vastu aur ank jyotish ank jyotish ka vastu men bahut mahatva hai. vastu prapti ke lie vyakti ka pratham prashn hota hai ki kis nambar ka makan ya dukan mere lie shubh rahega ? anko ki shakti ko nakara nahin ja sakta. ank jyotish men ankon dvara kisi bhi vyakti, ghatna v deshon par parne vale prabhav ka vivechan kiya jata hai. jab kisi vyakti par ankon ka prabhav dekhna ho to uski janm tarikh se uska mulank aur bhagyank nikala jata hai. yadi janm tarikh ka gyan n ho to namank dvara bhi bhavishya kathan kiya jata hai. aisa dekha jata hai ki kisi vyakti vishesh ki mahatvapurn ghatnaen kisi vishesh ank se adhik sambandhit hoti hain. apne jivan men ghatne vali shubh v ashubh ghatnaon ka vivechan karne par ap paenge ki kinhin vishisht ankon ke irda-gird hi kuch vishisht ghatnaen hoti hain. ank 0ah shunya se hi shabd aur ank ka pradurbhav hota hai. shunya nirakar brahm ya anant ka pratik hai. vishva ko shunya ka gyan bharat ne hi diya. shunya se prarambh hokar ek se nau tak ke ank ant men das ane par shunya men hi vilin ho jate hain. shunya vishal aur anant akash ka bhi pratinidhitva karta hai. vastu men akash tatva ke mahatva ko nakara nahin ja sakta. ank 1ah ank ek sakar brahm ka pratik hai. is srishti ko chalane ke lie ek shakti hai. us shakti ko pukarne ke lie nam anek hain. koi ishvar kahta hai, koi allah kahta hai, koi ek onkar kahta hai. ank 1 ko surya se jora jata hai. surya ke ird gird hi sabhi grah, nakshatra, prithvi v tare chakkar lagate hanai. sabse adhik prakashvan grah surya hi hai. ank 1 ke grah surya ka atma se sambandh hai. bhagyank ya mulank ek se prabhavit vyakti sthir vichardhara vale hote hain. inke nishchay, ichcha shakti, sanbandh v mitrata sthayi hote hanai. mansik sthiti svatantra vichardhara ki hone se kisi ke adhin rahakar karya karne men asuvidha mahsus karte hain. dusron ka upkar karne men tatpar rahte hain. apni lagan aur mehanat se samaj men mukhiya ka pad prapt karte hain. ye chatur, balvan, buddhiman, rajsi thatbat ko pasand karne vale spasht vakta hote hain, satya ke marg par chalne vale v svabhimani hote hain. inke lie aise rashtra, pradesh, gram, makan ya flait men nivas karna shubh rahega jiska mulank ya namank ek ho. purva disha inke lie hamesha shubh rahegi. purva disha ke makan, purva disha ki baithak v purvi sthanon men vyapar karna shubh rahega. surya jab mesh aur sinh rashi men ho us avdhi men ye log apne lakshya ko prapt karne men safal hote hain. 1 ank valane ke lie shubh rahte hain. 1, 10 aur 19 tarikhen mahatvapurn rahengi. ank 2ah ank 2 ka svami grah chandrama hai. jis prakar chandrama 15 din ghatta hai aur 15 din barhta hai, usi prakar ank 2 se prabhavit vyakti chanchal svabhav ke hote hain. kabhi tarakki karte hanai to kabhi avnti. pratyek vastu ko 2 pahluon se dekhna chandrama sikhata hai. miln-viyog, labh-hani, janma-mrityu, yash-apayash, atma-parmatma ka bhed batane bala ank 2 hi hai. ank 2 se prabhavit vyakti kalpanashil, kalapriya evan snehshil svabhav ke hote hain. sharirik shakti bahut achchi nahin hoti, lekin buddhichaturya kafi achcha hoga, lekin ek vichar par drirh nahin rah pate. apni yojnaon men badlav late rahte hain. atmavishvas ki kami ke karan kabhi-kabhi nirasha ka samna karna parta hai. janta ke madhya lokapriya rahanege, lekin inka prabhav ghatta-barhta rahega. kisi bhi desh, shahar ya bhavan ke vayavya kon men rahna inko ruchikar lagta hai. ank 2 vale makan, mahine ki 2, 11, 20 v 29 tarikhen mahatvapurn rahengi. ank 3ah ank ka svami grah brihaspati hai. devtaon ke guru brihaspati gyan aur vidya ko dene vale hain. ank 3 tridev-brahma, vishnu, mahesh ka pratinidhitva karne vala hai. dharti-akash-patal ke tin lok svarg, mrityu aur patal lok ank 3 ki satta ko darshate hain. tin gun- sat, chit v anand tatha tin avgun- lobh, moh v ahankar hain. 84 (8 $ 4 = 12 = 3) lakh yoniyan v 84 prakar ke ratn ank tin