द्वारकापुरी: जहां छिपी हैं कृष्ण वैभव की कई गाथाएं

dvarkapuri: jahan chipi hain krishn vaibhav ki kai gathaen  

Ank ke aur Lekh | Sambandhit Lekh | Views : 2579 |  
dvarkapuri: jahan chipi hain krishn vaibhav ki kai gathaen chitra fuloriya saurashtra ke panch ratnon men se ek dvarka ! sthapatya kala ka bejor namuna aur ek manoram sthal ! bhagvan shri krishn ne mathura v vrindavan chor yahan apna dham basaya. ek mokshadvar, kahte hain jiski bhumi ke sparsh matra se manushya ke sare pap dhul jate hain. prastut hai usi pavan dham ka chitra ukerta alekh... bhag v a n kri sh n a n e apne jivnkal men kai vichitra karyon ka sanpadan kiya. balapan se lekar vriddhavastha tak ve kuch aisa karte rahe ki hamesha charcha men rahe. samudra ke bichobich alishan dvarka nagri ka nirman bhi isi vichitrata ka ek udaharan hai. krishn ki dvarka nagri char dhamon aur sat puriyon men se ek hai. dvarkapuri ka mahatmya avarnaniya hai. kaha jata hai ki dvarka ke prabhav se vibhinn yoniyon men pare hue samast jiv mukt hokar shrikrishn ke parmdham ko prapt hote hain. yahan tak ki dvarka nivasiyon ke darshan aur sparsh matra se bare-bare pap nasht ho jate hain. dva arka men jo hom, jap, dan, tapadi kie jate hain, unka prabhav kotiguna aur akshay hota hai. dvarka ke udbhav ke vishay men kaha jata hai ki shrikrishn ne kans ka vadh karne ke bad dvarkapuri ki sthapna ka nirdesh vishvakarma ko diya, vishvakarma ne ek hi rat men is alishan nagri ka nirman kar diya. apni samast yadav mandli ko lekar krishn mathura se akar yahan nivas karne lage. dvarka ko kushasthali bhi kaha jata hai. aisi manyata hai ki satyayug men maharaj raivat ne samudra ke madhya ki bhumi par kush bichakar kai yagya kie the. yahan kush namak danav ne kai upadrav faila rakhe the. use marne ke lie brahmaji ne kai upay kie. jab vah danav shastron se nahin mara, tab trivikram bhagvan ne use bhumi men garakar uske upar usi ke aradhya kusheshvar ki lingmurti sthapit kar di. daitya ke prarthana karne par bhagvan ne use vardan diya ki dvarka ane vala jo vyakti kusheshvar ke darshan nahin karega, uski dvarka yatra ka adha punya us daitya ko milega. kaha jata hai ki bhagvan krishn ke nirdesh par vishvakarma dvara basayi gai dvarka nagri krishn ke vaikunth prasthan ke bad samudra men dub gai, keval krishn ka nij mandir bacha raha. kuch samay purva puratatva vibhag ko samudra se prachin dvarka ke avshesh mile hain. mukhya akarshan dvarkadhish mandir: yah dvarka ka mukhya mandir hai. ise shri ranchorray ka mandir aur jagat mandir bhi kahte hain. gomti dvarka bhi yahi kahlati hai. dhai hajar sal purana yah mandir gomti ke uÿari kinare par bana hai. yah sat manjila hai aur 157 fut uncha hai. ismen dvarkadhish ki shyamavarn ki chaturbhuj murti sthapit hai. gomti se 56 sirhiyan charhne par yah mandir milta hai. shri ranchorray ke mandir par pure than ki dhvaja fahrati hai. yah dhvaja din men tin bar badli jati hai. is avasar par dhol-nagaron ki gunj ke sath charon or utsavi vatavaran ban jata hai. yah vishva ki sabse bari dhvaja hai. dvarkadhish mandir ke dakshin men trivikram bhagvan ka mandir hai. ismen trivikram bhagvan ke atirikt raja bali tatha sankadi charon kumaron ki murtiyon ke sath-sath garur ki murti bhi hai. mandir ke uÿar men pradyumn ji ki shyamavarn pratima aur uske pas hi aniruddh v baldev ji ki murtiyan bhi hain. mukhya mandir ke purva men durvasa rishi ka chota sa mandir hai. sharda math: shri ranchorray ji ke mandir ke purvi ghere ke bhitar mandir ka bhandar hai aur usse dakshin men jagadguru shankracharya ka