छठ पर्व की अलौकिकता

chath parva ki alaukikta  

Ank ke aur Lekh | Sambandhit Lekh | Views : 1220 |  
bharatavarsh parvon ka desh hai. iske vibhinn bhagon man vibhinn prakar ke parva alg-alag dhang se manaye jate hain. isse jivan men sfurti aur astha ka sanchar hota hai to man aur sharir ki pavitrata ka abhyas bhi hota hai. bhagvan bhaskar pratyek charachar ke lie jivni shakti ke kandra hain. surya hi hamen sharir sukh pradan karte hain. jyotish men surya atma ka karak bhi hai. isi bhagvan surya ki upasna ka parva pavitra chath parva ya dala chath ka parva hai. yah desh ke anya hisson men bhi nyunadhik rup se manaya jata hai parantu bihar, jharkhand, purvi, urapradesh men yah parva bade star par aur badi dhum-dham se manaya jata hai. yah in kshetron ka ek lokapriya parva hai. is bar chath parva kshayavati shashthi tithi 8 navanbar shukravar ko sandhya samay astachal surya ko aghrya diya jayega aur ratri pashchat shanivar 9 navanbar ko udyman surya ko pratah ka aghrya dekar parva ki samapti ki jayegi. yadyapi yah parva matra do dinon ka lagta hai parantu parva ka vastavik praranbh astachal surya ke aghrya se do din pahle hi ho jata hai. kartik shukla paksh ki chaturthi tithi ko ‘‘nahay-khay’’ ke sath parva ka praranbh ho jata hai. yah parva samanyatah mahilaon dvara kiya jata hai. parivar ki mahila jo parva karti hai us ‘‘nahay khay’’ ke din bartanon ko shuddhata se dho-manjakar snanadi ke bad apna bhojan banati hai. ismen us din kaddu aur bhat khane ka vishesh mahatva hai. fir agle din arthat kartik shukla paksh panchmi ko ‘‘kharna’’ ka din hota hai. is parva men mansa, vacha, karmana se pavitrata ka bada mahatva hai. kharna ke din khir, pudi banai jati hain. sandhya samay khir, pudi, mishtanna aur kela ko apne ghar men gosain (kul devta) ke age rakhakar fir dip jalakar man se parivar ke kalyan ki kamna ki jati hai. ghar ke dusre log bhi hath-pair dhokar us sthan par jakar pranam karte hain. fir parivar ke log us samagri ko prasad ke rup men grahan karte hain. is din apne ishta-mitra evan sanbandhi ko bhi kharna ka prasad khane ke lie apne yahan amantrit karte hain. parva se pahle hi gehun ko chun-bichakar aur dhokar sukha liya jata hai. ise pavitratapurvak janta (ata pisne ki gharelu chakki) men pis liya jata hai. parantu adhnikta ke karan janta ka prachalan kam ho gaya hai. atah log ata mil se bhi gehun ko pisva lete hain. parantu chath parva ka gehun pisne ke lie kai atamil bhi kharna ke din apne atamil ko dhokar, saf-suthra kar sirf parva ka gehun hi piste hain. aise atamil men hi parva ka gehun log le jate hain. yah parva nadi ke ghaton, talabon ke kinare ya fir ajakal log apne angan, gharon ki chat par bhi kar lete hain. sandhya samay surya ko aghrya dene ke lie thekua, khajur, pirukiya banaye jate hain. sath hi nariyal, ikh, alua, suthni evan anya mausmi fal bhi aghrya ke sup men rakhe jate hain. sup ke sthan par log pital, tanbe ki thali/sup bhi rakhte hain. puja ke lie arti ka pat, dhup, dip aur baddhi (gale men pahnne ke lie bana hua rangin dhaga) adi ka bhi prabandh rahta hai. sup ki sankhya ekadhik hoti hai. iska niyam yah hai ki parivar ke jin-jin sadasya ke lie manokamna mana jata hai uske hisab se supon ki sankhya hoti hai. ek bar parva shuru karne par pratyek varsh karne ki paranpra hai. jiske lie sup lagaya jata hai agar uska dehant ho gaya ho to fir ek sup kam kar diya jata hai. parva karne vali mahila pure shashthi tithi se pavitratapurvak nirahar rahti hai aur vah pratah udyman surya ko aghrya pradan karne ke bad hi anna-jal grahan karti hai. is parva men samaj ka sahyog aur utsah dekhte hi banta hai. log svechcha se sadkon ko saf karte dikhai dete hain. nadiyon, talabon se lekar raste ko bhi sajaya jata hai. prakash ki vyavastha ki jati hai. har koi parva karne valon ko sahyog karne ke lie atur dikhai dete hain. samaj ke log apne-apne dhang se ek-dusre ka sahyog karte hain. nadiyon aur talabon ke ghaton ko saf karne men badh-chadh kar hissa lete hain. shahron men sthaniya nikay ki bhi bhagidari rahti hai. is parva men anek log nirdhan logon ko parva karne ke lie kapda, fal adi ka dan bhi karte hain. pura vatavaran parvamay ho jata hai. sharabi aur kababi bhi us din najar nahin ate. aisa pratit hota hai mano bhagvan bhaskar apni satvikta se samaj ko ot-prot kar rahe hon.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.