महान संत दलाई लामा

mahan sant dalai lama  

Ank ke aur Lekh | Sambandhit Lekh | Views : 2597 |  
mahan sant dalai lama pan. sharad tripathi dalai lama ek upadhi hai jo kisi vishesh vyakti ko pradan ki jati hai . yah vishesh vyakti bauddh dharm ke gilgu sanpraday ka adhyatmik neta hota hai. dalai lama ke sanbandh men yah vishvas kiya jata hai ki ye tulkuon ki lanbi paranpra ka vartaman avtar hain. bauddh dharm ke anusar tulk vah atma hoti hai jise buddhatva ki prapti ho chuki ho. vah janm v maran ke chakra se bhi mukt ho chuka hai. lama ka arth hai shikshak. is shabd ka prayog tibbati bauddh purohit-varg ki bahut si upadhiyon ke sath hota hai jaise karmapa lama, panchen lama adi. 17vin shatabdi ke madhya se lekar 1959 tak dalai lama hi tibbat ka sarvochch pad hota tha. tibbati log amtaur par dalai lama ko paranpra ke anusar gyalva rinposhe ya yeshe norbu ke nam se pukarte hain. is sanbodhan ka arth mulyavan vijeta ya ichcha puri karne vala ratn hota hai. vaishvik star par unhen ‘hij holines d dalai lama’ ke nam se sanbodhit kiya jata hai. terhven dalai lama ke prayan ke bad ek dal ko dalai lama ke nae avtar ko khojne ka karyabhar saunpa gaya. khoj ke dauran ek naya lakshan ubhra jisne dalai lama ki khoj men aham bhumika ada ki. terhven dalai lama ka pavitra shav is tarah rakha gaya tha ki sir dakshin disha ki or rahe, kintu unka sir rahasyapurn dhang se uÿar-purva ki taraf ho gaya. isse yah anuman lagaya gaya ki agle dalai lama ka janm isi disha men hua hai. khoji dal ke mukhiya ko sapne men pavitra talab hallas-latso dikhai diya jise dalai lama ke pavitra sthal emdo ke rup men chihnit kiya gaya. sath hi ek khas tarah ka makan dikhai diya jismen jal nikasi ki vishesh vyavastha thi aur jo vishesh prakar ki khaprail se dhaka tha. kafi khoj ke bad sapne se mile is ghar men ‘thondp’ nam ka do varshiya balak mila. khoji dal ne balak ko bahut se khilaune aur smriti chihn die jinmen se kuch purva dalai lama se sanbandhit the. balak ne sabhi ko pahchan liya aur ‘mere hain mere hain’ kahne laga. akhir khoji dal ki khoj purn hui. yahi thonadap dalai lama ke rup men svikara gaya aur uska nam badal kar ‘jetasan jemfel gavang lobseng yeshi tenjing gyatso’ rakha gaya. iska arth hai pavitra ishvar, saumya jyoti, karuna ke avtar, astha ke sanrakshak, gyan ka sagar. thonadap ka janm ek kisan parivar men san 1935 men hua. unke abhibhavak chokyong aur diko sering jivnyapan ke lie purn rup se krishi par nirbhar the. sabse bari bahan dorma inse 18 varsh bari thi. inke bare bhai thuparan jigme norbu ko hai lama taktasar rinposhe ke rup men pahchana jata hai. inki dusri bahan jetasan pema ko 1997 men film sevan iyars in tibbat men unki man ke rup men dekha gaya hai. apni shiksha diksha ke dauran ve anya bachchane ki tarah math ke prasad ko napna chahte the. ve bhi anya bachchon ke saman khelna chahte the, kintu jante the ki ve kuch khas hain. unke prati unke abhibhavkon ka vyavhar bhi vishesh tha. shayad isi karan lagabhag 73 varsh ke hone par bhi unke andar ka bachcha abhi bhi maujud hai. bauddh darshan ko samjhna thonadap ke lie asan karya n tha, lekin unke shikshak pratibaddh the aur kathor bhi. 1939 men dalai lama ko pahli bar lhasa men lamaon ki ek bari shobhayatra men shamil hone ka avasar prapt hua. yahin par unhen tibbat ke nae dharmik neta ke rup manyata prapt hui. jab thonadap thore samjhdar ho gae to unhen bahri duniya ki jankari dene ki avashyakta thi. aise men ek vishesh shikshak ki avashyakta pari aur