कस्पल पद्धति बर्थ टाईम रेक्टीफिकेशन पार्ट-2

kaspal paddhati barth taim rektifikeshan parta-2  

Ank ke aur Lekh | Sambandhit Lekh | Views : 1180 |  
pichle lekh men ruling plainets ki sahayta se kundli ko thik (karekta) karne ka tarika prastut kiya gaya tha. ab isi vichar ko age barhate hue kisi bhi kaspal kundali ka bartha taim rektifai kis prakar ivent vairifikeshan ki sahayta se kiya jae, ise samjhne ka prayas karenge. ivent vairifikeshan ka tatparya hai ki jatak ke apne jivan kal men jo-jo ghatnaen ya durghatanaen ghatit hui hain us vishisht ghatna ke din aur samay ke adhar par kundali ka samay mint aur sekand leval tak karekt karna . agar kisi vishisht din koi vishishta ivent jatak ke jivan men falit ya ghatit hota hai to jatak ki kundli ko us vishisht din, us vishisht ghatna ko darshana avashyak hai. agar jatk ki kundali us vishisht ghatna ya durghatana ko nahin darshati hai to nishchit manie ki jatak ki kundli men janma samay ko shuddh karna avashyak hai aur kaspal jyotish men ivent verifikeshn ke lie sudrirh niyam banaye gae hain jo manya aur tarkasangat hain. vivah, bachche ka janm ityadi ivent ko chek karne ke lie dasha, bhukti, antra, sukshm aur prandsha ke alava us vishisht divas ke gochar men guru, surya, chandra ityadi grahon ke gochar ka bhi adhyayan kiya jata hai. iske sath-sath us vishisht din grahon tatha lagn aur mul bhav ki progerasda pojishan ka bhi adhyayan kiya jata hai. vivah, bachche ke janm ityadi ivent men dasha svami grah ka kam se kam nyutral hona anivarya hai. bhukti svami grah ka mul bhav ka signifiketr banna anivarya hai. antra, sukshm tatha prandsha svami grah prasangik bhavon ke fal pradan karne men saksham hon. ivent verifikeshan ka ek sashakta madhyam hai mrityu ka ivent. mrityu kisi sage-sanbandhi jaise mata, pita ya dada ityadi aur mrityu ke ivent ko aplai (lagu) karne ke lie bhi kuch niyam banaye gae hain jaise ki -1. dasha svami grah ka lagn ya athven ya badhak bhav men ko-rul karna ya in bhavon men men se kisi bhav men baithna . 2. dasha svami grah ka athven bhav ke sab-sab laerda ke sath sanbandh sthapit karna . 3. dasha svami grah ka lagn aur athven bhav ka marak aur badhak bhavon ke sath signifiketar banna. mrityu vale din gochar men shani ka kisi aisi rashi men gochar karna jis rashi svami ka sanbandh athven bhav ke sab-sab laerda ya badhak bhav ke sab-sab laerd se sthapit ho aur vah rashi svami grah mrityu dene vale bhavon ka fal pradan karne men bhi saksham ho. 5. mrityu vale din chandra kisi aise nakshatra men gochr kare jo nakshatra svami grah bhi athven bhav ya badhak bhav ke sab-sab laerda se sanbandh sthapit kare tatha nakshatra svami grah ka bhi mrityu dene vale bhavon ka signifiketar banna anivarya hai. 6. gochriya shani, guru, surya aur chandra ke baki bache ko-ruling grah bhi lagn men ya marak men ya badhak bhav men ya athven bhav ko ko-rul karen ya in bhavon men baithen hon tatha sath men ve sabhi grah bhi mrityu dene vale bhavon ke signifiketr banen. bhukti svami grah, antara svami grah, sukshm aur pran svami grah bhi mrityu dene vale bhavon ke fal pradan karne men saksham hon. uprlikhit 6 kandishan ek sath lagu honi chahie, yahi kandishn mata ki, pita ki, dada ki tatha anya rishton ke lie bhi manya hai. ab ek udaharan ke sath in sabhi niyamon ko lagu karne ka prayas karte hain. is bar apke sammukh ek rektifaid kundli ka udaharan prastut kiya ja raha hai taki ap in niyamon ko lagu karna samajh payen. agle ank men ek udaharan ke sahyog se jatk ke jivan kal men ghatit hue ivent ki sahayta se kundli ki barth taim rektifikeshan karna sikhaya jayega. prastut udaharan kundli rektifaid kundli hai. is jatak ke pita ji ka dehant 19.9.1979 ko sayan 20ah 30 baje hua tatha inki mata ka dehant 5 agast 2003 ko 21ah 55 baje hua. jab inke pita ka dehant hua us samay jatak ki rahu-chandra-guru- shani-chandra