व्रत की सफलता के सूत्र

vrat ki saflta ke sutra  

Ank ke aur Lekh | Sambandhit Lekh | Views : 4228 |  
vrat ki saflta ke sutra pan. lokesh d. jagirdar manushya adrishya shaktiyon ka bhandar hai, kintu uski shaktiyan antrik vikaron ke karan kshin ho jati hain. falasvarup vah sada hi kisi n kisi vyadhi ya samasya se grast rahta hai. anttah samasyaon se chutkara pane ke lie athva satkarm ya sadgti ke lie vrat adi ka sahara lena parta hai. vraton ko niyampurvak karne se vyakti ko jivan men kai laukik aur parlaukik labh v anubhav prapt hote hain. sath hi vah jis samasya se jujh raha hota hai vah ya to samapt ho jati hai ya vrat karne se itna atmabal mil jata hai ki vah hanste hue us samasya ka samna kar leta hai. vastutah vrat ke prabhav se manushya ki atma, buddhi v vichar shuddh hote hanai, sankalp shakti barhti hai. sharir ke antahsthal men parmatma ke prati bhakti, shraddha aur tallinta ka sanchar hota hai. ghar-parivar ke karyon ke sath-sath naukri, vyapar, kala-kaushal adi ka safltapurvak sanpadan kiya ja sakta hai, islie vrat niyampurvak karna chahie. dhyan rakhen- sankalp ke bina vrat adhura hai. atah kisi karya vishesh ke lie, kitni sankhya men aur kab tak vrat karna hai, iska sankalp vrat praranbh karne ke purva kar lena chahie. vrat shubh muhurt men aranbh karen taki yah nirvighnatapurvak purn ho sake. vrat ke din krodh, ninda adi n karen. brahmacharya ka palan anivarya rup se karen. bare bujurg, mata-pita v gurujnon ke charan chukar unka ashirvad len. jo bhi vrat karen, shastra v puran men batai gai vidhi ke anusar hi karen. usmen apni sukh-suvidha ke lie parivartan n karen. vrat ke bich men mrityu ya janm ka sutak ane par vrat punah shuru se praranbh karna chahie. yadi vrati stri ho aur vah vrat ke bich men rajasvala ho jae to keval us din ke vrat ki sankhya n le. aise men vrat to kare, kintu pujan nahin. vrat purn hone par uska shastranusar havnadi ke dvara udyapan jarur karna chahie, kyonki udyapan n karne se vrat ka fal nahin milta. kshama, satya, daya, dan, shauch, pan. lokesh d. jagirdar indriya-nigrah, dev puja, agni havan, santosh, astey adi ka palan karna kisi bhi vrat ke lie anivarya hai, aisa shastrakaron ne kaha hai. yadi kisi vrat men kisi bhi devta ki puja n ho to apne isht dev ka smaran karen. vrat ke din devtaon ke sath apne purvajon v pitrignon ka smaran avashya karna chahie. isse devashirvad ke sath-sath purvajon ka ashish bhi mil jata hai aur jis karya ke nimitt vrat kiya jata hai, vah shighrata se purn hota hai. yadi kisi karan vrat bigar jae, chut jae ya vrat ke din koi shastra viruddh karm ho jae to pahle vrat ke lie prayashchit karen, fir vrataranbh karen. vrat ke din upvas avashya karen. vrat aur upvas ka vahi sanbandh hai jo sharir aur atma ka hai. atah puranon men batai gai vidhi ke anusar upvas karna chahie. vrat ke din satvik ahar hi lane taki sharir halka rahe. basi, garishth kabj barhane vale, tale hue, pyaj yukt bhojan, mans-madira, ande, lahsun adi ka sevan bilkul n karen.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.