ओशो रजनीश
Ank ke aur Lekh | Sambandhit Lekh | Views : 1549 |  
osho apne jivan ko utsav ki bhanti jite rahe. unki shakla men duniya ne pahli bar kisi aise buddha ko dekha, jo hanste khelte latifon ki bhasha men jivan ke rahasyon se parda hata raha tha, unhen samjha raha tha. aiye dekhte hain kya kahte hain osho ke sitare. osho ki kundli hai vrish lagn ki jiske svami shukra baithe hain ashtam bhav men, shukra apne hi nakshatra v rahu ke upanakshatra men hain. navansh kundli men lagn ke svami shukra apni nichasth rashi kanya men hain tatha unki uchch rashi ke svami brihaspati shukra se kendra men min rashi men hai jas karan nich bhang rajyog ban raha hai. ashtam bhav men mangal, chandra, shukra, budh v shani ka panchagrahi yog bana hua hai jismen bhagyesh v karmesh yogkark shani ki bhi yuti hai. ashtam bhav ayu ka bhav hai, gahnta, ganbhirta ka bhav hai. pancham gyan ka bhav aur pancham se chaturth ashtam bhav gyan ke sukh ka bhav hai. ashtama bhav chidra bhav bhi kaha jata hai. yadyapi ashtam ko ashubh bhav mana gaya hai kintu jab ashtam ka sanbandh lagnesh, panchmesh, bhagyesh tatha markesh v tritiyesh jaise grahon se ho jata hai to jatak ko jivan ka mul tatva samajh men a jata hain yah samjh osho ko prapt hui. ashtamesh hai brihaspati jo tritiya bhav men uchchasth hokar virajman hai. chalit kundli men brihaspati v shani donon hi bhav parivartan kar kramshah chaturth v navam bhav men sthit hai. guru ki purn pancham drishti ashtam bhav ko bhi prabhavit kar rahi hai. panchagrahi yog par jismen lagnesh bhi hain parne vali dev guru brihaspati ki drishti ne osho ko alpayu men hi jivan ki nashvarta se parichit kara diya tha. vrish lagn ki kundli men yogkark shani hote hain. shani ko nyayapriya dandadhikari kaha jata hai. navansh kundli men bhi shani dhanu rashi ke hokar saptamasth hain. vargottami hokr shani lagn par purn drishti dal rahe hain aur janmakundli ke lagnesh shukra par purn dasham drishti dal rahe hain. kahne ka tatparya yah hai ki lagnesh osho rajnish 11/12/1931, 17ah13, kachchanara shukra par bhagyesh karmesh shani va labhesh tatha ashtamesh brihaspati ka purn prabhav drishtigochar ho raha hai. shani v brihaspati se prabhavit vyakti ke jivan ko samjhne ka tarika thora alag hi hota hai. osho bachapan se hi vilakshan prakriti ke the. apni kaksha se ve adhikatar, anupasthit rahte the. unke shikshaka is bat se khush hote the kyonki ve osho ke prashnon ke uttar dene men sakshama nahin the. osho har pariksha aur pratiyogita men pratham ate the. inhen pustakaly men pustaken parhna achcha lagta tha. skuli parhai ke lie unhane kisi ki sahayta ki avashyakta nahin thi. unhen to bas apne man men satya ki khoj se prerit prashnon ke uttar chahiye the jo ki unhen kisi se nahin mile. osho ko apne svabhav ke karn kai vidyalay aur kaelej badlne pare. kintu jab unhen gold medl mila tab unse naraj rahne vale shikshak bhi prasann the. 21 march 1933 ko matra ikkis varsha ki ayu men gahri samadhi ke dauran osho ko sanbodhi prapt hui. unhen apne prashnon ke uttar mil gae. ab samay tha prapt hue gyan ko logon tak pahunchana. kintu osho ne abhi khud ko vidyarthi bane rahna thik samjha. sanbodhi prapti ke samay dasha chandrama ki thi jo ki ashtam ke ashtamesh hanai aur ashtamesh v tritiyesh ka sthan parivartan hai. sath hi tritiyesh chandrama jo ki ashtam ke ashtamesh hanai ki yuti lagnesh shukra ke sath hai. chandrama ke nakshatresh hain shukra aur upanakshatra svami hain yogakarak shani. osho ne darshanashastra ka gahn adhyayan kiya aur parhai khatm hone ke bad kai kaelejon men darshan shastra ke profesar ke rup men niyukt hue. lagabhag nau varsh tak shikshan karya karne ke pashchat unhonne naukri chor di kyonki ve apne vicharon ko vidyalay ki sima se bahar anya logon tak pahunchana chahte the. unhonne sidhe sabhaon men logon ko sanbodhit karna shuru kiya. ek bar unki sabha men shrotaon ki sankhya 50 hajar tak pahunch