जन्म कुंडली से जानें कब होगी आपकी शादी?

janm kundli se janen kab hogi apki shadi?  

Ank ke aur Lekh | Sambandhit Lekh | Views : 137431 |  
vyakti ki sari gatividhiyan grah, nakshatra aur rashiyon se prabhavit hoti hain. kisi bhi karya ko hone men us karya se sanbandhit grah ka kriyanvit hona jaruri hota hai. tabhi jakar karya sanpann hota hai. - vivah samay nirdharan ke liye sabse pahle kundali men vivah ke yog dekhe jate hain. yadi janm kundli men vivah ke yog nahin honge to shadi hona asanbhav hai. -janm kundali men jab ashubh ya papi grah saptam bhav, saptamesh v shukra se sanbandh banate hain to ve grah vivah men vilamb ka karan bante hain. iske viprit yadi shubh grahon ka prabhav saptam bhav, saptamesh v shukra par parta ho to shadi jald hoti hai. -shadi hone men dasha ka yogdan kafi mahatvapurn hota hai. saptamesh ki dasha-antardasha men vivah- yadi janm kundali men vivah ke yog ki sanbhavnaen banti hon, aur saptamesh ki dasha chal rahi ho aur uska sanbandh shukra grah se sthapit ho jay to jatak ka vivah hota hai. iske sath hi yadi saptamesh ka dvitiyesh ke sath sanbandh ban raha ho to us sthiti men bhi vivah hota hai. saptamesh men navmesh ki dasha- antardasha men vivah: jab dasha ka kram saptamesh v navmesh ka chal raha ho aur in donon grahon ka sanbandh panchmesh se banta ho to is grah dasha men prem vivah hone ki sanbhavnaen banti hanai. pancham bhav prem sanbandh ko darshata hai. saptam bhav men sthit grahon ki dasha men vivah saptam bhav men jo grah sthit hote hain ve grah bhi jatak ki shadi karate hain basharte ki un grahon ki dasha antardasha chal rahi ho aur ve saptamesh se purn drishti sanbandh bana rahe hon aur ve kundli men majbut sthiti men hon. -saptam bhav men sthit grah ya saptamesh jab shubh bhav men, apne mitra rashi ke ghar men baithe hon aur un par shubh grahon ki drishti ho to ve apni dasha ke praranbhik avastha men hi jatak ki shadi kara dete hain. iske viprit yadi saptamesh aur saptam bhav men sthit grah ashubh bhav men baithe hon, apni shatru rashi men hon aur un par ashubh grahon ka prabhav ho to ve apni dasha ke madhya men jatak ki shadi karate hain. iske alava kundli men grahon ki sthiti, drishti, yuti se banne vale yog bhi jatak ke vivah hone ki sanbhavnaen banate hain: -shadi men shukra ka mahatvapurn sthan hai. jab shukra shubh sthit hokar kisi vyakti ki kundali men shubh grah ki rashi tatha shubh bhav (kendra, trikon) men sthit ho, aur shukra ki antardasha ya pratyantar dasha jab ati hai to us samay vivah ho sakta hai. kundali men shukra ka shubh hona vaivahik jivan ki shubhta ko barhata hai. kundli men shukra jitna hi shubh hoga vyakti ka vaivahik jivan sukhamay hoga. -kundli men chahe kisi bhi grah ki dasha kyon n ho. yadi dashanath ka sanbandh shukra se banta ho aur kundli men shukra shubh rashi, shubh grah se yukt hokar naisargik rup se shubh hon, aur gochar men shani, guru se sanbandh banata ho, us sthiti men shukra apni dasha-antardasha men vivah hone ka sanket karta hai. - kundli men aise grah ki dasha chal rahi hai jo grah saptamesh ka mitra hai to is mahadsha men vyakti ke vivah hone ke yog bante hain basharte ki uska sanbandh saptamesh ya shukra se banta ho. - janm kundali men shukra jis grah ke nakshatra men sthit hota hai us grah ki jab dasha chalti hai to us samay men bhi vivah hone ki sanbhavnaen banti hain. - saptam bhav shadi ka ghar hota hai. is bhav ko jo grah dekh raha ho aur vah kundli men bali ho to us grah ki dasha avdhi men vivah ki sanbhavna banti hai. - yadi kundli men lagnesh v saptamesh ki dasha chal rahi ho to aisi sthiti men lagnesh ki dasha men saptamesh ki antardasha men vivah hone ki sanbhavnaen banti hain . - shukra se yuti karne vale grahon ki dasha men vivah hone ki sanbhavna banti hai basharte ki vah bali ho aur saptamesh se drishti sanbandh bana raha ho. atah un sabhi grahon ki dasha-antardasha men vivah hone ki sanbhavnaen banti hain. yadi apki shadi abhi nahin hui hai aur ap yah janna chahte hain ki apki shadi kab hogi to iske lie ap kisi yogya jyotishi se milen.
Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.