ज्योतिष में उच्च शिक्षा योग

jyotish men uchch shiksha yog  

Ank ke aur Lekh | Sambandhit Lekh | Views : 2675 |  
prashna: jyotish men uchch shiksha (piech. di) prapt karne ke kya yog hain? udaharan sahit savistar varnan karen. vartaman yug men shiksha ke mahatva evan anivaryata se koi anbhigya nahin hai. shiksha ke bina jivan adhura hai. aj n keval parivarik uttaradayitvon ka vahan karne ke lie varan rajkiya sevaon, udyogon, vyavsayon, gharelu udyamon ityadi men saflta prapt karne tatha rajyogon ka svayan labh prapt karne ke lie shiksha apriharya hai. jyotish shastra ke anusar kisi bhi prakar ki shiksha ka vichar karne ke lie nimnalikhit sutron ka adhyayan karna atyavashyak hai- 1. lagn v lagnesh 2. dvitiya v dvitiyesh 3. tritiya v tritiyesh, 4. chaturth v chaturthesh, 5. pancham v panchmesh, 6. navam v navmesh, 7. chandra, budh v guru. shiksha se sanbandhit bhavon ke vishay men prachin vidvanon men matbhed raha hai. acharya varahmihir, maharshi parashar ityadi ne buddhi evan vidya ka vichar pancham bhav se mana hai. ramanujacharya evan mantreshvar ne shiksha ka vichar dvi tiya, tritiya evan pancham bhavon se kiya hai. sarvarthachintamni ke rachyita shrimadapyaysut venktesh sharma tatha jatak parijat ke rachnakar daivagya vaidyanath ke anusar kramshah tritiya evan pancham bhav (sarvarth chintamni) tatha chaturth bhav (jatak parijat) se shiksha ka vichar kiya hai. kisi bhi prakar ki shiksha ke lie tin baton ki avashyakta hoti hai- vivekashakti, buddhi, pratibha evan smaran shakti (pancham bhav), shiksha ki prakriya (chaturth bhav) tatha vidya (dvitiya bhav). dakshin bharat men chaturth bhav ko v uttar bharat men pancham bhav ko prathmikta pradan ki jati hai. budh vivekashakti, buddhi, smaranashakti ka karak hai. guru gyan ka naisargik karak hai tatha chandra lagn svarup man ka karak hai. shiksha prapt karne ke lie svasth man ki avashyakta hoti hai. atah budh, guru v chandra ki sthiti ka adhyayan karna avashyak hai. yadi uprokt sabhi sutra bali tatha shubh prabhavit hon to jatak uchch smaran shakti yukt tatha uchch shikshit hota hai. shiksha ka vichar purush jatak evan stri jatak ki janmakundliyon men saman prakar se kiya jata hai. shiksha ke anek prakar hote hain. ganit, vigyan, bhugol, ved-puran, sangit, kavya sangit, chitrakla, abhinay, vadya, sahitya, vidhi, vyakaran, adhyatm, darshanashastra, jyotish adi. surya se vedant, chandra se vaidhak, mangal se mukhyatah nyay evan ganit adi ka budh se ayurved, kanpyutar, ganit, sangit, sankhyiki, kala ki prakhrta, jyotish aur gan ki divyata adi ka gyan hota hai. guru se vedang jyotish, ved-puran, adhyatm ityadi ka vichar kiya jata hai. shukra se vyakhyan shakti, sahitya, gayan, arkitekchar, saj-sajja, chitrakari ityadi ka gyan hota hai. rahu aur shani se videshi vidya ya bhasha ka gyan prapt hota hai. budh aur shukra ki sthiti se vidvatta tatha panditya evan kalpana shakti ka anuman hota hai. dvitiya bhav evan navam bhav se bhi bauddhik star, buddhi ki prakhrta, smaran shakti, ruchi, aruchi aur abhiruchi ka star pata chalta hai. gyatavya hai ki lagn ke atirikt guru se bhi dvitiya, tritiya, chaturth, navam sthan se bhi vidyarjan ka abhigyan hota hai. visheshtah yadi guru se budh ya budh se guru drisht