shani grah hath men bich vali ungli ke niche hota hai. shani adhyatm, dhan, danton ke rog, sangit, kala, prakriti, prem, jyotish, gupt vidya, gun dosh nikalne ki kala, naukri, satvik vichar adi se sanbandh rakhta hai. agar yah hatheli men utha hua ho, ungliyon ki ganthen tikhi hon, ungliyan lanbi v, sidhi hon, hath ka rang gulabi ho, to yah grah hath men uttam mana jata hai. aise lakshan prayah kam hathon men dekhne ko milte hain. aisa hone par shani vyakti ka param mitra ban jata hai. shani ki doshpurn sthiti ka avlokan karne ke lie yah dekhna avashyak hai ki vah hatheli men hai ya nahin. hatheli men jahan shani sthit ho vahan yadi rekhaen adhik hon, shani ki ungli terhi ho, kati-fati ho, bhagya-rekha moti ho, jivn-rekha sidhi ya doshpurn ho, hatheli patli ho, hath ka akar bahut doshpurn ho, hatheli men moti rekhaon ka jal ho, ya inmen se koi bhi do ya tin lakshan upasthit hon, to shani ki dasha mani jati hai. hridy-rekha se shakhaen mastishka-rekha par girti hon, to shani ki dasha jivan men jyada dinon tak bani rahti hai. shani uttam ho, shani ki ungli lanbi ho, to vyakti ki adhyatm men ruchi hoti hai. aise log apne hi mud ke hote hain. shani ke sath-sath brihaspati grah bhi achcha ho, to vyakti svabhimani hota hai.
aise logon men shasan karne ki yogyata tatha apni bat ko kushltapurvak kahne ki kshamata hoti hai. ve ya to adhyapak ya udyogpti hote hain ya kisi bare vibhag men karyarat hote hain. shukra pradhan ho aur shani ki ungli sidhi v lanbi ho, to vyakti ka bhagya uchch hota hai aur yadi hath sundar hon, to vah kisi kala ke kshetra men agrani bhumika nibhata hai. shani v surya ke uttam hone se paise ke sath-sath yash avashya milta hai. bhagya rekhaen adhik hon, to vyakti bahut bhagyashali hota hai, aise log chamre ya khane-pine ki samagri ke karobar men kushal hote hain.
- shani parvat par til hone se manushya dhanvan hota hai, kintu use bijli v ag se khatra hota hai. shani parvat ke sath mangal uttam ho, to vyakti ko sahsik karyon, bijli ka kamon ya khoj karne men saflta milti hai.
- shani ki ungli ke bich ka por bara ho, shani grah utha hua ho, hriday rekha ke niche trikon ho, to vyakti jyotishi ya bhavishyavakta hone ke sath-sath adhyatm men ruchi rakhan vala hota hai. shani grah uttam ho, manibandh se rekhaen upar ki taraf jati hon, hath sundar ho to yatraen bahut hoti hain. shani shanti ke kuch upay: - ghore ki nal ki anguthi banakar shanivar ko shani mantra parhakar madhyama men pahnen . mantra: ¬ pranah prinah praunah sah shanaishcharay namah. - sukhe nariyal aur badam jal men pravahit karen (isse kam men man lagta hai.) - sharab v mit ka tyag karen. - yadi kisi ka sukh n mile to
(ka) 50 gram surma virane men dabaen.
(kha) kale kutton ko roti dalen.
(ga) vat vriksh ko mitha dudh dalen v bhigi hui mitti ka tilak karen. -
agar shani vyapar men rukavat dale to
(ka) kale ghore ki nal ki anguthi madhyama men dharan karen.
(kha) shani mantra ka jap karen.
(ga) 12 badam ghar men dabaen.
(gha) shani stotra ka niyamit path karen.
(da) shivling par nitya dudh charhaen. - shani mitron se hani, chori, stri janya rog v naukri men rukavat dale to
(ka) bavri men tanbe ka paisa dalen.
(kha) nav ki kil ki anguthi pahnen.
(ga) hanuman chalisa ka path karen.
(gha) dharmasthal par nange pair jaen. - shani dampatya jivan, svasthya ya rajniti men rukavten dale to
(ka) hanuman ji ko ghi aur sindur charhaen.
(kha) shanivar ko ghore ki nal ka challa mantra sahit madhyama men dharan karen.
(ga) kale kutton ko tel men chupra roti khilaen.
(gha) sharab, mans, ande adi ka sevan n karen. - mukdmebaji, logon ki shatruta, sheyar men giravat se dhan ki hani ho to
(ka) sharab jal men pravahit karen.
(kha) majduron ki seva karen.
(ga) shani mantra ka jap karen.
(gha) garib ko kala kanbal dan karen. iske atirikt shani grah ke dosh ko shant karne ke lie nilam bhi dharan kiya jata hai. grahon ka upay karte samay grahon ka sahi avlokan karna ati avashyak hai, anyatha samay aur dhan ka apavyay hota hai.