putrada ekadshi vaise to yah ekadshi anya ekadshiyon ki tarah hi sabhi prakar ke manovanchit fal pradan karne vali hai, kintu putra prapti ke lie iska vishesh mahatva hai. yah vrat shravan mas ke shukla paksh ki ekadshi ko rakha jata hai. pratah kal uthakar snanadi dainik karyon se nivriÿa hokar shrihri vishnu bhagvan ki pratima ko dudh, dahi aur shuddh jal se snan karakar roli, chandan, pushp, dhup, dip adi se pujan karke kapur, dipak se bhakti-bhavnapurvak arti ki jati hai aur fir prasad bhakton men banta jata hai. is din brahmanon ko bhojan karane aur yathashakti dan-dakshina dene se vishesh fal prapt hota hai. shri padmapuran men katha hai ki dvapar yug men mahishmatipuri ka raja mahijit ek shanti evan dharmapriya vyakti tha. lekin vah putra-vihin tha. raja ke shubhchintkon ne yah bat mahamuni lomash ko batai to unhonne bataya ki yah vyakti purva janm men ek atyachari, dhanhin vaishya tha. isi ekadshi ke din dopahar ke samay vah pyas se vyakul hokar ek jalashay par pahuncha, to vahan garmi se pirit ek pyasi gay ko pani pite dekhakar isne use rok diya aur svayan pani pine laga. apne punya kamon ke falasvarup vah raja to bana, kintu us ek pap ke karan putra-vihin hai. punah mahamuni ne bataya ki raja ke sabhi shubhchintak yadi ‘shravan shukla paksh ki ekadshi tithi ko vidhipurvak yah vrat karen aur uska punya raja ko de den to nishchay hi use putra ratn ki prapti hogi. is prakar muni ke nirdeshanusar praja ke sath-sath jab raja ne bhi yah vrat rakha, to kuch samay bad rani ne ek tejasvi putra ko janm diya. tabhi se is ekadshi ko putrada ekadshi kaha jata hai.
Kya aapko lekh pasand aaya?
Subscribe