फिदेल कास्त्रो

fidel kastro  

Ank ke aur Lekh | Sambandhit Lekh | Views : 1311 |  
kastro ki kundli hai tula lagna ki v navansh hai vrishchik lagna ki. lagn ke svami shukra v navansh ke svami mangal donon hi kramshah lagn va navansh men dasham bhav men baithakar lagna ko balvan bana rahe hain. sukhesh v panchmesh shani lagn men uchchasth hokar ‘shash’ namak mahapurush yog bana rahe hain. unka janm ek jamindar parivar men hua tha. unhen apne parivar men sabhi sukh-suvidhaen prapt thin. unke pita jamindar the par ve apne kheton men kam karne vale majduron ke sukh-dukh ka sadaiv dhyan rakhte the. apne pita ka yah gun fidel ko virasat men mila tha. sath hi shani jab uchchasth hokr lagn men virajman ho aur tritiya parakram v dasham karm bhav par purna drishti dal rahe hon to nishchit rup se jatak kamjor varn ke adhikaron ko lekar vicharshil hota hai. aisa hi kuch fidel ke sath bhi tha. ve anyay bardasht nahin karte the. shani ko dandadhikari kaha gaya hai. shani ka yah gun fidel ko prapt hua. chaturth bhav praja ka bhav hai aur dashm bhav shasak varg ka pratinidhitva karta hai. fidel ne anyay kabhi bhi bardashta nahin kiya. jab ve panchvin kaksha men parhte the to ek bar unki galti na hone par bhi varden ne unhen mara. is par fidel un par ulta jhapat pare. bari mushkil se unhen varden se alg kiya gaya. iska parinam yah hua ki unhen v unke bhaiyon ko vidyaly se nikal diya gaya. anyay ke khilaf fidel ka yah bara vidroh tha aur age jakr yah unke vyaktitva ki ek pramukh visheshta ban gaya. chaturth bhav prathmik shiksha ka bhav hai. chaturthesh shani yadyapi lagn men uchchastha hai kintu chaturth ke vyayesh brihaspati chaturth men baithe hain. yahi karan hai ki praranbhik shiksha kafi avrodhon ke bad purn hui. 1941 men fidel ne kaelej men pravesh kiya kintu vahan bhi unhen aisi paristhitiyan milin jiske karan unhen apne virodhiyon ka samna karne ke lie hathiyar bhi uthana para. fidel ke lagnesh shukra parakramesh brihaspati ke nakshatra aur rahu ke upanakshatra men hai. lagn par mangal ki purn drishti hai, mangal svarashisth hai aur do marak bhavon ke svami bhi hain. lagna men baithe hue shani jo ki panchmesh bhi hai parakramesh brihaspati ke nakshatra aur shukra ke upanakshatra men hai. yahi karn tha ki fidel anyay ko bardashta nahin kar pate the aur uske virodh men puri shakti laga dete the. fidel ki akramkta v larai sirf burai ke khilaf thi. fidel ka kahna tha ki anyay ke khilaf meri larai men samman, naitikta tatha sachchai mere sabse bare hathiyar hain. fidel ka rajnaitik safar unke kaelej se hi shuru ho gaya tha. un par kyuba ke mahan krantikari jonsmarti, kyuba ke ek pramukh neta chibas tatha makrsavadi sahitya ka kafi prabhav para tha. fidel ko bachapan se mahadshaen bhi anukul hi prapt huin. janm ke tin mah bad mangal ki mahadsha praranbh hui. mangal markesh hai sath hi akramkta v aveg mangal ka gun hai. uske bad 18 varsh ki rahu ki mahadsha. rahu parakramesh brihaspati ke nakshatra men aur lagnasth shani ke upanakshatra men apni uchch rashi men navamasth hai. shani tula lagn men yogkarak hote hain. shani par rahu ki purn drishti hai aur shani ke upanakshatra men hone ke karan rahu ne pura yogkari prabhav grahan kar liya hai. kaelej ki rajniti ke bad fidel ki larai shuru hui desh ke bhrashta rajnetaon ke sath. dasham bhav men lagnesh, bhagyesh tatha labhesh arthat shukra, budh tatha surya ki yuti dasham bhav ko majbut kar rahi hai. is par chaturthesh shani jo ki uchchasth bhi hai ki purn drishti shubhta ko barha rahi hai jiske karan fidel ko apne sangharsh men vijay prapt hui. sath hi budh vyayesh bhi hai aur labhesh surya apne se vyay bhav dasham men hai aur karmesh chandrama vyay bhav men hai. shubh yogon ke sath hi ashubh yog bhi nishchit rup se apna prabhav dikhate hain. yahi karan hai ki fidel ko apne virodhiyon ko parast karne men kafi sanyam ka parichay dena para. ve kai bar parast hue, kai bar marte-marte bache lekin unhonne har nahin mani kyonki unhen apni sachchai par bharosa tha. 1951 men unki brihaspati ki mahadsha praranbh hui. brihaspati parakramesh aur shashthesh hai. brihaspati markesh mangal ke nakshatra aur yogkarak shani ke upanakshatra men chaturth bhav men baithakar nichbhang rajyog nirmit kar rahe hain. ‘‘niche yastasth nichochchameshau dvavek ev va kendrasthashrchachchakravarti bhupah syad bhupavanditah.. 