संतान योग: कितने फलदायक

santan yog: kitne faldayk  

Ank ke aur Lekh | Sambandhit Lekh | Views : 1121 |  
pahle sanyukt parivaron men bare bujurg apne bete bahuon ko vanshvriddhi ke liye ‘dudho nahao puton falo’ ka ashirvad dete the lekin aj najriya badal gaya hai. aj ‘dabal inkam end no kidsa’ ka chalan fail raha hai. kamyabi v pragti hetu aj ke yuva apni santan ko hi apni vikas ki rah men badha ya bandhan manne lage hain. aisho-aram pane ki havash men in logon ke liye santan sukh koi mayne nahin rakhta. sanyukt parivaron ke hras v ekal parivar pranali ne is chalan men aur vriddhi ki hai. vartaman ke yuva santan ke jhanjhat v jimmedariyon ke chakra men ulajh kar apne hathon se apne sunhre sapnon ka gala nahin ghotna chahte. ye log shayad un logon ki pira v dard ko nahin mahsus karte jo kisi karn se santan sukh se hamesha ke liye vanchit rahte hain to ye ve log hain jinke bhagya men santan sukh hone par bhi ve santan ka sukh nahin le pate. jyotish shastron men bataya gaya hai ki jab janm kundli men santan sukh ka yog maujud ho, santan sukh dene vale grahon ki uchit samay dashantardasha ho aur gochar men bhi grah nakshatron ka uchit yog banta hai to santan ki prapti hoti hai. parantu kabhi-kabhi to sabhi uchit yog, dasha v gochr hone par bhi santan sukh nahin milta. iske viprit janm kundli men kuch aise yog bhi hote hain jinke karn santan sukh ke yog maujud n hone par bhi jatak ko santan ka sukh lete dekha gaya hai. aisa kis karan se hota hai, inka vivaran bhi janm kundli men sthit anya grahon, yogon ya fir jatak ke karmon par bhi nirbhar karta hai. aiye in sab baton ka vishleshan kar ke dekhte hain. kisi bhi janm kundli men santan sukh janne ke liye nimn baton ko dhyan men rakha jata hai - pancham bhav yahan kaun-kaun se grah sthit hain, vo shubh hain ya ashubh aur yahan kin-kin grahon ki shubh ya ashubh drishti par rahi hai. panchmesh kis shubhashubh bhav men sthit hai, is par kin-kin shubhashubh grahon ki drishti hai, iski yuti kin-kin shubhashubh grahon ke sath hai. karak guru kis shubhashubh bhav men sthit hai, is par kin-kin shubhashubh grahon ki drishti hai, iski yuti kin-kin shubhashubh grahon ke sath hai. vibhinn jyotish granthon men santan sukh se sanbandhit kuch yog bataye gaye hain jinke karan jatak ko santan ka sukh milta hai. vahin janm kundli ke kuch anya yogon ke karan santan sukh men kami ya santan ka abhav bhi ho jata hai. isi tarah se shastranusar jin yogon ke karan jatk ko santan sukh nahin milna chahiye, use kundli ke kuch anya shubh yogon ke karan santan sukh mil jata hai. aiye kuch udaharan lekar is vishay par charcha karte hain - 1. shastranusar janmalagn se pancham bhav ka svami va guru shubh sthan kendra ya trikon men sthit hon to jatk ko avashya hi santan sukh milta hai. parantu yadi pancham bhav ya panchmesh par ashubh grahon ka prabhav hoga to santan sukh men kuch kami bhi a jati hai. lagn kundli 24.12.1959, 12.00, munbai udaharan ke liye kunbh lagn ki prastut kundli pancham bhav ka svami budh v guru shubh sthan dashm bhav men hai, jis karn jatak ki do svastha santan hain parantu yahan ham dekhte hain ki pancham bhav par surya, shani v mangl ki drishti hai aur panchmesh budh ki yuti mangal ke sath hai aur budh par ketu ki bhi drishti hai jis karan se jatak ki donon santanen jatk se dur videshon men nivas karti hain. 2. shastranusar pancham bhav men koi grah n ho tatha rahu ya shani ki drishti pancham bhav par ho to jatak ko santan ka sukh nahin milta. parantu yadi pancham bhav ya panchmesh kisi bhi prakar se shubh prabhav men hon to jatak ko santan sukh milne ke yog ban jate hain. lagn kundli 11.12.1922, 11.15, peshavr udaharan ke liye prastut makar lagn ki kundli men pancham bhav men koi grah nahin hai aur rahu ki drishti pancham bhav par hai. iske atirikt ashtamesh surya ki drishti bhi pancham bhav par hai. isi karan jatk ke koi bhi santan nahin thi. parantu pancham bhav va panchmesh shukra par navmesh budh ka prabhav hai tatha pancham bhav apne hi bhavesh se bhi drisht hai jis karan jatak ne apne dur ke rishtedar ki mrityu ho jane ke karan us rishtedar ki santan ko god le liya. 3. shastranusar pancham bhav ya panchmesh par rahu ka prabhav hone par santan sukh men badha ati hai. parantu yadi panchmesh v rahu ki yuti shubh sthan men ho to rahu ki antardasha men santan sukh milta hai. lagn kundli 24.11.1979, 00.30, dilli udaharan ke liye sinh lagn ki kundli men pancham bhav men dvadshesh chandra v akark shakra sthit hai aur panchm bhav par ashubh grah