जब चंद्र पर होगा मनुष्य का जन्म

jab chandra par hoga manushya ka janm  

Views : 5388 | December 2008

bhartiya vaigyanikon ko chandra abhiyan karyakram men aitihasik upalabdhi hasil hui hai. amerika, rus, yurop, japan v chin ke bad bharat chandra abhiyan shuru karne vala vishva ka chatha rashtra hai. chandrayan ka prakshepan gat 22 aktubar 2008 ko pratah shri harikota sthit satish dhavan antriksh kendra se desh men nirmit pi es el vi si-11 yan se kiya gaya.


get the most detailed kundli report ever with brihat horoscope predictions


chandrayan ko pahle 255 kimi aur fir 22,860 kimi dur andakar kaksha men sthapit kiya gaya. fir 5 charnon men kramshah 37,900, 74,715, 1,64,600, 2,67,000 tatha ant men 3,80,000 kimi ki duri tak pahunchaya gaya. iske bad ise prithvi ki gurutva shakti se mukt kar chand ke gurutvakarshan men laya gaya. dhire-dhire yah chandra se 100 kimi duri tak pahunch jaega. iske bad isse ek upakaran ko chandra ki satah par utara jaega aur sath men utara jaega bharat ka jhanda. chandrayan lagabhag 2 varsh tak chandra ka chakkar lagata rahega aur vahan se vibhinn prakar ki suchnaen, chitra adi antriksh kendra ko bhejta rahega. ummid hai ki 2015 tak bharat kisi manushya ko chandra par bhejne men saksham hoga. vah din dur nahin jab chandra ki bhumi par bhi manushya ka janm aur manav jati ka vikas hoga.

jyotish ke aine se dekhte hain ki kaise banegi us shishu ki janmapatri jo chandra par paida hoga aur kaise dikhti hogi anya grahon ki chal. rashi aur bhav kis prakar se badlte honge chandra par aur kaun sa grah sarvadhik faldayi hoga. chandra ek upagrah hai jo prithvi ke charon or chakkar lagata hai. prithvi se iska sarvada ek hi bhag dikhai deta hai, kyonki iski apni dhuri par chakkar katne ki gati aur prithvi ke charon or chakkar katne ki gati barabar hai. is tarah 27 din men 12 lagn badlte hain arthat 1 lagn lagabhag sava do din rahta hai.

jab-chandra-pr-hoga-manusiya-ka-janam

iske viprit prithvi par ek lagn keval do ghante hi rahta hai. upagrah hone ke nate chandra ki prithvi ke charon or gati lagabhag ek si jabki surya ke charon or kangaru ki si rahti hai. arthat kangaru ki tarah uchlta hua yah har amavasya ko ek kud lagata hai aur dusri amavasya par akar thahrta hai. punah us amavasya se kudakar agli amavasya par akar rukta hai aur yah kram chalta rahta hai. yahi karan hai ki chandra par surya ki gati ek saman n dikhai dekar ghatti barhti dikhai deti hai. amavasya par surya ki gati kam aur purnima par adhik dikhai deti hai.

jab-chandra-pr-hoga-manusiya-ka-janam

chandra se prithvi ki sthiti ek sthan par bilkul sthir dikhai deti hai arthat yadi chandra ke kisi sthan se prithvi purva men udit hoti dikhai de rahi hai, to vah sarvada eaisi hi dikhai degi aur yadi chandra ke kisi sthan se prithvi nahin dikh rahi hai to vahan se kabhi dikhai nahin degi. lekin chandra se prithvi puri ghumti hui najar aegi arthat kabhi bharat dikhai dega, kabhi landan to kabhi amerika - vah bhi matra 24 ghante men. isi prakar kabhi uttari dhruv par chah mahine ki chaya dikhai degi to kabhi dakshini dhruv par. prithvi par se chandra ka jo akar dikhai deta hai, uski tulna men chandra par se prithvi vyas men 4 v purn akar men 16 guna bari dikhai degi.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


chandra par din v rat ki avdhi sarhe 29 din ki hoti hai arthat purnima se purnima tak ka ek din hota hai aur itne samay men prithvi lagabhag 30 ansh age chali jati hai. atah jab punah subah hoti hai to rashi parivartan ho jata hai.

anya grah mangal, budh, guru, shukra evan shani ki gati aur ansh lagabhag vahi dikhai dete hain jo prithvi par hote hain. rahu aur ketu parivartit ho jate hain - rahu ketu ban jata hai aur ketu rahu. chandra grahan surya grahan ban jata hai aur surya grahan prithvi grahan ke rup men dikhai deta hai. chandra par kundli banane par ek sthan par prithvi sada ek bhav men hi dikhai degi. bhav men rashiyan badlti rahti hain. jis prakar prithvi par kundli men chandra ka prabhav sarvadhik hota hai, usi prakar chandra par kundli men sarvadhik prabhav prithvi ka rahega. yah prabhav lagabhag 80 guna adhik hoga, kyonki prithvi chandra se lagabhag 80 guna bhari hai. atah kah sakte hain ki chandra par kundli dekhna jyada asan hoga, kyonki keval prithvi ka bhav v rashi hi mukhya rup se bhavishya ko prabhavit karegi.


consult our astrologers for more details on compatibility marriage astrology


 

yah bhi padhen

kundli men nich bhang rajyog     kundli men pitri dosh     kundli men gajkesri yog     gauri shankar rudraksh dvara sukhamay banayen apna vaivahik jivn yadi sarkari naukri pana chahte hain, to karen ye vishesh upay     janie, kya apki kundli men hain aiees banne ke yog?

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

vastu visheshank  December 2008

vastu ke vividh niyam evan siddhant, dharmagranthon, pauranik granthon men vastu ki charcha, manav jivan men vastu ke upyog, jyotish aur vastu, vibhinn prakar ke ghar, flait, kothi, kaloni, dharmastha, skul-kolej, aspatal, vyavsayik parisar adi ka vastu ke niyamanukul nirman

Subscribe


.