बड़ी उम्र का सफल प्रेम

bari umra ka safal prem  

Ank ke aur Lekh | Sambandhit Lekh | Views : 4577 |  
kuch logon ki janmapatriyon men ajanm sukhi rahne ke yog hote hain. aisi hi janmapatriyan hain sushant aur ritika ki. sushant ki kundli men lagnesh aur shukra ka sthan parivartan yog hai. aise yog vale jatak ka vivah samaj men charcha ka vishay ban jata hai. panchmesh, lagnesh v saptamesh ka uchcharashisth shukra ke sath yog safal prem sanbandh ke lie shreshth siddh hua. ritika ji aj sham ko jab se ghum kar ai thi, apne kamre men hi baithi thi aur kafi anmni lag rahi thi. unhonne chay ke lie bhi mana kar diya kyonki shayad ve apni yadon men hi rahna chahti thi. aj sham ko ghumte hue unke svargavasi pati ke dost sushant ne achanak unke samne ek sath jivan vyatit karne ka prastav jo rakh diya tha. ve kuch soch hi nahin pai aur sushant dvara atyant sahaj bhav se kie gae nimantran ko thukra bhi nahin pai. sushant unhen shanti se soch vichar kar nirnay lene ke lie kah kar chale gae. ritika apni jindgi ki sunhri yadon men kho gai, uska vivah choti umra men hi daektar vishvas se ho gaya tha. donon bahut khush the aur unka jivan bahut hi khushgvaran gujra. samay se do betiyon ne janm liya jinhen achche sanskar v uchch shiksha dekar unka sanpann gharanon men vivah bhi kar diya tha. ritika aur vishvas ji bahut achchi jindgi ji rahe the mano ve donon ek dusre ke lie hi bane the. lekin achanak vishvas ji ko gurde ki bimari ne dhar dabocha aur dekhte hi dekhte do tin varshon men ilaj ke bavjud vah unhen bacha nahin pai. aise men unke pati ke dost sushant ne bahut madad ki aur chunki donon betiyan videsh men thi, sushant ji ko sahyog hi unke lie bara sanbal tha. sushant ji ko bhi do bete aur ek beti thi jinka vivah ho chuka tha tatha ve sab bhi achchi jindgi basar kar rahe the. unki patni ka dehant kuch varsh pahle hi hua tha. ab donon hi ek dusre ki madad aur khali samay ko naye arth dene lage the. sushant ji ke sahyog se ritika ko sare kam bahut asan lagte aur vah koi bhi gharelu athva anya pareshani hone par nisankoch hokar unhen kah dalti. uski betiyan bhi is bat se bahut khush v santusht thi ki filhal mammi ki dekhbhal ankal kar rahe hain. lekin aj jab achanak sushant ji ne uske sammukh vivah ka prastav rakha to use is adher umra men vivah ke bare men sochna bahut ajib laga. log kya kahenge? betiyan v unke sasural vale kya kahenge? kitni jag hansai hogi? yahi soch kar vah bahut gumsum hui ja rahi thi. vah sushant ji ki dosti ki kayal thi. vah har tarah se unki niahsvarth seva v madad ki prashansa karti thi. islie unke vivah prastav ko svikriti dene men apne ko asamarth jan rahi thi. usi samay videsh se uski choti beti ka fon a gaya aur uski avaj se uski pareshani bhanp kar beti ne jab kured kured kar pucha to vah chup n rah saki aur unhonne apni beti ko sushant ji ki mansha ke bare men bata diya. use laga tha ki shayad divya uska majak banaegi par vah to sun kar bahut khush ho gai aur kahne lagi ki yah to bahut achchi bat ban jaegi, ap donon ko ek dusre ki jarurat hai aur ham log to itni dur hai. hamen bahut khushi hogi ki ham jab bharat aenge to ap donon ke sath rahna hoga. usne turant apni bari bahan ko fon par vishvas men liya. donon ne ritika ko apna faisla lene ko majbur kar diya. donon hi sushant ankal se bahut achchi tarah se prabhavit thi aur unhen vishvas tha ki ve donon ek dusre ke akelepan ke sabse achche sathi ban sakte hain. ritika ke man ko bahut chain mila aur unhen laga ki ab sare badal chant chuke hain aur ab unhen aur kuch nahin sochna chahie. unhen vishvas tha ki unke pati ki atma bhi unke is faisle se bahut khush hogi kyonki ve sada hi ritika ko prasann rakhna