jyotishiya v vastu upayon ka sanbandh

Tilak Raj

Views : 9209 | October 2010

pratyek vyakti men yah svabhavik ichcha hoti hai ki main sada sukhi, dhani v svasth rahun. jab uski kisi bhi ichcha ki purti nahin hoti to vah vichlit ho jata hai. apni ichchaon ki purti ke lie vah jyotishiya vastu upayon ka sahara leta hai. ham sabhi apne purva karmon ka fal bhogne ke lie badhya hai. bhagvan ne hamare karmon ka fal dene ke lie grahon ko niyukt kar rakha hai. janm ke samay hamari kundli men jaise grah honge, vaisa hi fal hamen bhogna hoga. apne grahon ke hisab se hi hamen rahne ka nivas, putra, stri v dhan ki prapti hoti hai. navagrah kis prakar hamen prabhavit karte hain.

ise janne ke lie janm mrityu chakra par vichar karie. hamara janm purva janm men ki gai kisi atript kamna ki purti ke lie hota hai. vah kamna dhan ke lie bhi ho sakti hai ya kisi stri-purush ke lie bhi ho sakti hai. kal purush ki kundli men dhan bhav ka svami shukra hai aur stri/purush bhav ka svami bhi shukra hai , arthat kundli ka dusra v satvan bhav donnon ko marak bhav kaha jata hai aur donon ka svami shukra hi maithuni prakriti ka adhar hai. shukra hi saundarya, kam v aishvarya ka pratik hai.

jab hamara man kisi vastu, vyakti, saundarya ya dhan ko dekhakar akarshit hua, to shukra ne apna karya kar diya. hriday men vichar tarange uthni shuru ho gai, to surya ka karya purva hua. man uski kalpana men kho gaya, to chandra ko karya mil gaya. buddhi dvara vastu ko pane ki ichcha hui, to budh ne karya kiya. ichcha ki purti ke lie ham veg se age barhe, parakram kiya to mangal ne karya kiya. uska din-rat chintan kiya, guru ka karya hua. use pane ke lie kathin parishram kiya- shani ne sathya. vastu ke milne par ahankar ho gaya to rahu khush hua. ab agar kisi bhi vastu ko pane ki tamanna shesh nahin rahi to moksh ka karak grah ketu moksh dilva dega. yah nau grah apko kuch dena chahte hain.

hamen usko pane ki yogyata apne andar viksit karni hai. ap sabhi grahon ko apne lie shubhakar bana sakte hain, apne karmon dvara, unki puja archana dvara v vibhinn upayon dvara. amtaur par chathe, athven v barhven bhav ko shubh nahin kaha jata hai. chathe bhav ko shubh kie bina ap agyakari naukar prapt nahin kar sakte. athven bhav ko shubh kie bina lanbi ayu kaise milegi. barhvan bhav to vyay karvaega hi, yadi us vyay ko shubh karmon ki or mor doge, to mansik shanti milegi vah ham apne bhavishya ko ujjaval banaegen.

agar us vyay ko sharab, veshya v jue adi men lagaenge to shubh fal kaise paenge. ab vastu shastra ke vishay men vichar karte hain. atharvaved ka ek upved hai sthapatya ved. yah upved hi hamare vastu shastra ka adhar hai. parmyita parmatma ne hamare kalyan ke lie hamen bahut si vidyaen di hain. yadi ap vedon par aur bhagvan par vishvas karte hain to koi karan nahin ki vastu par vishvas karen. jis prakar hamara sharir panchmhabhuton se milakar bana hai, usi prakar kisi bhi bhavan ke niman men panch mahabhuton ka paryapt dhyan rakha jae to bhavan men rahne vale sukh se rahenge. ye panchmhabhut hain- prithvi, agni, jal, vayu aur akash. jab panchmhabhuton se sharir ban jata hai

apni kundli men sabhi dosh ki jankari paen kampalit dosh riport men

to man, buddhi aur ahankar ke sahit atma ka usmen pravesh hota hai. pancham mahabhuton ke lie panch grahon ko pratinidhitva diya gaya hai. prithvi ke lie mangal, jal ke lie shukra, agni ke lie surya, vayu ke lie shani aur akash ke lie brihaspati ko mana gaya hai. man ke lie chandrama, buddhi ke lie budh aur anhkar ke lie rahu ko mana gaya hai. ketu moksh ka karak hai. isi prakar in nau grahon ka hamare vastu se bhi atut sanbandh hain. purva disha ka svami grah surya, agney ka shukra, dakshin ka mangal, naittya ka rahu-ketu, pashchim ka shani, vayavya ka chandrama, uÿar ka budh aur ishan ka brihaspati svami hai. kisi disha vishesh mane dosh hone par us disha se sanbandhit grah pirit hota hai aur apne ashubh fal deta hai. kisi disha ke pirit hone ya kisi grah ke pirit hone par vyakti ko ek saman hi kasht milte hain.

