अक्षय धन प्राप्ति के उपाय

akshay dhan prapti ke upay  

Ank ke aur Lekh | Sambandhit Lekh | Views : 1763 |  
hamare yahan dipavli aur lakshmi puja se dhan prapti ka ek atut sanbandh hai. dipavli se purva log apne-apne gharon aur vyaparik sthalon ko apne samathrya ke anusar saf-suthra kar dipavli ke din dhan prapti evan man lakshmi ki prasannata ke lie puja-path evan anya totkon ka sahara lete hain. aiye ham bhi janen aise kuch upayon ko jinse vyakti ki lakshmi prapti ki ichcha puri ho sake. shri bhagvan vishnu ki shakti mahalakshmi hain. parantu das mahavidyaon men jo kamla nam ki mahavidya hai vah sada shiv purush ki shakti hai. inki puja upasna se vaibhav, sanpatti, dhan-dhanya aur yash ki prapti hoti hai. puja ghar men ya anya kamre ke ek kone men (uttara-purva) puja sthan nishchit kar shri kamla devi ka chitra rakhen. puja ka aranbh dipavli ke din ya anya shubh muhurt se karen. mantra ki jap sankhya 125000 (ek lakh pachchis hajar hai) hai. ise apne samathrya ke anusar jap ke dinon men bantakar ek nishchit sankhya men pratidin karne ka vidhan hai. panchopchar ya shodshopchar puja ke lie avashyak samagri rakh len. mala, asan, vastra aur pujn samagri lal rang ke hone chahie. svayan pahnne ka vastra bhi lal rang ke hon. fir kram se viniyog, hridyadi nyas, dhyan, ahnan karne ka vidhan hai. viniyog mantra: un asya shri mahalakshmi mantrasya bhrigurishiah, nivrichchandah, shri mahalakshmi devta, shrin bijam, hrin shaktiah, ain kilkan, shri lakshmi prityarthen jape viniyogah. hridyadi nyas: un shran hridyay namah. un shirse svaha. un shrun shikhayai vashat. un shrain kavchay hum. un shraun netratrayay vaushat. un shrah astray fat. fir mata shri kamla devi ka dhyan karte hue nimn mantra parhen: kantya kanchanasannibhan himgiri prakhyaishchatubhirgajairhasto -tkshiptahirnmya mritghtai rasichyamanan shriyam. vibhranan varabja yugmamabhayan hastaiah kiritojjavalam. kshauma baddh nitanb binb lalitan vande'rvindasthitam. ab hath men ful lekar avahan mantra ko bolen aur bhavna karen ki mata ka vas tasvir men ho gaya aur hath ka ful arpan kar den. avahan mantra: un akshastrag parshum kalisam padmam dhanu kundikam dandam shakti masinch charm jaljm ghantasura bhajanam. sulabh pash sudarshane ch dadyatin hastai prasannanmam seve sairibh mardani mihimham lakshmi svaroyasyasthitan.. ab panchopchar ya shodshopchar vidhi se mata ka pujan karen. fir hath men ful, gangajal, akshat aur dravya lekar manokamna sahit- ‘‘un vishnurvishnurvishnuah adi mantra se’’ 125000 mantra jap ka sankalp len. dhyan rahe jap kal ke samay mata ke age dhup aur ghi ka dipk jalta rahe. jap ki sankhya ka dhyan rakhen aur pratidin ek kaepi par jap sankhya likh liya karen. jap samapti ke pashchat ant men jap ka dashansh havan, havan ka dashansh tarpan aur tarpan ka dashansh marjana karen. fir marjan ka dashansh brahmana bhojan karakar sadakshina unhen vida karen. agar havan 125000 ka dashansh 12500 ki sankhya men karna sanbhav na ho to jitni havan ki sankhya kam karna ho uska do guna jap karne ka vidhan hai jise havan se pahle hi kar lena chahie. uprokt sabhi upadanon men pavitrata, nishtha aur ekagrata bani rahni chahie.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2016

fyuchar samachar ke vartaman visheshank ko vishesh rup se man lakshmi ko samarpit kiya gaya hai. pratyek jan ratonrat amir v sukh suvidha vali jindagi ki tamanna karta hai lekin man lakshmi ko pratyek admi prasann nahin kar pata, lekin dipavli ke avasar par unki vidhi vidhan se puja karke ap man lakshmi ko akarshik kar sakte hain. is vartaman visheshank men man lakshmi ke upar kai achche lekh sammilit kiye hain. lakshmi ko akarshit karne ke v prasann karne ke totke adi bhi sammilit kiye gaye hain inke atirikt sthayi stambhon men purva ki bhanti hi jyotish par adharit lekh bhi shamil hain, jinmane se kuch lekh is prakar hain: mahashaktidayini man durga puja ka jyotishiya yog, panchmha divsatmak mahaparva dipavli, dipavli pujan vidhi, lakshmi prapti ke svarnim saral prayog, dhan prapt karne ke saral totke, dhan prapt karne ke achuk upay, prasann karen rashi anusar lakshmi ji ko, shrividya sadhna adi.

Subscribe

Apne vichar vyakt karein

blog comments powered by Disqus
.