ka bodh karate hain. ank 3 se prabhavit vyakti anushasan ke mamle men kafi kathor hote hain. is karan kabhi-kabhi inke niche kam karne vale in se shatruta karne lagte hain. ye mahatvakankshi hote hain aur dharmik pravriti ke, vidya adhyayan, adhyapan tatha bauddhik star ke karya karke achchi upalabdhiyan evan khyati prapt karte hain. aise log mansik rup se kafi santulit evan viksit vyakti hote hanai sath ye dan-punya ke kam men tatpar rahte hue dusron ko sachchi salah dena apna dharm samjhte hain. svabhav se shant, komal, mridubhashi evan satya vakta hote hanai. kisi bhi shahar ki ishan kon disha men rahna hamesha shubh rahta hai. aise logon ko vaise ghar men rahna shubh rahega jiska mulank ya namank 3 ho. inhen rojgar bhi ishan kon disha men hi karna chahie. har mahine ki 3, 12, 21 v 30 tarikhen inke lie mahatvapurn rahti hain. ank 4ah ank 4 ke svami grah rahu v harshal ko mana gaya hai. brahma ji ke char mukh, char ved, char varn v char yug ank 4 ki satta ko darshate hain. ank 4 se prabhavit vyakti jivan men sahsa evan ashcharyajanak pragti karte hain. inke jivan men asanbhavit ghatnaen bhi ghatti hain. aise vyakti sangharshashil, jamane se age ki sochne vale v purani prathaon v ritiyon ke virodhi hote hain. dhan sangrah adhik nahin kar pate. nam v yash adhik prapt karte hain, lekin yah khyati sthir nahin rah pati. kabhi to uchchata ke shikhar par hoti hai aur kabhi mand. naye-naye parivartanon v avishkaron dvara nirantar karya men lage rah kar apna nam roshan karte hain. ank 4 vale makan tatha mahine ki 4, 13, 22 tarikhen mahatvapurn rahti hain. rnaitya disha inhen adhik pasand ati hai. ank 5ah ank 5 ka svami grah budh hai. prakriti dvara pradatt panchmhabhut-agni, prithvi, vayu, jal aur akash ank 5 ka pratinidhitva karte hain. panchang ke 5 ang-tithi, var, nakshatra, karan v yog tatha vyakti ke panch gun dhairya dharm, satya, santosh, daya aur panch avgun-kam, krodh, lobh, moh, ahankar ank 5 ki satta ko darshate hain. 14 (1 $ 4 =5) bhuvan v 68 (6 $ 8 = 14 = 5) tirth ank 5 ki yad dilate hain. panj pyare v panjvani bhi ank 5 ke mahatva ko darshate hanai. ank 5 se prabhavit vyakti chanchal svabhav ke, vakptu, tarkashil v naklchi hote hain. ye jaise vatavaran men baithe hon apne apko usi ke anurup dhal lete hain. ye vyakti naukri ki apeksha vyapar, vanijya, lekha, shilp v chikitsa ke karya karna pasand karte hain. ye har karya ko jaldi samapt karna chahte hain. jaldabaji ke chakkar men kabhi-kabhi inhen hani ka bhi samna karna parta hai. ye adhikanshtah buddhi janit karya men hi ruchi lete hain. rojgar ke kshetra men nit nai skimen banakar apni tarakki ka marg prashast karte hain. lekhan karya men bhi inki ruchi hoti hai. dhan sangrah ki or bhi akrisht rahte hain. uttar disha inke lie shubh rahti hai. 5 ank vale makan tatha mahine ki 5, 14, 23 tarikhen mahatvapurn rahti hain. uttar disha men baith kar karya karna v shahar se uttar disha men vyapar karna inke lie shubh rahta hai. ank 6ah ank 6 ka svami grah shukra hai, jo ki aishvarya v bhog vilas ka pratik hai. prakriti dvara pradatt 6 rituen aur shat ras vyanjan ank 6 ki satta ko darshate hain. ank 6 se prabhavit vyakti arkashak vyaktitva vale v milnsar hote hain. sundarata, sundar vastuon ki or akarshit hona, viprit seks ke prati akarshit hona aur unse batchit karna inka svabhavik gun hai. sangit, sahitya, lalitkla, chitrakla v kam kala ka inhen vishesh gyan hota hai. sundar vastra dharan karna evan susajjit makan men rahna inko achcha lagta hai. ghar v aefis men sabhi vastuon ko sajavat ke sath rakhna, suruchipurn farnichar v parde rakhna inhen achcha lagta hai. atithiyon ka adar satkar karne men garva mahsus karte hain. svabhav men thora hathipan v ishrya ki bhavna bhi hoti hai. dusrane ko apna bana lene ki kala men parangat hote hain. inke mitron ki sankhya adhik hoti hai. ghar aur afis ki saj sajavat men dhan