मां, तू है नवरूपा

man, tu hai navrupa  

Ank ke aur Lekh | Sambandhit Lekh | Views : 3005 |  
man, tu hai navrupa markandey puran ke anusar durga apne purva janm men prajapti daksh ki kanya ke rup men utpann hui thi. tab durga ka nam ‘sati’ tha. inka vivah bhagvan shankar se hua tha. ek bar prajapti daksh ne ek bahut bare yagya ka ayojan kiya. is yagya men sabhi devtaon ko bhag lene hetu amantran bheja, kintu bhagvan shankar ko amantran nahin bheja. parinam kya hua, padhie is lekh men ‘sati’ ke pita ka yagya dekhne, vahan ja kar mata aur bahnon se milne ka prabal agrah dekh kar bhagvan shankar ne, unhen vahan jane ki anumti de di. ‘sati’ ne pita ke ghar pahunch kar dekha ki koi bhi unse adar aur prem se batchit nahin kar raha hai. unhonne dekha ki vahan bhagvan shankar ke prati tiraskar ka bhav bhara hua hai. pita daksh ne bhi bhagvan ke prati apmanajanak vachan kahe. yah sab dekh kar ‘sati’ ka man glani aur krodh se santapt ho utha. vah apne pati ka apman n sah sakin aur unhonne apne apko yagya men jala kar bhasm kar liya. agle janm men sati ne nav durga ke rup dharan kar ke janm liya, jinke nam hain: 1. shailputri 2. brahmacharini 3. chandraghanta 4. kushmanda 5. skandmata 6. katyayni 7 kalratri 8. mahagauri 9.siddhidatri sadhak nav ratron men durga ke inhin nau svarupon ko pujte hain aur manvanchit fal prapt karte hain. shailputri: pratham nav ratri ko shailputri mata ki puja ki jati hai. vandna mantra vande vanchitlabhay chandrardhakritshekhram. vrisharudhan shuldhran shailputri yashasvinim. shail putri durga ka mahatva aur unki shakti anant hain. is pratham din ki upasna men yogi apne man ko ‘muladhar’ chakra men sthit karte hain. yahin se unki yog sadhna ka praranbh hota hai. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar ke, tanbe ka shailputri mata ka chitrayukt bisa yantra bhakton men banten, to aur bhi adhik labh prapt hota hai. brahmacharini: dvitiya nav ratri ko brahmacharini mata ki puja ki jati hai. vandna mantra dadhana karapadmabhyamakshamalakamandalu!. devi prasidtu mani brahmacharini yanuttama.. man durga ka dusra svarup unke bhakton ko anant fal dene vala hai. nav durga pujan men dusre din sadhak ka man ‘svadhishthan’ chakra me sthit hota hai. is chakra men avasthit man vala yogi inki kripa aur bhakti prapt karta hai. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar ke, tanbe ka brahmacharini mata ka chitra, bisa yantrashit, devi bhakton men bantane, to aur bhi adhik labh prapt hota hai. chandraghanta: tritiya nav ratri ko chandraghanta mata ki puja ki jati hai. vandna mantra: pindajapravrarudha chandakopastrakairyuuta. prasadan tanute mahyan chandra ghanshteti vishruta.. nav durga pujan ke tisre din man durga ke tisre svarup chandraghanta ke sharnagat ho kar upasna, aradhna men tatpar hon, to, samast sansarik kashton se vimukt ho kar, sahaj hi param pad ke adhikari ban sakte hain. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar ke, chandraghanta mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. kushmanda: chaturth nav ratri ko kushmanda mata ki puja ki jati hai. vandna mantra: surasampurnakalashan rudhiraplutmev ch. dadhanan hastapadamayan kushmanda shubhdastu me. nav durga pujan ke chaithe din man durga ke chaithe svarup kushmanda ki upasna ki jati hai. is din sadhak ka man ‘anaht’ chakra men avasthit hota hai. kushmanda devi ka dhyan karne se apni laukik-parlaukik unnati chahne valon par inki vishesh kripa hoti hai. