मंगलीक दोष

manglik dosh  

Ank ke aur Lekh | Sambandhit Lekh | Views : 3306 |  
prashnah manglik dosh bhang hone ke kya niyam hain? jinka manglik dosh bhang ho raha hai kya unko gair manglik manna chahie? aur unko manglik ya gair manglik kis prakar ke jatkon se vivah karna chahiye aur kyo? prachin granthon jaise brihatparashrhora shastra v bhavdipika adi ke anusar jatak ya jatika ki janmapatri men lagn, chaturth, saptam, ashtam v dvadash men mangal sthit hone par manglik dosh hota hai. yah niyam uttar bharat men adhik manya hai. mansagri, agastya sanhita, jatak parijat ke anusar lagn, dvitiya, chaturth, saptam, ashtam v dvadash mangal hone par janmakundli manglik mani jati hai evan yah niyam dakshin bharat men adhik mana jata hai. arthat yadi janmapatri ke pratham, dvitiya, chaturth, saptam, ashtam v dvadash men yadi mangal virajman ho tab vah kundli manglik dosh vali mani jaegi. manglik dosh bhang yog ‘‘aje lagne vyaye chape patale vrishchike sthite. dyune mine ghate randhre bhaum dosho n vidyate..’’ û yadi mangal lagn men mesh athva makar rashi, dvadash men dhanu rashi, chaturth men vrishchik rashi, saptam men vrish athva makar rashi tatha ashtam men kunbh athva min rashi men sthit ho to mangal dosh nahin lagta. chatuah saptame bhaume mesh kark nigrahah. kuj dosho n vidyate..’’ û chaturth, saptam athva dvadash men mesh ya kark ka mangal ho to manglik dosh nahin hota hai. ‘‘gun bahulye bhaum dosho n vidyate.’’ û yadi gun adhik arthat 27 ya adhik hon to manglik dosh nahin lagta hai. ‘‘vyaye ch kuj doshah kanya mithun yor vina. dvadshe bhaum doshastu vrish taulik yor vina..’’ û yadi dvadash men mangal budh tatha shukra ki rashiyon men ho, to manglik dosh nahin hota hai. ‘‘shani bhaumo'thva kashchit papova tadrisho bhavet. teshvev bhavneshvev bhaum dosh vinashkrit..’’ û yadi kundli men lagn, chaturth, saptam, ashtam ya barhve bhavon men mangal tatha unhin sthanon par dusre ki kundli men prabal pap grah (rahu ya shani) hon to mangal dosh nahin hota. ‘‘sable gurau bhrigo va lagne dhune'thvabhaume û yadi bali guru aur shukra svarashi ya uchch ho kar lagn ya saptam bhav men ho to, mangal ka dosh nahin hota. vakrenichari grihasthe va'ste'pin n kuj doshah û yadi mangal vakri, nich, ast ho, to mangal dosh nahin hota hai. ‘‘tanu dhan sukh madnayulbhi vyaygah kujastu dampatyam. vightyti tad grihesho n vightyti tungmitra geheva..’’ û yadi mangal svarashi athva uchch ka ho, to mangli dosh nahin hota. ‘‘kendra kone shubhad ye ch trishdaye'pyasad grahaah . tada bhaumasya dosho n bhadne madapatastha..’’ û kendra trikon men shubh grah aur tritiya, shashth v ekadash bhav men pap grah hon tatha saptamesh saptam men ho to mangal dosh nahin lagta. ‘‘kujjivo samayukto va kujchandrama. n mangli mangl-rahu yog..’’ û yadi mangal v guru ya mangal rahu ya mangal chandra ek rashi men ho to mangli dosh bhang ho jata hai. ‘‘saptamo yada bhaumah gurunan ch nirikshita. tadastu sarvasaukhyan da mangli doshnashkrit..’’ û saptamasth mangal par yadi guru ki drishti ho to manglik dosh samapt ho jata hai. ‘‘trishat ekadshe rahu trishat ekadshe shaniah . trishat ekadshe bhaumah svadosh vinashkrit.. û var ya kanya ki kundli mangli ho aur dusre ki kundli men 3, 6, 11 ven bhavon men rahu, mangal ya shani ho to manglik dosh samapt ho jata hai. û janmapatrika men yadi dusre bhav men shukra ho, ya mangal ke sath rahu ho athva mangal ko guru dekhta ho to mangal dosh rahit arthat shubhkari ho jata hai. û saptam bhav ko guru dekhta ho to mangli dosh kat jata hai. û var ya kanya men se ek manglik ho aur dusre ki kundli men 3, 6, 11 ven bhavon men rahu, mangal ya shani ho to manglik dosh samapt ho jata hai. û yadi larka ya larki ki ayu 28 ya adhik varsh ki ho to mangal par vichar nahin karna chahiye. (kuch jyotishiyon ka mat hai.) û yadi shadi ke purva (jiski kanudli manglik hai. mangal ki dasha nikal chuki ho tab mangal par vichar nahin karna chahiye. û mithun rashi ka mangal saptam bhav men baitha ho ya janm patrika kark lagn ki hone par ashtam bhav ka mangal ho athva kanya lagn men pratham chaturth aur saptam bhav men mangal hone par bhi manglik dosh n hokar shubh falkari hota hai. û kuch vidvanon ke anusar var ka manglik dosh kanya ke dosh se adhik hona chahiye. manglik dosh kyon mana jata hai? samanya prachlit mat ke anusar yadi janmakundli manglik ho to lagn se kalah, dvitiya se kautumbik kalah, chaturth se dainik rojgar men badha, ashtam se ayu kasht, dvadash se shaiya kasht hota hai kyonki mangal, kalatra, agni, durghatana v vigrah ka karak hota hai. manglik dosh ka vastavik artha yadi kisi jatak ya jatika ki janmapatri men yadi- û lagn men mangal virajman hai tab saptam bhav par satvi drishti se dushprabhav dalega evan jivan sathi ko khatre ki sanbhavna rahegi. û dvitiya bhav men mangal sthit hone par jivan sathi ki ayu ko khatra rahega kyonki saptam se dvitiya bhav ashtam arthat ayu ka hoga. û chaturth men mangal hone par saptam (jivan sathi) bhav par chaturth drishti hogi. û saptam men mangal hone par jivan sathi ko khatra evan mangal ki dvitiya bhav par ashtam drishti paregi. û ashtam men mangal hone par dvitiya bhav arthat jivan sathi ke ayu bhav par saptam drishti hogi. û dvadash mangal hone par saptam bhav prabhavit hoga arthat ukt chah bhavon men mangal sthit hone par jivan sathi ko pratyaksh ya apratyaksh rup se khatra hone par manglik dosh mana jata hai. mangal ka prabhav jivan sathi v danpatya jivan par kitna rahega, iska nishkarsh gahan adhyayan ke bad hi bataya ja sakta hai, n ki ukt bhavon men mangal ke baithne matra se. kuch anya yog lagne vyaye sukhe va'pi saptame va'pi chashtame. shubhdrigyoghine ch patin hanti n sanshyah.. -vrihatparashar hora shastra jis kanya ke lagn, dvadash, chaturth, saptam v ashtam bhav men mangal ho aur us par shubh grah ki drishti ya yog n ho to vah stri vidhva hoti hai. yasmin yoge samuptapanna patin hanti kumarika. tasmin yoge samutpanno patni hanti naro'pi ch.. -vrihatparashar hora shastra jis yog men utpann kanya pati ka hanan karti hai, usi yog men utpann purush bhi patni ka hanan karta hai. strihanta parinita chet patihantri kumarika. tada vaidhavya yogasya bhangago bhavti nishchayat. -vrihatparashar horashastra patihantri kanya ya patnihanta purush ke sath vivah hone se vaidhavya yog nasht ho jata hai. svakshetre uchch rashi sthite uchchanshe svanavansho'piva. angarko n doshasyat kark sinhe n doshbhak. lagn kundli ya navansh kundli men mangal uchch, svagrihi ya kark ya sinh rashi ka ho tab, mangal dosh nuksan dayak nahin hota. bhaum sthiteshe yadi kendatrrikone taddoshnashan pravadanti