किससे करें स्थापित प्रेम सम्बन्ध,

kisse karen sthapit prem sambandh,  

Ank ke aur Lekh | Sambandhit Lekh | Views : 4185 |  
kisse karen sthapit prem sanbandh? ankshastra ke najrie se... sapna ‘prem’ shabd svayan men hi bahut madhurya samete hue hai aur is vishva men rishton ki dhuri bhi hai. sabhi git, sangit, kahaniyan, chitrapat, kalakritiyan prem ko sanjoe hue hoti hain. bachche ke janm lete hi use milta hai man ka, na mitne vala nisvarth pyar, aur kishoravastha men kadam rakhte hi ‘prem’ shabd alag drishtikon se bhi samajh ane lagta hai. parantu saval yah paida hota hai ki fir bhi is samay ke rishte jurne ki bajay adhik tut kyon rahe hain? apsi sanbandhon men ani vali giravat kisi se chupi nahin hai. talak ke mamlon men vriddhi hui hai. apko batana chahungi is sthati ko sudharne ke lie ap ankshastra ki madad le sakte hain aur apne sanbandhon men sudhar la sakte hain. apne dekha hoga ki apke sath kai bar aisa hota hai ki ap kisi samajik utsav ya parti adi men gaye jahan bahut se log hain aur ap sabse pahli bar mil rahe hain, parantu kuch vyaktiyon ko milakar aisa lagta hai ki ap unse sahaj hi bat kar pa rahe hain aur ve apke achche dost bhi ban sakte hain. parantu kuch vyakti jara bhi achche nahin lagte aur apka unse bat karne ka bhi dil nahin karta. pratyek vyakti ke andar kuch vyaktigat vaibreshan hota hai aur jab hamari vaibs kisi dusre vyakti ki vaibs se milti julti hain to paraspar akarshan paida hota hai ya ve insan hamen akarshit karte hain. ankshastra inhin vaiberashans ka adhyayan hai jisse ap jan sakte hain dusron ke bare men aur svayan apne as-pas ke vatavaran v rishton ko or adhik prakhar bana sakte hain. 90 pratishat premi jo paraspar prem men hain jaruri nahin, ki ve khubsurat hain islie apsi prem hai balki islie ki ve apne premi se ajib sa akarshan pate hain aur jaise kaha bhi jata hai ki ‘‘sundrta dekhne valon ki ankhon men hoti hai’’ aur unhen apni premika atyadhik sundar v akarshak lagti hai. apne kabhi socha ki aisa, kyon hota hai. aisa unke ankon men chupi vaiberashans, sukshm v pran urja tatha ankon ki adbhut abha ke karan hota hai. apke ank aisi abha v urja lie hue hota hai aur yadi do premiyon ke ank paraspar anukulta lie hue hon to rishte madhur honge, majbut honge v hamesha ke lie honge, bas jarurat hai is vishay men janne ki. not- prem sanbandh v rishte uchch koti ke hon v tikau hon iske lie larka v larki ki janmatithi, namank v jivan path sankhya men anukulta ka vishleshan avashyak hai. ab ham dekhte hain ki prem v akarshan ke drishtikon se kaun se ank ek dusre ke anukul hain v paraspar akarshan evan abha lie hue hain. ank ek v prem sanbandh ve vyakti jinka janm kisi bhi mahine ki 1, 10, 19 athva 28 tarikh ko hua unka mulank ek banta hai, ye surya pradhan vyakti hain. atyadhik mahatvakankshi hote hain v har hal men age rahna chahte hain. netritva karne ka gun, nirnay lene ki shakti to hoti hi hai thore abhimani v kabhi-kabhi hathi bhi ho jate hain shasan karna v dusre par kabu pana bhi inke svabhav men shamil hain. ek ank vale vyakti apni alochna jara bhi pasand nahin karte apne svabhav ki inhin baton ki vajah se inke sanbandhon men darar a jati hai. dekha gaya hai ki ank ek v ank char ka talmel achcha hota hai yani ki unke sath jinka janm kisi bhi mahine ki 4, 13, 22, athva 31 ko hua hai. in donon ankon ka akarshan prabal hota hai. yadi ye milen to inmen jaldi hi prem sanbandh kayam hote hain v achche mitra bhi bane jate hain kyonki ank ek ank char ki apeksha kabu v adhin karne vala ank hai. is tarah ke sanbandh men ank char vala vyakti bahut khubsurti se inke adhin ho jata hai vah samajasya sthapit ho jata hai. dekha gaya hai ki ank ek ke mitre ank sat vale vyakti bhi hote hain. ank do v prem sanbandh ve sabhi vyakti jo kisi bhi mahine ki 2, 11, 20, 29 ko paida hue