ho athva sanyukt ho. shiksha evan smaran shakti se sanbandhit yog guru aur chandra men rashi parivartan yog ho. -pancham bhav v panchmesh shubh madhyatva men ho. -guru, budh v shukra kendra ya trikon men ho tatha bali ho. -panchmesh uchch rashisth ho. -dashmesh pancham men ho, budh kendra men ho tatha balvan surya sinh rashi men ho. -bali panchmesh kendra ya trikon men ho. - chaturthesh v panchmesh men rashi parivartan ho tatha budh bali ho. -panchmesh navamasth ho tatha shubh grah ki drishti ho. -dvitiyesh v chaturthesh men rashi parivartan ho tatha guru bali ho. -pancham men budh ho tatha panchmesh balvan ho. -lagnesh v panchmesh men rashi parivartan ho. -pancham men guru ho tatha panchmesh budh bali ho. -navmesh kendra ya trikon men ho. - dvitiyesh v guru kendra ya trikon men hon. -panchmesh navam men ho tatha panchmesh guru shubh grah ke madhyatva men ho. -panchmesh dasham ya ekadash men ho. -dvitiyesh v panchmesh men rashi parivartan ho ya donon ki yuti ho. -chandra se trikon men guru tatha budh se trikon men mangal ho. -panchmesh ki navansh rashi ke svami par shubh grahon ki drishti ho tatha panchmesh shubh grah ho. - budh panchmesh (kunbh ya vrishabh lagna) ho tatha us par kisi kendra ya trikon se guru ki drishti ho. -budh ki navansh rashi ka svami kendra ya trikon men ho tatha us par panchmesh ki drishti ho. -budh balvan ho tatha panchmesh shubh drisht ho athva pancham men shubh grah ho. -pancham bhav ki rashi v navansh rashi ke svami shubh grah hon tatha pancham men guru shubh madhyatva men ho. -guru aur budh men yuti ya drishti sanbandh ho tatha donon men se kisi ek ka sanbandh tritiya ya navam bhav se ho. in yogon men jatak buddhiman, pratibhashali, tivra smaranashakti yukt tatha shikshit hota hai. vivek, buddhi evan smaranashakti se sanbandhit jo yog upar die gae hain usmen utpann jatak buddhiman, pratibhashali, tivra smaran shakti yukt tatha shikshit hota hai. uproktanusar yog jatak ki shiksha ke adhar stanbh hain. kisi bhi jatak ki kundli men uprokt yogon men se ekadhik yog hon to jatak ko uchch samanya shiksha athva vishisht shiksha prapt karne men saflta prapt hoti hai. uprokt yogon ke sath-sath grahon ke parasparik sanbandhon ke karan jatak vibhinn prakar ki shiksha ki or akarshit hota hai tatha ruchi lene lagta hai. uprokt ruchi evan lakshya ke anurup hi uski shiksha hoti hai. prachin kal se hamare rishi-munigan apne anubhvon ke adhar par grahyogon ko dekhakar bhavishyavaniyan karte rahe hain. bahut se hamare pathapradarshak marmagya jyotirvid parashar, bhrigu, jaimini, krishnamurti, pandit vyas ityadi ne is gyan ko barhane men apna yogdan diya hai. jo grah yog hamare acharyon ne die inhin ko adhar manakar age log jyotish gyan arjit kar vyavsayik v parivarik vyavsay ke rup men barhakar jyotishi jane jate rahe hain. samay badlta gaya aur isi badlte samay ke anusar jyotishigan grah samikaran agli pirhi ko dete gaye. yah ek aisa gyan v vyavsay ke rup men ubharakar aya hai jiska sanbandh manav jivan se satat bana hua hai. jigyasa gyan arjan karne ki janni hone ke karan gurh gyanon ko prapt karne ki lalsa padhe-likhe logon tak pahunchi aur is gurh vidya ko jyada se jyada apnakar logon ne jyotishi varg men apna nam arjit kiya hai. jatak