ki dasha chal rahi thi yani ki rahu ki dasha, chandra ki bhukti, guru ki antra, shani ki sukshm dasha aur chandra ki pran dasha chal rahi thi tatha us samay gochar men shani sinh rashi men, shukra ke nakshatra men, budh ke sab aur chandra ke sab-sab men gochar kar rahe the. guru sinh rashi men ketu ke nakshatra, chandra ke sab aur budh ke sab-sab men, surya kanya rashi men surya ke nakshatra, guru ke sab aur chandra ke sab-sab men gochar kar rahe the aur chandra sinh rashi men ketu ke nakshatra men, budh ke sab men aur shani ke sab-sab men gochar kar rahe the. jab is jatak ki mata ji ki mrityu 5 agast 2003 ko rat 21ah55 baje hui us samay is jatak ki shani ki dasha, ketu ki bhukti, shukra ki antra, chandra ki sukshm dasha aur guru ki pran dasha chal rahi thi tatha gochar men shani budh ki rashi men, rahu ke nakshatra men, budh ke sab aur guru ke sab-sab men gochr kar rahe the. gochar men guru sinh rashi men ketu ke nakshatra men, shukra ke sab aur chandra ke sab-sab men, surya kark rashi men, budh ke nakshatra men, ketu ke sab aur rahu ke sab-sab men tatha gochar men chandra, tula rashi men, guru ke nakshatra men, shani ke sab men aur guru ke sab-sab men gochr kar rahe the. ab is jatak ke pita ki mrityu ka vistar men adhyayan karte hain aur mrityu hone ke lie jo kandishan aur niyam upar prastut kie gae hain unko ham yahan ek-ek karke lagu karte hain. mrityu hone ke lie pahli kandishan hai ki dasha svami grah lagn ya athven ya badhak bhav ko ko rul kare ya in bhavon men baithe hon. pita ki mrityu ke samay jatak ki rahu ki dasha chal rahi thi. dasha svami grah rahu chaithe kasp men yani pita ke ashtam bhav men ko-rul kar raha hai. pahli kandishn purn hui. dusri kandishan dasha svami grah ka athven bhav ke sab-sab laerda se sanbandh sthapit hona. dasha svami rahu hai aur chaithe bhav (pita ke lie athvan) ka sab-sab laerd bhi rahu hai. is prakar dasha svami grah ka athven bhav ke sab-sab laerd se sanbandh sthapit ho jata hai. tisri kandishn dasha svami grah ka lagn aur athven bhav ka stranaig signifiketar, mark aur badhak bhavon ke sath banna. dasha svami rahu, surya ke nakshatra men aur shukra ke sab men hai. surya pita ke lie donon marak bhavon (do aur sat) yani ki dasven aur tisre tatha satven (badhk) kasp men prakat ho raha hai. surya chaithe bhav men baitha bhi hai aur shukra naven bhav (pita ka lagn bhav), dasven kasp men prakat ho marak, badhak aur athven bhav ko surya ke madhyam se involva kar tatha shukra ke madhyam se naven aur dasven bhav ke sath kamitment kar lagna aur athven bhav ka fal pradan karne men marak aur badhak bhavon ke sath saksham ho jata hai. dasha svami rahu ka sab-sab laerd rahu chaithe kasp men prakt ho anivarya kandishan ko pura karta hai. bhukti svami chandra, surya ke nakshatra, chandra ke sab aur rahu ke sab-sab men hai. surya hamne dekha ki dasven, tisre aur satven kasp men prakat ho involvament kar raha hai aur chandra tisre aur satvane kasp men prakat ho kamitment kar bhukti svami chandra ko mrityu dene vale bhavon ka signifiketar bhi banata hai tatha ant men rahu chaithe kasp men prakat ho anivarya kandishan ko pura karta hai. antra svami guru, shukra ke nakshatra, shani ke sab aur shani ke hi sab-sab men hai. shukra naven, dasven aur satven bhav men prakat ho involvament kar raha hai tatha shani tisre (mark), chaithe (athvan), naven (lagna), dasven (mark) kaspon men prakt ho kamitment aur fainal kanfarmeshn kar antra svami guru ko mrityu dene men saksham banate hain. sukshm svami shani, shukra ke nakshatra men, rahu ke sab men aur budh ke sab-sab men hai. shukra hamne upar dekha ki naven, dasven aur satven kaspon men prakat ho involvament kar raha hai tatha rahu chaithe kasp men prakat ho prasangik bhavon ke sath kamitment kar raha hai tatha shani sukshm svami ka sab-sab budh tisri kaspal pojishan