व्रत पर्व प्रश्नोत्तरी

vrat parva prashnottari  

Ank ke aur Lekh | Sambandhit Lekh | Views : 2777 |  
vrat parva prashnottari hindu dharm men vraton, parvon adi ki vishesh manyataen hain aur unse juri anek kathaen hain. lekin bahudha hamare man men in kathaon ko lekar prashn ubhrte hain, jigyasaen panpti hain. hamare man men uthne vale kuch prashn aur samadhan yahan prastut hain. vrat v upvas kyon karna chahie? vrat ko sanskrit men upvas kaha jata hai. iska shabdik arth hai ishvar ki prapti. iske atirikt yah indriyon par niyantran tatha man ke shuddhikaran men bhi hamari sahayta karta hai. islie vrat ya upvas karna chahie. koi vishesh vrat vishesh tithi ko hi kyon karna chahie? manyata hai ki kisi tithi vishesh ko dev prithvi par vicharan karte hain. unka samipya bana rahe, hamari puja archana men bhag lekar hamare kashton ka nivaran karen, isi uddeshya se koi vishesh vrat kisi vishesh tithi par kiya jata hai jiska apna mahatva hota hai. vrat adi par kalava (raksha sutra) kyon bandhte hain? kalava (raksha sutra) ka upyog puja sthal par kie jane vale sankalp ko bandhne ke lie kiya jata hai. yah sadhak aur sadhya ke bich tadatmya ki kari ka bhi pratik hai. yah asuri shaktiyon se sadhak ki raksha karta hai. isilie ise pujan adi ke avasar par bandhte hain. sabse mahatvapurn vrat ya katha kaun si hai aur use kab aur kaise karna chahie? satya narayan vrat katha ki vishesh mahima hai kyaneki ismen vishnu bhagvan ki aradhna ki jati hai. satya ko apne jivan aur acharan men utarna sabse bara vrat hai jiski prerna hamen satya narayan ki vrat katha sunne sunane se milti hai. yadyapi satya narayan vrat kisi bhi din kiya ja sakta hai, kintu pratyek mas ki purnima ko iska ayojan karne ki vishesh mahÿaa hai. adhikansh kathaon ke antargat upktha ka samavesh hota hai jaise satyanarayan vrat katha men shaunkadik rishiyon, lakrhara, raja ulkamukh, vyapari, kalavti adi ne katha suni ya kahi. to kya satyanarayan bhagvan ki aradhna bhakton ki kahani sunna hi hai? bhagvan apne bhakton ko apne se bara mante hain. isilie bhagvan ki katha kahne ke atirikt unke bhakton ki katha kahne ki paranpra bhi rahi hai. bhakton ki katha ka fal bhi vahi hota hai jo bhagvan ki katha kahne ya sunne ka hota hai. upar varnit prashn men ullikhit bhakton ne kis prakar satyanarayan bhagvan ki aradhna ki hogi?arthat mul aradhna vidhi kya hai? shodshopchar pujan hi shastrokt vidhi hai. taduprant mantra dvara bhagvan ki aradhna ka vishesh mahatva hai. jaise vishnu bhagvan ke lie ‘¬ namo bhagvte vasudevay’ ya ‘¬ namo naraynay’ mantra vishesh prachlit hai. bhagvan ko prasad kyon charhaya jata hai? prasad ka ek shabdik arth hai vah padarth jo hamen shanti de. isilie bhagvan ko bhog lagane ke bad hamen bhi prasad avashya grahan karna chahie. bhojan bhi ek yagya hai jo vaishvanar bhagvan (jathragni) ko arpit kiya jata hai. atah jis var ko jo vastu dan di jati hai use hi us din grahan karna uÿam hai. kya hanuman ji ki aradhna kanyaane athva striyon ko karni chahie? jaise manushya aur pashu ke bich men stri-purush men bhed nahin hai usi prakar devta aur manushya ke bich men stri-purush ka koi bhed nahin hai. isilie hanuman ji ki aradhna kanyaen aur striyan bhi kar sakti hain aur ismen koi bhed nahin manna chahie. pujan ke samay tilak kyon lagaya jata hai? donon bhaunhon ke bich men agya chakra sthit hai. isi chakra par dhyan kendrit karne par sadhak ka man purn shakti sanpann ho jata hai. yah sthan tritiya netra ka bhi hai. tilak lagane se agya chakra jagrat ho jata hai. tilak samman ka suchak bhi hai. murti puja kyon ki jati hai? chintan, manan aur tap ke lie man ki ekagrata avashyak hoti hai aur man ko ekagra karne ke lie kisi pratik ka hona jaruri hota hai. murti isi pratik ka dyotak hai jiski puja ki jati hai. yah pratik koi bindu, koi murti athva koi anya akriti bhi ho sakti hai. dhyey keval ek hai - man ki ekagrata. puja kis disha ki or unmukh hokar karni chahie? puja purva disha ki or unmukh hokar karna sarvoÿam hota hai arthat sadhak ko purva ki or munh karke baithna chahie. iske atirikt uÿarabhimukhi hokar bhi puja ki jati hai. yadi in do dishaon ki or unmukh hokar puja karna kisi karanavash sabhanv n ho to ishan kon ki or bhi manuh karke puja kar sakte hain. asan ka kya mahatva hai? asan puja ka ek anivarya ang hai. is par baithakar puja karne se man ki ekagrata bani rahti hai. kush ka asan sarvashreshth mana gaya hai kyonki yah hamare sharir men sanchit urja ko kshay hone se bachata hai. iske abhav men un arthat kanbal ke asan ka upyog bhi kiya jata hai. asan ka sthir v svachch hona avashyak hai. dhup, dip adi kyon jalate hain? dip gyan ka pratik hai. gyan agyan ko usi tarah dur karta hai jis tarah prakash andhkar ko. gyan ki prapti ishvar se hoti hai. isilie pratyek vratanushthan tatha anya shubh karyon ke avasar par dip prajvalan ki pratha hai. dhup islie jalaya jata hai ki puja sthal tatha aspas ka kshetra suvasit rahen. charnamrit kyon grahan kiya jata hai? charnamrit ka arth hai vah jal ya dugdh jisse ishvar ka charan pakhara gaya ho. yah ishvar ke prati hamari nishtha ka pratik hai. ismen asim shakti hoti hai. yah duahkh, kasht, daridrata adi se hamari raksha karta hai. isilie ham charnamrit grahan karte hain. puja path men pushp ka kya mahatva hai? puja men pushp ka bara mahatva hai. puja ka arth hi pushp arpit karna hai. pushparpan ek pratik hai ki jis tarah koi ful apni sari pankhuriyon ko kholakar viksit hota, muskarata hai, usi tarah sadhak ka hriday bhi apne ish ke samaksh khul jae. ek pratik yah bhi hai ki jis tarah nan prakar ke ful prakriti men hanste muskarate hain, usi tarah ishvar hamare jivan ko rang, mahak aur khushiyon se bhar den. kya murtiyon men devi devta ka vas hota hai? puja ke samay ham ishvar ka avahan karte hain taki ve hamare samip rahen. islie jab kisi murti men kisi devi ya devta vishesh ka avahan kiya jata hai tab usmen us devi ya devta ka vas ho jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.