santah.. mangal jis rashi men sthit hai yadi uska svami kendra ya trikon men shubh grah hokar virajman ho tab mangal dosh kam ho jata hai. siddhant hai ki koi grah jis bhav ya rashi men sthit rahta hai us bhav, rashi ya svami ki shubhta ya ashubhta us grah men a jati hai. vrihtparashar hora shastra ke adhar par 1, 2, 4, 7, 8 v 12 ven bhav mangal ho v us par shubh grah ki drishti ya yog n ho tab stri vidhva hoti evan var hai tab stri ki mrityu hoti hai, iske adhar par nishkarsh niklta hai ki mangal par shubh drishti ya yuti ya anya prabhav se shubhta a jaye tab mangal dosh nahin hoga arthat manglik dosh bhang ho jayega. ukt sthaneshu chandrachch ganyet papkhechran. papadhikye vare shreshthan vivahan pravded budhah. donon kundliyon (var evan kanya) men dvitiya, chaturth, lagn, saptam, ashtam v dvadash bhav men mangal sahit papi/ krur grahon (surya, rahu, ketu v shani) ki sankhya saman ho to milan samanya, tatha yadi larke ke pap grahon ki sankhya adhik ho to tab kundli milan ati shubh mana jata hai. doshkari kujo yasya balichedukt dosh krit. durbalah shubh drishtova suryonastangtopiva. shastra kahta hai mangal doshkari tab hota jab grah balvan hokar, ashubh prabhav de raha ho. yadi mangal shubh prabhavi ho ya shadabal men kamjor ho ya surya se ast ho ya shubh grahon se prabhavi ho tab mangal dosh aprabhavi arthat dosh rahit hota hai. panchak sthange bhaume lagnendu guru sansthite. budhe sthite n dosho'stie drisht n chintayet.. yadi mangal lagn, chaturth, saptam, ashtam ya dvadash bhav men sthit ho evan mangal ke upar guru,chandra ya budh ki yuti ya drishti se shubh prabhav ho, mangal dosh nahin hota hai. jinka manglik dosh bhang ho raha ho unhen manglik vyaktiyon se hi vivah karna chahie ya nahin is par kadachit sahmti hona asanbhav pratit hota hai karan aise kai udaharan hai jinmen manglik dosh parihar hone ke bavjud vivah sanbandhi sukhon men pareshaniyan ai. udaharan hetu shrimti menka gandhi ki kundli men mangal ashtam bhav men guru dvara drisht hai (dvitiya bhav se) jisse manglik dosh ka parihar hota hai parantu unka vaivahik jivan kitna chala yah sarvavidit hai (pati ki mrityu ho gai) aisa koi bhi parinam mangal ke lie nishchit bhavon (1, 4, 7, 8, 12) par mangal ke hone se mil jana kabhi bhi sanbhav ho jata hai. (kyonki mangal anushasanapriya, ghor svabhimani aur atyadhik kathor mana gaya jiske kabhi-kabhi dukhdayi parinam hote hi hain. mangal ki vishesh drishti mili hui hai jissee vah chaturth bhav sukh bhav ko dekhta hai mangal svabhav se krodhi hone se krodh men sukh bhav ka hras karta hai jisse janmajat buddhi v vivek shakti nasht ho jati hai. mangal lagn men baithakar chaturth, saptam v ashtam bhavon par drishti dalta hai jisse sukh bhav kharab hoga saptam bhav yog sukh hai jisse grihasth jivan men uttejna bani rahegi, avesh men hone se nirnay kshamata kharab hogi, chaturth ka sukh bhav saptam bhav hai pati/patni men vaicharik matbhed hokar grihasthi tutne ki sanbhavna bani rahegi. isi prakar chaturth bhav se saptam, dasham v ekadash bhav par mangal ki krur drishti rahegi jisse bhog sukh, naukri v dhan men kuch na kuch pareshaniyan hoti rahegi, saptam se mangal dasham, lagn v kutunb bhav prabhavit karega, ashtam se ekadash, kutunb v sahaj, bhav tatha dvadash se sahaj shashth tatha saptam bhav par drishti