कुंडली मिलान कैसे करें?

kundli milan kaise karen?  

Ank ke aur Lekh | Sambandhit Lekh | Views : 8686 |  
kundli milan men do chijen pramukh hain gun milan v manglik milan. pratham se mukhyatah var evan kanya ke apas ki samjhdari ka pata chalta hai evan dusre se bhavi anisht ka pata chalta hai. atah kai bar gun milan achcha bhi ho to bhi manglik milan ko prathmikta di jati hai evan thora bhi sandeh hone par anishtata ko dur rakhne ke karan manglik dosh hone par melapak thik nahin mana jata hai. gun milan kya hai ? gun milan men ham var v kanya ki rashi v nakshatra ko adhar banakr vibhinn ath pahluon ko ank pradan karte hain. isi karan ise ashtakut milan bhi kahte hain. ye ath kut hain varn, vashya, tara, yoni, grah maitri, gan, bhakut evan nari. isse har kut ko kramshah 1 se lekar 8 tak paeint diye jate hain jinka yog 36 ho jata hai. yadi yugm ko 18 se adhik ank mil jate hain to use thik melapak ki sangya de di jati hai. mana jata hai ki rashi nakshatranusar hi manushya ki prakriti tay hoti hai aur vah apni pradÿa prakriti ke anusar hi karya karta hai. jyotish men manushya ki prakriti ko vibhinn kuton men vibhinn sangya dekar bakhubi bataya gaya hai. yadi var kanya ki prakriti milti hai to donon men sanbandh achche rahte hain anyatha nahin. lekin yahan par keval ek grah chandrama ko itna adhik mahatva mil jata hai ki ham baki sabhi grahon, lagn v dasha vichar adi ko nakar dete hain, jabki kam se kam lagn to chandrama se bhi adhik mahatvapurn hota hai. lagn ke karan hi bhav bante hain evan grahon ke bhav falanusar hi jyotish men bhavishya kathan hota hai. atah ashtakut milan paddhati men ek vishesh kami hai jo ki trutijanak milan se siddh hoti hai. manglik milan kya hai ? yadi mangal 1, 4, 7, 8 evan 12ven bhav men sthapit ho to kundli manglik mani jati hai. yadi var evan kanya donon manglik ho ya na hon to manglik milan thik mana jata hai. ek manglik ho va dusra n ho to manglik milan anishtakari mana jata hai. manglik milan men ajakal ek aur shabd bhi jur gaya hai - anshik manglik. yah shabd jyotish ke granthon men to nahin hai lekin yah bakhubi aisi kundliyon ko darshata hai jo manglik to hain lekin kisi n kisi karan se manglik dosh ho raha ho, jaise mangal uchcha ya svagrihi ho ya guru se drisht ho adi. anshik manglik ka vivah manglik se to kar hi sakte hain kyonki vah bhi manglik to hai hi, lekin uska sada kundli se bhi milan sahi man sakte hain kyonki usmen manglik dosh ka nivaran ho raha hai. jyotishanusar bhi yah sahi hai kyonki mangal dosh ke anekon parihar hain evan manglik dosh keval kuch vishesh kundliyon men hi anishtakari hota hai. milan men anya vishesh: jyotish samaj men yah ek mahatvapurn charcha ka vishay hai ki kundli milan kaise kiya jae evan gun milan v manglik dosh ko kitna mahatva diya jae. am vyakti ka ek aur prashn rahta hai ki kampyutar dvara darshit kundli milan ko manen ya n manen. aj tak satik taur par kundli milan ki aisi koi ek paddhati par sahmti nahin ho pai hai jiske dvara milan kiya ja sake. kampyutar dvara milan keval prachin pramanit paddhati dvara hi kiya jata hai evan prachin paddhati men uprokt kamiyan hain atah kampyutar ke nishkarsh ko keval sanket matra hi man sakte hain. use sukhi vaivahik jivan ka praman nahin man sakte hain. gun milan v manglik dosh ke sath-sath kuch anya pahlu bhi hain jinko avashya dekhna chahie - û sarvapratham var kanya ki rashi v lagn donon ka vichar karen. barh rashiyon ko do bhagon men bant sakte hain ek dev v dusri rakshas. guru, mangal, chandra v surya ki rashiyan mesh, kark, sinh, vrishchik, dhanu v min ko daiv grup men man len v anya 6 rashiyan shukra, shani v budh ki rashiyon ko rakshas grup men man len. yadi kanya ki lagn v rashi donon daiv grup ki hon aur var ki bhi aise hi hon to man sakte hain ki donon ki pravriÿia ek saman hogi evan donon men antadrvand kam honge. isi prakar donon ki rashi v lagn daiv v rakshas donon grup se hon to bhi achcha talmel rahega. lekin yadi var ek grup ka ho evan kanya dusre grup ki ho to vicharon men bhinnta sadaiv rahegi. û gun milan ko keval ank prapti tak hi dekhen. yadi gun milan men 36 men se 15 gun bhi mil jaen to bhi use thik hi samjhen. usmen age vistar men jakar yah n dekhen ki gun nahin mile ya bhakut nahin mila ya nari nahin mili kyonki koi n