जब चाहत पूरी नहीं होती

jab chahat puri nahin hoti  

Ank ke aur Lekh | Sambandhit Lekh | Views : 859 |  
janm lete hi chahat har vyakti ke jivan se jur jati hai bachapan men yah mata-pita, khel tatha chaklet adi ke prati hoti hai to yuvavastha men yuva sathi ke prati. chahat ke anurup chahat milti hai to man khil uthta hai par jaruri nahin ki chahat ka jabab chahat se hi mile tab janm leti hai kuntha aur hinsak bhavnaen. yauvan ki dahlij par kadam rakhte hi har kishor aur kishori ka man ek dusre ke prati prakritik rup se akarshit hota hai. naye dost banane ke lie man chanchal ho uthta hai aur ghar ke vatavaran se dur yuva doston ke sath ghumna-firna v mauj-masti men hi unhen asim sukh milta hai aur jo bachche yah sab karne se chuk jate hain to kahin n kahin unki komal bhavnaen dab jati hain aur kabhi-kabhi yahi bhavnaen ek choti si chingari milne par bhi is kadar bharkti hanai ki vyakti vikshipt - sa pratit hota hai. isi tarah se ajakal akhbar men aur telivijan par radhika aur radhika jaise anek kisse parhne ko milte hain jahan ek tarfa prem ke chakkar men, navyuvak kisi bhi yuvti ko chahne lagte hain. unke sapne dekhne lagte hain. aur apne sapnon ki duniya men is kadar kho jate hain ki ve apni ektrfa chahat ko apni jindgi ka aham hissa samjhne lagte hain aur dhire-dhire yah pyar, ek adhikar ka rup le leta hai kyonki unhen lagta hai ki itna to koi kisi ko chah nahin sakta isliye unka adhikar hai ki samne vala bhi unhen usi tarah se chahe aur jab unhen unke man ka chaha nahin milta ya samaj se upeksha ya tarna milti hai to ve sahan nahin kar pate aur apni kuntha aur apman ka badla lene ke lie ve hinsak ho uthte hain aur dusre ko pira pahuncha kar, use chot pahuncha kar athva hatya karke unhen yah khushi milti hai ki tu meri nahin hui to kisi aur ki bhi nahin hogi. apni khvahishon ke pura n hone par isi tarah ki bhavnaen vyakti ke man men janm le leti hain. lekin aisa hamesha yuvkon ke sath hi nahin hota, navyuvtiyan bhi is bimari ki shikar ho jati hai aur apne nakam prem ki kuntha men ya to vikshipt ho jati hai ya fir jab unki chahat puri nahin hoti to apni hi jivan lila samapt kar leti hai. anek bar dekha gaya hai ki yuva avastha men har larki sundar aur smart larke ko hi jivnsathi ke rup men chahti hai aur usi ke sath apne bhavi jivan ki kalpana karti hai. aisa bhi dekha gaya hai ki vivah ke lie ae rishton ko bhi apne sapnon ke rajkumar jaisa n hone ke karan rijekt kar diya jata hai aur jab akla ati hai to umra dhal chuki hoti hai aur tab kaise bhi larke se vivah hona mushkil ho jata hai. fir janm leti hai kunthaen, bebsi aur dipreshan ki bhavnaen. hamari is kahani ki nayika hai ritu. ritu bachapan se hi bahut chup-chap rahti thi, usko akele hi apne ap men rahna achcha lagta tha. apni man ke kahne par bhi vah n to khelne jati, n hi kisi se jyada bat karti. pita ki bhi bachapan men hi mrityu ho gai thi jisne use aur akela bana diya. skul aur kalej men bhi ritu akela hi rahna pasand karti v jyada larkiyon se bat nahin karti thi aur parhai ke bad usne apna dhyan ishvar ki sadhna men lagane ki koshish ki aur use saflta bhi mili. vah ghanton bhagvan ke dhyan men baithi rahti aur unse bate kartin. ghar men man kafi pareshan rahti. ek do sal tak ritu ka man ishvariya sadhna men laga lekin fir dhire-dhire uska man yahan se bhi uchtne laga. uske as-pas ki sabhi larkiyon ka vivah ho gaya tha aur rishtedari men bhi sabhi bahnen vivahit thi tatha ek do bachchon ki man bhi ban chuki thi. un sabko dekhakar achanak ritu apne ap ko bahut akela aur upekshit mahsus karti. vaise to ritu dekhne men sundar v akarshak thi par chunki ab uski umra ho gayi thi aur sharir se bhi vah kuch sthul thi isliye vah kisi bhi jagah akarshan ka kendra bhi nahin ban pati thi. jab bhi ritu ka parichay kisi yuvak se hota to use bahut achcha lagta. kuch din ki batchit ke pashchat ritu uske sapne lene lagti aur usse kalpanik sanbandh bana leti lekin vastavikta men jab vah niktta barhane ki koshish karti to mayusi hath lagti aur vah vyakti ritu se puri tarah katne ki koshish karta jisse ritu ko bahuut mansik aghat pahunchta. ritu har mumkin koshish karti ki usse vah dubara bat kar sake parantu nirasha hath lagne par vah bahut vyathit ho jati aur apne antarman men yahi sochti, ‘kya bhagvan ne mera jivan sathi nahin