शारदीय नवरात्र

shardiya navratra  

Ank ke aur Lekh | Sambandhit Lekh | Views : 2216 |  
ashvin shukla pradipda se navmi tak shardiya navratra (nau rat) hote hain. inmen man bhagvti durga devi ke prityarth unki stuti puja, vrat adi kie jate hain. shardiya navratron men nau din bada hi utsav manaya jata hai. man bhagvti ki pratimaon ka pujan sare bharatavarsh men visheshakar bangdesh men badi dhumdham se hota hai. shraddhalu nau din tak samathryanusar upvas, naktavrat, ek bhakt vrat karte hain. navratron men pratidin ek kanya ki puja karen, use bhojnadi sahit dakshina dekar santusht karen. yadi pratidin sanbhav n ho to antim navratra ko nau kanyaon ki puja karen. in dinon men ‘durga saptashati’, ‘aprajita’ adi ke path ka vishesh mahatmya hai. un ain hrin klin chamundayai vichche un’ is mahamantra ka bhi jap adhikadhik karen. shardiya navratra tatha vasant navratra, ye donon navratra ritu parivartan (sardi se garmi tatha garmi se sardi) ke samay par hote hain. man bhagvti jo shakti ka pratik hai us man ke prityarth upvas ya alpahar hamare sharir ko bhi svasthya ke sath sfurti pradan karta hai. shridurgashtami (ashvin shukla ashtami) navmi viddha ashvin shukla paksh ki ashtami ko yah vrat kiya jata hai. man bhagvti ki shodshopchar se puja ki jati hai tatha navmi ko man ki pratima visarjit ki jati hai. kuch vrati navratron men vrat karke ashtami ko man bhagvti ki puja karne ke pashchat nau kanyaon ka pujan karte hain. pujan men kanyaon ko vastra, alankar, saubhagya suchak samagri (menhdi, roli, bindi, chudiyan adi) pradan ki jati hai. halva aur chane ka prasad diya jata hai. bad men vrati bhi prasad lekar navratra ke vraton ka parayan karta hai. agar do din ashtami ho to pahle din purn ashtami tatha dusre din tin muhutrt se kam arthat 2 ghante 24 minat suryoday ke bad to pahle din vrat karen. dusre din tin muhutrt se adhik ashtami ho to dusre din. yadi ashtami kshay ho to saptamiyuta ashtami men yah vrat hoga. mahanvmi (ashvin shukla navmi) kuch log durga ashtami ki bhanti hi mahanvmi ko man bhagvti ke navratron ke vraton ka parayan karte hain. mahanvmi ko man bhagvti ko kushmand (petha mithai vala) ki bali pradan karte hain. navratra samapti/ parna ashvin shukla navmi is din navratra vrat samapt kar puja ke bad svarn ya rajat ki man ki pratima shodshopchar puja ke pashchat vastra, patra, dakshina adi ke sath brahman ko dan di jati hai. nau kunvari kanyaon ka pujan karen. shastriya mat ke anusar do se das varshaparyant umra ki kanya hi is puja men puja karne yogya hai. vijyadshmi (ashvin shukla dashmi) is din aprahn men aprajita pujan kiya jata hai. kshatriya evan sainik is din astra-shastra ka pujan karte hain tatha rashtra ki simaon ki raksha ka sankalp lete hain. vijyadshmi ke din uttar bharat men das din pahle se chala a raha ‘ramlila utsava’ samapt ho jata hai tatha is din ravan, kunbhakaran, meghnad ke putle jalakar shri ram ki vijay ka utsav manaya jata hai. is din sarvatra vijay ke lie aprajita stotra ka path karna chahie. vijyadshmi ka dusra nam dashhra bhi hai. is din raja log aprajita devi ki puja kar par rajya ki sima langhna avashyak mante the. dason dishaon ko jitne ya har lene ka nam dashhra hua. adhunik parivesh men bharatavarsh ki simaon ki raksha dashhre se hi honi chahie kyonki sabhi akraman bharat par aktubar se march ke bich men hi hote hain. bharat varsh ki bhaugolik sthiti ke anusar garmiyon ya varsha ritu men akraman sanbhav nahin hai. katha navratra evan dashhra se judi anek kathaen hain. ek prachlit kathanusar ravan dvara sita ji ke apaharan kie jane ke uprant bhagvan shriram ati udvign evan chintatur the. duahkh ke karan unka chehra malin tha tatha kai bar krandan ke bhav unke mukh par parilakshit ho jate the. unki is sthiti ko dekhakar narad ji ne bhagvan shri ram ko bhagvti jagdanba ki aradhna karne ki salah di. tab bhagvan ram ne kaha - vipravar ! ap is vrat ki sankshipt vidhi batlane ki kripa karen, kyonki ab main pritipurvak shridevi ki upasna karna chahta hun. shrinardji bole - ram ! samatal bhumi par ek sinhasan rakhakar us par bhagvti jagdanba ko padhrao aur nau rat tak upvas karte hue unki aradhna karo. puja savidhi honi chahie. rajan ! main is karya men acharya ka kam karunga; kyonki devtaon ka karya shighra siddh ho, iske liye mere man men prabal utsah ho raha hai. param pratapi bhagvan ram ne munivar narad ji ke kathan ko sunakar use satya mana. ek uttam sinhasan banvane ki vyavastha ki aur us par kalyanmyi