खिलाड़़ी बनने के विशिष्ट योग

khilari banne ke vishisht yog  

Ank ke aur Lekh | Sambandhit Lekh | Views : 3354 |  
kundli ke vibhinn bhavon evan grahon ki vishisht sthitiyan vyakti men khelon ke prati rujhan evan vishisht kshamataon ko utpann karti hain. yadi kisi ke janmang men safal khilari banne ke yog vidyaman hon to tadnukul uchit prashikshan ke madhyam se use ek safal khilari banaya ja sakta hai. kisi janmang men lagn, lagnesh, tritiya bhav, mangal, chaturth bhav budh pancham bhav tatha dasham bhav evan dashmesh tatha guru ki shubhta vyakti ko ek achcha khilari banane ki disha men unmukh kar sakti hai. 1. lagn, lagnesh tatha pancham bhav par shubh grah ki drishti yuti vyakti ko khel, pratiyogita men nipunta, yash evan dhan labh pradan karte hain. lagn evan lagnesh ki sudrirh sthiti vyakti ke sharirik svasthya ko pradarshit karti hai tatha ek achche khilari ke lie sharir aur mastishk ka bali hona avashyak hai. pancham bhav tatha panchmesh ke bali hone se maitripurn sahyog, buddhi, bal, yash, man, pratishtha, pratyutpannamatitva tatha akasmik dhan ki prapti hoti hai. 2. bhujabal, parakram tatha nirantar abhyas ke lie tritiya bhav, tritiyesh tatha bhav karak mangal tatha sangharsh evan pratiyogita men vijay prapti hetu shashth bhav shashthesh tatha bhav karak shani ki bhumika mahatvapurn hoti hai. 3. mangal tritiya bhav ka karak evan shaurya ka pratik hai. budh bhi kumar hai. atah karm bhav men mangal evan budh ki yuti drishti adi sanbandh vyakti ko khel kud ke kshetra men sarvashreshth khilari banane ki disha men unmukh karte hain. 4. ekadash bhav jo ki pancham se saptam hota hai men sthit grah vibhinn khelon men jatak ki abhiruchi paida karte hain. 1. ekadash bhav men sthit surya ya mangal haeki, kriket ya futbal ke prati jatak ki abhiruchi barhate hain. 2. ekadash men sthit hokar chandra ya shukra (jaliya grah) jatak ki tairaki ya pani ke khel ke prati abhiruchi barhate hain. 3. ekadash men sthit hokar budh ya guru patangbaji, ghursvari, shatranj, haid glaiding akash men khel dikhana tatha havai jahaj ki kalabaji vale khelon ke prati abhiruchi barhate hain. 4. khel jagat men yash evan saflta prapti hetu navam evan dasham bhav ka majbut hona avashyak hai. vahin lokapriyata hetu chaturth bhav ka prabal hona jaruri hai. navam bhav saflta ka bhav hai, vahin dasham bhav karya kshamata ka bhav hai. navmesh tatha navam bhav ki majbuti se khilari ko yash evan saflta prapt hoti hai, vahin dasham bhavesh ki majbuti evan dasham bhav men shani, mangal, surya ya rahu ke rahne se khilari karmanishth evan satat abhyasshil hota hai. 5. janmakundli men chandra mangal tatha guru ka yog tatha navansh ya kundli men in grahon ka vargottam, uchch ya svarashisth hona achche khilari banne ka yog banati hai. 6. mesh, vrish, kark, tula, vrishchik evan makar lagn ke vyakti khel jagat men safal dekhe gae hain. sarvashreshth khilariyon ke janmangon ka vyavharik paryavekshana janmang 1 mahan kriketar shri kapildev ji ka hai. lagnesh shukra sukh bhav men sthit hokar dasham bhav ko dekh raha hai. dasham bhav par dhanesh mangal tatha tritiyesh guru ki purva drishti hai. dashmesh chandra parakramesh guru ke sath dhan bhav men sthit hokar gajkeshri yog bana raha hai tatha vah dvitiyesh (dhanesh) mangal dvara drisht bhi hai. bhagyesh budh labhesh surya tatha panchmesh shani ki yuti parakram bhav men hui hai. panchmesh navmesh ka sanbandh yogaprad hai. panchmesh ki pancham bhav par drishti vyakti ki karya kushlta ko barhati hai. 1983 men navmesh budh ki dasha men kapildev ne vishvakap jita tatha budh ki dasha men 434 viket lene ka kirtiman banaya. 2. ran mashin kahe jane vale mahan kriketar sachin tendulakar ke janmang men lagnesh lagn ko dekh raha hai. dhanesh shukra dhan bhav ko dekh raha hai. parakramesh mangal uchch ka hokar khel bhav (pancham bhav) men sthit hai. uchch ke mangal se yuti ke karan guru nichatva bhang hua hai. panchmesh shani (shashthesh bhi) bhagya bhav men baithakar labh sthan, parakram sthan tatha shashth bhav ko dekh raha hai. ye sthitiyan vyakti ki sangharsh kshamata tatha parakram ko barhakar use yash, man tatha dhan pradan karti hai. dvadshesh surya ashtam bhav men uchch ka hokar sthit hai jo vishisht viprit rajyog ko nirmit karti hai. 3. janmang 3 mahan tenis khilari liendar pes ki hai. lagnesh budh tatha dhanesh bhagyesh shukra ki dasham bhav men yuti hai. dasham bhav men budhaditya yog bhi hai. parakramesh mangal adhimitra guru ki rashi min men sthit hokar karm bhav tatha lagn ko dekh raha hai. panchmesh shani tatha navmesh shukra (trikonesh) dasham bhav (kendra) men sthit hai tatha parakramesh mangal tatha panchmesh shani ka apsi drishti sanbandh hai. labhesh chandra par lagnesh budh bhagyesh shukra panchmesh shani ki purn drishti sabhi grah char bhavon men hone ke karan kedar yog ban raha hai. dashamasth svagrahi budh bhadra yog bana raha hai. ye sabhi sthitiyan liendar pesh ko ek safal khilari ke rup men sthapit karti hai evan use yash, samman evan labh pradan karti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2011

Apne vichar vyakt karein

blog comments powered by Disqus
.