आप और आपकी घड़ी

ap aur apki ghari  

Ank ke aur Lekh | Sambandhit Lekh | Views : 1946 |  

aie jante hain ki kis lagna/rashi ki mahila ko kis tarah ki ghari lagana pasand hoga.

♣ mesh
svabhav men tivra gati, karm, pratishtha aur utsukta pradhan hone ke karan apko andakar akar ki ghari pasand aegi jiska dayal kuch madhyam akar ka ho. apko straips vali ghariyon ke banispat chen vali lait veted aisi ghari pasand aegi jo kisi breslet ki tarah fatafat utari aur pahni ja sake. rangon men goldan aur kaepar maitelik luks ki ghariyan ap pasand karengi, yadi straip vali lengi to red, mairun ya raiddish braun. apki ghari vailyu faer mani hogi. ap jyada manhgi ghari nahin lagaengi, ye apki praiktikal soch ko darshata hain.
♣ vrishbh
svabhav se saral aur sthir rashi/lagn hone ke karan apko kuch bhari ghariyan pasand ati hain. inka akar gol ya andakar hoga. dayal bhi bara pasand karti hain. adhikatar safed rang apko khub lubhata hai. shukra pradhan vyaktitva hone ke karan silvar maitelik luks ki ghariyan pahnna pasand karegi. apko manhgi aur barhiya chijon ka shauk hota hai islie apki ghari apki samathrya ke anusar ek barhiya brand ki hi hogi jo apke lie kisi abhushan se kam nahin hai.
♣ mithun
apko nai-nai chijon ka sangrah karna behad pasand ata hai. isilie ap tarh-tarah ke akaron ki kam dam vali ghariyan ikatthi karti hain aur fir utsav aur apne paridhan se maiching usko lagati hanai. prayah hare rang ke straip vali ghari apko kafi lubhati hai. vaise ap bhi thori halki ghari pasand karti hain. akaron men vargakar aur trikon apko khasa pasand hai. apki ghari ka akar kuch madhyam hi hoga.
♣ kark
apko prayah gol aur andakar madhyam akar ka dayal hi lubhata hai. inka dayal agar safed, krim ya madar aef parla ka ho to inki or apka akarshan aur bhi barh jata hai. apko goldan kalar ki maitelik chen vali ghariyan pasand hain jinki chen aur dayal donon hi khubsurat aur eligent dijain vale hon. apko baki chijon ki tarah hi apni ghari se bhi khasa jurav hota hai aur bar-bar iski or dekhti rahti hain.
♣ sinh
apko gol akar ki bare dayal vali ghariyan pasand ati hain. straips men goldan silvar ka kaembineshan ya fir roj-gold kalar ap khasa pasand karti hain. dayal ka kalar safed ya kala kuch bhi ho sakta hai. apne shandar vyaktitva ko banae rakhne ke lie ap baki chijon ki tarah ek achchi kampani ki hi ghari lagana pasand karti hain. apki ghari ek uttam kvaliti ka eligent dijain ki hoti hai jise sho-aef karna bhi apko pasand hota hai.
♣ kanya
kanya lagn ki stri ki pasand apne doston aur priyajnon ki soch par bhi nirbhar karti hai kyonki ap adhikatar unke sath ya unse salah karke hi shaeping karna pasand karti hain. apko madhyam akar ki ghari pasand ati hain jo jyada manhgi n hon. akar men andakar apko jyada pasand aengi. apko straip vali ghariyan pahnna jyada pasand ata hai inmen grin, si-grin, pink apko khasa pansad hain.
♣ tula
shukra ki pradhanta ke karan apko nae se nae faishan aur dijainar viyar ghariyon ki taraf akarshit karti hain. apko prayah blaik dayal vali ghariyan adhik pasand ati hain. blaik straips vale ya silvar-ton ke maitailik chens bhi apko lubhate hain. dayal par 2-4 dayamand ya dayamand luking stons lage hon to apki ruchi aur bhi barh jati hai. apke pas bhi ghariyon ki sankhya kuch jyada hoti hai aur ye ek dijainar viyar aur manhgi hi ghari hoti hain. apko andakar, gol aur vargakar sabhi prakar ki ghariyan pasand hoti hain.
♣ vrishchik
vrishchik rashi vali stri ko bare kale dayal ki gol ghariyan lagana pasand hota hai jinke straips silvar chen vala ya blaik ho. apko aisi ghari pasand ati hai jo det, manth sab dikhae yani usmen kai prakar ke fankshan hon. ap bhi prayah bahut manhgi ghariyan pasand nahin kartin aur apni pasand ke mutabik leti hain. apke lie brand ki khas ahmiyat nahin hoti.
♣ dhanu
apko saefistiketed ghariyan hi pasand ati hain. apka profeshan bhi prayah adhyatmik aur shikshit varg ka hone ke karan apko jyada faishnebal ghariyan nahin lubhatin balki ap ek achche brand ki kvaliti yukt ghari lagane men vishvas rakhti hain. apko thora bhari, andakar ya gol akar vali goldan chen vali ghari kafi pasand aegi. apke pas anya logon ke mukable inki sankhya kuch kam hi hoti hai.
♣ makar
vyaparik varg ko darshane vali makar lagna/rashi ke svami shani maharaj hain. apko uttam kvaliti ki vargakar dayal vali silvar tond ghariyan jyada pasand ati hain. dayal ka rang kala ya nila ho to yah pasand aur bhi barh jati hai. ap bhi branded ghariyan kharidne men hi vishvas rakhti hain aur ise kafi sanbhal kar bhi rakhti hain. straips men kale, nile rang hi apki prathmikta hote hain.
♣ kunbh
ap kam se kam abhushan aur saj-sajja men vishvas rakhti hain. jyadatar apko ghari lagana kam pasand hota hai. agar pahnengi bhi to halki, chote dayal vali ghari jise ap silvar aur blaik tons men hi pasand karengi. apki ghari lagane ka mukhya uddeshya saj-sajja ya stail nahin balki uski upyogita hota hai islie dijain aur stail par kam jor rahta hai. yah ek pairaktikal aur simpal vaech kahi ja sakti hai.
♣ min
svabhav se chanchal aur stailish apko bhinna-bhinn akar aur dijain ki ghariyan lagana pasand hota hai. ap nae se nae faishan stail ko apnana chahti hain aur har bar ek luk men najar ane ki chahat apko kafi kharidari karne par majbur kar deti hai. jahan kahin bhi naye brand ki ghariyan ati hain, apki ichcha hoti hai ki turant kharid lun. isilie apke pas bhanti-bhanti ki ghariyon ka kalekshan hota hai.

uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.

Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  March 2015

fyuchar samachar ke hastarekha visheshank men hastarekha vigyan ke rahasyon ko udghatit karne vale gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men hast sanchrchna ke vaigyanik paksh ka varnan kiya gaya hai. hastarekha shastra ka itihas evan parichay, hastarekha shastra ke siddhant, hastarekha shastra- ek sinhavlokan, hastarekhaon se svasthya ki jankari, hastarekha evan navagrahon ka sambandh, hastarekhaen evan bolne ki kala, vivah rekha, hastarekha dvara vivah milap, hastarekha dvara videsh yatra ka vichar adi lekhon ko sammilit kiya gaya hai. iske atirikt golp khilari chikkarangappa ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.