दशमहाविद्या यन्त्र एवं संपूर्ण महाविद्या यन्त्र

dashmhavidya yantra evan sanpurn mahavidya yantra  

Ank ke aur Lekh | Sambandhit Lekh | Views : 5967 |  
dashmhavidya yantra evan sanpurn mahavidya yantra rekha kalpadev das mahavidyaon ki upasna vibhinn shakti vigrahon ke rup men ki jati hai. jabki parashakti jo nitya tatva hai aur hamesha vartaman sthiti men rahakar vishva ka sanchalan karti hai uski upasna yantra rup men karne par sarvashreshth fal deti hai. in das mahavidyaon men vibhinn vidyaon se jure hue yantra aur sanpurn mahavidya yantra ki upasna se kya pratyaksh labh hota hai iski jankari di gayi hai, is lekh men. brahmamand bindu-akar men spandan kar raha hai. uske vibhinn staron par bhanti-bhanti ke vishva virajman hain. har star ka apna ek nishchit spandan aur chetna hai. is mahavishal bindu ke shikhar par dash mahavidyaen rahti hain jo brahmamand ka srijan, vyavastha aur avshoshan karti hain. ye param brahmamandiya man ke vyaktitva ke hi das pahlu hain. bindu rup brahm vamashakti hai kyonki vahi vishva ka vaman (yani utpanna) karti hai- brahm bindur maheshani vama shaktirnigte vishvan vamti yasmattadvameyam prakirtita (gyanarnav tantra, pratham patl-14) parashakti nitya tatva hai jo hamesha vartaman sthiti men rahti aur vishva ka sanchalan karti hai. vahi shakti adya yani brahm ki janmadatri hai. vahi jagat ka mul karan, nimitt aur upadan bhi hai. shakti sadhna kram men das mahavidyaon ki upasna ki pradhanta hai. ye mahavidyaen gyan aur shakti ka pratik hain. dash mahavidyaon ki yantra rup men upasna karna sarvashreshth fal deta hain. siddh mahakali yantra siddh mahakali yantra ek durlabh yantra hai jo ki atyant hi prabhavshali hai, shaktishali hai, chamatkari hai. ise ap ghar men, dukan men, faiktri men, aefis men rakh bhi sakte hain aur daba bhi sakte hain. mahakali ki upasna amogh mani gai hai. is rekha kalpadev yantra ke nitya pujan se arisht badhaon ka svatah hi nash hokar shatruon ka parabhav hota hai. mahakali yantra shatru nash, mohan, maran, uchchatan adi karyon men prayukt hota hai. devi tara yantra: tara shatruon ka nash karne vali saundarya, rup aur aishvarya ki devi hain. iski upasna se arthik unnati, bhog, dan aur moksh prapti hoti hain. devi tara yantra ki sadhna karna tantra sadhkon ke lie sarva siddhi karak mana gaya hain. tara mahavidya ke falasvarup vyakti is sansar men vyapar, rojgar aur gyan aur vigyan se paripurn vikhyat yash vala prani ban sakta hain. inke yantra ki puja karna atyant labhkari hain. shodshi tripur sundari yantra jivan men kam, saubhagya aur sharirik sukh ke sath vashikaran, arogya-siddhi ke lie shodshi tripur sundri mahavidya yantra ki aradhna ki jati hai. kamal pushpon se hom karne se dhan, sampada ki prapti hoti hai. manovanchit var prapti ya kanya ka vivah hota hai. vanchit siddhi aur manobhilasha purti sahit vyakti dukh se rahit aur sarvatrapujya hota hai. mata bhuvneshvari yantra adi shakti bhuvneshvari bhagvan shiv ki samast lila vilas ki sahchri hain. man ka svarup saumya evan angkanti arun hain. bhakton ko abhay evan siddhiyan pradan karna inka svabhavik gun hai. mata bhuvneshvari yantra aradhna se jahan sadhak ke andar surya ke saman tej aur urja prakat hone lagti hai, vahin vah sansar ka samrat bhi ban sakta hai. mata bhuvneshvari yantra abhimantrit karne se lakshmi varsha hoti hai aur sansar ke sabhi shakti svarup mahabli uska charanasparsh karte hain. chinnamasta yantra mata ka svarup atyant gopniya