पर्व व्रत प्रश्नोत्तरी

parva vrat prashnottari  

Views : 12340 | December 2013
hamare dharmashastron men vrat kisko kaise karna chahie, is bare men vistrit jankari di gai hai. kisi parva par vrat ka vishesh mahatva bataya gaya hai kyonki us din vrat karne se kai guna fal prapt hote hain. har vrat ka vishesh labh hota hai v kashton se chutkara milta hai. dharmashastra kya kahte hain, aie janen -

parva kise kahte hai:

devtaon ke avirbhav, avtar tatha kisi vishesh dharmik ghatna se sambaddh tithiyan evan surya sankranti, grahan, purnima, amavasya adi tithiyane ko parva kahte hain. dharmashastrakaron dvara parvakal men vrat, dan, jap, yagya, snanadi ka vishesh mahatva bataya gaya hai.

vrat kise kahte hai

pavitracharan evan atmasanyam ko hi vrat kahte hain. sadharan bhasha men bhojan ke rup men jivha par niyantran ko vrat kahte hain. ye char prakar ke hote hain -

upvas: var ke pure kal men (suryaeday se agle suryoday tak) kuch bhi n khana-pina.

ek nakta: din men keval ek bar hi madhyahn ke samay annagrahan karna.

nakta: din men keval ek bar hi pradosh ke samay bhojan karna.

ayachit: din men keval ek bar bina mange dusre dvara diya ann grahan karna.

karmakal kya hota hai

jis kal men dan, snan, jap athva pujadi ka vidhan likha hai use karmakal kahte hain. jaise ganesh puja ganesh chaturthi ko chandroday ke samay karni chahie. atah karmakal chandroday kal hua. pramukh karmakal nimn hain -

1. pratah kal 2. saganv kal 3. madhyahn kal 4. aprahn kal 5. sayahn kal 6. pradosh kal 7. arunoday kal 8. nishith kal 9. suryoday kal 10. suryast kal 11. chandroday kal

vrati ke lie niyam: vrati ko dusre ka ann, dobara bhojan, kai bar jalpan, dhumrapan, pan ya tambaku sevan, mans madira, masur, ninbu adi varjit hain. sath hi din men shayan, tel malish, vyayam, ishrya, krodh, lobh, jhuth, chori adi ka sarvatha tyag karna chahie. kshama, satya, daya, dan, devpuja adi satkarm vrat ke vishesh ang hain. aushdhi va guru ki anumti se sevit padarth se vrat bhang nahin hota.

vrat men pratinidhi:

rog athva kisi karanavash yadi vyakti svayan vrat n kar sake to vah apne pratinidhi - patni, putra, bhrata, mata, bahan, pita, mata, pati, purohit, mitra, shishya adi dvara bhi vrat karva sakta hai. vrat ke madhya jvar, rajodarshan, sutak ya patak a pare to vrat svayan karen lekin archanadi, dipdanadi dusre se karvaen.

grihasthi ke lie varjit vrat:

ravivar, sankranti, krishn paksh ki ekadshi aur surya-chandra grahan ke din ka vrat grihasthi ko nahin karna chahie- aisa dharmashastra kahte hain.

upvas men asamathrya:

yadi asvasthata, vriddhavastha ya balyavastha ke karan pure din ka upvas karna sanbhv n ho to ekabhakt, nakt ya ayachit vrat karna chahie. lekin vrati ko bhukh ka keval tritiyansh bhojan hi karna chahie. purn bhojan dusre din parna men hi kiya jayega. ismen bhi falahar (fal, dudh, savan, bathu adi ka bhojn) hi karna chahie, annahar nahin.

striyon ko vrat ka adhikar:

dharmashastra stri ko pati ki agya bina vrat karne ka adhikar nahin dete. pati ki seva evan mansik, vachik evan kayik sanyam dvara hi use vrat ka fal mil jata hai.

patirupo hitacharaiah manovakkaysanymaiah. vratairaradhyate stribhiah vasudevo dayanidhiah..

skandapuran..

rajasvala ka vrat:

rajasvala ko vrat nahin karna chahie. jap-pathadi svayan karte hue vratdev ki pujarchana pratinidhi se karvani chahie. 5ven din snanadi se nivriÿa hokar use vratdev puja, brahman bhojan v danadi karna chahie. yadi vrataranbh pashchat rajasvala ho to vrat tyag nahin karna chahie lekin pujarchana pratinidhi se karvani chahie.

