ayurved ke anusar rog ki utpatti vat, pitt v kaf ki adhikta ya kami se hoti hai. jyotish in tinon tatvon ki adhikta v kami ke lie grahon ko hi karak manta hai. jatak ke janm ke samay men jis grah ki sthiti kisi ashubh bhav se ya pap prabhav men hoti hai uski prakriti ke anusar jatak ko sanbandhit ang men rog hota hai.
surya pitt, chandra kaf aur vat, mangal pitt, budh vat, pitt v kaf, brihaspati pitt v kaf, shukra vat aur kaf aur shani vat prakriti ka grah hai. inmen surya ko haddi ka, chandra ko rakt ka, mangal ko majja ka, budh ko tvacha ka, brihaspati ko vasa ka, shukra ko virya ka, shani v rahu ko snayu ka aur ketu ko gais ka pratinidhitva hai.
janm ke samay balvan grahon ke anusar jatak ki sharirang rachna men majbuti v nirbalata grahon ke anusar hoti hai. surya prakash ka srot hai. is prakash men vibhinn rangon ki upasthiti ke anusar vastuen jis prakar akarshak dikhai deti hain usi prakar sharir ko akarshak banane men netron ki sundrta apekshit hai.
surya prakash ka srot hain. to chandra jaliya tatva ke karan ankhon ko nami v prakash bhi deta hai. apni shital chandni ke anusar chandra ankhon ko paradarshak banakar shitlta bhi pradan karta hai. shukra akarshan ka karak hai. islie drishya adrishya padarthon ki mohkta v akarshan vikarshan ka gun nayan men isi grah ke prabhav se hota hai.
islie nayan ki sundrta v svasthya ke lie surya, chandra v shukra ka balvan evan shubh hona avashyak hai. janmakundli ka pratham bhav sanpurn sharir ka, dvitiya dayin ankh v dva adash bhav bayin ankh ka pratinidhitva karte hain. atah nayan sukh men in bhavon ke svami grahon v inmen sthit grahon ki bhumika mahatvapurn hoti hai.
in sabhi netra karkane par jab pap prabhav parta hai. tab us se sanbandhit ankh men jatak ko pira hoti hai. pap prabhav ki adhikta hone par netra jyoti ka chala jana bhi svabhavik hai.
parashar ke anusar netreshe balsanyukte shobhnaksho bhavennarah.
shashtashtamavyayasthe ch netravaikalyavan bhavet..
arthat netra bhavon ke svami dvi tiyesh v dvadshesh balvan hokar sthit hon to jatak sundar netron vala hota hai. yadi netresh bhav 6, 8 ya 12 men sthit ho to manushya ki ankhon men vikar hota hai. prachin acharyon ke anusar nayan vikar ke kuch pramukh jyotishiya yog is prakar hain.
1. yadi dvitiyesh shukra ke sath ho athva lagn ya dhan bhav men surya v shukra hon to jatak ke naynon men vikar hota hai.
2. yadi dvitiya bhav men surya aur chandra sthit hon to jatak ko rataundhi hoti hai. yadi lagnesh, dhanesh surya ke sath dhan bhav men ho to jatak janmandh hota hai. yadi dosh karak grah svarashi men sarvochch ho to kshin drishti vala hota hai.
3. yadi shashthesh shukra lagn, shashth ya ashtam bhav men sthit ho to nayan men ghav hota hai. surya lagn men shatru navansh men ho to ankhon ke kone kam nukile hote hain.
4. yadi janm lagn men chandra apni nich rashi vrishchik men sthit ho to ek netra men vikar hota hai. nich rashi navansh men ho to rataundhi hoti hai. chandra pap varg men lagnasth ho to ankhon ki jyoti kam hoti hai aur vyakti andhere men dekh nahin pata.
5. lagn men kark rashi men mangal ho to rataundhi hoti hai, pap grahon ke varg men ho to uski ankhen terhi hoti hain aur mitra rashi men ho to akhon men vikar hota hai. shubh grah ke navansh men ho to uski dur drishti kamjor hoti hai aur apni mul trikon rashi men lagnasth ho to ankhon se pani bahta rahta hai.
6. yadi lagn men mangal ka navansh ha,e lagn par kisi shubh grah ki drishti n ho aur mangal athven ya barhven bhav men sthit ho to jatak ke naynon men vikar hota hai.
