गरुढ़ व्रत

garurh vrat  

Ank ke aur Lekh | Sambandhit Lekh | Views : 2649 |  
garur vrat pan. brajkishor bharadvaj brajvasi garur vrat ek divya vrat hai. yah kisi bhi purnamasi se praranbh kiya ja sakta hai, kintu margashirsh ki purnima se shuru kar ise ek varsh tak karne ki vishesh mahima hai. ek varsh pura ho jane par punah margashirsh mas ki purnima ko hi iska udyapan karna chahie. vrat evan udyapan men ganesh tatha navagrahadi pujnoprant garur v garur par virajman bhagvan lakshminarayan ka pujan karna chahie. pujan purushsukt v shrisukt se hi shodshopchar vidhi se sanpann karen. barah brahmanon v ek brahmani ko mishtannadi se tript kar vastrabhushnadi evan dravya-dakshina dekar svayan bhi mahaprasad grahan karen. sanbhav ho to svarn nirmit garur par virajit lakshminarayan bhagvan ka vigrah brahman ko dan karen. garur vrat ka palan karne vala kalasarp dosh se to mukti prapt karta hi hai, uske lie dharm, arth, kam aur moksh charon purusharthon ki prapti ka marg bhi sulabh ho jata hai. vrat vale din vrati ko bhagvan vishnu ke charitra, garur puran adi ka shravan tatha hari sankirtan aur garur charitron ka path karna chahie. bhagvan shri hari ke vahan aur unke rath ki dhvaja men sthit vintanandan garur bhagvan ki vibhuti hain. ve nityamukt aur akhand gyan sanpann hain. unka vigrah sarvavedamay vrihat aur rathantar unke pankh hain, urte samay jinse samved ki dhvani niklti rahti hai. ve bhagvan ke nitya parikar aur lila svarup hain. devagan unke parmatmasvarup ki stuti karte hue kahte hain- khageshvaran sharnmupagta vayan, mahaujsan jvalnsmanavarchasam. taditprabhan vitimiramabhra gochran, mahablan garurmupetya khecharam.. arthat ap hi sabhi pakshiyon evan jivon ke ishvar hain. apka tej mahan hai tatha ap agni ke saman tejasvi hain. ap bijli ke sadrish chamkte hain. ap badlon ki bhanti akash men svachchand vicharan karne vale mahaprakrami garur hain. ham sabhi apke sharnagat hain. devtaon ke sath sath vrati ko garur bhagvan ka bhi sharnagat hona chahie. yah param kalyan ka marg hai. shrimadbhagavat mahapuran men bhagvan shri krishn ne svayan uddhav ji se kaha hai- ‘‘suparno'han patattrinam’’ arthat pakshiyon men main garur hun. shrimadbhagavad gita men bhagvan kahte hain -‘‘vainteyashch pakshinam’’ arthat pakshiyon men main vinta ka putra garur hun. garur ji ke janma-karm ki katha satyayug ki bat hai, daksh prajapti ki patni asikni ne sath kanyaon ko janm diya jinmen se takshrya namdhari kashyap ke sath char kanyaon vinta, kadru, patangi aur yamini ka vivah hua. ek samay kadru aur vinta ki seva se prasann hokar maharshi kashyap ne donon ko prasannatapurvak var dete hue kaha, ‘tummen jiski jo ichcha ho, var mang lo.’ kadru ne ek hajar tejasvi nagon ko putra rup men pane ka var manga jabki vinta ne bal, tej aur parakram men kadru ke putron se shreshth keval do putra hi mange. iske pashchat ‘tum donon yatnapurvak apne-apne garbh ki raksha karna’ kahakar maharshi kashyap van chale gae. kadru ne ek hajar tatha vinta ne matra do ande die. kadru ke putra andon se nikal gae, parantu vinta ke donon andon se koi bachcha bahar nahin nikla. vinta ne utsuktavash ek ande ko tor diya aur dekha ki uske putra ke sharir ka upri bhag to viksit hua hai, parantu nichla bhag aviksit hai. us balak arun ne krodh men akar shap diya ki chunki usne uske sharir ke vikas men badha pahunchai hai, atah vah kadru ki dasi banegi. parantu yah bhi kaha ki dusre ande se jo bachcha niklega, vah use shapmukt karega. shart yah hai ki vah dhairyapurvak ande se balak ke niklne ki pratiksha kare. yah kahakar arun akash men ur gae. arun hi surya dev ke rath ke sarthi bane. tadnantar samay pura hone par sarpasanharak garurji ka janm hua. garurji ki tejomyi kanti garurji janm se hi sahas aur parakram se sampann the. unke tej se sanpurn dishaen prakashit ho rahi thin. unmen apni ichcha se nana rup dharan karne ki kshamata bhi thi. unka prakatya akashchari pakshi ke rup men hi hua. ve jalti hui agni ke saman udbhasit hokar pralykal ki agni ke saman dyutiman the. unka