दस महाविद्या रहस्य

das mahavidya rahasya  

Ank ke aur Lekh | Sambandhit Lekh | Views : 10555 |  
das mahavidya rahasya jay indar malik tantra sadhkon ke lie mahatvapurn vibhinn shakti-rupon ka kya svarup hai aur unki sadhna se kya-kya tatkalik labh prapt kiye ja sakte hain, uska sankshipt parichay payenge ap is lekh men. agmshastra men avidya, vidya evan mahavidya in tin shabdon ka varnan hai. jo sansarik karyon men hamari sahayta karti hain use ‘avidya’ kahte hain. jo mukti ka marg batati hain use ‘vidya’ kahte hain. aur jo bhog aur moksh dono deti hai use mahavidya kahte hain. das maha vidya is prakar hai. in mahavidyaon ke prakat hone ki katha mahabhagavat devi puran men varnit hai. unka rup tatha kripa fal kuch aisa hai. 1. kali: das mahavidyaon men yah pratham hai. kaliyug men inki puja archana se shighra fal milta hai. 2. tara: sarvada moksh dene vali aur tarne vali ko tara ka nam diya gaya hai. sabse pahle maharshi vashishth ne man tara ki puja ki thi. arthik unnati aur badhaon ke nivaran hetu man tara mahavidya ka mahatvapurn sthan hai. iski siddhi se sadhak ki ay ke nitya naye sadhan bante hain. jivan aishvaryashali banta hai. is ki puja guruvar se aranbh karni chahiye. isse shatrunash, vani dosh nivaran aur moksh ki prapti hoti hai. 3. chinnamasta: man chinnamasta ka svarup gopniya hai. inka sar kata hua hai. inke bandh se rakt ki tin dharayen nikal rahi hai. jis men se do dharayen unki sahastariyan aur ek dhara svayan devi pan kar rahi hai. chaturth, sandhya kal men chinnamasta ki upasna se sadhak ko sarasvati ki siddhi ho jati hai. rahu is mahavidya ka adhishthata grah hai. 4. tripur bhairvi: agam granthon ke anusar tripur bhairvi ekakshar rup hai. shatru sanhar evan tivra tantra badha nivaran ke liye bhagvti tripur bhairvi mahavidya sadhna bahut mahatvapurn mani jati hai. isse sadhak ke saundarya men nikhar a jata hai. is ka rang lal hai aur yah lal rang ke vastra pahnti hain. gale men mundmala hai tatha kamlasan par virajman hai. tripur bhairvi ka mukhya labh bahut kathor sadhna se milta hai. 5. dhumavti: dhumavti ka koi svami nahin hai. iski upasna se vipatti nash, rog nivaran v yuddh men vijay prapt hoti hai. 6. baglamukhi: shatru badha ko purnatah samapt karne ke liye bahut mahatvapurn sadhna hai. is vidya ke dvara daivi prakop ki shanti, dhan-dhanya prapti, bhog aur moksh donon ki siddhi hoti hai. iske tin pramukh upasak brahma, vishnu v bhagvan parshuram rahe hain. parshuram ji ne yah vidya dronacharya ji ko di thi aur devraj indra ke vajra ko isi bagla vidya ke dvara nishprabhavi kar diya tha. yudhishthir ne bhagvan krishn ke paramarsh par kaurvon par vijay prapt karne ke liye baglamukhi devi ki hi aradhna ki thi. man baglamukhi ke prasiddh shakti pith nimn sthanon par hain. datiya: yahan man baglamukhi ka aitihasik mandir hai. yah pitanbra shakti pith ke nam se jana jata hai. manyata hai ki acharya dron ke putra ashvatthama amar hone ke karan aj bhi is mandir men puja-archana karne ate hain. varansi: yahan bhi man baglamukhi ka shaktipith hai. vankhanri: yah shakti pith jila kangra (himachal pradesh) men hai. kotla: yahan bhi man baglamukhi ka shakti pith hai. yah pathankot se 5 kilomitar dur kangra marg par hai. is mandir ki sthapna 1810 men hui thi. gangret: yah bhi himachal pradesh ke jila una men hai. har varsh yahan bahut bhari mela lagta hai. iske atirikt madhya pradesh, chattisagarh aur maharashtra (munbai) men bhi inke prasiddh upasna sthal hain. 7. shodshi mahavidya: shakti ki sab se manohar siddh devi hai. in ke lalita, raj-rajeshvari mahatripur sundri adi anek nam hain. shodshi sadhna ko rajrajeshvari is liye bhi kaha jata hai kyonki yah apni kripa se sadharan vyakti ko bhi raja banane men samarth hain. inmen shodash kalayen purn rup se viksit hain. isliye inka nam man shodshi hain. inki upasna shri yantra ke rup men ki jati hai. yah apne upasak ko bhakti aur mukti donon pradan karti hai. budh inka adhishthatri grah hai. 8. bhuvneshvari: mahavidyaon men bhuvneshvari mahavidya ko adya shakti kaha gaya hai. man bhuvneshvari ka svarup saumya aur ang kantimay hai. man bhuvneshvari ki sadhna se mukhya rup se vashikaran, vak siddhi, sukh, labh evan shatruon par vijay prapt hoti hai. prithvi par jitne bhi jiv hain sab ko inki kripa se ann prapt hota hai. isliye inke hath men shak aur fal-ful ke karan inhen man ‘shakanbhri’ nam se bhi jana jata hai. chandrama inka adhishthatri grah hai. 9. matangi: is nauvin maha vidya ki sadhna se sukhi, grihasth jivan, akarshak aur ojpurn vani tatha gunvan pati ya patni ki prapti hoti hai. inki sadhna vam margi sadhkon men adhik prachlit hai. 10. kamla: man kamla kamal ke asan par virajman rahti hai. shvet rang ke char hathi apni sanudon men jal bhare kalash lekar inhen snan karate hain. shakti ke is vishisht rup ki sadhna se daridrata ka nash hota hai aur ay ke srot barhte hain. jivan ‘sukhamay hota hai. yah durga ka sarva saubhagya rup hai. jahan kamla hai vahan vishnu hai. shukra inka adhishthatri grah hai.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.