hain unka mulank hai do. ank do ka svami grah hai chandra, to ank do vale vyakti bhi hamesha chamkti roshni men rahna pasand katre hain. atyadhik bhavuk, sanvednshil, kalpanik v sahanubhutipurn hote hain. jaise chandra ghatta barhta rahta hai vaise hi inke mud upr-niche hote rahte hain adhik sochte hain aur kai bar ham se jyada sanvednshil hone ke karan kuch ajib-sa vyavhar karne lagte hain.e anya vyakti inke vyavhar ke aksar badlav ko samajh nahin pate atah inhen samjhne men bhi pareshani hoti hai aur ank do vale vyakti adhikatar apne apko akela pate hain aur isi vajah se inke sanbandhon men bhi darar a jati hai. dekha gaya hai ki ank do vale vyakti yadi ank sat vale vyakti se milen to apna dil jaldi de baithte hain, ye akarshan atyadhik prabal v shighrata se hota hai. halanki nau ank valon ke sath bhi inka akarshan rahta hai parantu ye sat ank vale vyakti hi hain jinke lie ve kuch bhi tyag karne ki kshamata rakhte hain. paraspar akarshan uchchakoti ka hota hai aur inke mudas v sanvednshilta ko samjhna kisi aur ank vale vyakti ke bas men nahin hota to inhen chahie ki ye rishte ke bare men ganbhirta se sochen. ank tin v prem sanbandh ve sabhi vyakti jo kisi bhi mahine ki 3, 12, 21, 30 tarikh ko paida hue unka mulank hai tin. tin ank vale vyakti uchch mahatvakankshi hote hai v ashavadi drishtikon lie hue hote hain. inki pravriÿia chanchal hoti hai aur inhane jivan men bandhakar rahna bilkul bhi pasand nahin hota. ye kafi svatantra mijaj ke hote hain apni svatantrata men kisi ki dakhlandaji inhen pasand nahin ati. bechain v vyakul rahne ki vajah se rishton men sthayitva ki kami aksar dekhi jati hai. bahut achcha ho agar tin ank vale vyakti thora soch samajhakar rishte kayam karen. iska karan yah hai ki dekha gaya hai ki ank tin vale vyaktiyon ko bahut log pasand karne lagte hain yani inmen aisa akarshan hota hai ki lagabhag adhikatar log inki taraf akarshit hote hai lekin inka talmel adhikatar nau ank ya fir 6 ank valon ke sath achcha sthapit hota hai. 3, 6 v 9 is samuh ke ankon men mitrata bhi achchi kayam hoti hai aur prem bhi, fir bhi nau ka ank baji marta hai aur 3 v 9 ka apsi akarshan prem v rishte men badlta hai to sthayitva ki taraf barhta hai. ank char v prem sanbandh ank char vale vyakti ka drishtikon vipritatmak hota hai. yani ki ye har chij ko ulte najrie se dekhte hain. inke jivan men anishchitaen bhi bahut rahti hain. kisi bhi kam ko karne se pahle kafi soch vichar karte hain, yojnaen bhi banate hain lekin ant men fir kisi ki salah manakar kam kar lete hain jo kai bar inke anukul nahin hota. islie char ank vale vyakti jivan men nirnay ekadam se nahin le pate. ab viprit drishtikon rakhne ki vajah se log aksar inhen samajh nahin pate aur hamesha inki shikayat karte rahte hain. ank char vale vyakti kisi par bhi asani se vishvas nahin kar pate. halanki inmen mitra banane ki kala bakhubi hoti hai par inhin baton ki vajah se jivan men kafi akelapan mahsus karte hain. sab kuch hote hue bhi alag lag par jate hain aur yahi akelapan ajib si udasi lie hue rahta hai. yadi ank ek vale vyakti inke jivan men ae to prem hota bhi hai aur tika bhi rahta hai kyonki jo kami inmen hai vah ank 1 men nahin to donon milakar jivan ko sanbhal lete hain aur jivan men sthayitva hota hai iske alava ank 2 v ank 7 vale vyaktiyon ke sath bhi inka akarshan hota hai v umra bhar ki mitrata v anya sanbandh bhi sthapit hote hain. ank panach v prem sanbandh ve sabhi vyakti jo kisi bhi mahine ki 5, 14, 23 ko paida hue hain unka mulank hai panch. panch ka ank kuch vichitra ank hai. inki sabse bari visheshta yah hai ki kuch hi kshanon men ye dusre ko apna v apne anukul banane ki kshamata rakhte hain. ye vakptu to hote hi hain aur anya vyakti ko janakar uske anusar batchit karne ki adbhut kala hoti hai jo kisi anya ank men nahin