sharir thori hi der men vishal ho gaya tatha bhayankar avaj ke sath ve akash men ur gae. sabhi devtagan bhagvan ke rup men unki stuti karne lage- tvan prabhustapanah suryah parmeshthi prajaptiah. tvamindrastvan haymukhastvan sharvastvan jagatpatiah.. tvan mukhan paùjo viprastvamagniah pavanastatha. tvan hi dhata vidhata ch tvan vishnuah surasattamah.. ap hi prabhu, tapan, surya, parmeshthi aur prajapti hain. ap hi indra, hayagriv, shiv tatha jagatpati hain. ap hi bhagvan ke mukhasvarup brahman,paùyoni brahma tatha vigyanvan vipra hain. ap hi agni, ayu, dhata, vidhata tatha devashreshth shrivishnu hain. khagashreshth ! ap agni ke saman tejasvi is rup ko shant kijie. krodh men bhare hue yamraj ke saman apki kanti dekhakar hamara man chanchal ho raha hai. ap apna tej sametakar hamare liye sukhdayak ho jaie. devtaon ki stuti sunakar garurji ne apne tej ko samet liya. mata ki dasatva se mukti hetu amrit lana: garur ki mata vinta sarpon ki mata kadru ki dasi thin. iska garur ko bahut duahkh tha. unhonne sarpon ki dasta se apni mata ko churane ke lie unki shart janni chahi. is par sarpon ne kaha ki yadi tum hamen amrit lakar de do to tumhari man dasta se mukt ho jaegi. tab garur ne amritakalash lane ka nishchay kiya. amritakalash indra dvara rakshit tha, jiski devagan raksha kar rahe the. devguru brihaspatiji ne sabhi devtaon ko yah kahakar satark kiya ki pakshiraj garur ne apne pankhon se dhul urakar samast lokon men andhkar kar diya. fir devgnon ko apni chonch se bedhakar ghayal kar diya aur laghu rup dharan kar amrit ka haran kar liya. pakshiraj garur ko amritaghat ka apaharan kar le jate dekh indra ne rosh men bharakar vajra se un par prahar kiya. vihangapravar garur ne vajra se ahat hokar bhi hanste hue kaha- devraj ! jinki haddi se yah vajra bana hai, un maharshi ka main samman karta hun. shatakrato ! un maharshi ke sath-hi-sath apka bhi samman karta hun, islie apna ek pankh, jiska ap ant nahin pa sakenge, main tyag deta hun. apke vajra se main ahat nahin hua hun. us gire hue pankh ko dekhakar logon ne kaha- surupan patramalakshya suparno'yan bhavatviti. tad drishtva mahdashcharyan sahasrakshah purandarah. khago mahdidan bhutmiti matvabhyabhashat.. jiska yah sundar pankh hai, vah pakshi suparn nam se vikhyat ho. vajra ki asflta dekh sahasra netra vale indra ne man-hi-man vichar kiya- aho, yah pakshi rup men koi mahan prani hai. yah sochakar indra ne kaha- balan vigyatumichchami yatte parmnuttamam. sakhyan chanantamichchami tvaya sah khagottam.. vihangapravar ! main apke bal ko janna chahta hun aur apke sath aisi maitri sthapit karna chahta hun, jiska kabhi ant n ho. garurji ne kaha- kaman naitat prashansanti santah svablsanstavam. gunsankirtanan chapi svaymev shatakrato.. shatakrato ! sadhu purush svechcha se apne bal ki prashansa tatha apne hi mukh se apne gunon ka bakhan achcha nahin mante, kintu sakhe ! tumne mitra manakar pucha hai, islie main bata raha hun- saparvatvnamurvin sasagrjlamimam. vahe pakshen vai shakra tvamapyatravalambinam.. sarvan sampinditan vapi lokan sasthanujangman. vaheymprishranto viddhidan me mahad, balam.. arthat he indra ! parvat, van aur samudra ke jal ke sath sath sari prithvi ko tatha iske upar rahne vale apko bhi apne ek pankh par uthakar main bina parishram ke ur sakta hun athva sanpurn charachar lokon ko ekatra karke yadi mere upar rakh diya jae to main sabko bina parishram ke dho sakta hun. isse tum mere mahan bal ko samajh lo. amrit lekar lautte samay bhagvan se var ki prapti bhagvan vishnu ne garur ji ke parakram se santusht hokar unhen var mangne ke lie kaha. garur ji ne var manga- ‘he prabho ! main apke dhvaj men sthit ho jaun. he bhagavan ! main bina amritpan ke hi ajr-amar ho jaun.’ bhagvan ne ‘evamastu’ kahakar var pradan kiya. uske uprant garur ji ne bhagvan vishnuji ko var mangne ko kaha- bhagvan vishnu ne var manga- tan vavre vahnan vishnurgarutmantan mahabalam.. mahabli garutman ! ap mere vahan ho jaen. is prakar bhagvan vishnu ne garur ko apna vahan banaya aur apne dhvaj ke upar