ka shikshit hona ek alag vishay hai jabki jatak ke pratibhavan, yogya aur kisi vishesh disha men gunvan hone hetu shiksha ki anivaryata nahin hai. vigyan ka adhyayan to sabhi vigyan ke chatra karte hain parantu ainstin, nyutan ke saman vahi vaigyanik pahunch sakta hai jiski janmakundliyon men atulniya vaigyanik banne ke adbhut yog hon. jyotish shastra ka adhyayan karne se koi varahmihir ya parashar nahin ban sakta. atah in grah yogon ka adhyayan apekshit hai jo jatak ko disha vishesh men pratibha aur gati pradan karte hain. sarvapratham avashyak hai ki janmakundli men pancham bhav athva panchmesh ke bali hone par tatha kisi bhi prakar se papakrant n hone par hi jatak vidvan banta hai. isi bat ko dhyan men rakhte hue is tarkashil samaj men grahon ka vistrit vivechan kar is vichar-goshthi men laya gaya hai, ki kaun se grah, yog, bhaveshon se sanbandh, grah gochar, dashaen, nakshatra yog hone par hi jatak jyotish men uchch shiksha (piech.di) men pravinta prapt kar sakta hai. jyotishi banne tatha is shastra men uchch shiksha prapt karne ke kuch grahyogon ka vivaran prastut hai jo gahan anusandhan ke uprant pae gae hainah -dvitiya tatha tritiya bhav men budh shukra hon to (a) dvitiya men uchch rashigat guru ho to (ba) ekadash men, kendra ya trikon men budh ho aur dvitiyesh balvan ho to jatak jyotishiyon ke madhya men shreshth hota haiai. - buddhi v gyan ka karak grah guru balvan hokar bali chandra ke sath gajkesri yog, lagn, pancham, ashtam v navam bhavon men banne par jatak jyotishi evan hast rekha visheshagya hota hai. -pancham athva saptam bhav men budh shukra ki yuti ho to jatak jyotishi hota hai. -janmakundli men budh guru ki yuti ho ya unmen drishti sanbandh hokar ashtam bhav se sanbandhit ho jaye to jatak gurh vidyaon ka jyotishi hota hai. -budh kendra men ho, guru bali ho, shukra dvitiya bhav men ho tatha tritiya bhav men koi shubh grah ho ya dvitiya bhav shukra hi uchchasth ho to jatak shreshth jyotishi hota hai. - dasham sthan men budh$guru $lagn esha$p ncham esh$ashtam esha$navam esh ityadi jitne bhi adhikadhik grah honge jatak utna hi safal jyotishi hoga. -shukla paksh ki panchmi se lekar krishn paksh ki panchmi tak ka chandra purn bali hokar guru, budh v surya se sanbandh banae evan inapar dashmesh athva ekadshesh ki drishti ho. - shukra dvitiyesh sthan men aur budh ya guru tritiyasth ho athva dvitiya sthan men shukra uchchasth ho tatha dvitiya guru bali hokar kendra ya trikonagat ho to jatak jyotishshastra ka gyata hota hai. aise jatak ko jyotish shastra, hastarekha shastra ya bhavishya kathan se sanbandhit anya pakshon ka adhyayan karna chahie. -pancham ya navam mane guru tatha kendrasth budh ke sath-sath bali dvitiyesh jatak ko safal jyotishi banate hain. aise jatak ko jyotish vidya ya bhavishyakathan se sanbandhit kisi bhi vidya ka adhyayan karna chahie. -dvitiya sthan vani ka hai. is sthan men yadi panchmesh ya budh athva guru ashtamesh ke sath yuti karen to jatak gurh vidya evan purva janm ki baten batane vala bhavishyavakta hota hai. - chaturth sthan men budh ho to jatak ka jhukav jyotish shastra ke adhyayan ki or hota hai. yadi guru bhi trikonagat ho to jatak jyotish shastra ka vishisht vidvan hota hai. -kandra ya trikon men