manlijie kisi vyakti kundli men surya pirit hai to us vyakti ko sarkar se pareshani, sarkari naukri men pareshani, nam v pratishtha par anch, pita se sanbandh thik n hona, siradard, netra rog, hriday rog, charm rog, asthi rog v mastishk ki durbalata adi ho sakti hai. usi prakar kisi vyakti ke ghar men purva disha men dosh hone par, vahan shauchalay hone par, kura karakat v kabar ikattha hone par surya devta pirit hote hain aur us vyakti ko ve sabhia kasht ho sakte hain jo kundli men surya pirit hone par hote hain. surya se sanbandhit upayan karne par purva disha ke vastu dosh se hone vale kashton men kami ati hai. dusri taraf agar purva disha ke vastu doshon ke vastu upayon se thik kar diya jae, tab bhi surya se sanbandhit kashton men kami ati hai. isi prakar ap sabhi dishaon se sanbandhit grahon ki puja patha mantra, jap, yantra sthapan ap vastu upayon dvara sabhi in grahon ko pirit hone se bacha sakte hain aur unse hone vale kashton se chutkara pa sakte hain.

navagrahon ke upay:

1. sukhi samaj ka adhar: yadi koi vyakti apne navagrahon dvara pirit hai to use sabse pahle apne samajik parivesh ko sudharna chahie. aj har vyakti sukhi ki chah men vah kahan-kahan nahin bhatkta. dhan, vichagra, sharab, yoga ityadi. in sabke piche bhagte-bhagte vah apne samja se dur hota ja raha hai. sukhi samaj sukhi parivaron se banta hai aur sukhi parivar, sukhi vyakti se. aj vyakti ke pas apan eprivar ke lie hi samay nahin hai. bhai-bahan, mata-pita, guru, stri, nana, dada adi ke sath sanbandhon ki garima samapt hoti ja rahi hai.

surya se pirit vyakti ko apne pita ki seva karni chahie, unka ashirvad lena chahie. chandra se pirit vyakti mata ki seva kare v unka ashirvad len. bhai ki seva karne se mangal shubhafal deta hai. ban, baiti, bua v mausi ki seva karne se budhdev prasann hote hain. stri ka samman karne se shukra shubh faldayi hoga. naukron ko khush rakhne se shanidev prasann hote hain. dada ki seva karne se rahu v nana ki seva karne se ketu shubh faldayi hoga. samaj ke in vyaktiyon se sanbandh sudharakar ap svayan to sukhi honge hi, apka parivar aur samaj bhi sukhi ho jaega. sukhi samaj hi hamare sukh ka adhar hai.

2. dan dvara upay: dan ka matalab hai- apni ichcha se kisi vastu ko kisi dusre ko arpit karna. dan yadi supatra diya jae to ati uÿam hai. dan ko tin shreniyon men banta ja sakta hai-

apni kundli men rajyogon ki jankari paen brihat kundli riport men

- satvik dan- bina kisi fal ki ichcha se kisi koi vastu dan ya uphar dena.

- rajsik dan- navagrahon ki shanti ke lie kisi ko koi vastu danan ya uphar dena.

- tamsik dan- kisi ka ahit karne ke lie use tamsi vastuon ka dan dena. yatha- sharab, sigret, mit, charas v ganja ityadi. dan dene ke lie kuch uÿam vastuen is prakar hain-

gay dan: gay ke sharir men sabhi devi devta v chaidah bhuvan nivas karte hain islie go dan karne se is lok aur parlok men bhi kalyan hota hai. shukra sanbandhi doshon ko dur karne ke lie go dan uÿam upay hain.

bhumi dan: bhumi ke danko sarvoÿam dan mana gaya hai. mangal sanbandhi doshon ki shanti ke lie bhuamidan ka upay bataya jata hai.

dashansh ka dan: apni kamai ka dasvan hissa kisi supatra ko dan dena ya shubh karmon men lagana atm shuddhi v dhan shuddhi ke lie bahut hi achcha upay hai.

navagrahon ki shanti ke lie dan: kisi pirit gah ki shanti ke lie us grah se sanbandhit vastuon ka dan shubh faldayi hota hai. iske atirikt ann v bhojndan, jal ka dan, tula dan, shayya dan, svarn dan, paduka dan, dharmik pustakan ka dan bhi shubh faldayi kaha gaya hai.