banaya? kya main aise hi kunvari rah jaungi? kya mera apna ghar, pati v bachchon ka sapna pura hoga? aiye, karen ritu ki janmakundli ka vishleshn ritu ki janmakundli men yogkarak grah shani navmesh evan dashmesh hokar lagn men vakri hokar mitra rashi men sthit hai aur lagnesh shukra shatru rashi men mangal ke sath saptam bhav men baithe hain. navansh men bhi shani lagn men kark rashi men tatha shukra apni uchch rashi men virajman hai. lagnasth shani ne ritu ka dhyan bachapan se adhyatm ki taraf lagaya lekin mangal aur shukra ki purn drishti ne use adhyatm men puri tarah ramne nahin diya aur uske dhyan ko adhyatm men kendrit nahin hone diya. dvitiyesh aur panchmesh budh ashtam bhav men lagnesh, tritiyesh, chaturthesh v ashtamesh ke sath sthit hai. ashtam bhav men panch grahon ki yuti ne is bhav ko atyant bali bana diya hai aur isi karan ritu ko gupt vidyaon ne apni or akarshit kiya. adhyatmik drishti se ritu ki kundli men ashtam sthan men pravajya yog ban raha hai jiske falasvarup kam umra se hi ritu adhyatmik sadhna men ruchi lene lagi aur uske man men virakti ke bhav bhi utpann hue. parantu yahan rahu stanbhit sthiti men hai aur guru aur chandra bhi ast hokar nirbal avastha men hai islie pravajya yog bhi falibhut nahin hoga. adhyatm ke kshetra men saflta milni mushkil pratit hoti hai. iske sath-sath saptam bhav men mangal aur shukra ki yuti ne jahan ek or uske vivah men avrodh utpann kie aur itna bilanb karaya vahin yah yuti dusri or uski bhavnaon ko aur adhik prabal bana rahi hai. aur uska man vaivahik sukh ke lie adhik utsuk ho raha hai. arthat ritu ke jivan men yog aur bhog donon ka hi mahatva rahega. ritu ki kundli ke kutunb bhav ko dekhen to vahan par ketu apni nich rashi men sthit hai tatha kutunb bhav ke svami budh ashtam men kamjor sthiti men hain aur kutunb bhav par mangal, surya, rahu tatha kshin chandrama ki bhi drishti hai. arthat bhav, bhavesh, bhavkarak sabhi ki sthiti ashubh hone ke karan ritu ko apna kutunb basane men saflta nahin mil rahi hai. pita karak grah surya bhi ashtam bhav men sthit hai tatha navmansh men nich rashi men rahu ke sath yuti bana raha hai jiske karan bachapan men hi pita ka sukh chala gaya aur vartaman men bhi manovanchit sukh se vanchit ho rahi hai. ek aur tathya dhyan dene yogya hai ki ritu ka janm amavasya tithi ke din hua hai. amavasya tithi men janmi kanyaon ke vivah, parivar, kutunb v mata-pita se sanbandh bahut shubh nahin hote. is karan bhi ritu ko vaivahik v parivarik sukh chahte hue bhi nahin mil pa raha hai. vartaman samay men ritu ki rahu ki mahadsha men rahu ki antardasha chal rahi hai. rahu apni nich rashi dhanu men lagn se ashtam sthan men stanbhit hokar baithe hain arthat kafi nirbal sthiti men hai. is samay rahu gochar men bhi apni janmakalik rashi ke upar se tatha lagn se ashtam bhav men gochar kar rahe hain jiske karan ritu ka koi bhi karya thik se nahin ho pa raha hai aur uska man bhi kafi vyathit hai. mai 2011 ke bad rahu vrishchik rashi men gochar karenge tatha brihaspati bhi gochar men 9 mai se apni janmakalik rashi se pancham, mesh rashi men gochar karenge aur vahan se janm kalin rahu ko navam drishti se dekhenge, jisse ritu ki mansik sthiti bhi sudhregi aur karya banne ke sanket bhi prapt honge. navanbar 2011 ke pashchat bhagyesh shani bhi lagn se shashth tatha rashi se ekadash sthan men chale jaenge jo ki gochriya majbut sthit hogi. is avdhi men ritu ko apne sapnon ka rajkumar bhi milne ki sanbhavna banegi. is samay men saflta nahin milti to 2012 mai ke bad brihaspati gochar men vrishabh rashi men aenge aur vahan se janmasth saptamesh v sapt bhav ko dekhenge sath hi rahu men guru ki antardasha bhi aranbh ho jaegi arthat mai 2012 se aktubar 2014 tak ki avdhi men vivah hone ke prabal yog banenge. iske pashchat rahu men shani, budh ketu tak ki antardashaen 2021 tak achchi rahegi. parantu rahu men shukra ki antardasha men vaivahik jivan men tanav, vighatan adi ki sanbhavna bana sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog  May 2011

bahucharchit kalasarp yog bhay evan santap dene vala hai. is vishay men anek bhrantiyan jyotishiya kshetra men pathkon ko gumrah karti hain. prastut hai kalasarp yog ke upar ek sankshipt, thos evan vishvas jankari

Subscribe

Apne vichar vyakt karein

blog comments powered by Disqus
.