men prakt ho anivarya kandishan ko bhi pura karta hai. pran svami grah chandra ka adhyayn ham upar kar hi chuke hain. upar hamne dasha svami grah ki tinon hi kandishan ko lagu kiya hai tatha ab ham chaithi kandishan jo ki gochar men shani ki hai, mrityu vale din shani ko kisi aisi rashi men gochar karna anivarya hai jiska rashi svami grah athven bhav ya badhak bhav ke sab-sab laerd se sanbandh sthapit kare tatha vah rashi svami mrityu dene vale bhavon ka fal pradan karne men bhi saksham ho. jatak ke pita ki mrityu vale din yani ki 19.9.1979 ko rat 20ah30 baje shani sinh rashi men gochar kar raha tha tatha ab sinh rashi ke svami surya ko chaithe ya satven (badhk) bhav ke sab-sab laerd se sanbandh sthapit karna hai. surya to chaithe bhav men baithakar is kandishan ko purn karta hai. aiye ab dekhen kya surya mrityu dene vale bhavon ka signifiketar bhi banta hai ya nahin. is kundali men surya, shani ke nakshatra men ketu ke sab men aur rahu ke sab-sab men hai. shani naven (lagna), dasven (mark), tisre (mark), chaithe (athven) bhav men prakat ho involvament kar raha hai tatha ketu chaithe bhav men pojishanal stetas ke sath baithakar surya ko mrityu dene vale bhavon ka prabal taur par signifiketar bhi banata hai tatha antim pushtikaran rahu dvara chaithe kaspa ka sab-sab laerd ban purn karta hai. panchvan niyam hai ki mrityu vale din chandra kisi aise nakshatra men gochar kare jiska svami bhi athven ya badhak bhav se sanbandh sthapit kare tatha vah mrityu dene vale bhavon ka signifiketar bhi bane. is jatak ke pita ki mrityu vale din chandra, ketu ke nakshatra men gochar kar raha tha. ketu to chaithe (pita ke lie athven) bhav men baithakar sanbandh sthapit karta hai tatha ketu involvament, kamitment aur fainal kanfarmeshan ke madhyam se inke pita ko mrityu dene men saksham bhi banta hai. chatha niyam hai ki gochriya shani, guru, surya aur chandra ke baki bache sabhi ko-ruling grah ya to lagn men ya marak ya badhak ya athven kaspa/bhav men prakat ho tatha sath men ve sabhi grah mrityu dene (jatak ke jis bhi sanbandhi ki mrityu ko anka ja raha hai) vale bhavon ke prabal taur par signifiketr bhi banen. gochriya shani, guru, surya aur chandra ke baki bache sabhi ko ruling grah prasangik bhavon men prakat ho rahe hain tatha sath men jatak ke pita ko mrityu dene men bhi saksham hain. jis prakar upar hamne is jatak ke pita ki mrityu ka adhyayan kiya thik usi prakar se ham is jatak ki mata ji ki mrityu ka bhi adhyayan kar sakte hain. bas inke mata ke kes men bhav badal jaenge. mata ka lagn (chaithe bhav se), mata ke lie athven bhav ko (gyarhven bhav se) adhyayan karna hoga tatha panchvan aur dasvan bhav mata ke lie marak (2, 7) banenge. mata ka badhak is kundli ka barhvan bhav hoga kyonki chaithe bhav men sthir rashi kunbh udit hai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2016

fyuchar samachar ke vartaman visheshank ko vishesh rup se man lakshmi ko samarpit kiya gaya hai. pratyek jan ratonrat amir v sukh suvidha vali jindagi ki tamanna karta hai lekin man lakshmi ko pratyek admi prasann nahin kar pata, lekin dipavli ke avasar par unki vidhi vidhan se puja karke ap man lakshmi ko akarshik kar sakte hain. is vartaman visheshank men man lakshmi ke upar kai achche lekh sammilit kiye hain. lakshmi ko akarshit karne ke v prasann karne ke totke adi bhi sammilit kiye gaye hain inke atirikt sthayi stambhon men purva ki bhanti hi jyotish par adharit lekh bhi shamil hain, jinmane se kuch lekh is prakar hain: mahashaktidayini man durga puja ka jyotishiya yog, panchmha divsatmak mahaparva dipavli, dipavli pujan vidhi, lakshmi prapti ke svarnim saral prayog, dhan prapt karne ke saral totke, dhan prapt karne ke achuk upay, prasann karen rashi anusar lakshmi ji ko, shrividya sadhna adi.

Subscribe

Apne vichar vyakt karein

blog comments powered by Disqus
.