आप और आपके फुटवियर

ap aur apke futviyar  

Ank ke aur Lekh | Sambandhit Lekh | Views : 1148 |  

ham sabhi mahilaon ko bachapan se hi achche rang aur tarh-tarah ke dijain vali futviyar pasand ati hai. fir umra barhne ke sath yah pasand aur bhi gahri hoti jati hai. koi unchi hil pahnna pasand karti hain to kuch flait men hi aram anubhav karti hain.

kisi ko tarh-tarah ke rang pasand hain to koi besik kalars tak hi simit rahti hain. aie janen jyotish ke aine se -

♣ mesh
urjavan aur sfurtipurn svabhav, apko utsahi aur atmavishvas se paripurn vyaktitva pradan karta hai. ap khatron se bhare nae-nae karya karne men ruchi rakhti hain kintu dhairya men kuch kami hoti hai jiske karan apko brait kalar (lal, bhura) ke nae-nae dijain vale futviyar adhik pasand ate hain. ap aise futviyar pasand karti hain jinmen thori hil ho kintu vah apko aramdayak hon taki apki tej chal men kami n ane pae.
♣ vrishbh
ap sahnshil, bharosemand, prem kala men nipun aisi mahila hain jise uttam gunavatta ki branded vastuen istemal karna achcha lagta hai jiske karan apko futviyar ka bahut shauk hota hai aur nae-nae prakar ke maiching futviyar pahnti hain. apko achchi futviyar hi lena pasand hai beshak uske lie achche sel ka intjar karna pare. ap rang-birange stailish aur patli hils vale futviyar pahnengi.
♣ mithun
apki vakpatuta apka pradhan gun hai jiske karan ap bahumukhi pratibha sanpann, khushmijaj aur karya kushal mahila hoti hain. jahan bat faishan aur futviyar ki ho to apka yah svabhav apko praiktikal ki bajae trendi dijain ki taraf akarshit karta hai jo apki dusron se alag dikhne ki chah ko jhalkata hai. prayah hare rang ki taraf apka kuch adhik jhukav hota hai anyatha rang-birange tarh-tarah ke dijain ke futviyar pahnengi.
♣ kark
ap sanvednshil, bhavuk aur sahanubhutipurn svabhav vali tatha apni vastuon aur logon se antrang rup se juri hoti hain jis karan ap apni chijon ko asani se nahin badal patin aur in mamlon men adhik parivartan nahin chahtin. ap samaj se juri aur pragtishil mahila hone ke karan samay aur paristhiti ke anukul futviyar pahnna pasand karti hain aur unhen lanbe samay tak pahnti hain. kam unchi hil, akarshak, saebar dijain vali, kale v saebar rang ki futviyar pahnna pasand karengi.
♣ sinh
ap akarshan ka kendra bane rahna chahti hain. ap akarshak dikhne ki chah men aisi futviyar pahnna chahanegi jisse apka prabhavshali v raeyal luk ae lekin ap aisa faishan pasand nahin kartin jismen apki raeyal imej ko dhakka lage. islie ap faishnebal futviyar to pahnengi lekin bahut soch samajhakar chunav karengi. adhikatar apki futviyar dekhakar aisa impreshan milega ki yah kisi pratishthit varg ki mahila ki futviyar hai. adhikatar liyo mahilaen sunhri, sundar, sahaj rang v faishan ki samanya unchi hil vali futviyar pahnna pasand karti hain.
♣ kanya
ap sada yuva dikhne vali, mehnti, vyavharik tatha prabandhan kushal v vakpatu stri hain. ap pratispardhatmak yogyataon se yukt hain islie apko sporti, kamfartebal, faishnebal parantu vyavharikta ki drishti se behatar lagne vale futviyar, bina hil ki aur hil hone ki sthiti men chairi hil vali futviyar pasand ati hain jinhen ap tarh-2 ke rangon men istemal karti hain.
♣ tula
ap sabse adhik romantik v khubsurat muskan bikherne vali, santulit mastishk vali, suljhi hui mahila hain. atah apka faishan ke prati rujhan kabile tarif hota hai. apki futviyar sabse adhik khubsurat aur akarshak hoti hai. ap mahangi, dijainar futviyar pahnti hain aur nae prakar ke futviyar pahanakar dusron ko achanbhit karti hain. apko nila, baingni, majainta rang v hai hil adhik pasand hoti hai. apko lesej vale v fulon vale dijain vishesh bhate hain.
♣ vrishchik
ap sarvadhik akarshak, rahasyamyi, guni v paishnet mahila hain. apko sabhi ko akarshit karne ki prabal ichcha hoti hai. apko lal, kala, silvar, safed rang v unchi hil vale, ledar dijain ya enimal print vale futviyar pasand ate hain. samanya unchi hil but pasand ate hain. ap aise futviyar v faishan ka istemal karna chahengi jisse anya mahilaen ishrya se jal -bhun jaen.
♣ dhanu
ap prasann, ashavadi v svatantratapriya hoti hain parantu ap sabse imandar v mehnti hain. log apki or apke bina prayas ke hi akrisht ho jate hain. apko aisi futviyar pasand hoti hain jo apke sahsi, sporti v sfurtivan tatha umangon aur tarangon se bhare man v svabhav ke anukul ho islie trendi, faishnebal ke sath-sath kamfartebal chairi futviyar apko adhik pasand ati hai. ap hil v faishan vali futviyar pasand karengi. ribaek v naiki jaisi brand ke umda futviyar adhik pasand karengi tatha har rang apke lie behatar hai.
♣ makar
ap praiktikal, bijnes oriented, mahatvakankshi mahila hain. apka sens aef hyumar vishesh achcha hota hai. apko samay aur paristhiti ke anusar futviyar pahnna pasand hai lekin ap bar-bar apni chijen badlti rahti hain. apko kale aur safed rang ati lubhate hain jinki dijain, akar, hil v luk apki jarurat ke anusar badlta rahta hai.
♣ kunbh
ap srijnshil, chust, svatantratapriya v vafadar mitra hoti hain. samaj men vishesh sammanit hoti hain tatha vakt ke anusar dhal jati hain. apka faishan ya fainsi futviyar ki or rujhan kam hota hai kintu klasi futviyar pahnna pasand karti hain islie sade, simpal aur shalin, kale, gre, safed, kamfartebal futviyar pahnna pasand karengi. hil v trendi dijain apko kam lubhate hain. apko eri par dori ya strip se bandhne vali futviyar adhik pasand ati hain.
♣ min
ap shant, dayalu, sanvednshil v sahanubhuti vale svabhav ki mahila hain. dijain men bariki se chunav karna pasand hai kyonki ap har bar apni pasand ke luk men ek nayapan lana chahti hain. apko tarh-tarah ke rang-birange sabhi stail vale dijain ke trendi v kamfartebal futviyar achche lagte hain. ghar men apko nange pair ghumna bhi pasand hota hai. apko suprsaeft, trendi aur brait rangon men kamfartebal futviyar khub bhati hain.

uprokt lekh men apne bare men janne ke lie apni lagn anusar parhen. yadi lagn n malum ho to chandra rashi anusar. yah bhi n malum ho to janm tarikh anusar surya rashi gyat kar lekh parhen . lagn jo ki janm tarikh, samay v sthan par nirbhar karta hai apki chavi ko 100 pratishat charitarth karti hai jabki chandra rashi jo keval janm tarikh par nirbhar karti hai keval 50 pratishat aur surya rashi jo keval janm mah par nirbhar karti hai keval 25 pratishat chavi ka darshati hai.

Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.