तंत्र का आरंभिक अर्थ एवं अंतिम लक्ष्य

tantra ka aranbhik arth evan antim lakshya  

Ank ke aur Lekh | Sambandhit Lekh | Views : 2807 |  
tantra ka aranbhik arth evan antim lakshya mahant prakash nath tantra abhyas aur vyavharik gyan ka shastra hai aur tantra shabd apne ap men mahatvapurn aur gauravamay hai. tantra shabd ‘tan’ is mul dhatu se bana hai, atah tantra ka vikas arth men prayog kiya jata hai. ‘kramik agm’ ke anusar- ‘tanyate vistaryate gyan manne iti tantram.’ is kathan ke antargat ‘tantra’ shabd ki vyatpuÿia vistararthak ‘tanu’ dhatu se aunadik pratyay ke yog se siddh hui hai jiske anusar kisi gyan ko jo vistar pradan karta hai tatha uska sangopang vivaran deta hai use tantra kahte hain aur iska mul uddeshya manushya ko pashu bhav se upar uthakar divya bhav men sthapit karna hai. saral shabdon men jis shastra ke antargat sadhna dvara bhog aur moksh ki charcha milti ho, vah shastra tantra hai. shaiv siddhant ke ‘kramik agm’ mane- tanoti vipulanarthan tatva mantra samanvitan. tran ch kurute yasmad tantramityabhidhiyate.. jis shastra men svalp shabdon men vipul arthon ki upalabdhi ho arthat gagar men sagar vyapt ho tatha tatva mimansa aur mantra vishayak samagri se paripurn ho v jiske anushthan se daihik, adhidaiviak, bhautik tapatray se parimukti ho jaye, us sadhna ko tantra ki sangya dete hain. sankshep men mantra-yantra-tantra se samanvit jo prachur arthon ka vistar karta hai aur tran (raksha) bhi karta hai, use tantra kahte hain. tantra shastra ko sampurn sadhnaon ki kunji mana gaya hai tatha ismen sabhi dharm aur sadhnaon ke gurh rahasya chipe hain. ‘uddish tantra’ ka kathan hai ki- devanan hi yatha vishnuhrradanamuddhist tha. n dinan ch yatha ganga, parvatanan himalay.. ashvatthah sarvavrikshan ragyamindra yatha varah. devinan ch yatha durga varnanan brahmano yatha. tatha samast shastranan tantra shastramnuÿamam.. jaise devtaon men vishnu, jalashyon men sagar, nadiyon men ganga, parvaton men himalay, vrikshon men pipal, rajaon men indra, deviyon men durga aur charon varnon men brahman kshetra hai vaise hi sampurn shastron men tantra shastra shreshth hai. tantra shastra ka mul uddeshya manushya ko pashubhav se uthakar divya bhav men lana hai. manushya ka pinda-sharir brahmand ka laghu rup hai. mansik shakti ka vikas hone par pind aur brahmand ka antar kam ho jata hai aur ant men vyakti ka samashti men lay ho jata hai. prakriti ki shaktiyon par kabu pakar unhen apni ichchanukul banana tantra vidya ka pradhan karya hai. is vidya dvara anand dayak sthitiyan utpann aur upalabdh ki ja sakti hain aur unka upbhog kiya ja sakta hai. sath hi apne tatha anyon ke upar ayi vipdaon ka nivaran kiya ja sakta hai. itna hi nahin dusht aur durachariyon ke upar apÿia ka prahar bhi kiya ja sakta hai. tantra turant faldata hai aur iske fal ashcharyajanak hote hain. agm-granth ke tantron ko do bhagon men vibhajit kiya ja sakta hai- pratham darshanik paksh aur dusra vyavharik paksh. tantra shastron ki sankhya bahut adhik hai. tantra sadhna se alaukik siddhi, mukti adi ki prapti shighrata se milti hai. mantra vyakti ko yogya vidvan se prapt karna chahie. tantrik puja men vaidik mantron ka bhi prayog hota hai, parantu tantra shastra men ne svatantra rup se asankhya mantron ka pranayan kiya gaya hai. ismen pratyek devta ke lie bij mantron ka pravdhan hai. bij ke atirikt kavach, hriday adi rup se anekanek mantra hain. mantron ki siddhi hetu sthan, samay evan malaon ka bhi vishesh mahatva hai. mantron ke sath-sath tantra sadhna men nyas, mudra, yantra ka bhi mahatvapurn sthan hai. tantra shastra ke rachyita evan vakta adinath bhagvan shiv kahe gaye hain kisi n kisi rup men sabhi hindu samaj is manyata ka poshan karte hain. yahi karan hai ki samast tantra sadhak bhagvan shiv ko apna adi dev aur shiv sarupya ko sarvaprayason ka antim dhyey svikar karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.