dalega jisse mukhyatah saptam v dasham bhav har avastha men chahe mangal (1, 4, 7, 8, 12) men baithe ho prabhavit honge aur yah donon bhav jivan ka mukhya adhar (jivika evan grihastha) darshate hain jisse jatak spasht hai ki manglik jatak svayan v jivan sathi hetu kasht v pareshaniyan utpann karta hi rahega. islie jatak ka vivah manglik vyakti se athva pap grah se prabhavit vyakti se hi karna chahie kinhin paristhitiyon men manglik dosh parihar jatak ka vivah gair manglik se kiya ja sakta hai parantu fir bhi mangal grah ki shanti avashya karvani chahie. yahan yah bhi dhyan rakhna chahie ki keval mangal grah athva manglik hone ke karan hi vivah karna ya n karna vicharna nahin chahie anya yog bhi janchne chahie ki vivah safal hoga ki nahin kyonki mangal grah ki upyogita vivah hetu avashya hai. parantu anya grahon ka prabhav bhi dekhna chahie visheshakar vivah karak shukra ko avashya dekhna chahie kai bar yah bhi paya gaya ki shukra bali hone par manglik hone ke bad bhi vivah safal raha. jinka manglik dosh bhang ho raha ho unhen manglik hi manna chahie unhen gair manglik kadapi nahin mana ja sakta kyonki manglik hone se mangal grah ka prabhav to rahega hi parantu usmen kuch kami a jaegi yadi shubh prabhav hai to bhi kami hi aegi. purn rup se mangal dosh nasht nahin hoga, shastron ke adhar par keval parihar ghoshit kar dena aj ke bhautiktavadi yug men sahi sabit nahin mana ja sakta, svayan vivah men deri hona, ya kasht hona aisi paristhitiyon men mangal grah ki shanti karvani hi chahie (parihar hone par bhi ) anyatha jivan men kuch n kuch pareshani rahti hai. manglik jatkon ko manglik jatkon se hi vivah karna chahie. jinka manglik dosh bhang ho raha ho katipay karnon se vah gair manglik se vivah kar sakte hain. prachin granthon men jo kuch likha gaya hai vah purush jati ko kendra men rakhakar likha gaya hai (talak adi nahin hote the islie patni ki mrityu likha jata tha) parantu samyanusar yah paripekshya badal gaya hai visheshtaur se mahangron mane islie keval mangal grah ki hi visheshta matra vivah hetu nahin manni chahie. shastron ke adhar par bhi agar dekhen to prachin samay men adhikatar vivah svayanvar ke rup men, gandharva rup men, athva haran kar kie jate the jinmen is tarah ke dosh parihar nahin dekhe jate the. jin sanbandhon men pareshaniyan hoti unke upay karae jate the. maryada purushottam ‘‘ram ji’’ ki patrika spasht rup se mangal dosh ka dukhad parinam batati hai unki patrika men saptam bhav men uchch ka mangal lagn se guru v chandra dvara drisht hai jisse manglik dosh ka parihar banta hai parantu iska parinam kya raha sab jante hain (svayanvar dvara vivah hua tha manglik parihar dekhakar nahin) aisa hi udaharan bhagvan mahabir ki patrika ka bhi hai.
Kya aapko lekh pasand aaya? Subscribe
Kya aapko lekh pasand aaya? Subscribe


durga puja visheshank  October 2010

durga upasna shakti upasna ka sundrkand hai. is ank men shakti upasna navratra vrat parva mahima, durgasaptashati path vidhi, 51 shaktipith, dashmhavidya, grah piranivaran hetu shakti upasna adi mahatvapurn vishyon ki vistrit jankari upalabdh hai. in lekhon ka pathan karne se apko shakti upasna, devi mahima v durgapuja parva ke sukshm rahasyon ka gyan prapt hoga.

Subscribe

Apne vichar vyakt karein

blog comments powered by Disqus
.