होली

holi  

Ank ke aur Lekh | Sambandhit Lekh | Views : 2268 |  
rang dalo aisa dalo, jisse ek umar rang jaye. in pani vale rangon se kya hota hai.. brahmano'sya mukhmasidbahu rajanyah kritah. uru tadasya yadvaishyah padbhyashudro ajayat.. athva purushasya mukhan brahm kshatrametasya bahvah. urvorveshyo bhagvtah padbhyanshudro'bhyajayat.. virat purush ke mukh se brahman, bhujaon se kshatriya, janghon se vaishya aur pairon se shudron ki utpatti hui hai. inke nam se hi char varnon (brahman, kshatriya, vaishya, shudra) ki pradhanta hai aur inke char hi mukhya tyohar kramshah rakshabandhan, dashhra (vijyadshmi) dipavli v holi hain. chunki charon varnon ki utpatti virat ke ek sharir se hai. pratyek manav ke sharir men charon varn nihit hain atah mul rup se yah kahna sarvatha galat hoga ki amuk tyohar amuk varn se sanbandhit hai. han aisa sanbhav hai ki amuk varn ke lie amuk tyohar ki vishesh pradhanta ho. parantu sanpurn tyoharon men holi ka tyohar sarvashreshth hai. vichar kijie makan men ninv (adhar) ka hi mahattva hai. usi prakar sharir rupi ghar ke lie pair hi adhar hain, stanbh hain. sab dharmon ki siddhi ka mul seva hai, seva kie bina koi bhi dharm siddh nahin hota. atah mulbhut seva hi jiska dharm hai, vah shudra sab varno se mahan hai. jab shudra sab varnon se mahan hai to fir uske lie nirdharit holi ka tyohar bhi sarvashreshth ho jata hai. brahman ka dharm moksh ke lie, kshatriya ka dharm bhogne ke lie, vaishya ka dharm arth ke lie aur shudra ka dharm, dharm ke lie hai; atah iski vritti se hi bhagvan prasann ho jate hain. svayan bhagvan shrikrishn ne dvarikavasiyon, brajvasiyon, apni raniyon, patraniyon v alhavadini shakti radha ke sath holi ka utsav manaya hai. svayan devta bhi is anand men piche nahin rahe. bhagvan shankar ne to shmashan ki rakh se hi holi khelakar apne ko kritkritya kiya. holi ka parva falgun shukla paksh purnima ko prativarsh manaya jata hai. yah do bhagon men vibhakt hai. purnima ko holi ka pujan v holika dahan tatha falgun krishn pratipda ko rang, gulal tatha kichad adi se holi hoti hai. purnima ka vrat bhi kiya jata hai. holi, holika dahan nirnay pradosh vyapini grahya paurnima falguni sada. tasyan bhadramukhan tvaktva pujya hola nishamukhe.. iti nard-vachnat pradoshavyapinityuktam. sada falgun mas ki paurnima ko pradoshavyapini grahan karen. usmen bhadra ke mukh ko tyagakar nishamukh men holi ka pujan karen. is narad ke vachan se pradosh vyapini grahan karen. hemadrau madan ratne ch bhavishye asyan nishgme parth sanrakshyaah shishvo grahe. gomyenoplipte ch sachtushke grihangne.. ityadina tatraiv tadvi dhanachch. taneyan purva viddhashravni durg navmi durva chaiv hutashni. purva viddhaiv kartavya shivratrirvalerdinam. iti brihadyamabrahmavaivartoktashch. dinadvaye pradosh vyaptau paraiv. hemadri tatha madanaratn men bhi bhavishya puran ka vachan hai ki - he parth is purnima men ratri ke ane par gomay se kie hue chaikor grihangan (ghar ke chaik) men balkon ki raksha karen. ityadi se vahan par uska vidhan kaha hai. isse yah purva viddha (arthat- purva din hi pradoshkal men prapt hone par) grahan karen- shravni, durganvmi, durgashtami, hutashni (holi), shivratri adi sab purva viddha hi karna chahie. yah brihadyam aur brahmavaivart puran men kaha gaya hai. donon din pradosh kal men prapt ho to dusri hi grahan karen. sayahre holikan kuryat purvahne kridnan gavam-nirnayamrit ke anusar sayahn men holika karen aur purvahn men gauon ki krida karan. jyotirnibandhe tu- pratipadbhutabhadrasu ya'rchita holika diva. sanvatsaran ch tadrashtran puran dahti sadbhutam.. jyotirnibandh men kaha hai ki - pratipda, chaturdashi aur bhadra men jo holika ko din men pujit