नारद पुराण के अनुसार विवाह मुहूर्त

narad puran ke anusar vivah muhurt  

Ank ke aur Lekh | Sambandhit Lekh | Views : 1392 |  
narad puran ke anusar sab ashramon men yah grihasthashram hi shreshth hai. usmen bhi jab sushila dharmapatni prapt ho tabhi sukh hota hai. stri sushila tabhi prapt hoti hai, jab vivahkalik lagn men shubh grah hane. kanya ke mata-pita ko kisi shubh din vidvan brahman ke samip jakr kanya ke vivah lagnadi ke vishay men puchna chahie. jyotishi ko chahiye ki vah us samay ke samyanusar kundli banakar lagn aur grah spashta karke dekhe. - prashn kundli men yadi prashn lagna men papagrah ho ya lagn se saptam men mangal ho to yah arisht hai, chandra se bhi saptam men mangal n ho, lagn se pancham bhav men papagrah hon aur vah nich rashi men pap grah se dekha jata ho, to ashubh hai. - yadi prashn lagn se 3-5-7-10 aur 11ven bhav men chandra ho tatha us par guru ki drishti ho, to us kanya ko shighra hi pati ki prapti hogi. - yadi prashn lagn men tula, vrish ya kark rashi ho tatha vah shukra aur chandra se yukt ho to prashnakarta var ke liye patni labh hota hai athva sam rashi men lagn ho, usmen samrashi ka hi dreshkan ho aur sam rashi ka navmansh tatha us par chandra aur shukra ki drishti ho to var ko patni ki prapti hoti hai. - isi prakar yadi prashn lagn men purush rashi aur purush rashi ka navmansh ho tatha us par purush grah (ravi-mangl-guru) ki drishti ho to pati ki prapti hoti hai. - yadi prashn samay men krishn paksh ho aur chandra sam rashi men hokar lagn se chathe ya athven bhav men pap grah se dekha jata ho to (nikat bhavishya men) vivah sanbandh nahin ho pata hai. - varsh shuddhi: kanya ke janm samy se sam varshon men aur var ke janma samay se visham varshon men hone vala vivah prem aur prasannata ko barhane vala hota hai. iske viprit (kanya ke visham aur var ke sam varsh men) vivah var-kanya donon ke liye ghatak hota hai. - vivah vihit mas: magh, falgun, vaishakh aur jyeshth - ye char mas vivah men shreshth tatha kartik aur margashirsh (aghn) ye do mas madhyam hain. anya mas nindit hain. vivah muhurt men varjit yog: - bhukampadi utpat, khagras suryagrahn ya chandragrahan ho to uske sat din tak samay shubh nahin hai. - yadi khandagrahan ho, to uske bad tin din tak ashubh hote hain. - tin din tak sparsh karne vali (vriddhi) tithi, kshayatithi tatha grastasta (grahan lage chandra, surya ka asta) ho to purva ke tin din achche nahin mane jate hain. - yadi grahan lage hue surya, chandra uday ho to bad ke tin din ashubh hote hain. - sandhya samay men grahan ho to pahle aur bad ke tin din ashubh hote hain tatha madhya ratri men grahan ho to sat din (tin din pahle, tin din bad ke tatha grahan vala din) ashubh hote hain. - mas ke antim din, rikta, ashtami, vyatipat aur vaidhriti yog sanpurn tatha parigh yog ka purvarddha-ye vivah men varjit hain. vivah muhurt shubh nakshatra revti, rohini, tinon uttara, anuradha, svati, mrigshira, hast, magha aur mul- ye gyarah nakshatra vedh rahit hon to inhin men kanya ka vivah shubh kaha gaya hai. vivah men var ko surya ka aur kanya ko brihaspati ka bal avashya prapt hona chahiye. yadi ye donon anishtakarak hon to yatnapurvak inki puja karni chahiye. gochar, vedh aur ashtakavarg bal uttarottar adhik hai. pratham to var-kanya ke chandrabal aur tara (nakshatra) bal dekhne chahiye. tithi men ek, var men do, nakshatra men tin, yog men char aur karan men panch gune bal hote hain. in sabki apeksha muhurta bali hota hai. muhurt se bhi lagn, lagn se bhi hora (rashyarddha), hora se dreshkan, dreshkan se navmansh, navmansh se bhi dvadshansh tatha usse