kafi khoj ke bad astreliya ke parvatarohi hinrin hairar ko yah uttaradayitva saunpa gaya. hairar ne ise bakhubi nibhaya bhi. ve un logon men the jinhonne dalai lama ke jivan ko gahre tak prabhavit kiya. aie, karte hain dharmaguru dalai lama ki kundli ka jyotishiya vishleshan. dalai lama ka janmang sthir lagn (vrish) ka hai jismen lagnesh shukra sinh rashi men 50-13’ ka hai arthat ketu ke nakshatra men hai. ketu dusre aur chaithe bhavon ke svamiyon ke sath hai. ketu adhyatmik grah hai, islie is yog ne unhen adhyatmik banaya. surya unke sundar vyaktitva ko darsha raha hai. lagnesh chaturth men baitha hai. dvitiya bhav vani ka bhav hota hai. dvitiya bhav ka svami dusre bhav men surya aur ketu ke sath ho to vyakti satyavadi hota hai. is janmang men lagnesh shukra shadbali hai jo unki sangharsh kshamata ko barhata hai. lagnesh shukra aur bhagyesh shani ka apas men drishti sanbandh hai. lagnesh aur bhagyesh ka drishti sanbandh ho to jatak dirghajivi aur prasiddh hota hai. yah drishti sanbandh chaturth aur dasham bhav men ghatit ho raha hai. is yog se prabhavit vyakti apne parivar, samaj v jatiya logon ki seva apna jivan samarpit kar deta hai. sukh bhav arthat chaturth bhav men tisre bhav ka svami chandra baitha hai. tisra bhav arthat chaturth ka vyay bhav hua aur chaturth ke marak bhav (saptama) arthat dasham bhav marak aur vyay bhav donon men drishti sanbandh hai. ashtam bhavasth rahu ki nich drishti bhi chaturth bhav par par rahi hai. yahi karan hai ki dalai lama ko ghar ka sukh kabhi nahin mila. kutanub sthan arthat dvitiya bhav men dvitiyesh hai, par sath hi surya bhi sthit hai, isilie parivar bara raha, par sath hi sadasyon ki hani bhi hui. janm se hi lagnesh ki mahadsha 1951 tak chali. 1939 men shukra men rahu ka antar chal raha tha. rahu ka kundli men lagnesh se drishti sanbandh bhi hai. 1944 se 1947 tak shukra men shani ki antardasha chali. shani inka bhagyesh aur dashmesh ketu-guru se drisht hai. aisa hone se unhen dharma-adhyatm ke sath hi gurh gyan adi bhi mila. 17 navanbar 1950 ko mahaj 15 varsh ki ayu men dalai lama ko asthayi taur par tibbat ki prashasnik bagdor saunp di gai. us samay tibbat aur chin ke sanbandhon men bahut adhik khatas thi. usi varsh chin ki sena ne tibbat men pravesh kar us par apna kabja kar liya. dalai lama ne is mamle ko suljhane ke lie ek pratinidhi dal ko bijing ravana kiya. tibbat prashasan aur dalai lama ne ek 17 sutri samjhaute par hastakshar kie. yah samjhauta ek tarfa aur chini logon ke dabav men hua tha. san 1954 men dalai lama aur dasvane panchen lama ‘neshanal pipals kangres’ ke pahle satra men bhag lene ke lie chin ravana gae. mao jedaung’ se mulakat unka mukhya lakshya tha, kintu isse bhi unhen koi vishesh labh nahin mil saka. san 1959 dalai lama ke jivan men vishesh mahatva rakhta hai. lhasa ke jogdeng mandir men monalam utsav ke avasar par bauddh dharm ki mukhya pariksha ka samna dalai lama ko karna para. thonadap ne sammanpurvak yah pariksha uttirn kar larappa ki digri aur dalai lama ki upadhi hasil ki jo bauddh darshan men daktaret ke saman hoti hai. us samay tibbati logon ka asantosh kafi gahra ho gaya tha. unhen lagne laga tha ki chin dalai lama ki hatya karva sakta hai, islie dalai lama apne sarmathakon ke sath 17 march ko apna a a idh a k a ir k avas chorakar bharat a gae. 31 march ko ve bharat pahunche aur bharat se sharan dene ki prarthana ki. dalai lama tatkalin pradhanmantri pan. nehru se mile aur unhen apni samasyaon se avagat karaya. pan. nehru