sharda math hai. kusheshvar mandir: dvarkadhish mandir ke uÿari mokshadvar ke nikat kusheshvar shiv mandir sthit hai. kusheshvar ke darshan kie bina dvarka yatra adhuri mani jati hai. rukmini devi mandir: yah mandir puratatva kala ka apratim namuna hai. mandir ke divaron par krishn evan rukmini ke jivan ki jhanaki prastut karne vali anekanek kalakritiyan ankit hain. yah mandir mukhya shahar se derh kimi dur uÿar ki or sthit hai. is mandir ke dur hone ki prishthabhumi men ek katha bhi prachlit hai. ek bar bhagvan krishn evan unki patrani rukmini ne kra¬edhmurti shri durvasa rishi ko apne ghar ratribhoj par amantrit kiya. atithi satkar ke shishtachar ke anusar jab tak atithi bhojan n kar le, mejban anna-jal grahan nahin kar sakte. lekin rukmini ko bahut jor se pyas lagi, to unhonne krishn se pyas bujhane ka koi upay sujhane ko kaha. tab krishn ne apne pair se jamin ko khurcha aur vahan se ganga ki dhar niklne lagi. durvasa rishi se ankh bachakar rukmini jal pine lagin. itne men durvasa ki najar un par pari aur ve bina unki anumti lie jal grahan karne par bahut krodhit hue aur unhen krishn se dur jakar rahne ka shrap de diya. isilie rukmini ka mandir krishn mandir se dur sthit hai. nishpap sarovr: sarkari ghat ke pas ek chota sa sarovar hai, jo gomti ke khare jal se bhara rahta hai. yahan pindadan bhi kiya jata hai. yahan snan ke lie sarkari shulk dena hota hai. is nishpap sarovar ke pas ek chota sa kund hai. uske age mithe jal ke panch kup hain. yatri in kupon ke jal se marjan tatha a¬chaman karte hain. aisi manyata hai ki is sarovar men snan karne se samast pap kat jate hain. isilie ismen snan karne ke bad yatri gomti men snan karte hain. anya mandir: shri ranchorray ke mandir ke kothe ke bahar lakshminarayan mandir aur vasudev mandir hain. yahan svarn dva arka namak ek sthan hai jahan shulk dekar pravesh milta hai. yahan ubhre hue kalapurn bhiÿiachitra dekhne yogya hain. aspas ke darshaniya sthal bet-dvarka: gomti dvarka se 20 kimi ki duri par ek chota sa dva ip hai, bet (dvip) hone ke karan ise bet dvarka kahte hain. dvarka se 18 kimi dur okha steshan hai. okha se nauka dvara samudra ki khari par kar bet dvarka pahunchna parta hai. shrikrishn mahl: yahan dvip ke bich men shrikrishn ka mahal tatha kai anya mandir bhi hain. shankhodvar: shrikrishn mahal se lagabhag adha kimi ki duri par shankh narayan ka mandir hai. kaha jata hai ki krishn ne yahan shankhasur ko mara tha. gopi talab: bet dvarka se nauka dvara okha port n utar kar mend¬rda gram ke pas utren, to vahan se do mil ki duri par gopi talab milta hai. okha se bhi gopi talab ke lie bas jati hai. yahan ek kachcha sarovar hai, jismen pile rang ki mitti hai, jise gopi chandan kaha jata hai. krishn bhakt uska tilak lagate hain. nagnath: gopi talab se 3 kimi aur gomti dvarka se 10 kimi ki duri par nageshvar ganv hai. yahan nagnath shiv ka mandir hai, jise dvadash jyotirlingon men se ek nageshvar jyotirling bhi mana jata hai. kab jaen: dvarka jane ke lie aktubar se march ka samay bahut achcha rahta hai. agast sitanbar men yahan krishn janmashtami ke avasar par vishal mahotsav ka ayojan bhi kiya jata hai. kaise jaen/khan thahren: jamanagar najdiki havai adda hai. munbai se jalmarg dvara bhi okha port tak jaya ja sakta hai. vahan se rel ya bas se dvarka ja sakte hain.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  November 2006

adhyatm prerak shani punsavan vrat pavitra parva : kartik purnima vivah vilamb ka mahatvapurn karak shani

Subscribe

Apne vichar vyakt karein

blog comments powered by Disqus
.