कैसे बने वास्तु अनुरूप विद्यालय

kaise bane vastu anurup vidyaly  

Ank ke aur Lekh | Sambandhit Lekh | Views : 3472 |  
kaise bane vastu anurup vidyalay dae. sanjay bu(iraja vidyalay ka nirman vastu ke sinddhanton ke anurup karna chahie taki chatra medhavi tatha safal hon. kintu khedajanak bat yah hai ki ajakal is disha men bahudha in siddhanton ki andekhi ki jati hai. faltah achche parinam nahin mil pate hain. vidyalay ke sandarbh men kuch mahatvapurn vastu niyam is prakar hain: bhumi vidyalay khule v pavitra bhukhand par banana chahie. as pas ka vatavaran shuddh, pavitra v shant hona chahie. shubh vatavaran ka prabhav vidyarthiyon ke samagra vikas par parta hai. bhumi vargakar ya aytakar honi chahie. uttara-dakshin ke chunbkiya dhruv bhumi ki lanbai ke samanantar hone chahie. disha vidyalay nirman men disha ka vishleshan ati avashyak hai. vidyalay purvabhimukh hona chahie arthat uska munh purva disha ki or hona chahie kyonki purva disha se hi surya niklta hai jo gyan rupi prakash dekar agyanta rupi andhkar ko dur karta hai. uttar disha bhi vidyalay ke lie upyukt hoti hai. purva v uttaramukhi vidyalyon men parhne vale vidyarthi yogya v buddhiman hote hain. aise vidyalyon ka shaikshanik star achcha aur parikshaon ke parinam prashansniya hote hain. mukhya imarat vidyalay ki mukhya imarat, vidyalay ki bhumi ke rnaitya kon ki or banni chahie. mukhya imarat ki unchai rnaitya men adhik v ishan men kam honi chahie. vidyalay ki chardivari ki unchai bhi dakshin-pashchim disha men adhik v purva-uttar disha ki or kam honi chahie. vidyalay ki sabse upyukt disha purva-uttar hai aur halka pila, safed v halka hara is disha ke rang hain. atah mukhya imarat inhin rangon ki honi chahie. kakshaon ki divaron ka rang pila ya halka hara hona chahie. pila rang guru arthat mastishk ka aur hara budh arthat vidya aur lekhan ka pratik hai. sanpurn vidyalay ki bhumi v chat ki dhalan purva v uttar disha ki or honi chahie mukhya dvar vidyalay ka mukhya dvar purva ya uttar disha ki or hona chahie. pashchim disha ka dvar madhyam faldayi aur dakshin disha ka ashubh hota hai. mukhya dvar hamesha saf-suthra rahna chahie. mukhya dvar ki unchai chairai se doguni honi chahie. mukhya dvar ke samne koi vedh nahin hona chahie. jal vyavastha udyan, favvare, tarntal, bhumigat taink adi vidyalay ke bhukhand ke ishankon ki taraf hone chahie. ovrhed pani ka taink imarat ke dakshin-rnaitya ki or hona chahie. vidyarthiyon ke jal pine ki vyavastha mukhya imarat ke purva ya uttar disha ki or ki ja sakti hai. bijli upakaran adi jenretar, mitar, menasvich, fyuj adi ki vyavastha agnikon ki taraf honi chahie. apat sthiti se bachne ke lie agnishamak upkrnon ki bhi uchit vyavastha agnikon men hi honi chahie. shauchalay v prasadhan shauchalay vidyalay ke bhukhand ke vayavya-pashchim ki or hona chahie. prasadhan v suvidhakaksh uttara-pashchim ya pashchim men banvane chahie. shauchalay v prasadhan kaksh havadar v khule hone chahie. shauchalay ya prasadhan kaksh ka prayog karte samay vidyarthi ka mukh dakshin ya pashchim disha ki or hona chahie. svagat kaksha: svagatakaksh mukhya imarat ke ishankon ki or banaya jana chahie. svagatakaksh ke pravesh dvar ki banavat aisi ho ki agantuk ka pravesh purva ya uttar ki taraf se ho. svagatakaksh men risepshanist ki desk v kursi ki sajavat aisi ho ki uska mukh purva ya uttar ki or ho. pradhanadhyapak kaksh pradhanadhyapak ka kaksh mukhya imarat ke rnaityakon ki or hona chahie taki unka niyantran sabhi karyon v karmachariyon par bana rahe. pradhanadhyapak ko apne kaksh men purva, uttar ya ishankon ki or mukh karke baithna chahie. tra pradhanadhyapak ki kursi ke piche koi darvaja ya khirki nahin honi chahie. pradhanadhyapak ki upadhiyon, puraskaron adi ko dakshin disha men sthan dena chahie. kaksha vidya ke karak grah guru ka vas ishan kon men hota hai, atah kakshaon ka nirman vidyalay ki mukhya imarat ke purva, uttar ya ishan kon ki taraf hona chahie. yadi kakshaen uttar ki or hi banvani hon to unka dvar purvamukhi hona chahie. kaksha men vidyarthiyon ke baithne ki vyavastha is prakar honi chahie ki unka mukh purva ya uttar disha ki or ho arthat blaikbord purva ya uttar ki divar par lagana chahie. kaksha ki khirkiyan chairi v havadar honi chahie. kaksha men kisi adarsh vyakti, rashtrapurush ya dharm guru ka chitra lagana chahie. stafrum ya shikshak kaksh shikshakon ka kaksh mukhya imarat ke vayavya ya uttara-pashchim kon ki or hona chahie. shikshakon ka kaksh vatanukulit hona chahie taki ve tarotaja rah saken aur puri urja se adhyapan kar saken. tra yadi rasoi ki vyavastha ho to yah shikshak kaksh ke agnikon ki or honi chahie. pustakalay pustakalay ka nirman vidyalay ki mukhya imarat ke ishan kon ki taraf hona chahie. pustakalay men baithne ki vyavastha is prakar se honi chahie ki adh yayan karte samay chatra ka mukh purva ya uttar disha ki or rahe. pustakon ka sangrah pashchim v dakshin ki divaron par hona chahie. pustakalay pramukh ki kursi pustakalay ke dakshin-pashchim ki or honi chahie. prayogshala prayogshala mukhya imarat ke agnikon ki or banani chahie. prayog karte samay vidyarthiyon ka mukh purva ya uttar ki or hona chahie. prayogshala pramukh ka mukh samjhate samay uttar disha ki or hona chahie. vahan sthal vahan sthal ke lie vidyalay vayavya ya agnikon upyukt hota hai. sabhi vahnon ko katarabaddh khare karna chahie. sabhagar sabha sthal vidyalay ke uttara-pashchim ya pashchim ki or hona chahie. sabhagar ke pashchim men manch hona chahie. sangit ki vyavastha sabhagar ke vayavya kon ki or ki ja sakti hai. anya vidyalay ke sammukh koi anya unchi imarat nahin honi chahie. vivah samaroh adi vidyalay ke andar nahin hone chahie. vidyalay ka nirman sarasvati ko arpit karna chahie n ki lakshmi ko, kyonki jahan sarasvati ka vas hota hai vahan lakshmi avashya vas karti hain.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2008

vastu ke vividh niyam evan siddhant, dharmagranthon, pauranik granthon men vastu ki charcha, manav jivan men vastu ke upyog, jyotish aur vastu, vibhinn prakar ke ghar, flait, kothi, kaloni, dharmastha, skul-kolej, aspatal, vyavsayik parisar adi ka vastu ke niyamanukul nirman

Subscribe

Apne vichar vyakt karein

blog comments powered by Disqus
.