पर्वों से जुड़ी शास्त्रोक्त लोक गाथाएं

parvon se judi shastrokt lok gathaen  

Ank ke aur Lekh | Sambandhit Lekh | Views : 2075 |  
bharat men parvon ki barsat hai. har mahine kisi n kisi prant men koi n koi parva hota rahta hai. parantu kuch parva aise hote hain jo sanpurn bharat men bhinna-bhinn namon se bade utsah ke sath manaye jate hain. jaise holi, dashhra, durga puja, ganesh chaturthi, dipavli , makar sankranti, surya shashthi adi. holi yah har varsh march ke mahine men ati hai. falgun shukla paksh ki purnima ko yah parva manaya jata hai. punrma ko holi ka pujan v holika dahan hota hai tatha falgun krishn pratipda ko log ek dusre ko rang-gulal adi lagate hain. is tithi ko bhadra ke mukh ko tyagakar nisha mukh men holi ka pujan shubh hota hai. holi ke samay kisanon ki fasal bhi kat kar a jati hai aur kisan ek bada alava jalakar apni sukh-samriddhi ke liye agni dev ko apni fasal ka pahla hissa arpit karte hain. iske vishay men anek gathaen hai. sarvadhik prasiddh hiranyakshipu ki bahan holika ka prahlad ko marne ke liye use god men lekar ag men baithna hai. parantu prahlad bach gaye aur holika ka dahan ho gaya. dusri katha bhagvan krishn dvara putna ka vadh hai. tisri katha ke anusar bhagvan shiv ne kamdev ko isi din shrap dekar bhasm kar diya tha. dashhra yah parva varsha ritu ki samapti tatha sharad ritu ke aranbh ka sanket hai. shravan nakshatra tatha dashmi ka aranbh shubh muhurt mana jata hai. is din shami pujan tatha nilkanth darshan shubhkari mana gaya hai. is din brahman log sarasvati pujan aur kshatriya shastra ka pujan karte hain. is din bhagvan ramchandra ji ne ravan ka vadh kiya tha. isliye ise vijay dashmi bhi kaha jata hai. dashhra ki katha ek bar parvati ji ne dashhre ke parva ke fal ke bare men shiv ji se prashn kiya. tab shiv ji ne bataya ki shatru par vijay pane ke liye raja ko shravan nakshatra men prasthan karna chahiye. bhagvan ram ne isi vijay kal men lanka par chadhai ki. isi kal men shami vriksh ne arjun ka dhanush dharan kiya tha. is par parvati ji ke yah puchne par ki shami vriksh ne arjun ka dhanush kab dharan kiya tha? shivji ne uttar diya jab duryodhan ke pandvon ko jue men parajit karke 12 varsh ke sath 13ven varsh men agyatvas ki shatrt rakhi thi. yadi terhven varsh men unka pata lag jaye to unhen fir 12 varsh ka banvas bhogna padega. isi agyatvas men arjun ne apna dhanush ek shami vriksh par rakha tha tatha svayan brihannala vesh men raja virat ke pas naukri kar li thi. jab gau raksha ke liye virat ke putra kumar ne apne sath liya tab arjun ne shami vriksh par se apne dhanushban uthakar shatruon par vijay prapt ki thi. iske atirikt ek katha aur bhi hai. ek bar shrikrishn ne yudhishthir ko bataya ki vijay dashmi vale din raja ko shatru ki murti banakar uski chati men ban marna chahiye fir brahmanon se ashirvad lekar apne mahal men ana chahiye. ganesh chaturthi bhagvan shankar ne ganpti ji ko vardan diya tha ki bhadrapad shukla chaith men din ke anant chaturdashi tak das din ka ganesh utsav jo manayega v chaturthi ko jo vrat rakhega uske sabhi manorath pure honge aur uske ghar sukh samriddhi hogi. riddhi siddhi bhandar bharpur honge. uske sab karya mangalamay hogen. isdin gajanan ki utpatti se parvati ji aur shivji donane prasann ho gaye the. devtaon ke sankat hat gaye the. jo bhi yah parva manayega ghar men iski