chahte the. ritika kamra khol kar bahar a gai aur sushant ji ko bhi fon kar unhen dinar par amantrit kar liya. aiye karen sushant aur ritika ki kundliyon ka avlokan. aise kaun se grah hain jinke karan sushant itne nvyovriddh hokar bhi abhi javan dikhte hain aur unhen dekhakar koi unki umra ka andaja hi nahin laga sakta. sushant ki janmakundli ke anusar, lagn, surya lagn aur chandra lagn ek hai. surya, chandra, budh aur shukra sabhi lagn men sthit hokar atyant balvan hain. guru aur shukra ka parivartan yog hai. islie sushant ka chehra akarshak v sundar hona svabhavik hai. surya aur chandra ki yuti se sharirik tejasvita tatha hansmunkh pravritti ka hona bhi svabhavik hai. sushantji ka janm min lagn men purva bhadrapad nakshatra men hua aur janm ke samay guru ki mahadsha aur shani v budh ki mahadsha bhi kafi achchi gai hogi. ketu ki mahadsha kuch pratikul ja sakti hai par shukra ki mahadsha bahut achchi rahi hogi. shukra apni uchch rashi men baithe hain. arthat yah dasha atyant shubh rahi hogi. vartaman samay men chandra ki mahadsha men ketu ki antardasha men (jun 2009 se janvri 2010) madhya patni ka viyog ho gaya. chandra ki mahadsha v shukra ki antardasha men janvri 2010 se sitanbar 2011 mane vivah hone ka yog ban raha hai. kyonki shukra uchch hokar chandra ke sath hai aur navansh men shukra vargottam hai aur saptamesh mangal pancham bhav men hai islie yah prem vivah ho sakta hai. ritika ki janmakundli bhi bahut balvan hai unke dasham bhav men chandra surya aur budh sthit hai. navmesh mangal aur dashmesh shukra ki navam bhav men yuti hai. islie ve videsh men ek bare pad par karya karti rahi. inki kundli men dhanesh budh dasham bhav men, dhan karak grah guru chalit chakra men dhan sthan men hai. inhen apne jivan men atyant man samman ke sath-sath prachur dhan ki prapti bhi hui. lagn men brihaspati ki sthiti ne inhen tikshn buddhi, antajrnyan shakti v saundarya ka vishesh labh diya. bachapan bhi achcha bita hoga kyonki inka janm chandra ki mahadsha men hua tha aur chandra kundli men uchch ke hain. uske bad mangal bhagyesh ki dasha bhi uttam rahi hogi. shani rahu ekadash sthan men atyant shubh sthiti men hai. guru lagn men hai arthat sabhi dashaen achchi rahi hai. vartaman samay men shani ki mahadsha men rahu ki antardasha chal rahi hai. rahu gochar men chandrama se ashtam sthan men hai. isi samay inke pati ka svargavas hua. sushant ji ke sath ritika ka sanbandh achcha hi rahega, kyonki donon ke chandrama ek dusre se tritiya ekadash hona bahut shubh hota hai. isi karan inke apas men madhur sanbandh ban rahe hain. ayu karak grah shani purn ayu pradan karenge aur sushant ji ko bhi dirghayu yog prapt ho raha hai. atah in donon ka milan inki paristhitiyon ke anusar atyant uttam hai tatha donon ki santan bhi is rishte ko svikar kar donon ka mansik sanbal hi barhaegi. kuch logon ki janmapatriyon men ajanm sukhi rahne ke yog hote hain. aisi hi janmapatriyan hain in donon ki. sushant ki kundli men lagnesh aur shukra ka sthan parivartan yog hai. aise yog vale jatak ka vivah desh aur samaj ke lie vishesh charcha ka vishay ban jata hai. sushant ki kundli men prem ka karak shukra bhi uchcharashisth hai. lagn par shubh grahon ke prabhav ko apne pakke ghar men sthit surya ne aur barhaya jis karan ve ab bhi akarshak aur purn svasth lagte hain. panchmesh, lagnesh v saptamesh ka uchcharashisth shukra ke sath yog safal prem sanbandh ke lie shreshth siddh hua. ritika ki kundli men bhi shubh bhav men mangal shukra ki yuti tatha lagnesh, lagn bhav v lagn ke karak ki shreshth sthiti inke akarshan, uttam svasthya tatha sthir yauvan ka karan bani.
Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.