rahu ki bhi drishti hai jis karan se jatika ko santan sukh nahin milna chahiye. parantu panchmesh guru ki apni hi rashi par drishti hai aur panchmesh guru v rahu ki yuti shubh bhav lagn men hai jis karan jatika ko 1 march 2006 ko rahu ki dasha men kanya santan ki prapti hui. 4. shastranusar pancham bhav par ashubh grahon ka prabhav ho v guru nich ka ho to jatak ko santan sukh ka abhav rahta hai. parantu yadi panchmesh uchch ka hokar lagnasth ho to jatk ko santan sukh mil jata hai. lagn kundli 10.08.1985, 11.12, dilli udaharan ke liye tula lagn ki kundli men panchm bhav par ketu v mangal ka prabhav hai tatha guru bhi nich ka hai jis karan jatk ke vivah ke 4 sal tak bhi koi santan nahin hui. parantu panchmesh shani uchch ka hai aur lagn men bhi sthit hai jis karan uchit ilaj milne par jatak ko 3 marcha 2014 ko rahu men ketu ki dasha men kanya santan ka sukh mila. 5. shastranusar panchmesh 6, 8, 12 bhav men ho, panchm bhav par rahu ya shani ki drishti ho to jatak ko santan sukh nahin milta. parantu pancham bhav ya panchmesh par shubh guru v kisi anya shubh grah ki drishti ho to jatak ko santan sukh mil bhi jata hai. lagn kundli 24.10.1978, 05.55, ballabhgdh udaharan ke liye kanya lagn ki kundli men panchmesh shani dvadash bhav men hai tatha pancham bhav par rahu va mangal ki bhi drishti hai jis karan se jatika ko santan sukh nahin milna chahiye tha. parantu jatika ki do svasth santan hai. iska karan hai ki is kundli men svagrihi chandrama v uchcha ke guru ki drishti pancham bhav par hai. 6. shastranusar lagnesh panchamasth ho v lagnesh par guru ki shubh drishti ho to jatak ko santan sukh avashya milta hai. parantu pancham bhav ya panchmesh par koi ashubh prabhav is yog ko kat bhi sakta hai jis karan santan sukh se vanchit bhi rah sakte hain. lagn kundli 30.12.1971, 05.20, sohna udaharan ke liye vrishchik lagn ki kundli men lagnesh mangal pancham bhav men hai aur panchmesh guru lagnastha hokar lagnesh mangal par shubh drishti bhi dal raha hai. atah jatika ko santan sukh milna chahiye tha. parantu jatika ke vivah ko 20 sal hone par bhi santan ka sukh nahin mil paya hai. iska karan hai ki ashtamesh budh ki yuti panchmesh guru ke sath lagn men hai aur ketu ki drishti bhi pancham bhav v panchmesh guru par hai. santan sukh hetu upay - nimnalikhit upay karne se santan sukh se vanchit danpatti ko avashya hi labh milta hai:- ƒ shashthi devi ka vrat - shashthi devi ka vrat karne se uttam santan ki prapti hoti hai. skandpuran men ise santan prapti aur santan ki piraon ka shaman karne vala vrat bataya gaya hai jo shighra faldayak aur shubhatva pradan karne vala hai. yadi santan ko kisi prakar ka kasht, rog, sankat ho to yah vrat vidhanpurvak karne se usse bachav hota hai. yah vrat shukla paksh ki shashthi tithi ko kiya jata hai. varsh ke kisi bhi mas ke shukla paksh ki shashthi ko yah vrat aranbh kiya ja sakta hai. chaitra mas ki shashthi ko is vrat ko aranbh karne ka prachalan adhik hai. ghar ke ishan kon men purvabhimukh ya uÿarabhimukh baithkr apne samne tulsi ke gamle men pile suti kapre par shaligram ji ki pratima rakhen. tulsi ke paudhe ke samip hi kartikey ka chitra aur tanbe ka lota pile kapre par rakh den. lote par nariyal bhi rakhen. sarvapratham ghi dalakar dipak jala len. fir vrat pujan tatha mantra jap ka sankalp karen. kalash par ganpti ka dhyan karte hue ‘un gan ganptye namah’ mantra se unka pujan karen. fir shaligram ka ‘un namo bhagvte vasudevay’ mantra se aur ‘un shri vishnupriyayai namah’ mantra se tulsi ke paudhe ka pujan karen. ab kartikey ke chitra ka ‘un skanday namah’ mantra se pujan karen. kalash par sthit nariyal par ‘un hrin shashthi devyai svaha’ mantra se shashthi devi ka pujan karen. fal, mithai, meva, laung, ilaychi adi avashya charhaen. shashthi devi ke ukt mantra ka kam se kam 108 bar jap avashya karen. nitya pujan karke dipak jalaen tatha pratyek shashthi ko vistrit pujan karen. bhagvan narayan dvara batae gae ‘shashthi devyastotram’ ka path bhi avashya karen. iske prabhav se niahsantan ko santan ki prapti hoti hai. ƒ panchmesh grah ko balvan karne ke liye panchmesh ka ratn shubh muhurt men dharan karna chahiye. ƒ pancham bhav par hone vale ashubh grahon ki shanti ke liye uchit danadi karna chahiye. ƒ karak guru ko shubhta pradan karne ke liye havnadi karvana chahiye. ƒ santan gopal yantra ke sammukh santan gopal mantra ka rojana jap karna chahiye.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2016

Apne vichar vyakt karein

blog comments powered by Disqus
.