7. yadi lagn men surya ka navansh ha,e lagn par kisi shubh grah ki drishti n ho aur surya athven ya barhven bhav men sthit ho to jatak ratri men janm vala hota hai tatha use rataundhi hoti hai.
8. yadi janm ke samay sinh lagn men surya sthit ho to ankhen vikar grast hoti hain aur chandra dva adash men ho to vyakti ki drishti adhi hoti hai.
9. surya v chandra lagn men shubhashubh grahon se drisht hon to jatak ki ankhen chipchipi v choti lagn v dvadash men papagrah ho to chapti, krur grahon se yukt surya dvadash, navam, pancham ya lagn men ho to vikal, dvitiya ya dva adash men shukra pap grahon se yut ho to kani hoti hanai.
10. surya v chandra krur grahon se yut ya drisht hon, vakri grahon ki rashi men trik bhavon men hon to ankhen terhi hoti hain aur yadi saman ansh par hon to ankhon men chihn hota hai.
11. shashthesh yadi kisi vakra grah ki rashi men ho, lagnesh budh ya mangal ki rashi men ho aur ashtamesh v lagnesh chathe bhav men ho to bayin ankh men vikar hota hai.
12. shukra chathe ya athven bhav men ho to dayin ankh men vikar hota hai. shani, mangal v gulik se yukt dvi tiyesh v dvadshesh ho, dhanesh par shubh grahon v lagnesh par pap grahon ki drishti ho, dvitiya bhav men pap grah shani se drisht ho to ankhane doshpurn hoti hain.
13. dvitiyesh v dvadshesh ki navansh rashi ka svami kisi pap grah ki rashi men ho, lagn men mangal shaynavastha men ho aur lagn se ashtam men shukra krur grah se drisht ho to naynon se pani girne se pira hoti hai.
14. lagnesh yadi surya v shuakra ke sath trik sthanon men ho, surya rahu se grast hokar lagn men ho tatha shani v mangal trikon men hon to jatak janmandh hota hai.
15. chandra v mangal trik sthan men hon to girne se, vrihaspati v chandra trik men hane to garmi se, chandra v shukra trik men hon to kamaturta se ankhen kharab hoti hain.
16. lagnesh v netresh surya v shukra se yuti kar trik bhavon men hon to vyakti janmandh hota hai aur budh v chandra trik men hane to adhik svadhyay se jatak andha ho jata hai.
17. shubh grah trik bhavon men krur grahon se drisht ho, kunbh lagn men mangal ho, chaturth v pancham men do pap grah hon, chandra v shukra ki yuti pap grahon se dvitiya sthan men ho ya surya v chandra vyay bhav men shubh drishti rahit hon to jatak andha hota hai.
18. shani, chandra v surya kramshah dva adash, dvitiya v ashtam men hon, trik v dhan sthan men chandra, mangal, surya v shani hon to inmen se balvan grah ke karan akhen kharab ho jati hain.
19. chandra v shukra trik bhavon men hon ya chandra, shukra v lagnesh lagn men hon ya lagnesh v dvitiyesh trik men hon to jatak nishandh hota hai.
uparyukt sabhi jyotishiya yogon men grahon ki shubhta-ashubhta, nichta-uchchata, svarashi, shadavarg shuddhi v navanshasth sthiti, shubh ashubh grahon ki yuti v drishti ko dhyan men rakhte hue vishleshan karne par hi satik bhavishyavani ki ja sakti hai. keval yog sthiti se janmandh yog men bhi samanya netra dosh shubhta ke karan paya jata hai. aie udaharan kun. dali ke adhar par vishleshan karen.
udaharan kundli 1 men surya v chandra vakri grahon ke prabhav men hain. shashthesh budh vakri hokar dvadshesh guru par drishti dal raha hai. dvitiyesh shukra svayan vakri hokar rahu ketu ke prabhav men hai. navansh kundli men lagn par budh, vrihaspati v shukra tinon vakri grahon ka purn prabhav hai. shani ki bhi navansh lagn evan dvitiyesh budh par drishti hai. is prakar karak grahon par pap prabhav adhik hai. lekin chandra ke vargottami hone, budh v vrihaspati men paraspar vyatyay yog hone, lagnesh mangal ke svarashi v mitra navansh men hone, dvadshesh brihaspati ke svanvansh men hone aur dvitiyesh shukra ke mitra rashi evan mitra rashi ke hi navansh men hone se kuch shubh prabhav bhi hua.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.