तन्त्र - मंत्र : अभिन्न सम्बन्ध

tantra - mantra : abhinn sambandh  

Ank ke aur Lekh | Sambandhit Lekh | Views : 4534 |  
tantra-mantra: abhinn sanbandh shiv-shakti ki tarah tantra-mantra bhi ek dusre se jure sharir aur pran ke saman hai jismen ek jatil sadhan hai to dusra uski sarvavyapt sanchalika shakti. vastutah mantra hi tantra ka pran hai jo use jivant rup deta hai. pratyek kriya ke alg-alag mantra hote hain. bina mantra ke tantra ki koi kriya nahin hoti. vastutah kriya ke svarup ke anusar hi mantra ka svarup nirdharit kiya jata hai. isiliye mantra kai prakar ke hote hain. kuch mantra yog-sadhan ke liye upyogi hote hain jabki kuch mantron ka prayojan rog ki shanti hota hai. iske sath hi kuch mantra aise bhi hote hain jinka upyog sansar ke karyon men hota hai. uddish tantra men aise kai mantra hain. aisa hi ek mantra hai, uddish tantra ka chairanve van ‘mantra mahamrityunjay mantra’ jise rudra mantra bhi kahte hain. is ka prayojan sharir ke sarne ko arthat mrityu ke chinhon ko hata dena hai. iske dvara ham un shiv ki athva us rudra rup ki puja-upasna karte hain jo pran-shakti ke kam hone par sharir men utpann hone vali durgandh ko dur karke sharir men pran shakti ka sanchar karta hai tatha sharir ko saundaryayukt karke use urjavan ojpurn bana kar sabhi prakar ke rogon ka haran karke mrityu ko is prakar dur bhaga deta hai jaise sanp apni purani kenchuli ke jarjar avaran ko apne sharir se dur kar deta hai. uddish tantra men diye gaye mantra anek prakar ke laukik karyon ka sadhan karte hain. is tantra me apat shanti, krodh shanti, lok vashikaran, nidrastanman, agni stanman, shastra stanman, sainya stanbhan tatha bhut-pret badha jaise kathin kleshadi ka nivaran karne vale anekanek mantron ka vivaran tatha prayog-vidhan hai. gautmiya tatha mahanirvan tantra ke mantron men dashakshar mantra, mukti mantra, pith mantra, ashtadshanon mantra, brahm mantra, aradhan mantra, gayatri mantra, adya mantra, aghrya mantra, mudrashodhan mantra, pran pratishtha mantra, atm samarpan mantra jaise mantra purusharth chatushtya jaise adhyatmik lakshyon ki upalabdhi ke uddeshya ko pramukhta dete hain. gautmiya tantra to puri tarah ishvar-prem ko jagrat karne ke prati samarpit hai. mantra tatha tantra ke gahan tatha vyapak sanbandh ko hridyangam karne ke liye mantramhoddhi namak granth samuchit sandarbha-granth hai jismen anekanek mantron ka vistrit varnan upalabdh hai. vastutah mantron ke siddhant keval tantra shastra men n hokar, anyanya granthon men bhi unka ullekh evan upyogita nirupan milega.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.