hai. chaturth sandhyakal men chinnamasta yantra ki upasna se sadhak ko sarasvati siddh ho jati hai. krishn aur rakt gunon ki deviyan inki sahchri hain. isse lekhan aur kavitva shakti ki vriddhi hoti hai. sharir rog mukt hota hai. shatru parast hote hain. is ki upasna se yog dhyan aur shastrarth men sadhak ko sansar men khyati milti hai. chinnamasta yantra ki sadhna ko daso mahavidhaon men sabse shreshth mana gaya hain kyonki ek to ye shighra fal dene vali hai dusra apne sadhkon ki sabhi kamnaon ko purn karti hain. mata bhairvi yantra solah aksharon ke mantra vali mata ki ang-kanti udiyaman surya mandal ki abha ki bhanti hai. in ki char bhujaen aur tin netra hain. shodshi ko shri vidya bhi mana jata hai. yah mata bhairvi yantra sadhak ko bhakti aur mukti donon hi pradan karti hai. mata bhairvi yantra sadhna se shodash kala nipun santan ki prapti hoti hai. jal, thal aur nabh men uska varchasva kayam hota hai. mata bhairvi yantra upasna se ajivika aur vyapar men itni vriddhi hoti hai ki vyakti sansar bhar men dhan shreshth yani sarvadhik dhani vyakti banakar sukh-bhog karta hai. dhumavti yantra man dhumavti mahashakti svayan niyantrika hain. inka svami nahin hai. inhen abhav aur sankat ko dur karne vali man kaha gaya hai. dhumavti mahavidya yantra ke lie yah bhi jaruri hai ki vyakti satvik aur niyam-sanyam aur satyanishtha ko palan karne vala, lobh-lalach se rahit ho. is yantra ke fal se devi dhumavti sukri ke rup men pratyaksh prakat hokar sadhak ke sabhi rog, arisht aur shatruon ko nash kar deti hai. prabal mahapratapi tatha siddh purush ke rup men us sadhak ki khyati ho jati hai. baglamukhi yantra vyakti rup men shatruon ko nasht karne vali samashti rup men parmatma ki sanhar shakti hi bagla mukhi hai. inki sadhna shatru bhay se mukti aur vak siddhi ke lie ki jati hai. dasmhavidyaon men baglamukhi sabse adhik prayog men lai jane vali mahavidya hai, jiski sadhna saptarishiyon ne vaidikkal men samy-samay par ki hai. baglamukhi yantra ki sadhna se sadhak ka jivan nishkantak tatha lokapriya ban jata hai. matangi yantra matang shiv ka nam hai. inki shakti matangi hai. yah shyam varn aur chandrama ko mastak par dharan karti hain. yah purnataya vagdevi ki hi murti hain. char bhujaen char ved hain. man matangi vaidikon ki sarasvati hain. matangi yantra ki nitya upasna se vyakti ke andar akarshan aur stanbhan shakti ka vikas hota hai. aisa vyakti jo matangi yantra mahavidya ki siddhi prapt karega, vah apne krida-kaushal se ya kala sangit se duniya ko apne vash men kar leta hai. vashikaran men bhi yah yantra karagar siddh hua hai. kamla yantra sthir lakshmi ki prapti, nari-putradi ke lie kamla yantra ki sadhna ki jati hai. is prakar das mahamataen gati, vistar, bharn-poshan, janma-maran, bandhan aur moksh ki pratik hain. kamla yantra ki puja karne se vyakti sakshat kuber ke saman dhani aur vidyavan hota hai. vyakti ka yash aur vyapar ya prabhutva sansar bhar men pracharit ho jata hai. sanpurn mahavidya yantra dashmha vidya maha yantra, samast ichchaon ki purti, shaktiman v bhumivan banane ke atirikt samast siddhiyon ko sulabh karvata hain tatha dharm, arth, kam v moksh chaturvidh purusharthon ki prapti ke lie iska prayog kiya jata hain. shriyantra ke charon or bhagvti durga ke dashavtaron kali, tara, tripursundri, bhuvneshvari, tripur bhairvi, baglamukhi ke ashirvad se jivan ko adhik se adhik sarthak v safal banaya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.