vyay karte rahte hain. apni shano shaukat se dusron ki najar men hamesha dhani vyakti hi samjhe jate hain. kala ke kshetra men apna vyavsay chunne se inhen saflta milti hai. shahar se agni kon disha men rahna v vyapar karna inhen achcha lagta hai. mah ki 6, 15, 24 tarikhen mahatvapurn rahti hain. apna avas v vyavsay bhi ank 6 vale bhukhand par banana chahte hain. ank 7ah ank 7 ka svami grah ketu v nepachyun hai. indradhnush ke sat rang, sapt dhanya, sat sur, sat samudra ank 7 ki satta ko darshate hain. ank 7 se prabhavit vyakti vividh lalit kalaon men ruchi lene vale, lekhan, sahitya, kavya rachna adi karyo ko karne vale hote hain. kalpana shakti ke dhani v yatra, paryatan v sair sapata par dhan vyay karne vale hote hain. inko videshon se, jahaj, motar ityadi vahnon se vishesh labh prapt hota hai. atindriya gyan ki adhikta se ye dusron ke man ki bat ko jan jate hain. dhan sangrah adhik nahin kar pate. bhagyoday rukavton ke sath hota hai. inko aisa rojgar pasand ata hai jismen inhen dur-dur ki yatraen karke dur ke vyaktiyon se sambandh banane men sahayta mile. inka karya kshetra yada kada parivartit hota rahega. prachin riti rivajon par astha kam rahti hai. apne vicharon dvara nayi paramparaon ko sthapit karte hain. inko aisa bhavan jiska mulank ya namank 7 ho tatha vah rnaitya kon disha men ho, shubh rahta hai. mah ki 7, 16, 25 tarikhen mahatvapurn rahti hain. ank 8ah ank 8 ka svami grah shani hai. vastu ki athon dishaon, asht dhatu v asht siddhiyon ko darshane vala ank ath hi hain. ank 8 se prabhavit vyakti shani ki tarah dhire-dhire chalne vale v dhire-dhire unnati karne vale hote hain. alasya inka sabse bara shatru hai. vyavdhanon aur kathinaiyon se jujhte hue saflta prapt karna inki prakriti men rahta hai. inki karya shaili ko har koi samajh nahin pata. isse inke virodhi bhi utpann hote hain. inko kuch log shushk v kathor hriday bhi samjhte hain, jabki andar se ye kafi bhavuk v dayalu honge. yah apne jivan men kai mahatvapurn karya karte hain, jisse inko nam, yash v kirti milti hai. inke andar tyag ki bhavna adhik rahti hai aur kisi karya men kitna hi shram, tyag ya balidan chahie, yah piche nahin hatte. inko saflta der se, lekin sthayi taur par prapt hoti hai. alasya aur nirasha par vijay prapt karne se bhagyoday hota hai. pashchim disha men rahna v ank 8 ka makan inke lie shubh rahta hai. mah ki 8, 17, 26 tarikhen mahatvapurn rahti hain. ank 9ah ank 9 ka svami grah mangal hai. prithvi ke nau khand aur nau nidhiyon ka pratik ank 9 hai. gita ke 18 (1 $ 8 = 9) adhyay, 18 puran, mala ke 108 (1 $ 0 $ 8 = 9) dane, 18 puran aur gita ke sammilit 4, 07, 700 (4 $ 0 $ 7 $ 7 $ 0 $ 0 = 18 = 9) shlok ank 9 ki satta ko darshate hain. ank 9 se prabhavit vyakti ke andar senapti, nayak v mukhiya banne ki chah rahti hai. in vyaktiyon ke andar akshmya sahas v furti hone ki vajah se jo bhi karya hath men lete hain, vah shighra pura kar lete hain. ye anushasan priya v krodhi bhi hote hain. apne shatruon ko daman karne ka bal hamesha inme bana rahta hai. saumyata ka vyavhar inke bhagya men vriddhikarak hoga. sahas bhare karya v kshatriyochit gunon ke karan inko ekadhikar purn karya pasand ate hain. yantrik karyane men bhi inki ruchi rahti hai. gyan-vigyan v takniki kshetron men bhi inka rujhan hota hai. dakshin disha v 9 ank vale makan inke lie shubh rahte hain. mah ki 9, 18, 27 tarikhen mahatvapurn rahti hain. mulank aur bhagyank nikalne ki vidhi yadi kisi vyakti ki janm tarikh 12-7-1985 hai to us vyakti ka mulank nikalne ke lie tarikh ke ankon ko joranegen jo ki 12 hai. 1$2 ka jor 3 hota hai, islie vyakti ka mulank 3 hoga. yadi tarikh, mah aur varsh ko bhi jor liya jae to bhagyank aega. jaise yahan - 1 $ 2 $ 7 $ 1 $ 9 $ 8 $ 5 = 33 = 3 $ 3 = 6 uprokt vyakti ka bhagyank 6 aya. is prakar is vyakti ke jivan men ghatne vali shubhashubh ghatnaen ank 3 aur 6 se adhik prabhavit hogi.