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar k,e kushmanda mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. skandmata: pancham nav ratri ko skand mata ki puja ki jati hai. vandna mantra sinhasnagta nityan padmashritakaradvaya. shubhdastu sada devi skandamata yashasvini. nav durga pujan ke panchve din man durga ke panchvane svarup-skandmata ki upasna karni chahie. is din sadhak ka man ‘vishuddha’ chakra men avasthit hota hai. skandmata ka dhyan karne se sadhak, is bhav sagar ke duahkhon se mukt ho kar, moksh ko prapt karta hai. uparyukt mantra ka shuddh uchcharan kristal ki mala se 1 mala (108 bar) karen. fir durga ji ki arti kar ke skandmata ka tanbe ka chitra, bisa yantrayukt, devi bhakton men vitaran karen, to adhik labh prapt hota hai. katyayni: shashth nav ratri ko katyayni mata ki puja ki jati hai. vandna mantra: chandrahasojjavalakara shardulavar vahna.. katyayni shubhan dadyadevi danvghatini. nav durga pujan ke chathe din durga ke chathe svarup katyayni mata ki upasna ki jati hai. is din sadhak ka man ‘agya’ chakra men sthit hota hai. katyayni mata ke dvara bari sarlta se arth, dharm, kam moksh charon falon ki prapti ho jati hai. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar ke, katyayni mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. kalratri: saptam navratri ko kalratri mata ki puja ki jati hai. vandna mantra: ekveni japakirnapura nagna kharasthit. lamboshthi karnikakarni tailabhyakt sharirini.. vam padollasallohltakantak bhushna.. vardhanamurdhadhvaja krishna kalratri bharyankari.. nav durga puja ke satven din man durga ke satvane svarup kalratri ki upasna ka vidhan hai. us din sadhak ka man ‘sahasrar’ chakra men sthit rahta hai. kalratri mata ka dhyan karne vale sadhak ko inki upasna se hone vale shubhon ki ganna nahin ki ja sakti. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir durga ji ki arti kar ke, kalratri mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. mahagauri: ashtam nav ratri ko mahagauri mata ki puja ki jati hai. vandna mantra shvete vrishe samarudha shvetambaradhara shuchiah. mahagauri shubhan dadyantramhadevapramodda.. nav durga pujan ke athven din man durga ke athven svarup mahagauri ki upasna karni chahie. mahagauri mata ka dhyan karne vale sadhak ke lie asanbhav karya bhi sanbhav ho jate hain. uparyukt mantra ka jap shuddh uchcharnpurvak kristal ki mala se 1 mala (108 bar) karen. fir anba ji ki arti kar ke, mahagauri mata ka tanbe ka chitrayukt bisa yantra devi bhakton men vitaran karen, to aur bhi adhik labh prapt hota hai. siddhidatri: navam nav ratri ko siddhi datri mata ki puja ki jati hai. vandna mantra: siddhagandharvayagyadyair surairmrairpi. sevyamana sada bhuyat siddhida siddhi dayini.. navdurga pujan ke nauven din sadhak man durga ke nauvane svarup siddhidatri ki upasna karte hain. siddhidatri mata ka dhyan karne vale sadhak ko inki upasna se is sansar ki vastavikta ka bodh hota hai. vastavikta param shantidayak amrit pad ki or le jane vali hoti hai. sadhkon ko sabhi prakar ki siddhiyan prapt hoti hain. uparyukt mantra ka jap shuddh uchcharnpurvak kristal ki mala se 1 mala (108 bar) karen tatha anba ji ki arti karne ke bad, kalratri mata ka tanben ka chitrayukt bisa yantra sabhi devi bhakton men banten, to aur bhi adhik labh prapt kushmanda skandmata katyayni hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.