अहोई अष्टमी

ahoi ashtami  

Ank ke aur Lekh | Sambandhit Lekh | Views : 2210 |  
ahoi ashtami bhartiya striyan putra ki dirghayu evan sukh-samriddhi ke lie kartik krishn paksh ki ashtami ko ahoi ashtami ka vrat rakhti hain. is din sare din vrat rakhakar divar par ashtak ka chitra banaya jata hai. chaik banakar kalash ki sthapna ki jati hai. kalash pujan ke bad ashtak divar ki puja kar bhog lagaya jata hai aur katha kahi jati hai. katha hai ki ek nagar men ek sahukar rahta tha. uske sat putra aur ek putri thi. sahukar ke sabhi bete-beti vivahit the. ek din sahukar ke beton ki bahuen apni nanad ke sath mitti khodne gain. mitti khodte samay sahukar ki beti se sanyogavash kudali sehi ke ek bachche ko lag gai, jisse uski mrityu ho gai. anjane men hue is pap se beti ko bahut duahkh hua. idhar sehi ko unke bachche ke mrit hone ki khabar mili to vah shap dekar sahukar ki beti ki kokh bandhni chahi. ghabrakar sahukar ki beti ne apni bhabhiyon se agrah kiya ki uske badle ve apni kokh bandhva len. lekin iske lie bari chah bhabhiyon men se koi taiyar nahin hui. akhir men choti bahu ne yah sochakar bandhva li ki yadi nanad ki kokh bandh gai, to isse sas ko bhi duahkh hoga. samay bitta gaya. choti bahu ke janme saton bete ek ke bad marte gae. isse vah dukhi rahne lagi. shap ki mukti ke lie panditon ne use gau ki puja karne ko kaha. is prakar, choti bahu pratidin gau ki puja karne lagi. seva-puja se prasann ho ek din gau mata ne kaha, ‘‘tujhe meri seva karte bahut din ho gae hain, bata kya chahti hai?’’ tab sahukar ki bahu ne puri ghatna use suna di. idhar, sehi ko apne bachche ki rakhvali ke lie kisi ki jarurat thi. gau ke kahne par usne sahukar ki choti bahu ko rakhvali ke lie rakh liya. bahu ne sehi ke bachchon ki khub seva ki. isse prasann hokar usne choti bahu ko santan ka vachan de diya. jab vah ghar ai to dekha ki uske sabhi putra jivit ho chuke the. us din ahoi ashtami thi. choti bahu ne us din ahoi mata ka vrat kiya aur puja karke katha suni.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.