नवरात्र में करें माता बगलामुखी की साधना

navratra men karen mata baglamukhi ki sadhna  

Ank ke aur Lekh | Sambandhit Lekh | Views : 6905 |  
navratra men karen mata baglamukhi ki sadhna pan. pravin joshi dash mahavidyaon men baglamukhi ek matra aisi devi hai jiski sadhna shatru daman tatha rog evan dukhdaridray tatha kalah se mukti prapt karne ke vishesh uddeshya se ki jati hai. is sadhna ka naishthit vidhi se kis prakar aur kab anushthan kiya jay iski vistrit jankari di gayi hai is lekh m navratra ka samay devi anushthan, tantrakriya evan siddhi prapt karne ke lie shreshth hai. multah yah sadhna tantra se sanbandhit hai, tantrik shatkarmon men visheshakar stanbhan ke lie ramban hai. sadhna visheshakar sukh-samriddhi, rajnaitik labh, vak siddhi, santan prapti, tantra-siddhi, grih-shanti, shatrunash, vashikaran, uchchatan, rog, daridrata, mukdma evan jel se mukti jaise asadhya kashton ke nivaran ke lie ki jati hai. sadhna shukla paksh men guru evan ravi-pushya yog men aranbh ki jani chahie. yah asanbhav to nahin par kathin avashya hai, atah kisi yogya anubhvi vyakti ke margadarshan men hi ki jani chahie. ismen chuk hone ya parpira ke lie iska upyog karne par sadhak vikshipt tak ho sakta hai. sadhna kal men shraddha, vishvas, atmasanyam evan brahmacharya ka palan karna avashyak hai. yadi is samay alaukik anubhuti ho to vichlit nahin hona chahie. sadhna ratri ke samay devi ke mandir, parvat, pavitra nadi ke tat par ya kisi siddh sthal par ekant men ki jani chahie. mata ke pramukh aitihasik mandir datiya, nalkhera, khargaun, varansi evan himachal pradesh men vankheri, kotla, gangret men sthit hain. ye sthan tantra-sadhna ke pramukh shakti sthal hai. sadhna ke lie chaiki par pila vastra bichakar mata ko chitra, baglamukhi yantra, kalash evan akhand dipak sthapit karen. mata baglamukhi ke bhairav mrityunjay hain. atah sadhna ke aranbh men mahamrityunjay ki ek mala evan bagla kavach ka path karna chahie. sadhak pile vastra dharan kar pile asan evan haridra (haldi) ki mala, pile rang ki pujan samagri, prasad adi le. upasak apni manokamna/kasht nivaran ke lie sankalp lekar mata ka dhyan kar pujan aranbh karna chahie. anushthan ke lie das hajar se lekar ek lakh tak jap karne ka vidhan hai sadhak ko apni kshamata evan sankalp shakti ke anusar jap ka nirdharan kar pratidin saman sankhya men nimn mantra ka jap karna chahie. ‘‘un hrin baglamukhi sarva dushtanan vachan mukhan padan stambhay jihvan kilay buddhin vinashay hriin un svaha..’’ yah mantra baglamukhi sadhna ka mul adhar hai. daridrata dur karne ke lie mata ke vishesh madar mantra ‘‘shri hriin ain bhagvti bagle me shriyan dehi-dehi svaha..’’ is mantra ke prayog se sadhak kabhi daridra nahin hota. japanushthan ke pashchat dashansh havan karne ka vidhan hai. sadhak ko apni kamnanusar havan karna chahie. santan prapti ke lie: ashok ke patte, kaner ke pushp, til v dugdh mishrit chaval se, dhan ke lie chanpa ke pushp se, dev-stavan evan tantra-siddhi ke lie namak, shakkar, ghi se, akarshan ke lie sarson se, vashikaran,-uchchatan ke lie giddh evan kaue ke pankh, tel, rai, shahad, shakkar se, shatru nash ke lie shahad, ghi, durva se, rog nash ke lie guggal, ghi se, rajavashyata ke lie guggal v til se, jel se mukti v grih-shanti ke lie pili sarson, kale til, ghi, lobhan, guggal, kapur, namak, kali mirch, nim ki chal se havan karna chahie. mata baglamukhi ki sadhna jis ghar men hoti hai vah shatru, rog, dukh-daridray, kalah adi se mukt rahta hai.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.