hoti. isilie inke sabse adhik mitra hote hain. sanchar kaushal kamal ka hota hai. ye jitni shighrata se sochte hain utni hi teji se parinam ki parvah kie bina kam bhi kar lete hain chahe us kam men inhen jokhim hi kyon n uthana pade kyonki inke mitra bhi ban jate hain aur ye dusre ke anusar svayan ko dhal bhi lete hain to mushkil kahan ati hai? inke jivan men sabse bari pareshani hoti hai sthayitva ki kami. jitni jaldi se kam ko shuru karte hain utni hi jaldi men ant tak nahin pahunchte. pahla lakshya prapt kiye bina hi dusra kam shuru kar dete hanai. yahi sthayitva ki kami rishton men bhi dikhai deti hai. halanki panch ank valon ke sanbandh baki sabhi ankon se hote hanai aur sabhi ank inke mitra hote hain parantu ank ek valon ke sath adhik sthayitva dekha gaya hai, nau se bhi paya jata hai. ank chah v prem sanbandh ank chah vale vyakti bahut adhik akarshak hote hain sansar ke sundaratam stri v purush chah ank vale vyakti hi dekhe gaye hain. inmen dusron ko akarshit karne ka vishesh gun hota hai. visheshta yah hoti hai ki ye hamesha apne sharir ko vyavasthit rakhte hain v smart najar ate hain. astavyastata, gandgi, fuharapan aur kurupta se ghrina hoti hai. is ank ke purushon ka svabhav naisargik rup se mahilaon ki tarah hota hai. kala premi hote hain. sangit, kavya adi men bhi ruchi hoti hai. chah ank vale vyaktiyon ke romantik v shaukin mijaj kaha ja sakta hai. ye vyakti jivan men akele nahin rah sakte, ekant inhen katne ko daurta hai, har samay ye kisi ka sath chahte hain to atyadhik romantik v naisargik jhukav ki vajah se yadi inhen sahi sathi n milen to inke kai sanbandh bhi ban sakte hain. inke prem ke atyadhik uchch star v apne partanar se utni hi apekshaon ke rahte inke lie yadi chah ank vala partanar mila to uÿam rahta hai. iske alava ank nau v ank tin ke sath bhi inka akarshan prabal hota hai rishte kayam hote hain aur yadi ank nau vala vyakti inke jivan men ae to jivan aur vyavasthit ho jata hai. ank sat v prem sanbandh ank sat ke bare men apne bahut kuch suna hoga. sat rang, sat fere, sat grah, sat din ityadi. sat ka ank kafi adhyatmik ank hai. yah bahut adhik sanvednshil v bhavna pradhan ank hai. kalpana shakti kafi urvar hoti hai jo inhen kavi banati hai. nirantar nai-nai baten sochne aur nae-nae karyon men ruchi lene vale hote hain inka vishesh gun hai maulikta. kisi bhi chij ko ghise pite tarike se nahin sochte aur soch navinta lie hoti hai inmen svatantra nirnay lene ki kshamata hoti hai. vyakgit svatantrata men vishvas rakhte hain. anyay ko sahna bahut kathin ho jata hai. svabhimani hote hain aur inke vyakti men ek karishma hota hai lekin inki maulikta, navinta, vyaktigat abha v saman nyay ki vyavhar ki vajah se aksar dusre inhen samajh nahin pate aur kaha gaya hai ki aksar is vajah se inke apsi rishton men darar a jati hai. lekin jab ye do ank vale vyaktiyon se milte hain akarshan prabal v ekadam se hota hai aur jald hi dilon ka adan-pradan bhi ho jata hai kyonki ye donon hi sanvednshil ank ek dusre ko samjhte hain aur apne hi ank yani anya sat ank valon se rishta bhi behtri ki taraf barhta hai. inki gahri mitrata, ek, char v ath ke ank se bhi dekhi gai hai. ank ath v prem sanbandh ank ath ka svami grah hai shani jise bujurg grah kaha jata hai. ve sabhi vyakti jinka janm kisi bhi mahine ki 8, 17, 26 tarikh ko hua unka mulank hai ath. shani ke prabhav ki vajah se ath ank vale vyakti apni umra se bara vyavhar karte hain. inka jivan saral nahin hota aur inke jivan men aisi ghatnaen hoti hain jo akasmik v apratyashit hoti hain. ye antarmukhi, alg-alag rahne vale, sahnshil, vyavharik v ganbhir pravriti ke hote hain. andar se taklik bhi hogi to bhi apke chehre par sampurn shanti bani rahti hai. man ke vichear chehre par nahin a pate isilie koi apki samajh nahin pata. isi apsi samajh ki