अनेक रोगों में कारगर है पुष्प चिकित्सा

anek rogon men karagar hai pushp chikitsa  

Ank ke aur Lekh | Sambandhit Lekh | Views : 4344 |  
anek rogon men karagar hai pushp chikitsa vinita gogiya ragon ki prabhavshilta har drishtikon s e mahatvapurn hai. rang hamare jivan ka atut hissa rahe hanai. rang hi nahin khushbu bhi hamare man-mastishk par gahre evan anukul prabhav chorti hai. rang evan sugandh ka samagra mishran rang-birange surbhit pushp hain, jinki ek jhalak bhar se hamara tan-man tarotaja ho uthta hai. duniya bhar men vibhinn tarah ki sharirik evan mansik vyadhiyon se grast logon ko svasthyalabh pradan karne ke lie purane samay se pushp chikitsa ka prayog kiya jata raha hai. aj bhi chikitsa ki yah vidhi pratyaksh evan paroksh rup se lakhon logon ke jivan men asha evan svasthya ka ek naya ujiyara bikher rahi hai. antarrashtriya rang visheshagya liyetris ismen ke anusar-‘rang hamare chitt ko shant evan prasann karte hain, jisse utpann sukhad anubhuti hamare jivan men urja evan utsah ka ek naya sanchar paida karti hai.’ vaigyanik shodhon se pata chala hai ki fulon aur paudhon ka hamari mansik avastha aur bhavnaon par hitkari prabhav parta hai. fulon ki maujudgi hi hamare man ko prafullit kar deti hai. pushp chikitsa se n keval manushya ke sharirik dosh hi thik hote hain, apitu yah apratyaksh rup se rang chikitsa hone ke karan dohre labh pradan karti hai. ful hamari ganrathiyon ki sakriyata ko barhate hain, jisse hamare jivan par sakaratmak prabhav drishtigochar hota hai. pushp chikitsa hamari granthiyon se labhkari srav utsarjit karti hai, jisse hamare svasthya par dirgh evan anukul prabhav parte hain. vibhinn rangon ke ful hamare sharir par nimnalikhit tarah se prabhav dalte hain- lal rang: lal rang shakti ka pratik hai. lal gulab hamari urja men vriddhi karte hain. ye hamari ‘edrinal granthi’ ko prabhavit karte hain. lal gulab ki pankhuriyon se nirmit gulkand hamare udar vikaron ko dur kar sharir ki garmi ko kam karta hai. iske niyamit sevan se hamare honth gulab ki pankhuri jaise hi lal bante hain. vibhinn ayurvedik upcharon men lal rang ke gulab ki pankhuriyon ka prathmikta se prayog hota hai. raja maharajaon ke samay se sundar striyan gulab jal men snan karne ki adi rahi hain. gulab jal men snan karne se sharir ki rangat nikhrti hai. ankhon ke lie bhi gulab jal se bara koi sani nahin hai. narangi rang: yah rang elarji se bachata hai. viaisht narangi daysis vibhinn rogon men prayukt hote hain. daysis hamare sharir ki pratirodh ak kshamata ko barhate hain. daysis ke niyamit sevan se hamari pachan shakti bhi tivra evan sashakt hoti hai. pila rang: yah rang hamare mastishk par achcha prabhav dalta hai. pile fulon dvara ki jane vali chikitsa paddhati men mukhyatah suryamukhi ke ful ka prayog hota hai. yah ful hamari soch ko nikharta hai tatha hamen sachet rakhta hai. pile rang ke aur bhi pushp is paddhati men prayukt hote hain. hara rang: hare rang ka prayog pushp chikitsa men kafi adhik kiya jata hai. hara rang hamare tantrika-tantra ko prabhavit karta hai. yah rang hamari shvas pranali ko shant aur saral banane men maddgar sabit hota hai. iski upyogita us vakt jyada barh jati, jab ham tanav ki sthiti men hote hain. yah rang hamare hriday ke sankuchan ko niyantrit kar pure sharir ke tanav ko nirmul karta hai. nila rang: yah rang ‘melotonin granthi’ ko sakriya karne men sahayak hota hai. yah rang hamari ‘thairaid granthi’ ko bhi uddipit karta hai. is rang ke uchit prayog se nind ki aniyamitta dur hoti hai. hamari prachin yog paddhati yah batati hai ki hamari khane vali vastuen hamari ekagrata ko prabhavit karti hain. parmhans yoganand ne apni vishva prasidva pustak ‘yogi ki atmakatha’ men khadya padarthon ke adhyatmik prabhav ka savistar varnan kiya hai.’ ayurved men fulon ki sabhi jatiyon ko char mukhya shreniyon men banta gaya hai. inmen se sirf ek hi shreni ke fulon ka upyog dava banane ke kam men kiya jata hai. in fulon ka prayog vibhinn prakar se hota hai. multah fulon ka bahut sari davaiyon men adhar ke taur par istemal kiya jata hai. hanlaki prachin samay men fulon ke vistrit upyog ki jhalak milti hai. fulon se bane mukut ko kisi nishchit samay ke lie pahnna ‘pushp ayurved’ ki upchar paddh ti ka hissa raha hai. prachin vaidyon men ‘chakram’, ‘bhagvan’ adi ko pushp chikitsa men maharat hasil thi. unhonne is padvati ka safltapurvak suniyojit tarike se prayog kiya. fulon ki sugandh, unhen torne ke samay, dava men prayog ki vidhi, dava lagane men kis tarah ki chijon ka prayog karna chahie adi ka pata deti hai. vartaman samay men sehat aur paryatan ke barhte mahatva ke karan pushp ayurved ko ek nai pahchan mili hai. niji kshetra ke bahut sare ayurvedik sansthan is disha men sarthak kadam barha rahe hain. rishikesh sthit ‘ananda’ tatha keral men anek paryatak svasthya grihon men pushp chikitsa ka prayog ho raha hai. uttaranchal ke suduravarti kshetron men bhi vibhinn ashram is vidhi ko age barhane men sakriya bhumika ada kar rahe hain. vibhinn ayurvedik aushdhiyon men fulon ka prayog kiya ja raha hai. asaram bapu ke ashram men nirmit vibhinn aushdhiyan bhi pushp chikitsa paddhati par kendrit hain.
Kya aapko lekh pasand aaya? Subscribe

Kya aapko lekh pasand aaya? Subscribe


vaikalpik chikitsa visheshank  March 2007

tanav dur bhagne men sahayak vaikalpik chikitsa, ekyupreshar kaise kam karta hai? sparsh chikitsa ka jadui prabhav, jari butiyan ke amritdayi gun, upchar ke samay savdhaniyan, reki ekyupreshar evan pranik hiling upchar padviyon par vistar se charcha ki gai hai

Subscribe

Apne vichar vyakt karein

blog comments powered by Disqus
.