vapas aye to unke svagat men ayodhya vasiyon ne dip prajjvalit kiye, jo aj dipavli ke rup men ham manate a rahe hain. dipavli ke panchane dinon ka apna alg-alag dharmik evan pauranik mahatva hai. pratham divas ko ‘dhan ters’ ke nam se jana jata hai. kartik mas, krishn paksh, trayodshi tithi ko ‘dhanvantari jayanti’ evan ‘dhan trayodshi’ donon hi parva manane ka vidhan hai. is din vaidyaraj dhanvantari evan yamraj ke nimitt dipdan karne se rog evan akal mrityu ka bhay nahin rahta. dipavli ke dusre din - (kartik krishn paksh chaturdashi) ko ‘narak chaturdashi athva rup chaturdashi’ ke rup men manaya jata hai. is din kuber ki puja karne se dhan, samriddhi evan khushhali prapt hoti hai. kartik mas, krishn paksh amavasya ko dipavli ka parva bade harshollas ke sath manaya jata hai. is ratri ko tyohar nishith kal’ mahakalratri adi bhi kaha jata hai. is rat ganesh lakshmi ka pujan karne se dhan samriddhi ki vriddhi to hoti hai sath hi aisi dharmik manyata hai ki is ardharatri men shakti pujan karne se sabhi tantrik siddhiyon ki prapti bhi badi sahjta se ho jati hai. dipavli ka chaturth divs: govardhan puja bhi apna vishesh dharmik mahatva rakhta hai. kartik shukla paksh ki pratipda tithi ko annakut athva govardhan puja ka parva manaya jata hai. isi din pashudhan ki puja karne se tatha chitragupt ji ki puja karne se vividh dhan evan ay ki prapti hoti hai. dipavli ke antim din- kartik shukla paksh dvitiya ko ‘yam ddhitiya’ athva ‘bhai duj’ ke rup men manate hain. bhai-bahan ke pyar ka pratik yah parva apna alag hi dharmik mahatva rakhta hai. dharmik manyata hai ki yadi is din bhai bahan ek sath yamuna nadi men snan pujan karen to bhai ko dirghayu tatha bahan ko saubhagya ki prapti hoti hai. dharmik manyata ke anusar holi parva ka bhi apna alag hi mahatvapurn sthan hai. is parva ko bhi ishvar ke prati atut astha evan vishvas tatha burai par achchai ke pratik ke rup men mana jata hai. isi prakar anya sabhi dharmon ke vibhinn parva un vishesh dharmon ki dharmik manyataon ko hi parilakshit karte hain. in sabhi parvon ka dharmik mahatva to hai hi sath hi vaigyanik evan manovaigyanik drishti se bhi inki upyogita kuch kam nahin hai. vishesh parva athva tyoharon par apna saf suthra evan susajjit ghar dekhakar hamara tan-man bhi pulkit ho jata hai. svachch nirmal man se svasth evan sugandhit vatavaran men ki gai puja-upasna bhi purn safal hoti hai. aise nirmal vatavaran men jab ham ishvar ke sath ekakar hone ka prayatn karte hain to hamen anubhav hota hai ki kisi sima tak ham ishvar ka darshan bhi kar pa rahe hain kyonki yadi hamara tan-man prafullit evan anandit hai to yah bhi ek prakar se ham par ishvar ka ashirvad hi hai. inhin parva evan tyoharon ke karan ham apne priya janon, mitron evan rishtedaron se milakar kuch samay ke liye sabhi tanavon ko bhulakar apna sukh-dukh bant lete hain tatha apnon ke prem evan sneh jal se abhishikt hokar anandit evan ainadit ho jate hain aur ek bar punah nav chetna evan sharirik urja ka anubhav karte hain jo hamen varshaparyant prasann v svasth banaye rakhte hain. atah yah sunishchit hai ki vividh parva evan vibhinn tyohar hamare jivan men samajik, dharmik, vaigyanik evan manovaigyanik sabhi drishtiyon se atyant mahatvapurn sthan rakhte hain aur hamen hamari dharmik paranpra evan sanskriti se jode rakhne men mahatvapurn bhumika nibhate hain.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.