ne unhen pahle 17 sutri karyakram par hi punah vichar ki salah di, kyonki chin ke sath bharat ke sanbandh bahut achche nahin chal rahe the. isi bich 1962 men bharat par chin ne akraman kar diya. tab dalai lama ne bharat ke himachal pradesh men dharmashila namak sthan par apne 80,000 samarthakon ke sath samanantar sarkar banai. aj dharmashala ko litil lhasa ki sangya di jati hai. yahin par dalai lama ne ‘tibbatan instityut aef parfaerming arta’ ki sthapna ki aur fir matra ek hi prayas men 200 se adhik bauddh mathon aur shiksha kendron ki sthapna kar dali. aie, ab jyotish ki drishti se dalai lama ke chathe ya saptam bhav ko dekhen. chathe bhav men chathe se chathe arthat gyarhven aur ashtam ka svami guru hai. guru ki is sthiti ke falasvarup unke shatru buddhiman, shaktishali v gopniya rup se dhokha dene vale siddh hue. guru chathe bhav men baithakar nauvin drishti se dhan bhav ko dekh raha hai. chathe bhav ka guru shatruhanta yog banata hai, jo sanket deta hai ki unki sammanajanak vijay hogi. saptam bhav par vrishchik rashi udit ho rahi hai. us par mangal ke shatru shani aur rahu ki drishti hai, faltah unka vivah nahin hua. sthir lagn (vrish) ki patri men shani yog karak hone ke sath-sath badhak bhi hai aur sannyas ka karak bhi. shayad isi sannyas yog ke karan vivah se vanchit rahe. san 1950 men shukra men ketu ka antar chal raha tha. ketu unki patri men 290-2’ ka hai arthat guru ke nakshatra men hai. guru ki ketu par drishti hai aur ketu ka guru se panchm-navam drishti sanbandh hai. guru labhesh bhi hai, atah unhen satta sukh mila, par uske chathe bhav men sthit hone ke karan satta asthayi rahi. san 1957 se 1967 tak dalai lama par chandra ki mahadsha rahi. isi bich sitanbar 1958 se march 60 tak chandra men rahu ka antar raha, chandra ko rahu navam drishti se dekh raha hai. chandra-rahu ka drishti sanbandh thik nahin hai. yah grahan yog bhi banta hai. ashtamasth rahu gurh gyan ko darshata hai aur brihaspati ki rashi hai, atah unhen adhyayan ke kshetra men saflta mili. dalai lama tibbatiyon par ho rahe atyachar khatm karne ke lie tan-man-dhan se prayasarat hain. is prayas men unhen dhire-dhire inhen anya deshon ka bhi samarthan milne laga. dalai lama ki avaj par sanyukt rashtra mahasbha ne 1959, 1961 aur 1965 mane tibbat se sanbandhit sankalp ko svikar kiya. in sankalpon men mang ki gai thi ki chin tibbat men tibbatiyon ke manvadhikar aur atmasamman ka samman karega. 1987 men vashingatan di. si. men ayojit kangresanal manav adhikar baithak men dalai lama ne 5 sutri shanti prastav rakha. yah tibbata-chin sangharsh ki samapti ka ghoshna patra tha. 15 jun 1988 ko frans ke stresborg shahar men bhi dalai lama ne isi tarah ka prastav chin ke samne rakha. ismen chin ke sahyog se ek svatantra sarkar ki sthapna aur ruprekha prastut ki gai. kintu 1991 men is prastav ko tibbat ki nirvasit sarkar ne asvikrit kar diya. aktubar 1991 men dalai lama ne apni sharton par tibbat jane ki ichcha jahir ki, kintu chin ne ise manne se inkar kar diya. 10 disanbar san 1989 ko puri duniya ne dalai lama ke sangharsh ko manyata pradan ki aur unhen ‘nobal shanti’ puraskar se sammanit kiya gaya. yah is bat ka praman tha ki yah sant itni viprit paristhitiyon men bhi kitna atal hai. varsh 2005 aur 2008 men taim maigjin ne dalai lama ko vishva ke sau sarvadhik prabhavshali logon ki suchi men shamil kiya. jun 2006 ko kanada ki sansad men dalai lama ko kanada ki nagrikta dene ke paksh men abhutpurva matdan hua aur unhen kanada