koi karan to hoga hi ki 36 gun prapt nahin hue. gun melapak jatak ki mansikta ka ek dyotak hai- khushhal vaivahik jivan ka nahin. û nari dosh ko santan ka ya svasthya ka dyotak n manakar kevl gun melapak ka ek paeint manakar aur total gun ko hi adhar manakar nirnay len. brahman varn ke lie nari dosh jaruri hai, iska sankhyikiya vishleshan men koi praman nahin milta hai. û yadi grah maitri ho to bhakut dosh naganya ho jata hai aur is prakar 5 paeint grah maitri ke evan 7 paeint bhakut ko milakar 12 paeint ho jate hain. atah keval grah maitri achchi ho to bhi gun melapak ko thik mana ja sakta hai kyonki kuch bhi yadi milega to 15 gun se adhik to ho hi jaenge. û mangal ka prabhav keval saptam bhav men anisht hone ke praman milte hain. yadi mangal svagrihi ho ya mitra ke sath ho to utna anisht nahin rahta. uchchata evan nichta donon hi anishtata ko barhati hai. yadi ek ki kundli men mangal saptam men ho to dusri kundli men mangl saptam men nahin hona chahie, anyatha anisht hokar hi rahega. dusri kundli men mangal 12, 1, 4 ya 8 ve bhav men 7ven mangal ke dosh ko katta hai. û mangal yadi 12, 1, 4 ya 8 ven sthan men baitha ho to use anshik manglik man lena chahie. aise jatak ka vivah manglik, sada v anshik manglik kisi se bhi kiya ja sakta hai. û shubh vaivahik jivan ke lie shani ka mahatvapurn rol hai. yadi shani satven bhav men ho to vah do shadi ke yog banata hai. yadi shani satven bhav men ho aur shadi 30 varsh se purva ho jae to jab 30 varsha ki umra men shani shani ke upar gochar karta hai to sanbandh vichched kara deta hai. atah aise men shadi 30 varsh ki umra ke bad karne se vivah men sthayitva rahta hai. kabhi-kabhi satven ghar men shani hone se akarn vivah men vilanb ya tika hone ke bad sanbandh vichchedan bhi dekhne men ata hai. û satven bhav par shani ki drishti-dasham bhav se, lagn se v pancham se bhi kashtakarak rahti hai. in sthitiyon men vivah to vilanb se hota hi hai kabhi-kabhi nahin bhi hota hai. pancham shani ki sthiti satven ghar men shatru rashi hone par ati anishtakari hoti hai. û mangal ya guru ka satven bhav se sanbandh ho to kisi bhi bhav men guru mangal ki yuti vivah vilanb ka karan banti hai. û saptam bhav men keval chandrama ko chorakar sabhi grah vivah men vilanb karate hain. isi bhav men saumya grahon ko chorakar anya grah vaivahik jivan men kalah karak hote hain. shani v mangal atikashtakari hote hain. û shani ki sarhesati ya dhaiyya vivah to kara sakti hai lekin yadi ye shadi ke turant bad a jae to vaivahik khushhali ko kam karti hai. kabhi-kabhi vivah vichched bhi kara deti hai. kaise karane kundli milan: keval gun milan ya manglik milan se n to vaivahik jivan ke sukh ka nishchay hota hai aur n hi ye purn samadhan hain. shani ka mahatva mangal se adhik hai evan lagn ka mahatva chandra se adhik hai. atah kam se kam in donon ka vichar melapak men uprokt vivrn anusar avashya kar len. yadi 15 gun mil jaen aur lagn rashi ke gunon mane talmel baith jae to samanjasyata men pershani nahin ati. manglik milan men yadi var v vadhu ki kundli men mangal satven bhav men n baitha ho to is par koi dhyan dane ki avashyakta nahin hai. keval satven mangal par shanti karaen v dusri kundli bhi manglik chunen, lekin uske satven men mangal n ho. satven bhav men shani ho to vivah 30 varsh ki umra ke bad karen. dusre sathi ki patri men shani satven bhav men kadapi nahin hona chahie. yadi shani ki satven bhav par drishti ho to shadi ke turant bad shani ke upar shani ka gochar nahin hona chahie; arthat shadi 30 varsh ke pashchat ho to dosh nahin rahta. uprokt vichar kar kuch had tak vaivahik jivan ko nishchay hi sukhamay banaya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  November 2016

jyotishiya patrika fyuchar samachar ke is vivah visheshank men bahut achche vivah se sambandhit lekhon jaise vivah milan, prem vivah, vivah men badha v deri ka jyotishiya karan v nivaran, vivah ki tarikh ka nikalna, dasha aur vivah, ankshastra dvara vivah milan, vivah milan aur manglik dosh nivaran adi par paricharcha ki gai hai. anya mahatvapurn lekhon men amerika men ratrapti chunav, vatsaaip jyotish, bharat ke jaims baend ajit dobhal, osho ki kundali ka jyotishiya akalan, vastu men uttara-purva men ghara/plaet adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.