karta hai vah ek varsh tak us desh (rashtra) ko aur nagar ko ashcharya se dahan karta hai. pratham din pradosh ke samay bhadra ho aur dusre din suryast se pahle purnima samapt hoti ho to bhadra ke samapt hone ki pratiksha karke suryoday hone se purva holi ka dahan karna chahie. (chandra prakash) yadi pahle din pradosh n ho to bhi ratri bhar bhadra rahe (suryoday hone se pahle n utre) aur dusre din suryast se pahle hi purnima samapt hoti ho to aise avasar men pahle din bhadra ho to bhi uske puchch men holika dipan kar dena chahie. (bhavishyottar v lalla) . yadi pahle din ratri bhar bhadra rahe aur dusre din pradosh ke samay purnima ka uttararddh maujud bhi ho to bhi us samay yadi chandragrahan ho to aise avasar men pahle din bhadra ho tab bhi suryast ke piche holi jala deni chahie. (muhurt chintamni) yadi dusre din pradosh ke samay purnima ho aur bhadra usse pahle utrne vali ho, kintu chandragrahan ho to uske shuddh hone ke piche snan danadi karke holika dahan karna chahie. (smriti kaustubh) yadi falgun do hon (malmas ho) to shuddh mas (dusre falgun) ki purnima ko holika dahan karna chahie. (dharmasar) hutashni malmase n bhavti. holi pujan vichar holi ka pujnotsav rahasyapurn hai. ismen holi, dhundha, prind to mukhya hain hin, iske alava is din ‘navanneshti’ yagya bhi sanpann hota hai. isi paranpra se ‘dharmadhvaj’ rajaon ke yahan maghi purnima ke prabhat men shur, samant aur sabhya manushya gaje-baje v lavajme sahit nagar se bahar van men jakar shakha sahit vriksh late hain aur usko gandh akshatadi se puja kar nagar ya ganv se bahar pashchim disha men aropit karke sthit kar dete hain. janta men yah holi dand (holi ka danda) ya prind ke nam se prasiddh hota hai. yadi ise ‘navanneshti’ ka yagyastanbh mana jay to nirarthak nahin hoga. vrati ko chahie ki vah falgun shukla purnima ko pratah snanadi ke anantar ‘mam balak balkadibhiah sah sukhshantipraptyarthan holika vratan karishye.’ se sankalp karke kashthakhand ke khang banvakar balkon ko de tatha unko utsah sainik banaye. ve niahshank hokar khelkud karen aur paraspar hansen. iske atirikt holika ke dahan sthan ko jal chidak kar shuddh karke usmen sukha kashth, sukhe uple aur sukhe kante adi ka sthapan kare. punah sayankal ke samay prasann man se sanpurn purvasiyon evan gaje-baje ke sath holi ke samip jakar shubhasan par purva ya uttar mukh hokar baithane aur ‘‘mam sakutumbasya saprivarasya puragramasthajanapadasahitasya va sarvapachchanti prashmnpurvak sakal shubhafalapraptyarth dundhapritikamnya holikapujnan karishye.’’ yah sankalp karke purnima prapt hone par achut ya sutika ke ghar se balkon dvara agni mangvakar holi ko diptiman kare aur chaitanya hone par gandh akshatapushpadi se shodshopchar pujan karke ‘‘asrikpabhysantrastraiah kritva tvan holi balishaiah. atastvan pujyishyami bhute bhutiprada bhav..’’ is mantra se tin pradakshina ya prarthana karke aghrya de tatha lokaprasiddh holidand ya shastriya ‘yagyastambha’ ko shital jal se abhishikt karke use ekant men rakh den. uprant ghar se lae hue kheda, khanda aur varkuliya adi ko holi men dalakar jau, gehun ki bal aur chane ke holon ko holi ki jvala se senke aur yagya siddh navann tatha holi ki agni tatha bhasm lekar ghar aye. vahan akar vas sthan ke prangan men gobar se chaika lagakar annadi ka sthapan kar use avasar par kashth ke khangon ko sparsh karke balakagan hasya sahit shabd uchcharen. balkon ka ratri ane par sanrakshan kiya jaye aur gud ke bane hue pakvann (pua-pudi) unko khane ko den. is prakar karne se dhundha ke dosh shant ho jate hain aur holi ke utsav men abhutpurva sukh shanti hoti hai. holi ki prasangik katha prinad daityaraj hiranyakshipu ka putra tha. balyavastha