sutk-patak men vrat:

sutak (bachche ke janma) par aur patak (parivar men mrityu) par vrat nahin rakhna chahie. yadi vrat ke aranbh ke pashchat sutak ya patak a pare to vrat ka tyag nahin karna chahie lekin pujarchana svayan nahin karni chahie.

vrat men bhakshya-abhakshya:

vrati ko sthaniya paranpra anusar hi bhakshya-abhakshya ka nirnay karna chahie. vrati ke lie dudh - fal evan shyamak (savan) nivar, til, sendha namak bhakshya hain. go-dudh ke atirikt dudh, masur, jambir, sirka, mans, baingan, petha, matar, dvidal dalen tatha kansyapatra ka prayog evan parann vrat men varjit hain.

vrat-grahan sannipat:

vrat vale din yadi grahan par jae to koi dosh nahin hai kyonki grahan ke sutak ya grahan ke samay sabhi puja-archana ki ja sakti hanai. lekin yadi vrat ke paran vale din grahan par jae to grahan samapt hone par hi agle din pratah snan dhyan kar parna karni chahie.

vrat ka udyapn:

kuch vraton ka udyapan nimn kal pashchat hi karna chahie.

vrat udyapnkal vrat udyapnkal
rambhavrat 5 varsh pashchat nrisinh chaturdashi 14 varsha
pradosh vrat 1 varsh anant chaturdashi 14 varsha
somvti ama. vrat 12 varsh athva 1 varsh shivratri vrat 14 varsha
sankasht chaturthi 21 varsh mahalakshmi vrat 16 varsha
rishi panchmi 7 varsh ekadshi vrat 80 varsh ki ayu pashchat

anya vraton ka kam se kam 1 varsh paryant hi udyapan karna chahie. vrat pashchat parna vale din udyapan ka sankalpa karen. tatpashchat vratdev pratima ko visarjit karen. dusri vratdev pratima ke sath brahman bhoj karakar shayya dan karen. vrat udyapan ke bad bhi vrat tithi vale din sanympurvak acharan karen.

vrat sannipat (do vratane ka mishran):

yadi ek hi din do vrat par jaen to jo karm, anushthan svayan kar sakte hain unhen khud karen, anya kisi pratinidhi se karvaen. yadi kisi vrat ki parna ke din dusra vrat a pare to bhojan ko sunghakar chor dena chahie. bina parna ke vrat sampann nahin hota hai.

vrat bhang ka prayashchit:

yadi kisi karan vrat bhang ho jata hai ya krodh, lobh adi ke udveg se vrat bhang hota hai to prayashchit ke lie 3 din anashan karna chahie ya sir mundavana chahie.

vrat-shraddh sannipat:

vrat ke din shraddh a pare to tarpan, pind danadi karke brahman bhojan karakar shraddh ke lie pakae padarthon ko sanughakar gay ko khila den. shraddh ke lie pakae padarthon ka sevan pitar tripti ke lie avashyak hai. sunghakar vrat bhang nahin hota aur bhojan grahan bhi ho jata hai.

parna:

vrat ke ant men kiya jane vala bhojan ‘parna’ kahlata hai. iske bina vrat purn nahin hota. vrat din se dusre din purvahn men parna ki jati hai. yadi parna ke din dusra vrat a pare to jal ya bhojan ko sunghakar hi parna karni chahie. parna men fal, dudh, shakahar hi grahan karna chahie, annahar nahin. parann grahan nahin karna chahie.

puja path men pushp ka kya mahatva hai?

puja men pushp ka bara mahatva hai. puja ka arth hi pushp arpit karna hai. pushparpan ek pratik hai ki jis tarah koi ful apni sari pankhuriyon ko kholakar viksit hota, muskarata hai, usi tarah sadhak ka hriday bhi apne ish ke samaksh khul jae. ek pratik yah bhi hai ki jis tarah nan prakar ke ful prakriti men hanste muskarate hain, usi tarah ishvar hamare jivan ko rang, mahak aur khushiyon se bhar den.

kya murtiyon men devi devta ka vas hota hai?

puja ke samay ham ishvar ka avahan karte hain taki ve hamare samip rahen. islie jab kisi murti men kisi devi ya devta vishesh ka avahan kiya jata hai tab usmen us devi ya devta ka vas ho jata hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe


.