sthan bhi diya. garur ji ne nagon ke samne amrit rakhakar apni mata vinta ko dasatva se mukt kara liya. kal sarp dosh mukti katha: shri shukdev ji ne maharaj parikshit ko takshak nag se mukti evan sanatan moksh ki prapti ke lie shrimadbhagavat katha sunate samay is sundar akhyan ka varnan karte hue kaha ki garur ji ki mata vinta aur sarpon ki mata kadru men paraspar vair tha. mata ka vair smaran kar garur ji jo sarp milta use kha jate. isse vyakul hokar sab sarp brahmaji ki sharan men gae. tab brahmaji ne yah niyam kar diya ki pratyek amavasya ko pratyek sarp parivar bari-bari se garur ji ko ek sarp ki bali diya kare. is niyam ke anusar pratyek amavasya ko sare sarp apni raksha ke lie mahatma garur ji ko upharasvarup ek nirdisht vriksh ke niche apna-apna bhag dete rahte the. un sarpon men kadru ka putra kaliya nag apne vish aur bal ke ghamand se matvala ho raha tha. usne garur ka tiraskar karke svayan to bali dena dur raha, dusre sanp jo garur ko bali dete, unhen bhi kha leta. parikshit ! yah sunakar bhagvan ke pyare parshad shaktishali garur ko bara krodh aya. islie unhonne kaliya nag ko mar dalne ke vichar se bare veg se us par akraman kiya. vishadhar kaliya nag ne jab dekha ki garur bare veg se us par akraman karne a rahe hain, tab vah apne ek sau ek fan failakar dasne ke lie un par tut para. uske pas shastra the keval dant, islie usne danton se garur ko das liya. us samay vah apni bhayavni jibhen laplpa raha tha, uski sans lanbi chal rahi thi aur ankhen bari daravni jan parti thin. takshryanandan garurji vishnu bhagvan ke vahan hain aur unka veg tatha parakram bhi atulniya hai. kaliya nag ki yah dhithai dekhakar unka krodh aur bhi barh gaya. unhonne use apne sharir se jhatakakar fenk diya aur us par apne sunhre bayen pankh se bare jor se prahar kiya. unke pankh ki chot se kaliya nag ghayal ho gaya. vah ghabrakar vahan se bhaga aur yamunaji ke ek kund men chala aya. yamunaji ka kund garur ke lie agamya tha. vah itna gahra tha ki usmen koi dusra bhi nahin ja sakta tha. isi sthan par ek din kshudhatur garur ne tapasvi saubhri ke mana karne par bhi apne abhisht bhakshya matsya ko balpurvak pakarakar kha liya. apne mukhiya matsyaraj ke mare jane ke karan machliyon ko bara kasht hua. ve atyant din aur vyakul ho gain. unki yah dasha dekhakar maharshi saubhri ko bari daya ai. unhonne us kund men rahne vale sab jivon ki bhalai ke lie garur ko shap de diya ki ‘yadi garur fir kabhi is kund men ghusakar machliyon ko khaenge, to usi kshan pranon se hath dho baithenge. main yah satya-satya kahta hun.’ parikshit. maharshi saubhri ke is shap ki bat kaliya nag ke alava aur koi sanp nahin janta tha. islie vah garur ke bhay se vahan rahne laga tha aur bhagvan shrikrishn ne kaliya daman lila ke samay use nirbhay karke vahan se ramanak dvip men bhej diya. jo vrati niyampurvak sankalp sahit purn vidhi se yah vrat karte hain, nishchay hi unhen sukh-shanti, samriddhi aur krishna-narayan ki kripa prapt hoti hi hai, kal sarp dosh se mukti bhi milti hai. sath hi devon ki kripa, matri-pitri bhakti aur samaj men man pratishtha ki prapti bhi hoti hai aur anttah ve bhagvan vishnu ke param dham ko bhi prapt kar lete hain. garur gayatri mantra vainteyay vidmahe suvarnapakshay dhimhi. tannogrurah prachodyat. tatpurushay vidmahe suvarnapakshay dhimhi. tanno garurah prachodyat. suparnay vidmahe pakshirajay dhimhi. tanno garurah prachodyat. tatpurushay vidmahe suparnaparnay dhimhi. tanno garurah prachodyat. pakshirajay vidmahe pakshidevay dhimhi. tanno garurah prachodyat. garur mantra garur devay namah. pakshirajay namah. vintasutay namah. vishnuvahnay namah.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2008

vastu ke vividh niyam evan siddhant, dharmagranthon, pauranik granthon men vastu ki charcha, manav jivan men vastu ke upyog, jyotish aur vastu, vibhinn prakar ke ghar, flait, kothi, kaloni, dharmastha, skul-kolej, aspatal, vyavsayik parisar adi ka vastu ke niyamanukul nirman

Subscribe

Apne vichar vyakt karein

blog comments powered by Disqus
.