se hi bhagvan vishnu ka param bhakt tha. hiranyakshipu ghor tapasya kar brahmaji se divya vardan prapt kar unka durupyog karne laga. indrasan par bhi apna adhikar kar liya tatha apne bhai hiranyaksh ke vadhakatrta bhagvan vishnu se vishesh vidvesh karne laga. sanbhvtah isi pratikriya svarup uske putra prinad men vishnu (krishna) ke prati bhakti bhavna devarshi narad ji ki kripa se jagrit ho gayi thi. ek bar hiranyakshipu ne apne putra ki shiksha ke sanbandh men janne ka prayas kiya to putra ki bhakti bhavna ka gyan hua. is par krodhit hokar prind ko god se niche jamin par patak diya tatha yatnaon ka pahad hi prind par tut pada. prinad ke marmasthanon ko shulon se bhidvaya, bade-bade matvale hathiyon se kuchlvaya, vishadhar nagon se dansvaya, purohiton se kritya rakshasi utpann karayi, pahad ki choti se niche fikva diya, shanbrasur se anekon prakar ki maya ka prayog karvaya, andheri kothriyon men band karaya, vish pilaya, bhojan band kar diya, barfili jagah, dahkti hui ag, aur samudra men bari-bari se dalvaya, andhi men chod diya, parvat ke niche daba diya, svayan hirnkshipu ki bahin holika prind ko godi men lekar ag men baith gayi parantu bhagavat kripa se jo dupatta holika ko brahmaji se prapt hua tha. vahi dupatta bhakt prind ke sharir par vayudev ki kripa se a pada v holika ki shakti jo dupatte men nihit thi, chale jane ke karan dagdh ho gayi. bhakt prind hari nam smaran karte hue sakushal agni se bahar nikal ae. punah hirnkshipu ka vadh bhagvan nrisinh ke dvara ho gaya. isi punit avasar par navin dhanya (jau, gehun, chane) ki khetiyan pakakar taiyar ho gayin aur manav samaj men un dhanyon ko upyog men lene ka prayojan bhi upasthit ho gaya. kintu dharmapran hindu bhagvan yagyaeshvar ko arpan kie bina navin ann ko upyog men nahin le sake, atah falgun shukla parnima ko samidhasvarup uple adi ko ekatrit karke usmen yagya ki vidhi se agni ka sthapan, pratishtha, prajjvalan v pujan karke vividh rakshoghn mantron se yav godhumadi ke charu svarup balon ki ahuti di aur hutshesh dhanya ko ghar lakar pratishthit kiya. usi se pranon ka poshan hokar sabhi prani hrishta-pusht aur balishth hue aur holi ke rup men navanneshti yagya ko sanpann kiya. tabhi se holi pujan ki yah paranpra manav samaj men viksit ho gayi. ise vasant ritu ke agaman men kiya gaya mahayagya bhi mante hain. lok paranpra ke anusar navvivahita stri ko pratham bar sasural ki jalti holi nahin dekhni chahie. pratipda ka bhavya holi utsav holi ke agle din chaitra krishn pratipda ko sabhi balk-vriddha-nara-nari bhanti-bhanti ki pichkariyon aur anek prakar ke rang-gulal adi se ek dusre se holi ka khel khelte hain. vibhinn prakar ke rangon se chehre ko pot dete hain. gramin kshetron men to nali ki gandi kichad, gaddhon men bhare hue pani se hi ek dusre ko sarabor karte hain. sal bhar ki ishrya v dvesh bhavna man se mit jati hai. ashlil galiyan adi bhi ek dusre ko dete hain. bade-budhon ka charan sparsh karke ashirvad lete hain. sath ke bhai apas men gale milte hain. brajmandal men to yah utsav pure falgun mas hi manaya jata hai. holi se purva navmi-dashmi-ekadshi ko barsana-nandganv-vrindavan men latthamar holi v rang ki holi apne ap men divya hai, jise dekhne bharatavarsh ke kone-kone se tatha videshon se bhi bhakt kafi sankhya men ate hain. bade jor-jor se holi git, v rasiya gate hain, uchlte-kudte aur fandte hain. holi git gane, hansne tatha nirbhik niahsankoch bolne ka ayurvedik mahatva hai. gane ka gale se sanbandh hone ke karan gale ki puri kasarat ho jati hai; parinamasvarup kaf dab jata hai. abir gulab ke gale men jane se fefde tatha gale men ruki kaf saf ho jati hai.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.