bhi trinshansh bali hota hai. arthat nakshatra vihit (gunyukta) n mile to uska muhurt lena chahiye. yadi lagn rashi nirbal ho to uske navmansh adi ka bal dekhakar nirbal lagn ko bhi prashast samjhna chahie. vivah men shubhagrah se yukt ya drisht hone par sab rashi prashasta hain, chandra-surya-budh-guru tatha shukra adi. vivah ke ikkis dosh 1. panchang-shuddhi ka n hona, 2. udyast ki shuddhi ka n hona, 3. us din surya sankranti ka hona, 4. pap grah ka shadvarg men rahna, 5. lagn se shashth men shukra 6. ashtam men mangal, (7) gandant hona, (8) katrtari yog, 9. barhven, chathe aur athven chandra ka hona tatha chandra ke sath kisi anya grah ka hona, 10. var-kanya ki janmarashi se ashtam rashi lagna ho ya dainik chandra rashi ho, 11. vishghti, 12. durmahurt, 13. var-dosh, 14. kharjur, 15. nakshatraik charan, 16. grahan aur utpat ke nakshatra 17. pap grah se viddh nakshatra, 18. pap se yukta nakshatra, 19. pap grah ka navmansh, 20. mahapat aur 21. vaidhriti-vivah men ye 21 dosh hain. surya sankranti ke samay se purva aur pashchat 16-16 ghati vivah adi shubh karyon men tyajya hain. lagn se ashtam men mangal hone par- mangal uchch ka ho aur tin shubh grah lagn men ho to is lagn ka tyag nahin karna chahiye. sagrah dosh: chandrama yadi kisi grah se yukt ho to ‘sagrah’ namk dosh hota hai. is dosh men bhi vivah nahin karna chahiye. chandra yadi surya se yukt ho to daridrata, mangal se yukt ho to ghat athva rog, budh se yukt ho to santanhinta, guru se yukt durbhagya, shukra se yukt shatruta apas men, shani se yukt pravrajya (ghar ka tyag), rahu se yukt sarvasva hani aur ketu se yukt ho to kasht aur daridrata hoti hai. parihar: dvidrvadash (2-12) aur navpancham (9-5) dosh men yadi donon ki rashiyon ka svami ek hi ho athva svami mitra hon to vivah shubh kaha gaya hai. parantu shadashtak (6-8) men donon ke svami ek hone par bhi vivah shubhdayak nahin hota hai. vishesh dosh: putra ka vivah karne ke bad chah mas ke bhitar putri ka vivah nahin karna chahiye. ek putra ya putri ka vivah karne ke bad dusre putra ka upanayan nahin karna chahiye. isi prakar ek mangal karya karne ke bad dusra mangal karya chah mas ke bhitar nahin karna chahiye. do bahnon ka vivah yadi chah mas ke bhitar ho to nishchay hi tin varsha ke bhitar unmen se ek vidhva hoti hai. apne putra ke sath jiski putri ka vivah ho, fir uske putra ke sath apni putri ka vivah karna pratyudvah dosh hota hai. kisi ek hi var ko apni do kanyaen nahin deni chahiye. do sahodron ke sath do sahodra kanyayen nahin deni chahie. do sahodron ka ek hi din (ek sath) vivah ya mundan nahin karna chahiye. vadhu pravesh: vivah ke din se 6-8-10 aur 7ven din men vadhu pravesh (patigrih men pratham pravesh) ho to vah sanpatti ki vriddhi karne vala hota hai. dvitiya varsh, janm rashi, janm lagna aur janmadin ko chorakar anya samay men sammukh shukra rahne par bhi vadhu pravesh shubh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  November 2016

jyotishiya patrika fyuchar samachar ke is vivah visheshank men bahut achche vivah se sambandhit lekhon jaise vivah milan, prem vivah, vivah men badha v deri ka jyotishiya karan v nivaran, vivah ki tarikh ka nikalna, dasha aur vivah, ankshastra dvara vivah milan, vivah milan aur manglik dosh nivaran adi par paricharcha ki gai hai. anya mahatvapurn lekhon men amerika men ratrapti chunav, vatsaaip jyotish, bharat ke jaims baend ajit dobhal, osho ki kundali ka jyotishiya akalan, vastu men uttara-purva men ghara/plaet adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe

Apne vichar vyakt karein

blog comments powered by Disqus
.