buddhikarak grah ho aur vah shubh grahon ke navansh men ho evan budh v shukra se yukt v drisht ho to ukt yog men janma jatak bhavishyavakta hota hai. aisa hora shastra vettaon ne kaha hai. -ashtamesh panchmesh ke sath lagn men sthit hokar dvitiyesh evan ekadshesh se drisht hon ya anya sanbandh hon to bhi jatak jyotish vigyan men safal hota hai. - budh ya guru kendra ya trikon men ho aur vahan par shubh grahon ki drishti ho to jatak shreshth jyotishi hota hai. - budh aur guru ka paraspar rashi parivartan ho tatha sath hi panchmesh v navmesh ki in donon grah se yuti ya drishti sanbandh ho to jatak jyotish kshetra men apar saflta prapt karta hai. - surya ya mangal dvitiyesh hon aur vah guru se ya shukra se drisht hon to jatak falit jyotish ka gyata hota hai. isi prakar dvitiya sthan men kark rashi men guru ho to bhi jatak ki shiksha uproktanusar hota hai. -lagn, chaturth, pancham, saptam, navam ya dasham sthan men budh ho to jatak falit jyotish ka gyata hota hai. inhin bhavon men guru ke hone se yahi fal prapt hota hai. -guru svarashi ke navansh mane ho tatha karkansh kundli ke pancham bhav men budh ya guru ki sthiti ho to bhi jatak falit visheshagya hota hai. - pancham ya navam sthan men guru-chandra ki yuti hone par jatak jyotishi, samudrikvetta ya kavi hota hai. vigyan ka arth hai kisi bhi kshetra se sanbandhit gyan. mukhyatah jiv vigyan bhautik vigyan, rasayan vigyan v vanaspati vigyan ko hi vastavik vigyan samjha jata hai jabki jyotish shastra bhi ek vigyan hai aur ise vigyan ki shreni men sammilit kiya jana hi paryapt tark sangat hai taki jyotish shastra men samast vishva labhanvit hone hetu ashvast ho sake. jyotish shastra men piech. di. (shodh) karne vale jatkon ko bhi vaigyanikon ki shreni men rakhna chahie. jab koi shodhakarta sanbandhit shodh ko siddh karne ke uprant siddhant pratipadit karne men safal hota hai use santan janm ke sukh ke saman anand ki anubhuti hoti hai. shodh karyon ko parinam tak pahunchne men ek gahan sadhna, sarvang chintan, sandarbhit sthitiyon ka tarkik vivechan aur vishleshan sammilit hota hai. yahan par ham un vishesh grahyogon tatha sthitiyon ka vishleshan karenge jinke janmapatrika men hone par jatak ek safal shodhakatrta (piech. di.) ke rup men prashansit aur pratishthit hota hai. is vichar-goshthi men ham ved-chakshu jyotish ke prakash men shodhakartaon ke janmangon ka adhyayan aur grah yogon ki charcha kar rahe hain jinmen jatak jyotish shastra ke atirikt anya shastron ka bhi shodhakarta hota hai. sutra kra. 1: budh evan guru ka sanbandh pancham sthan tatha dasham sthan se hona chahie. sutra kra. 2: lagn aur pancham sthan ka balshali hona apekshit hai. yadi navam sthan balvan hai to jatak ko shodh ke uprant yash, kirti aur pratishtha prapt hoti hai. sutra kra. 3: isi prakar dvitiya sthan tatha ekadash sthan ke balshali hoene par unke adhiptiyon ke anukul sthiti panchmesh aur navmesh ke sath sanbaddh hone par jatak shodhakarta hone ke sath-sath atyadhik dhan ikattha karne men bhi safal hota hai. sutra kra . 4: shodhakarta jatak ke janmang men mangal ki avhelna nahin ki ja sakti hai kyonki mangal kathor mehanat, talasparshi chintan tatha ganna ka karak grah hai.
Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.