sthapna karega uske sankat, vighn dur honge. dipavli ka parva kartik mas ki amavasya tithi ko dipavli ka parva manaya jata hai. is din surya tula rashi men pravesh karta hai. iska svami shukra sabhi manokamnayen puri karne vala grah hai. yah kal purush ki kundli men dhan v saptam bhav ka svami bhi hai. atah jab tula rashi men surya aur chandrama ka milan hota hai tab chaturthesh (chandrama) v panchmesh surya ka milan hone se lakshmi yog ka uday hota hai. yah yog kartik amavasya men padta hai. dhan vaibhav ki purti hetu dipavli ka parva sarvadhik upyukt avasar hota hai. is din jab sinh ka aranbh hota hai. tab tritiya sthan men surya aur chandrama ki yuti hoti hai. is yuti ke samay upasna karne se sadhak ke parakram men vriddhi hoti hai. adhi rat men padne ke karan iski visheshta aur badh jati hai kyonki ardharatri men hi lakshmi ka agaman hota hai. makar sankranti suryadev pratyek mah men ek rashi par bhraman karte han. 12 mah men sabhi rashiyon men bhraman kar lete hain. pratyek mah ki ek sankranti hoti hai. surya jab makar rashi men pravesh karta hai to ise makar sankranti kahte hain. iska mahatva isliye adhik hai. is din surya uttarayan ho jate hain. makar sankranti suryadev ki aguani ka parva hai. makar sankranti ke din surya ka rath uttar ki or mud jata hai arthat surya ka mukh hamari or (prithvi ki tarf) ho jata hai. atah surya dev hamare ati nikat ane lagte hain. makar sankranti surya upasna ka mahatvapurn mahaparva hai. makar se mithun tak 6 rashiyon men surya uttarayan rahte hain. kark se dhanu tak ki 6 rashiyan 6 mahine tak surya dakshinayan rahte hain. uttarayan ke 6 mahine ko devtaon ka ek din aur dakshinayan ke 6 mahine ko devtaon ki ek ratri mani jati hai. mahabharat evan bhagavat puran ke anusar surya ke uttarayan ane par hi bhishm pitamah ne deh tyag kiya tha. bhagvan krishn ne bhi gita men kaha hai ki jo prani surya ke uttarayan men deh tyag karta hai vah janm mrityu ke bandhan se mukt ho jata hai. gatha raja sagar ke sath hajar putron ko kapil muni ne kisi bat par krodhit hokar bhasm kar diya tha. inhen mukti dilane ke liye raja bhagirath ne apni tapasya se ganga ko prithvi par avtrit kiya. svarg se utrne men ganga ke tivra veg ko shivji ne apni jataon men dharan kar liye fir unhonne apni jata se ek dhara ko mukt kiya. ab bhagirath age-age aur ganga ki ek dhara piche-piche chalne lagi. is prakar ganga gangotri se shuru hokar haridvar, prayag hote huye kapil muni ke ashram men pahunchi. yahan akar sagar putron ka uddhar kiya. yahi ashram ab ganga sagar tirth ke nam se prasiddh hai. makar sankranti ke din hi raja bhagirath ne apne purkhon ka tarpan kar tirth snan kiya tha. is liye makar sankranti mokshadayak mana gaya hai. bharat ke vibhinn sthanon men ise vibhinn namon se jana jata hai. asam men bihu ya bhogli bihu tamilnadu men pongal panjab men lohdi. keral men ayappa bhagvan ki puja ki jati hai. uttar pradesh men is parva ko khichdi kahte hain. surya shashthi yah parva vishesh rup se bihar prant men bade dhum-dham se manaya jata hai. yah kartik mas ke shashthi shukla paksh men hota hai. pratah kal men nadi, talab adi jalashyon ke tat par bhagvan surya ki puja ki jati hai. is din vrat, pujan, dan adi karne se sukh, arogya dhan adi ki prapti hoti hai. ise dala chath bhi kahte hain.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.