bhagvti jagdanba ke vigrah ko padhraya. vrati rahakar bhagvan ne vidhi-vidhan ke sath devi-pujan kiya. us samay ashvin mas a gaya tha. uttam kishkindha parvat par yah vyavastha hui thi. nau dinon tak upvas karte hue bhagvan ram is shreshth vrat ko sanpann karne men sanlagn rahe. vidhivat hom, pujan adi ki vidhi bhi puri ki gayi. nardji ke batlaye hue is vrat ko ram aur lakshmana-donon bhai prempurvak karte rahe. ashtami tithi ko adhi rat ke samay bhagvti prakat huin. puja hone ke uprant bhagvti sinh par baithi hui padharin aur unhonne shriram-lakshman ko darshan diye. parvat ke unche shikhar par virajman hokar bhagvan ram aur lakshman donon bhaiyon ke prati megh ke saman ganbhir vani men ve kahne lagin. bhakti ki bhavna ne bhagvti ko param prasann kar diya tha. devi ne kaha - vishal bhuja se shobha pane vale shriram ! ab main tumhare vrat se atyant santusht hun. jo tumhane man men ho, vah abhilshit var mujhse mang lo. tum bhagvan narayan ke ansh se prakat hue ho. manu ke pavan vansh men tumhara avtar hua hai. ravn-vadh ke liye devtaon ke prarthana karne par hi tum avtrit hue ho. iske purva bhi matsyavtar dharan karke tumne bhayankar rakshas ka sanhar kiya tha. us samay devtaon ka hit karne ki ichcha se tumne vedane ki raksha ki thi. fir kachchap rup se prakat hokar mandrachal ko pith par dharan kiya. yon samudra ka manthan karke devtaon ko amritadvara shaktisanpann banaya. rame tum varah rup se bhi prakat ho chuke ho, us samay tumne prithvi ko dant ke agra bhag par utha rakha tha. tumhare hathon hiranyaksha ki jivn-lila samapt hui thi. nrisinh rup dharan karke tum hiranyakshipu ko mar chuke ho ! raghukul men prakat hone vale shriram! tumne nrisinhavtar men prinad ki raksha ki aur hiranyakshipu ko mara. prachin samay men vaman ka vigrah dharakar tumne bali ko chala. us samay devtaon ka karya sadhan karne vale tum indra ke chote bhai hokar virajman the. bhagvan vishnu ke ansh se sanpann hokar janmadagni ke putra hone ka avasar tumhen prapt hua. us avtar men kshatriyon ko marakar tumne prithvi brahmanon ko dan kar di. raghunandan ! usi prakar is samay tum raja dasharath ke yahan putra rup se prakat hue ho. tumhen avtar lene ke liye sanpurn devtaon ne prarthana ki thi; kyonki unhen ravan mahan kasht de raha tha. rajan ! atyant balshali ye sabhi vanar devtaon ke hi ansh hain, ye tumhare sahayak honge. in sabmen meri shakti nihit hai. anagh ! tumhara yah chota bhai lakshman sheshnag ka avtar hai. ravan ke putra meghnad ko yah avashya mar dalega-is vishay men tumhen kuch bhi sandeh nahin karna chahiye. ab tumhara param kartavya hai, is vasant ritu ke navratra men asim shraddha ke sath upasna men tatpar ho jao. tadanantar papi ravan ko marakar sukhpurvak rajya bhogo. gyarah hajar varshon tak dharatal par tumhara rajya sthir rahega. raghvendra ! rajya bhogne ke pashchat punah tum apne parmdham ko sidharoge. is prakar kahakar bhagvti antadhryan ho gayin. bhagvan ram ke man men prasannata ki sima n rahi. navratra-vrat samapt karke dashmi ke din bhagvan ram ne yatra praranbh kar di. prasthan ke purva vijyadshmi ki puja ka karya sanpann kiya. janki vallabh bhagvan shriram ki kirti jagatprasiddh hai. ve purnakam hain. prakat hokar param shakti ke prerna karne par sugriv ke sath shriram samudra ke tat par gaye. sath men lakshman ji the. fir samudra men pul bandhne ki vyavastha karke dev-shatru ravan ka vadh kiya. jo manushya bhaktipurvak devi ke is uttam charitra ka shravan karta hai. use prachur bhog bhogne ke pashchat paramapad ki upalabdhi hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


parva vrat visheshank  December 2013

fyuchar samachar patrika ke parva vrat visheshank men vrat aur parvon se sanbandhit mahatvapurn jankari, unka dharmik mahatva, unse juri shastrokt lok gathaen tatha vibhinn parvon ke manae jane ki vidhi aur unke sanskritik mahatva ko darshane vale anekanek alekh jaise virat sanskriti ke parichayak hain bhartiya parva, astha evan shanti ka parva makar sankranti evan sarasvati puja, holi, guru purnima, sneh sadbhavna evan karÿavya ka sutra rakshabandhan, shardiya navratra, mahaparva dipavli evan chath parva ki alaukikta v parva vrat prashnoÿari sammilit kiye gaye hain iske atirikt navanbar mas ke vrat tyauhar, ank kundli ka nirman evan faladesh, arurh lagn ka vichar, eshvarya aur saundarya ki rekhaen, trik bhavon grahon ka fal evan upay tatha gugal baey kautilya namak satyaktha ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.