फर्श से अर्श तक पंच कोटि महामनी के विजेता सुशील कुमार

farsh se arsh tak panch koti mahamni ke vijeta sushil kumar  

Ank ke aur Lekh | Sambandhit Lekh | Views : 1134 |  
bihar rajya ke motihari jile ke sushil kumar ne kaun banega karorpti pratiyogita men panch karor jitakar apne pradesh evan jile ka nam to roshan kiya hi hai sath hi apne ghar ki dayniya arthik sthiti bhi sudhar li. ek garib parivar men paida hue sushil ekaek karorpti bane. aise men yah dekhna dilachasp hai ki inki kundli men aise kaun se grah yog hain jo inhen farsh se arsh tak ka safar tay karane men sahayak hue. kaun banega karorpti’ program soni par pichle ek dashak se prasarit kiya ja raha hai aur jab bhi yah program prasarit hota hai desh bhar ki am janta is program se dil se jur jati hai. sinema jagat ki jan shri amitabh bachchan ji ka jadu jahan is program ko sabse adhik ti. ar. pi. deta hai vahin karorpti banne ki khvaish bhi am janta ko is program se jor kar rakhti hai. jab bhi koi pichre varg ka vyakti lakhon men bhi kuch rakam jitta hai to usi varg ka vyakti bhi jitne vale ki khushi men shamil ho jata hai aur unhen uski jit par jahan garva mahsus hota hai vahin ek asha bhi jagti hai ki shayad ve bhi aisa kuch kar sakte hain aur yah unki pahunch se bahar nahin hai. ke. bi. si. men panch karor ki rashi jitne vale pahle pratyashi sushil kumar bane. is jit ne sushil kumar v uske parivar donon ko hi rato rat n keval malamal kar diya balki duniya bhar men mashhur kar diya. sushil kumar bihar ke motihari jile se hain tatha pichle gyarah varshon se ke. bi. si. ke itne shaukin the ki apne ghar telivijan n hone ke karan parausi ke ghar ti. vi. dekhne jaya karte the aur ke. bi. si. men puche adhikatar sabhi savalon ke jabab de diya karte the. ve vibhinn pratiyogi pariksha ki taiyari bhi kar rahe the. jiske karan unko samanya gyan ki achchi jankari thi. niyamit rup se akhbar parhne ki adat ne bhi unhen ke. bi. si. jitne men madad ki. sushil kumar arthik rup se kafi samanya parivar se hain. parivar men mata-pita ke atirikt tin bare bhai bhi hain ghar men hamesha se arthik tangi rahi jiske chalte apni parhai ko bhi unhen tyushan parhakar kharcha nikalna para aur chah kar bhi apni parhai ko age nahin chala pae. ajakal ek en. ji. o. men kanpyutar aepretar ki haisiyat se kam kar rahe hain. matra 6 hajar rupye ki vetan par apni aur apni patni ka kharcha chala rahe hain. ke. bi. si. men panch karor ki jit unke lie bilkul apratyashit thi ve 25-50 lakh jitne ka khvab lekar ae the. par lakshmi ji jab mehrban hoti hain to chappar far kar ke ghar bhar deti hain yahi sushil kumar ke sath hua 24 aktubar ko dhan teras ke din sushil kumar ke upar lakshmi ji vishesh mehrban ho gai aur unhen 5 karor ki rashi se malamal kar diya. ab sushil kumar is dhanrashi se apne jivan ke sapne pure karna chahte hain. vah ek laibreri kholna chahten hai. girvi pare ghar ke pepar baink se churana, bhaiyon ki madad karna tatha dilli akar yu pi. es. si. ki taiyari karna unke sapnon men shamil hai. aiye karen sushil ki kundli ka avlokan jismen grahon ki sthiti ne jabaradast dhan yog ki barish kar di hai. sushil ki kundli ka avlokan karen to lagnesh dhanesh ke sath karm sthan dasham bhav men baith kar raj yog bana rahe hain. dvitiya bhav men ketu ki sthiti