श्रीकृष्ण जन्माष्टमी

shrikrishn janmashtami  

Ank ke aur Lekh | Sambandhit Lekh | Views : 3216 |  
shrikrishn janmashtami sanpurn bharat men bhadrapad mas men krishn paksh ki ashtami ke din bhagvan shrikrishn ka janmotsav bari shraddha aur dhumdham se manaya jata hai. is din log upvas rakhte hain. shastron men bataya gaya hai ki jo vyakti janmashtami ka vrat vidhi-vidhananusar karta hai, uske samast pap mit jate hain v sukh samriddhi milti hai. sanpurn bharat men bhadrapad mas men krishn paksh ki ashtami ke din bhagvan shrikrishn ka janmotsav bari shraddha aur dhumdham se manaya jata hai. is din log upvas rakhte hain. shastron men bataya gaya hai ki jo vyakti janmashtami ka vrat vidhi-vidhananusar karta hai, uske samast pap mit jate hain v sukh samriddhi milti hai. is din pratahkal dainik nityakarmon se nivriÿa hokar vrati ko sankalp lekar vrat praranbh karna chahie is din yam-niyamon ka palan karte hue nirjal vrat rakhna chahie. vrat ke din gharon aur mandiron men bhagvan shrikri shn ke bhajan, kirtan aur lilaon ka ayojan kiya jata hai. sandhya ke samay jhula banakar balkrishn ko usam jhulaya jata hai. arti ke bad dahi, makhan, panjiri v anya prasad bhog lagakar bante jate hanai. kuch log rat men hi paran karte hain aur kuch dusre din brahmanon ko bhojan kara kar svayan paran karte hain. katha hai ki dvapar men mathura nagri men raja ugrasen ka rajya tha. unka putra kans param pratapi hone ke bavjud atyant nirdayi tha. usne bhagvan ke sthan par apni puja karvane ke lie praja par anek atyachar kie. apne pita ko bhi usne karagar men band kar diya. uske papachar aur atyacharon se duahkhi hokar prithvi gay ka rup dharan kar brahmaji ke pas pahunchi, to unhonne gay aur devgnon ko vishnu ke pas bhej diya. vishnu ne kaha ki ‘‘main jald hi braj men vasudev ki patni aur kans ki bahan devki ke garbh se janm lunga. ap bhi braj men jakar yadav kul men apna sharir dharan kar len.’’ jab vasudev aur devki ka vivah ho chuka, to vidai ke samay akashvani hui, ‘‘are kans! teri bahan ka athvan putra hi teri mrityu ka kal banega.’’ kans yah sunte hi kruddh hokar unhen karagar men dalva diya. devki ko ek-ek karke sat santanen huin, jinhen kans ne marva dala. bhadrapad krishn paksh ki ashtami ko ratri 12 baje jab bhagvan vishnu ne krishn ke rup men janm liya, to charon or divya prakash fail gaya aur usi vakt akashvani hui ki shishu ko gokul gram men nand baba ke ghar bhej kar uski kanya ko kans ko saunpne ki vyavastha ki jae. vasudev ne balak ko jaise hi uthaya, unki beriyan khul gain. sabhi pahredar so gae aur karagar ke saton darvaje apne ap khul gae. daiviya kripa se vasudev braj men jakar nand gop ki patni yashoda, jo ratrikal men soi hui thi, ke nikat shrikrishn ko rakh, unki navjat kanya ko vapas karagar le ae. vasudve ke andar ate hi sare darvaje apne ap band ho gae. sab kuch pahle jaisa hi ho gaya. unke pairon men punah beriyan par gain aur pahredar jag gae. idhar, kans ne athvin santan ka samachar suna, to vah karagar pahuncha. devki ki god se kanya ko chinakar use marne ke lie jaise hi usne use uthaya, vah hath se chutakar akash men ur gai aur tatkshan kanya ne kaha- ‘dusht kans! tera sanharakarta to paida chuka hai.’’ yah sunakar kans chakit rah gaya. akhir men usne pata laga hi liya ki gokul men nand gop ke yahan krishn pal raha hai. uska vadh karane ke lie usne kai prayas kie par, sab bekar. bare hone par krishn ne kans ka vadh karke praja ko bhay aur atank se mukti dilai, apne nana ugrasen ko fir se rajagaddi par baithaya tatha apne mata-pita ko karagar se churaya. krishn ke alaukik evan divya rup v lilaon ke akarshan men sabhi bandhe the.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.