gai thi. dvitiya bhav vani ka bhav hota hai. dvitiyesh budh ashtam bhav men lagnesh shukra, dashmesh v navmesh shani, ashtamesh chandra, vyayesh mangal se yut hokar chaturgrahi yog bana rahe hain. budh shukra ke hi nakshatra aur upanakshatra men hain. budh panchmesh bhi hain. budh ka svabhav vyangyatmak hai. budh ka hi prabhav tha ki osho ne jivan se mukti ka marg atyant sugam banate hue, logon ko hansate hue, latifon ki bhasha men dikhaya. ashtam bhav men chandra-budh ki yuti jatak ko hasya premi banata hai. osho ka kahna tha ki sannyas ka arth ghar, parivar ya samaj ko chorakar kahin bhagna nahin hai balki jahan ham hanai vahin avilamb jagna hai. sannyas adhik urja kamane ka nam hai. 1979 tak osho ki rahu ki dasha rahi. rahu shani ke nakshatra aur shukra ke upanakshatra men hai. shani navmesh, dashmesh hokr yogkarak hain aur rahu ne shani ka pura yogkari prabhav grahan kar liya aur shukra lagnesh hain. rahu labh bhav men baithakar tritiya, pancham v saptam par purn drishti dal rahe hain. is avdhi men osho ko khub khyati mili. himalay ghati men base suramya manali men unhonne navsannyas ka sutrapat 1970 men kiya. manali men film jagat ki mashhur hastiyon ka dera jama hua tha. pashchim jagat ke log bhi unse sannyas le rahe the. 1974 se 81 tak unka mahatvapurna kam puna ashram men hua. jivn se jura koi bhi pahlu aisa nahin hai jin par unka pravachan n ho. jun 1979 men praranbh hui ashtamesh v shashth se shashthesh brihaspati ki mahadsha. brihaspati ki dasha 1979 se 1995 solah varsh chali. brihaspati ne ashtamesh v labhesh donon ka hi purn fal diya. is avdhi men osho ne khub khyati arjit ki. sath hi jaisa ki ashtam bhav chidra bhav kaha gaya hai aur piradayak bhav mana gaya hai usi bhanti osho ko bhi anek piradayak paristhitiyon se gujrna para. ek or jahan unke anuyayiyon ki sankhya barh rahi thi vahin dusri or unke alochkon aur virodhiyon ki sankhya bhi barh rahi thi. osho ka vishvastariya bahishkar hua par osho apni chirprichit muskan lie hue apne chahne valon ko mukti ka sandesh dete rahe. dhire-dhire osho par lage arop-pratyarop niradhar sabit hue aur desh-videsh men unke dhyan kendrane ki sthapna hui. osho ki masti ka jadu sabke sir charhakar bola. is masti men mehandi hasan, gulam ali, harivansh ray bachchan, sumitra nandan pant, jagjit sinh, gopal das niraj aur aise hi anek nam dub gae. kaha jata hai ki osho ko ameriki karavas men dhima jahar diya gaya jiske prabhavavash unki ayu ke kai sal kam ho gaye. labh bhav shashth se shashth bhav hai jahan rahu vidyaman hai. rahu shani ke nakshatra aur shashthesh shukra ke upanakshatra men hain. shashthesh shukra svanakshatra aur rahu ke upanakshatra men hai. rahu ko vishjnit bimariyon ka karak mana jata hai. osho ki mrityu hui 19 janvri 1990 ko sham 5 baje . us samy dasha chal rahi thi bri/chan./ra. ki. brihaspati ashtamesh, chandra ashtamesh se ashtamesh v rahu ekadashasth jo ki chathe se chatha bhav hai. gochar men brihaspati mithun rashi arthat marak bhav se ashtam bhav ko dekh rahe the. markesh budh ashtam bhav men gocharasth the aur brihaspati ki purna drishti men the. osho ke pravchnon ka sankalan har jagah upalabdh hai aur unki mrityu ke itne samay bad bhi unke vichar logon ko apni masti men dubone men saksham hain.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  November 2016

jyotishiya patrika fyuchar samachar ke is vivah visheshank men bahut achche vivah se sambandhit lekhon jaise vivah milan, prem vivah, vivah men badha v deri ka jyotishiya karan v nivaran, vivah ki tarikh ka nikalna, dasha aur vivah, ankshastra dvara vivah milan, vivah milan aur manglik dosh nivaran adi par paricharcha ki gai hai. anya mahatvapurn lekhon men amerika men ratrapti chunav, vatsaaip jyotish, bharat ke jaims baend ajit dobhal, osho ki kundali ka jyotishiya akalan, vastu men uttara-purva men ghara/plaet adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.