akasmik dhan labh ka yog bana rahi hai. chaturth bhav men chandra purn bali hokar baithe hain aur guru evan chandra ki apsi drishti evan ek dusre se kendra men sthiti gajkesri yog bana rahe hain. bhagya sthan men labhesh shukra tatha labh sthan men bhagyesh surya parivartan yog men baithe hain isse parivartan labh yog bana rahe hain. in yogon ke prabhav se tatha pancham se pancham navam bhav ke svami surya evan labhesh shukra ke parivartan yog se apni buddhi, vidya evan antaragyan shakti se sushil panch koti ke vijeta bane. karm bhav men shani aur guru ki yuti bahut shubh hai aur isi yuti ke falasvarup inhonne apne apko dhairya, gyan, buddhi v parakram se saflta ki sirhiyon par charhaya aur dhanvan banaya. jyotish shastra ke anusar sushil ji ki kundli men bahu sankhya men dhan yog, raj yog, sanpatti adi anek shubh vishisht yog vidyaman hain. jinka vistrit vivaran nimnalikhit hai. gopkulotpann rajyog û yadi janmakundli men lagnesh balvan hokar kendra (1, 4, 7, 10) bhav men sthit ho to gopkulotpann rajyog banta hai jaisa ki kundli men vidyaman hai. is yog ke anusar vyakti yadi gvalon ke kul men bhi utpann ho to bhi vah jivan men raja ya rajneta ke saman dhan aishvaryashali banta hai. (-saravli 11 a. 35/shlok 118 ) bhagyavan yog û yadi bhagyesh labh bhav mane ho to jatak bhagyavan hota hai. jaisa ki kundli men varnit hai. (bhartiya jyotish pri. sankhya 317) dhan prapti yog û yadi dasham sthan men brihaspati shubh hokar sthit ho to dhan prapti yog banta hai. (jatak bharan - dasham bhav-11) uttam bhagyoday dhan yog û yadi chaturthesh, navmesh, ekadshesh aur dhanesh balvan ho tatha in grahon men se koi grah lagn se sanbandh rakhta ho, to in grahon ki dasha kal men bhagyoday, uttam dhan, aishvarya ki prapti hoti hai, yah sab yog inki kundli men ghatit ho rahe hain. (jatak parijat- 12/shlok 111 ) shriman yog û uprokt yog ke anusar yadi bali hokar shubh grah labh bhav men sthit ho to vyakti lakshmivan banta hai. inki kundli men budh shubh grah hokar labh bhav men hai evan shadabal men bali hain. (bhartiya jyotish pri. sankhya 318-5) bahulabh yog vrihad parashar horashastra ke anusar inki kundli men nimn shlok ke anusar bahulabh yog vidyaman hai. labhadhipo yada labhe tishthetkendra trikonyo. bahulabhan tada kuryaduchchasuryanshgo'pina.. arthat- inki kundli men labh bhav ka svami shukra trikon bhav men sthit hain jiske fal svarup inko bahudhan labh ka sanyog ban raha hai. nishchit dhanyog sushil ki kanudli men nishchit dhanyog ban raha hai. bhartiya jyotish - prishth 276-16 û is yog ke anusar yadi kundli men lagnesh aur dvitiyesh ka sanbandh banta ho to aisa jatak avashya dhani banta hai. inki janm patrika men lagnesh brihaspati, dvitiyesh shani ki yuti sanbandh shubh bhav dasham men ban raha. jiske falasvarup kam umra men hi karorpti bane. mahayog û yadi janmang men bhagyesh labh men aur labhesh bhagya bhav men sthit ho to mahayog banta hai. isse vyakti nimn sthiti se uchch sthiti men pahunch jata hai. (faldipika a. 6 shlok 32) budhaditya yog iske atirikt inki janmapatrika ke labh bhav men budhaditya yog bana hai tatha shadbal surya aur budh donon hi sabse balvan hai. is yog ne bhi inhen achanak hi karorpti banne men aham bhumika nibhai. adhik dhan labh yog û yadi labh bhav men shubh grah ka yog