ki manad nagrikta se sammanit kiya gaya. 2006 men sanyukt rajya amerika ki kangres men bhi dalai lama ko kangresanal avard dene ke paksh men bhari matdan hua aur unhen ameriki kangresanal gold medal pradan kiya gaya. iske bad ve jarmani gae aur chansalar elejan morkel se mile. dalai lama atyant saral svabhav ke hain, yah bat chin ko chorakar puri duniya svikar karti hai. unke sangharsh par sant shantidev ki ek tibbati kavita khari utrti hai, jiska bhavarth is prakar hai- ‘uske lie jo brahmand se bhi vistrit hai aur itna dirgh ki jab tak jivan shesh hai, tab tak main atal rah paun ! jab tak is duniya se pap aur dukh ko titr-bitar n kar dun.’ aie jante hain ki kaise dalai lama bar-bar videsh yatraen karte rahe. yadi janmapatrika men dvadash bhav men mangal ho ya use mangal dekhta ho ya dvadshesh mangal se sanbandh rakhta ho to jatak marnoprant shighra janm lekar ata hai ya pahle se kahin n kahin uska punarjanm hota hai. is kundli men mangal aisa hi yog bana raha hai. atah dalai lama bauddhon ke vikas hetu punah janm lenge aur prithvi par avtrit honge. barhven bhav ka svami mangal pancham bhav men budh ki rashi men baithakar apni athvin drishti se barhven bhav ko dekh raha hai. videsh yatra ke lie barhven bhav v budh ka majbut hona avashyak hai. dalai lama ke lagn ka sanbandh rahu se hai, isilie ve jyadatar bahar hi rahenge. chaturth bhav men sthit chandra par rahu ne drishti dalakar ghar churva diya. chandra tisre bhav ka svami hai, isilie unhen ghar ka sukh nahin mila. 19 aktubar 1985 se 19 aktubar 1988 tak rahu men shukra ka antar chala. rahu lagnesh (shukra) ko dekh raha hai jo chaturth men sthit hai, islie ghar se sanbandhit arthat desh se sanbandhit samasyaon men kami ai. varsh 1989 men rahu men surya ka antar chal raha tha. rahu ashtam men aur surya dvitiya bhav men hai. donon ek-dusre ko dekh rahe hain. is kundli men 190-54’ ka surya rahu ke nakshatra men hai aur rahu 290-2’ ka hokar surya ke nakshatra men hai arthat apas men nakshatra parivartan bhi hai. isi yog ne dalai lama ko ‘nobal shanti puraskar’ se sammanit karaya. san 1991 men rahu men chandra ka antar tha, isilie unki apne desh vapsi ki yojna tal gai. aprail 2008 se unki brihaspati mahadsha samapt hokar shani ki mahadsha aranbh ho chuki hai. is mahadsha ki avdhi unke jivan kal ki sarvashreshth avdhi hogi. shani dasham bhav men apni hi rashi ka hokar sthit hai jo unhen is mahadsha men unke jivan ke uddeshyon ki purti ke kafi karib laega, kyonki vrish lagn men shani yogkarak bhi hota hai. shani dasham men sthit hokar tisri drishti se vyay bhav ko dekhne se unhen samman ke sath hi yash bhi prapt hoga aur yahi dasha unke jivan ki antim dasha hogi. dalai lama ki mansha hai ki ve ab avkash le len. rajnaitik netritva samay ke sath kisi yogya vyakti ko saunp diya jaega, lekin dalai lama ka pad kisi dusre ko nahin diya jaega. halanki chin ki sarkar ne agle dalai lama ke chayan sanbandh sabhi kam apne niyantran men lene ki ghoshna ki hai, lekin puri duniya samjhti hai ki dharmaguruon, santon, lamaon adi ka chayan koi sarkar nahin kar sakti.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2008

vastu ke vividh niyam evan siddhant, dharmagranthon, pauranik granthon men vastu ki charcha, manav jivan men vastu ke upyog, jyotish aur vastu, vibhinn prakar ke ghar, flait, kothi, kaloni, dharmastha, skul-kolej, aspatal, vyavsayik parisar adi ka vastu ke niyamanukul nirman

Subscribe

Apne vichar vyakt karein

blog comments powered by Disqus
.