3. snan dvara upay: shastron men kaha gaya hai ki pavitra ganga nadi men snan karne se kai janmon ke pap nasht ho jate hain. visheshakar purnima, amavas, sankranti, shivratri, basant panchmi, makar sankranti, surya grahan v chandra grahan adi parvon par snan, dan, jap, anushthan adi karne se vishesh punya prapt hote hain. ardhurkubh v kunbh adi mahaparva par lakhon ki sankhya men log haridvar, kashi, ujjain adi tirthon par samihik snan v dan adi karte hain. somvi amavas, shanivari amavas adi par bhi snan dan ka vishesh mahatva hai.

4. vrat ka mahatva: kisi bhi devi devta ki kripa pane ke lie us devi devta ke var ya tyauhar vishesh par niyam sanyam purvak upvas karna vrat kahlati hai. saptah ke dinon ko sat grahon ki shanti ke lie vrat rakhe jate hain. sankranti v purnima ko satyanarayan bhagvan ki prasannata ke lie vrat kiya jata hai. ramnvmi, janmashtami, mahashivratri adi parvon par karoron log vrat rakhte hain. shukla paksh v krishn paksh ki ekadshiyon ko vishnu bhagvan ki prasannata ke lie falahari ya nirahari vrat rakhne ka vidhan hai. karvachaith ko mahilaen apne pati ki lanbi ayu ke lie vrat rakhti hai. ahoi ashtami ko mahilaen apne bachchon ki lanbi ayu ke lie vrat rakhti hain. chaitra v ashvin shukla paksh men man durga ki prasannata ke lie navratron ke falahari vrat rakhe jate hai.

5. tirth yatra ka mahatva: hindu dharm men tirthon ka bara mahatva hai. nadi taton par bane snan ghat ho ya devi ya devtaon ke siddh tirth sthal hoen sabhi ki bari mahÿaa v manyata hai. shiv jyortilingon ke darshan hon, man durga ke vibhinn rupon ke siddh sthan hon, hanuman ji ke siddh tirth hon ya saptapuriyan hon sabhi ki mahima apranpar hai. chaturmas men saptapuriyon ka darshan moksh pradan karne vala hai. ye saptapuriyan hain- harikshar, mathura, dvarika, ayodhya, kanchipuram, varansi v ujjain. iske atirikt char dham tirth yatra ka bhi bahut mahatva hai- purva men jagannathpuri, pashchim men dvarkapuri, uÿar men badridham v dakshin men rameshvaram dham.

6. yagya ka mahatva: yagya ka arth sirf mantron dvara havan karna hi nahin hai. yah ek vistrit sandarbh men prayog hota hai. vedon men panch prakar ke yagya kahe gaye hain. in yagyaon ko karne se ham dev rin, rishi rin v pitri rin se mukt hote hain. ye panch yagya is prakar hain-

- brahm yagya: nirgun ya sagun brahm ki upasna kar ham ishvar ko yad karte hain. brahm muhurt v sandhya samay men ishvar ki aradhna, ved path, svadhyay v arti isi shreni men ate hain.

- dev yagya: dev rin se mukti dilane vale karm yatha devtaon ki puja, satsang v agnihotra karm isi shreni men ate hain.

- pitri yagya: srishti ki vriddhi karne ke nimiÿa santan ki utpaÿia karke ham apne pitri rin se urin hote hain. apne divangat pitron ki shanti ke lie shraddh, tarpan v dan adi bhi isi shreni men ate hain.

- vaishva dev yagya: jis agni se hamne bhojan banaya hai us bhojan ka kuch ansh agni ko arpit karna vaishvadev yagya kahlata hai. gay, kuÿo v kauve ko bhojan ka ansh dena bhi isi shreni men ata hai.

kya apki kundli men hain prem ke yog ? yadi ap janna chahte hain desh ke jane-mane jyotishacharyon se, to turant link par klik karen.