tatha shubh grah ka varg ho ya drishti ho to aise jatak ko adhik dhan ki prapti hoti hai. yah yog budh se ban raha hai. kyonki budh shubh grah hai tatha vah naisargik shubh grah shukra ke ghar men sthit hai. jatka bharanam-ekadash bhav-9 .. iske atirikt is jatak ki kundli men bahut sare shubh yog vidyaman hai. gajkesri yog, sukhi jan shreshth yog, raj yog, vashi yog, samman yog, dharmatma yog, vimal yog, dhirpurush yog, bhavan prapti yog, tikshnasmaran shakti yog, kemadrum bhang yog, yagyadishubhakarm yog, amlyog shubh yog, bhagyashali yog, guni yog adi ke anusar is jatak ko bilkul samanya sthiti se vishesh uchch sthiti men pahunchaya. ab prashn yah uthta hai ki yadi sushil ki kundli men itne sare dhan yog hain to yah dhan bachapan se hi kyon nahin mila aur shukra ki dasha men hi kyon karorpti hone ka sukh prapt hua? sushil ke janm ke samay shani ki mahadsha chal rahi thi. 6 varsh pashchat budh ki mahadsha 17 varsh tak chali aur fir 7 varsh tak ketu ki mahadsha ayi. budh grah sushil ki kundli ke lie badhak grah hai parantu fir bhi budh ki mahadsha men hi sushil ne postagrejuet tak ki parhai ki aur parhai men inki gahan dilachaspi bani rahi aur arthik tangi hone ke bavjud sushil ne tayushan dvara apni uchch shiksha ko jari rakha. apni tikshn buddhi ke karan hi inki parhai men gahan ruchi thi aur san 2000 se hi ye ke. bi. si. ke bahut shaukin the tatha adhikatar prashnon ke uttar apne samanya gyan se de diya karte the. ketu ki mahadsha men inhonne naukri shuru ki aur ketu apni shatru rashi men sthit hai. islie adhik labh nahin pahuncha pae lekin sushil ke lekhan aur bauddhik gyan men jarur vriddhi ki. farvri 2011 men sushil ki shukra ki mahadsha praranbh hui aur ajakal shukra ki mahadsha men shukra ka antar tatha surya ka pratyantar chal raha hai. kundli men shukra aur surya ka labhesh v bhagyesh hokar parivartan yog raj yog bana raha hai. islie isi samay yah panch koti mahamni ke vijeta bane aur vishva bhar men prasiddh ho gaye. dhanesh shani ke apni uchch rashi tula men labh sthan men gochar ke pashchat hi sushil ko yah dhan rashi prapt hogi aur vastavik rup men karoron men khelenge. surya ki pratyantar dasha ke pashchat ab chandra, mangal, rahu, guru aur shani sabhi grahon ki pratyantar dashaen atyant shubh rahengi aur mangal aur rahu ki antar dasha men videsh bhraman bhi hoga aur videsh se bhi labh prapt hoga. 2014 ke pashchat surya ki antardasha men sarkari pad prapt kar sakte hain tatha rajniti ke kshetra men pad pratishtha prapt ho sakti hai. samajik kshetra men bhi kisi sanstha ka pratishthit pad prapt ho sakta hai. shukra ki antardasha jahan inhen uttam bhavan, uttam vahan, uttam bhraman, uttam parivarik sukh v bhagya vriddhi, ka sukh pradan karegi aur apne kutumbiyon se paraspar sahyog karvaegi vahin surya ki antardasha rajnitik, samajik evan vyavsayik kshetra men labh pradan karegi aur yash evan samman men vriddhi karegi.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2011

vastu shastra bharat ki ek prachin gudh vidya hai. vastu shastra ka adhar manav jivan men santulan ka pratipadan karna hai. vastu ka mulbhut siddhant prakriti ke sukshm evan sthul prabhavon ko manav matra ke anurup prayog men lana hai.

Subscribe

Apne vichar vyakt karein

blog comments powered by Disqus
.