kami rishton men darar utpann karti hai kyonki rishte nibhane ke lie kai bar apko mukhar bhi hona parta hai aur apne dil men chupe vicharon ki batana bhi parta hai, ank ath ke vyakti bari sahjta se ank char ki taraf akarshit hote hain kyonki ek dusre ke anukul hai parantu bhautikvadi drishtikon se donon ka sanyog uÿam nahin rahta. inke alava ank do, ank sat v ank ek bhi inke achche mitra ho sakte hain. ank nau v prem sanbandh ank nau sarvadhik sashakt v balvan ank hai, ye sahsi hote han aur risk lene ki kshamata bhi atyadhik hoti hai lekin kabhi ye dusahsi hokar aise karya bhi kar dete hai jo inke lie anukul nahin hote. inka svabhav ugra hota hai aur jara si bat viprit hone par turant bharak jate hain. krodh bahut ata aur aise samay inka vivek lagabhag samapt ho jata hai, ye svatantra karnon se inke rishton men darar to ati hai par unmukt acharan ke hone ki vajah se inke dusri striyon se sanbandh bhi ban jate hain, ye apne prem ke prati vasnatmak bhi hote hain aur prabal rup se prem par adhikar bhi karna chahte hain. ank nau ka akarshan jis ank ke sath sarvadhik dekha gaya hai vah hai ank tin v ank chah. iske alava baki ankon ke sath inka talmel thora kam rahta hai. ank tin aur ank chah valon ke sath inke rishte bhi bante hen aur kayam bhi rahte hain. ye to tha ank ek se ank nau tak ke parasparik akarshan ka vivechan parantu iske alava bhi do vyakti ek hi janmank athva mulank ya jivan path ank or ek saman namank vale hote hain un sab men paraspar akarshit hone ki bahut si sanbhavnaen hoti hain. upay aur han apsi samanjasya sthapit karne ka ek upay bhi hai. yadi ap chahte hain ki apka premi athva premika sadaiv apki rahe, to unke namank men aisa badlav lae jo apke namank jaisa ho athva uske anukul hai. yadi ap aisa karenge to ap donon ka alag hona kafi kathin ho jaega. akhir men yahi kahna chahungi ki jivan ke sabse kathin pal vah nahin hote jab koi dusra apko samajh nahin pata, balki vah hota hai jab ap apne apko nahin samajh pate, kyonki sab yah sochte hain ki duniya ko kaise badlen aur iske lie jaruri hai khud ko samjhna aur fir badlna. behtri ke lie ankshastra, jyotishshastra jaise shastra apki ismen hamesha madad kar sakte hain aur apko adhik saksham bana sakte hain. t ank ath ka svami grah hai shani jise bujurg grah kaha jata hai. ve sabhi vyakti jinka janm kisi bhi mahine ki 8, 17, 26 tarikh ko hua unka mulank hai ath. shani ke prabhav ki vajah se ath ank vale vyakti apni umra se bara vyavhar karte hain. inka jivan saral nahin hota aur inke jivan men aisi ghatnaen hoti hain jo akasmik v apratyashit hoti hain. pravriti ke hote hain aur apni yojnaon men kisi ki dakhlandaji prasand nahin karte. inka vyavhar khulapan lie hue hota hai ank nau vale vyaktiyon men ek vichitra bat dekhi gai hai ki adhikatar ye apne ghar ki stri ko koi mahatva nahin dete parantu dusri striyon ke gunon ki kadra karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


tantra evan dash mahavidya visheshank  October 2012

fyuchar samachar patrika ke tantra evan dashmhavidya visheshank men das mahavidyaon ka sankshipt parichay v mantra, tantra evan das mahavidya, tantra men prayukt shabdon ki dharak marak shakti, shiv shakti ka sakshat shri vigrah shriyantra, tantra ka aranbhi arth evan antim lakshya, tantra mantra abhinn sanbandh, tantra paribhasha evan mahatvapurn prayog, dainik jivan men tantra, dash mahavidyaon ka laukik evan adhyatmik vivechan tatha inke prasiddh shakti pithon ki jankari, tantra v mahavidya ki prachinta, mul evan vikas ke vibhinn prakram, tantra ke adhipti dev evan mul adhishthatri devi, dash mahavidya rahasya, iske atirikt tantra ki shiksha bhumi tarapith, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, mantra chikitsa, sammohan, muhurt vichar, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.