- atithi yagya: atithi ko devta tulya samjhne vale bhartiya samaj men atithi ko sarvopri mana gaya hai. yachika ko dan dena, dharm ki raksha ke lie dharm sthal ki puja, seva v dan dena, sadhu sanyasiyon ki seva v sahayta karna isi shreni ke yagya kahlate hain.

- satkarmon ka mahatva: prabhu krishn ne gil ke sohlven adhyay ke pahle se tisre shlok men kaha gaya hai ki dev tulya purushon men ye gun hote hain. nirbhayata, atm shuddhi, adhyatmik gyan shani ka anushilan, dan, atm sanyam, yagya paraynta, vedadhyayan, tapasya, sarlta, ahinsa, satyata, krodh vihinta, tyag, shanti dusron ke dosh n dekhna, samast jivon kar karuna, lobhvihinta, bhadrata, lajja, sankalp, tej, kshama, dhairya, pavitrata, ishrya tatha man ki abhilasha se mukti. hamen apne apne andar in gunon ko viksit karte hue shuddh bhakt banne ki koshish karni chahie. jo nishchay purvak man aur buddhi ko parmatma men sthit karke bhakti men lagae rahta hai, harsh shok adi dvandvon se rahit hai,

prabhu se koi ichcha nahin karta, ma-apman, sardi-garmi, sukh-dukh, yash-apayash men sam rahta hai, aise bhakt prabhu ko atyadhik priya hain. yagya, dan, tap, tirth v vrat adi jo bhi satkarm kie jate hain, karm yogi ko vah keval sansar ke hit ke lie hi karne chahie. shuddh bhakti nishkam hoti hai, vahi param kalyankari hai. jo paramagyani hai aur shuddh bhakti men laga rahta hai, vah sarvashreshth hai.

prabhu shri krishn ne gita men kaha hai ki shuddh bhakt mujhe atyant priya hai. jiski buddhi bhautik ichchaon dvara prabhavit he, ve devtaon ki sharan jate hain aur apne-apne svabhav ke anusar puja ke vishesh vidhi-vidhanon ka palan karte hain. devta vishesh ki puja dvara apni ichcha ki purtie karte hain. kintu vastavikta to ye hai ki ye sare labh keval mere dvara hi pradÿa hai.

devtaon ki puja karne vale devlok ko jate hain kintu mere bhakt antatah mere parmdham ko prapt hote hain. adhyatmik unnati karne ke lie hamen apna svabhav satoguni banana aur satoguni svabhav viksit karne ke lie hamen kuch niyamon ka palan karna chahie. sabse pahle hamen sabhi prakar ke nashile padarthon ka tyag karna chahie jaise- sigret, sharab, bhang, ganja ityadi. dusre hamen shakahari bhojan karna chahie. tisre parai stri/purush se sanpark nahin banaen. chaithe kisi prakar ka jua, satta adi nahin khelna chahie. is prakar se jiti gai rashi galat karyon men hi kharch hogi. iske atirikt pratidin kuch samay bhagavad smaran men lagana chahie. bhagavad smaran karne ke lie ap pratidin gita ya bhagavat ke kuch ansh parh sakte hain. dusron se bhagavat gyan ki charcha kar sakte hain. shri vigrah ki puja kar sakte hain.

bhagvan ko prem sahit fal-ful v jal arpin kar sakte hain. pratidin mahamantra ka jap karen. hare krishn hare krishn krishna hare hare, hare ram hare ram ram ram hare hare yah atma shuddhi ke lie sarvashreshth mantra hai. in vidhi vidhanon ka palan karte hue ap svayan mahsus karenge ki ap adhyatmik unnati kar rahe hain aur grah janit kashton se chutkara pate ja rahe hai.

jivan ki sabhi samasyaon se mukti prapt karne ke lie yahan klik karen !

apne kashton se chutkara pane ke lie bhagvan se prarthana aur bhagvan ki bhakti se achcha koi upay nahin hai. nav grahon se milne valu sukh is prakar hain- surya rajya lakshmi nam pratishtha, sarkar se labh chandra arogya lakshmi svasthya mangal urin lakshmi rinon se mukti budh sugyan lakshmi achcha gyan guru suputra lakshmi agyakari putra shukra subharya lakshmi agyakari patni shani shreshth lakshmi paprhit kamai, mehnta ka fal rahu sumitra lakshmi achcha mitra ketu sukirti lakshmi yash v samman isi prakar kundli ke barah ke barah bhav vyakti ko kuch n kuch dena chahte hain.