30 .. faldipika, saptam adhyay yadi koi grah nich rashi men ho aur us nich rashi ka svami aur nich grah jis rashi men uchch ka hota hai uska svami vah ek ya donon lagna se kendra men ho to nichbhang rajyog hota hai. brihaspati ke nich nath shani lagn men kendrasth hai. iske karan brihaspati jo ki parakramesh aur shashthesh hain, nich bhang rajyog bana rahe hain. chaturth bhav praja ka bhav hai. isi karan kastro ne garib v upekshit varga v janta ki jarurton v adhikaron ke lie sangharsh men apna pura jivan laga diya. dasham bhav satta ka hota hai. dashm bhav men bhagyesh budh v labhesh surya ne baithakar unke karmakshetra ko majbut kiya. 1959 mane ve kyuba ke pradhanmantri bane. dasha chal rahi thi nichbhang rajyog banane vale brihaspati ki jinki purna drishti dasham bhav par hai. amerika v soviyat sangh jaise bare deshon ne kafi prayas kiya kastro ke krantikari vicharon ko dabane par kintu kastro ne anyay ka sadaiv virodh karna sikha tha aur ve usmen safl bhi hue. kaha jata hai si. i. e. ne unhen 638 bar marvane ki koshish ki jo asafal rahin. kastro kahte hain hatyaon ki sajishon se bachne ka yadi olampik men koi inam hota to unhen gold medl jarur milta. kastro ne apne shasan kal men 10 hajar se bhi jyada naye skul khole, parinamasvarup kyuba men saksharata dar 98 pratishat tak pahunch gai hai. vahan navjat shishuon ki mrityu dar matra 1.1 pratishat hai jisse viksit sarvajnik svasthya sevaon ka pata chalta hai. sarvajnik jivan ke bad ab ham bat karenge fidel ke vyaktigt jivan ki. fidel ke saptamesh mangl saptamasth hain. mangal shukra ke nakshatra aur shukra ke hi upanakshatra men hai. mangl par chaturthesh v panchmesh shani ki purna drishti bhi hai. fidel ka vivah ek abhijatya varga ki mahila se 1948 men hua tha. mahadsha chal rahi thi rahu ki. rahu ki dasha vivah ki naisargik kark kahi jati hai. fidel ki ayu us samay matra 22 varsh ki thi. saptamesh saptam men svarashisth hai aur yogkarak shani se drisht hai. yah shighra vivah ka uttama yog hai. panchmesh lagn men baithakar saptam va saptamesh ko dekh rahe hain jis karn unka vivah bhi shighra hua aur putra santan ki prapti bhi hui. kintu saptamesh mangal brihaspati ke nakshatra men baithe hain jiske karan unka yah vivah matra 7 varsh chala aur talak ho gaya. brihaspati shashthesh hai jo ki saptam ka vyay bhav hai. saptam aur pancham ka ghanishth sanbandh hai jiske karan unke kai prem prasangon ki charcha bhi sunai parti hai. shani panchmesh hone ke sath hi pancham ke vyay bhav chaturth ke svami bhi hain. is karan unke prem prasang bhi tikau nahin rahe. yadyapi unke pratham vivah ke alava kisi bhi sanbandh ka koi thos praman nahin hai. 19 farvri 2008 ko apne kharab svasthya ke karan kastro ne kyuba ka rashtrapti pad tyag diya. ajkl shasan ki bagdor unke chote bhai raul sanbhal rahe hain. ve kranti ke dinon se unke nikat sahyogi rahe hain. karan spasht hai kyonki chote bhai ka bhav hai tritiya aur tritiyesh brihaspati ka shubh prabhav fidel ki kundli men sarvatra drishtigochar ho raha hai. 2008 men dasha bhi ketu ki chal rahi thi jo ki tritiyasth hai. fidel kastro ka jivan sabhi ke lie sadaiv prernadayak rahega. unhonne atmasamman, naitikta tatha sachchai jaise hathiyaron ke bal par apne sangharsha men vijay prapt kar li aur svayan ko duniya ke lie misal bana diya.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2016

fyuchar samachar ke vartaman visheshank ko vishesh rup se man lakshmi ko samarpit kiya gaya hai. pratyek jan ratonrat amir v sukh suvidha vali jindagi ki tamanna karta hai lekin man lakshmi ko pratyek admi prasann nahin kar pata, lekin dipavli ke avasar par unki vidhi vidhan se puja karke ap man lakshmi ko akarshik kar sakte hain. is vartaman visheshank men man lakshmi ke upar kai achche lekh sammilit kiye hain. lakshmi ko akarshit karne ke v prasann karne ke totke adi bhi sammilit kiye gaye hain inke atirikt sthayi stambhon men purva ki bhanti hi jyotish par adharit lekh bhi shamil hain, jinmane se kuch lekh is prakar hain: mahashaktidayini man durga puja ka jyotishiya yog, panchmha divsatmak mahaparva dipavli, dipavli pujan vidhi, lakshmi prapti ke svarnim saral prayog, dhan prapt karne ke saral totke, dhan prapt karne ke achuk upay, prasann karen rashi anusar lakshmi ji ko, shrividya sadhna adi.

Subscribe

Apne vichar vyakt karein

blog comments powered by Disqus
.